ᠤᠪᠤᠭᠠᠨ ᠲᠠᠬᠢᠯᠭᠠ ᠶᠢ ᠲᠤᠬᠢᠯᠢᠭ ᠪᠡᠯᠡᠳᠭᠡᠬᠦ ᠶᠢᠨ ᠲᠤᠰᠠᠳᠠ᠂ ᠵᠢᠯ ᠪᠦᠷᠢ ᠶᠢᠨ ᠤᠪᠤᠭᠠᠨ ᠲᠠᠬᠢᠯᠭᠠ | ᠪᠤᠯᠬᠤ ᠳᠤ ᠯᠠᠮᠠ ᠬᠤᠪᠢᠯᠭᠠᠨ ᠴᠤᠭᠯᠠᠷᠠᠵᠤ ᠨᠤᠮ ᠤᠩᠰᠢᠵᠤ ᠪᠦᠳᠦᠭᠡᠯᠭᠡ ︵ᠪᠦᠳᠦᠭᠡᠬᠦ︶ ᠵᠡᠷᠭᠡ ᠶᠢᠨ ᠦᠢᠯᠡ ᠶᠢ | ᠬᠢᠵᠤ᠂ ᠳ᠋ᠧᠩᠯᠤ ᠡᠯᠭᠦᠵᠤ᠂ ᠬᠦᠵᠢ ᠵᠤᠯᠠ ᠤᠨᠳᠠᠷᠠᠭᠠᠳᠠᠭ ᠦᠭᠡᠢ᠃ ᠲᠠᠬᠢᠭᠠᠳ ᠬᠡᠯᠡᠪᠡᠯ᠂ ᠤᠪᠤᠭᠠᠨ ᠤ | ᠲᠠᠬᠢᠯᠭᠠ ᠨᠢ ᠭᠠᠭᠴᠠ ᠭᠠᠵᠠᠷ ᠤᠰᠤ ᠶᠢ ᠲᠠᠬᠢᠵᠤ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠲᠡᠭᠷᠢ᠂ ᠤᠳᠤᠨ ᠭᠠᠷᠠᠭ᠂ ᠲᠡᠭᠡᠳᠦᠰ | ᠂ ᠰᠦᠨᠡᠰᠦ ᠶᠢ ᠴᠦᠮ ᠲᠠᠬᠢᠳᠠᠭ ᠪᠦᠭᠡᠳ ᠤᠪᠤᠭᠠᠨ ᠳᠤ ᠪᠠᠨ ᠦᠴᠢᠭ ᠲᠠᠭᠠᠳᠬᠠᠯ ᠬᠢᠳᠡᠭ ᠪᠠᠶᠢᠨᠠ᠃ | ᠲᠡᠭᠡᠬᠦ ᠳᠤ ᠪᠠᠨ ᠲᠡᠳᠡᠭᠡᠷ ᠪᠠᠶᠢᠭᠠᠯᠢ ᠶᠢᠨ ᠪᠤᠳᠠᠰ ᠢ ᠭᠠᠭᠴᠠ ᠭᠠᠭᠴᠠ ᠪᠠᠷ ᠨᠢ ᠰᠢᠳᠦᠵᠤ ᠲᠠᠬᠢᠬᠤ ᠪᠢᠰᠢ᠂ ᠬᠠᠷᠢᠨ | ᠪᠠᠶᠢᠭᠠᠯᠢ ᠶᠢᠨ ᠤᠯᠠᠨ ᠲᠠᠬᠢᠯᠭᠠ ᠶᠢ ᠤᠪᠤᠭᠠᠨ ᠲᠡᠭᠡᠷᠠ ᠲᠦᠪᠯᠡᠷᠡᠭᠦᠯᠵᠤ ᠲᠠᠬᠢᠳᠠᠭ᠃ ᠤᠪᠤᠭᠠᠨ ᠤ ᠲᠠᠬᠢᠯᠭᠠ | ᠡᠬᠢᠯᠡᠬᠦ ᠦᠶᠠ ᠳᠤ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠬᠤ ᠪᠠᠷ ᠢᠷᠡᠭᠰᠡᠨ ᠤᠪᠤᠭᠠᠨ ᠳᠤ ᠪᠠᠨ ᠮᠦᠷᠬᠦᠬᠦ ᠶᠢᠨ ᠤᠷᠢᠳ | ᠤᠪᠤᠭᠠᠨ ᠤ ᠲᠠᠬᠢᠯᠭᠠ ᠶᠢᠨ ᠦᠴᠢᠭ ᠤᠩᠰᠢᠵᠤ᠂ ᠨᠤᠳᠤᠭ ᠤᠰᠤᠨ ᠤ ᠰᠠᠬᠢᠭᠤᠰᠤ᠂ ᠲᠡᠭᠷᠢ ᠳᠤ ᠰᠦᠰᠦᠭᠯᠡᠨ | ᠮᠦᠷᠭᠦᠵᠤ ᠤᠪᠤᠭᠠᠨ ᠳᠤ ᠪᠠᠨ ᠪᠤᠷᠭᠠᠰᠤ᠂ ᠴᠢᠯᠠᠭᠤ ᠵᠡᠷᠭᠡ ᠶᠢ ᠨᠡᠮᠡᠷᠢᠯᠡᠭᠡᠳ ᠲᠠᠷᠠᠭᠠ ᠨᠢ ᠠᠪᠴᠢᠷᠠᠭᠰᠠᠨ | ᠲᠡᠭᠡᠵᠢ ᠪᠠᠨ ᠤᠪᠤᠭᠠᠨ ᠳᠤ ᠡᠷᠭᠦᠬᠦ ᠦᠶᠠ ᠳᠤ ᠲᠠᠭᠠᠳᠬᠠᠯ ᠤᠩᠰᠢᠳᠠᠭ᠃ | ᠤᠪᠤᠭᠠᠨ ᠤ ᠦᠴᠢᠭ ︵ᠲᠠᠬᠢᠯᠭᠠ︶ ᠨᠢ ᠭᠤᠤᠯᠳᠠᠭᠤ ᠲᠡᠭᠷᠢ ︵ᠤᠳᠤᠨ ᠭᠠᠷᠠᠭ︶᠂ ᠭᠠᠵᠠᠷ ᠪᠠ ᠨᠤᠳᠤᠭ | ᠤᠰᠤᠨ ᠤ ᠰᠠᠶᠢᠨ ᠰᠠᠶᠢᠬᠠᠨ ᠢ ᠵᠢᠷᠤᠭᠯᠠᠨ ᠲᠦᠷᠰᠦᠯᠡᠬᠦ᠂ ᠮᠦᠨ ᠲᠡᠭᠦᠨ ᠤ ᠭᠠᠪᠢᠶᠠ ᠵᠢᠳᠭᠦᠯ ᠢ ᠢᠷᠦᠭᠡᠨ ᠮᠠᠭᠳᠠᠵᠤ | ᠰᠢᠯᠦᠭᠯᠡᠨ᠂ ᠦᠪᠡᠷᠰᠡᠳ ᠤᠨ ᠢᠶᠠᠨ ᠡᠩᠭᠡ ᠮᠡᠨᠳᠦ᠂ ᠡᠯᠪᠡᠭ ᠪᠠᠶᠠᠨ ᠠᠮᠢᠳᠤᠷᠠᠯ ᠪᠠ ᠠᠵᠠ ᠵᠢᠷᠭᠠᠯ ᠢ ᠵᠦᠩᠨᠡᠨ | ᠪᠡᠯᠭᠡᠳᠡᠭᠰᠡᠨ ᠠᠭᠤᠯᠭᠠ ᠲᠠᠢ ᠪᠠᠶᠢᠳᠠᠭ᠃ ᠤᠪᠤᠭᠠᠨ ᠤ ᠲᠠᠭᠠᠳᠬᠠᠯ ᠨᠢ ᠭᠤᠤᠯᠳᠠᠭᠤ ᠲᠠᠬᠢᠯᠭᠠ ᠳᠤ ᠤᠷᠤᠯᠴᠠᠭᠰᠠᠳ | ᠦᠪᠡᠷ ᠤᠨ ᠰᠠᠳᠤᠨ ᠲᠦᠷᠦᠯ᠂ ᠠᠶᠢᠯ ᠠᠶᠢᠮᠠᠭ᠂ ᠤᠪᠤᠭ ᠤᠭᠰᠠᠭᠠᠳᠠᠨ ᠤ ᠪᠠᠨ ᠬᠠᠷᠢ ᠶᠢᠨ ᠲᠠᠶᠢᠰᠤᠨ ᠤ ᠠᠶᠤᠯ | ᠦᠭᠡᠢ᠂ ᠡᠷᠡᠭᠦᠯ ᠡᠩᠭᠡ ᠪᠦᠭᠡᠳ ᠨᠤᠳᠤᠭ ᠤᠰᠤ ᠨᠢ ᠬᠤᠷᠠ ᠪᠤᠷᠤᠭᠠᠨ ᠲᠠᠢ ᠦᠩᠰᠢᠭ ᠰᠠᠶᠢᠬᠠᠨ ᠪᠠᠶᠢᠬᠤ ᠶᠢ | ᠵᠦᠩᠨᠡᠵᠤ᠂ ᠮᠦᠨ ᠲᠡᠳᠡᠭᠡᠷ ᠤᠨ ᠠᠯᠢᠪᠠ ᠠᠵᠢᠯ ᠦᠢᠯᠡᠰ ᠤᠨ ᠦᠭᠡᠳᠡ ᠡᠰᠡᠷᠡᠭ᠂ ᠦᠪᠡᠷ ᠤᠨ ᠠᠯᠢᠪᠠ ᠦᠢᠯᠡᠰ | ᠰᠡᠳᠬᠢᠯᠴᠢᠯᠡᠨ ᠪᠦᠳᠦᠬᠦ᠂ ᠠᠴᠢᠷ ᠬᠡᠦᠭᠡᠳ ᠨᠤᠮ ᠰᠤᠷᠭᠠᠯ ᠲᠠᠢ ᠪᠠᠶᠢᠬᠤ ᠵᠡᠷᠭᠡ ᠶᠢ ᠵᠠᠯᠪᠠᠷᠢᠨ ᠲᠠᠭᠠᠳᠬᠠᠭᠰᠠᠨ | ᠠᠭᠤᠯᠭᠠ ᠲᠠᠢ ᠪᠠᠶᠢᠳᠠᠭ᠃ ᠤᠪᠤᠭᠠ ᠶᠢ ᠲᠠᠬᠢᠬᠤ ᠳᠤ ᠦᠴᠢᠭ ᠲᠠᠭᠠᠳᠬᠠᠯ ᠨᠢ ᠦᠨᠳᠦᠰᠦᠨ ᠳᠤ ᠪᠠᠨ ᠠᠳᠠᠯᠢ | ᠪᠠᠶᠢᠳᠠᠭ ᠪᠤᠯᠪᠠᠴᠤ ᠭᠠᠩ ᠭᠠᠴᠢᠭ ᠲᠠᠢ ᠵᠢᠯ ᠪᠤᠯ ᠯᠠᠮᠠ ᠨᠠᠷ ᠢᠶᠠᠷ ᠨᠤᠮ ᠤᠩᠰᠢᠭᠤᠯᠵᠤ ᠲᠡᠭᠷᠢ ᠪᠤᠷᠬᠠᠨ ᠠᠴᠠ | ᠪᠤᠷᠤᠭᠠᠨ ᠬᠠᠶᠢᠷᠠᠯᠠᠬᠤ ᠶᠢ ᠭᠤᠶᠤᠵᠤ ᠮᠦᠷᠭᠦᠯ ᠲᠠᠭᠠᠳᠬᠠᠯ ᠬᠢᠳᠡᠭ᠃ ᠢᠩᠬᠢᠭᠰᠡᠨ ᠤ ᠲᠠᠷᠠᠭᠠ ᠤᠪᠤᠭᠠᠨ ᠤ | ᠲᠠᠬᠢᠯᠭᠠ ᠶᠢᠨ ᠲᠠᠭᠠᠭᠠᠮᠠᠯ ᠪᠤᠶᠤ ᠨᠤᠳᠤᠭ ᠤᠨ ᠠᠬᠠᠯᠠᠭᠴᠢ ᠨᠢ ᠵᠢᠯ ᠲᠤᠷᠰᠢᠬᠢ ᠨᠤᠳᠤᠭ ᠤᠷᠤᠨ ᠤ ᠭᠡᠷᠡᠭ | ᠵᠢᠭᠤᠷᠠᠭᠠᠨ᠂ ᠬᠡᠷ ᠪᠦᠯᠢ ᠶᠢᠨ ᠪᠠ ᠠᠶᠢᠯ ᠠᠶᠢᠮᠠᠭ ᠤᠨ ᠡᠪᠳᠡᠷᠡᠯ ᠬᠠᠭᠠᠴᠠᠯ ᠢ ᠰᠢᠳᠤᠷᠭᠤ ᠪᠠᠷ ᠰᠢᠢᠳᠪᠤᠷᠢᠯᠡᠵᠤ | ᠲᠠᠰᠤᠯᠤᠭᠠᠳ ᠭᠡᠷᠡᠭ ᠲᠤ ᠰᠢᠢᠳᠭᠡᠭᠳᠡᠭᠰᠡᠳ ᠢ ᠤᠪᠤᠭᠠᠨ ᠳᠤ ᠮᠦᠷᠭᠦᠭᠦᠯᠵᠤ ᠵᠠᠷᠭᠤ ᠲᠠᠰᠤᠯᠳᠠᠭ᠃ ᠢᠢᠮᠦᠷᠭᠦᠤ | ᠵᠠᠩᠰᠢᠯ ᠰᠡᠭᠦᠯᠳᠡᠵᠤ ᠦᠨᠳᠦᠰᠦᠨ ᠳᠤ ᠪᠠᠨ ᠬᠠᠶᠠᠭᠳᠠᠭᠰᠠᠨ ᠪᠠᠶᠢᠨᠠ᠃ ᠢᠩᠬᠢᠭᠡᠳ ︽ᠤᠪᠤᠭᠠᠨ ᠤ ᠰᠤᠭ︾ ᠢ | ᠤᠪᠤᠭᠠᠨ ᠳᠤ ᠲᠡᠭᠡᠵᠢᠯᠡᠭᠦᠯᠦᠭᠰᠡᠨ ᠤ ᠲᠠᠷᠠᠭᠠ ᠤᠪᠤᠭᠠᠨ ᠤ ᠨᠠᠶᠢᠷ ᠡᠬᠢᠯᠡᠨᠠ᠃ | ᠤᠪᠤᠭᠠᠨ ᠤ ᠨᠠᠶᠢᠷ ᠤᠨ ᠭᠤᠤᠯ ᠠᠭᠤᠯᠭᠠ ᠨᠢ ᠤᠪᠤᠭᠠᠨ ᠤ ᠦᠴᠢᠭ ᠲᠠᠭᠠᠳᠬᠠᠯ ᠬᠢᠬᠦ ᠪᠠ ︽ᠡᠷᠠ ᠶᠢᠨ | ᠭᠤᠷᠪᠠᠨ ᠨᠠᠭᠠᠳᠤᠮ︾ ᠶᠤᠮ᠃ ᠮᠤᠷᠢ ᠤᠷᠤᠯᠳᠤᠬᠤ ᠳᠤ ᠪᠠᠨ ᠠᠵᠢᠷᠭᠠ ᠪᠠ ᠠᠭᠳᠠ ᠮᠤᠷᠢᠳ ᠢ ᠤᠷᠤᠯᠳᠤᠭᠤᠯᠬᠤ | ᠪᠤᠯᠪᠠᠴᠤ ᠠᠭᠳᠠ ᠮᠤᠷᠢᠳ ᠢ ᠠᠵᠢᠷᠭᠠ ᠲᠠᠢ ᠨᠡᠶᠢᠯᠡᠭᠦᠯᠬᠦ ᠦᠭᠡᠢ ᠪᠠᠷ ᠠᠰ ᠲᠤ ᠨᠢ ᠤᠷᠤᠯᠳᠤᠭᠤᠯᠤᠭᠠᠳ ᠬᠤᠷᠳᠤᠨ | ᠮᠤᠷᠢᠳ ᠢ ᠰᠢᠯᠭᠠᠷᠠᠭᠤᠯᠳᠠᠭ᠃ ᠡᠭᠦᠨ ᠤ ᠲᠠᠭᠠᠤ ᠵᠢᠷᠤᠭᠠ ᠮᠤᠷᠢᠳ ᠢ ᠰᠢᠯᠭᠠᠷᠠᠭᠤᠯᠳᠠᠭ᠃ ᠲᠡᠷᠢᠭᠦᠯᠡᠭᠰᠡᠨ | ᠮᠤᠷᠢᠳ ᠲᠤ ᠤᠪᠤᠭᠠᠨ ᠤ ᠲᠠᠬᠢᠯᠭᠠ ᠶᠢᠨ ᠲᠠᠭᠠᠭᠠᠮᠠᠯ ᠠᠴᠠ ᠱᠠᠩᠨᠠᠯ ᠬᠦᠷᠳᠡᠭᠡᠨᠠ᠃ ᠪᠦᠭᠡ ᠨᠢ ᠭᠤᠤᠯᠳᠠᠭᠤ | ᠤᠷᠳᠤᠰ ᠪᠦᠭᠡ ᠮᠦᠷᠦ᠋ᠢᠴᠡᠵᠤ᠂ ᠲᠡᠷᠢᠭᠦᠨ᠂ ᠲᠡᠳ᠋᠂ ᠰᠢᠷᠤᠢ ᠶᠢᠨ ᠪᠦᠭᠡ ᠳᠤ ᠱᠠᠩᠨᠠᠯ ᠤᠯᠭᠤᠨᠠ᠃ ᠬᠤᠰᠢᠭᠤ | ᠲᠡᠰ ᠤᠨ ᠤᠪᠤᠭᠠᠨ ᠤ ᠲᠠᠬᠢᠯᠭᠠ ᠲᠡᠭᠡᠷᠠ ᠪᠦᠭᠡ ᠲᠠᠷᠬᠠᠯᠠᠬᠤ ᠶᠤᠰᠤᠨ ᠪᠠᠶᠢᠳᠠᠭ᠃ ᠨᠤᠮᠤ ᠰᠤᠮᠤ ᠬᠠᠷᠪᠤᠬᠤ ᠨᠢ | ᠪᠠᠰᠠ ᠭᠤᠷᠪᠠᠨ ᠲᠡᠰᠤᠨ ᠱᠠᠩᠨᠠᠯ ᠲᠠᠢ᠃ ᠰᠡᠭᠦᠯ ᠤᠨ ᠦᠶᠠ ᠪᠤᠯᠵᠤ ᠢᠷᠡᠭᠡᠳ ᠡᠨᠡ ᠬᠦ ᠨᠠᠭᠠᠳᠤᠮ ᠴᠦᠭᠡᠷᠡᠵᠡᠢ᠃ | ᠱᠠᠩᠨᠠᠯ ᠢ ᠤᠪᠤᠭᠠᠨ ᠳᠤ ᠡᠷᠭᠦᠭᠰᠡᠨ ᠡᠳ᠋ ᠲᠠᠧᠠᠷ ᠤᠨ ᠪᠠᠶᠢᠳᠠᠯ ᠢ ᠦᠨᠳᠦᠰᠦᠯᠡᠵᠤ ᠲᠤᠭᠳᠠᠭᠠᠳᠠᠭ᠃ ᠶᠡᠭᠡ ᠳᠤ ᠪᠠᠨ | ᠦᠭᠡᠷ᠂ ᠬᠤᠨᠢ᠂ ᠮᠤᠷᠢ ᠱᠠᠩᠨᠠᠬᠤ᠂ ᠤᠯᠠᠩᠬᠢ ᠳᠤ ᠪᠠᠨ ᠬᠡᠪᠤᠨ ᠴᠠᠢ᠂ ᠬᠤᠨᠢᠨ ᠲᠤᠯᠤᠭᠠᠢ᠂ ᠪᠡᠯᠡᠨ ᠮᠦᠩᠭᠦ | ᠵᠡᠷᠭᠡ ᠪᠠᠷ ᠱᠠᠩᠨᠠᠨᠠ᠃ | |