| ᠬᠠᠭᠤᠴᠢᠷᠠᠬᠰᠠᠨ ᠬᠠᠯᠠᠭᠤᠨ ᠬᠡᠳᠡᠭ ᠨᠢ ᠬᠠᠯᠠᠭᠤᠨ ᠤᠳᠠᠭᠠᠰᠢᠷᠠᠬᠰᠠᠨ ᠢ ᠬᠡᠯᠡᠨᠡ᠃ | ᠰᠢᠨᠵᠢ᠄ ᠬᠠᠭᠤᠴᠢᠷᠠᠬᠰᠠᠨ ᠬᠠᠯᠠᠭᠤᠨ ᠤ ᠶᠡᠷᠦᠩᠬᠡᠢ ᠰᠢᠨᠵᠢ ᠨᠢ ᠨᠢᠭᠤᠷ ᠲᠤᠰᠤᠷᠬᠠᠭ᠂ ᠰᠤᠳᠠᠯ ᠨᠢ ᠨᠠᠷᠢᠨ | ᠡᠷᠴᠢᠮᠳᠡᠢ ᠯᠤᠬᠰᠢᠨᠠ᠃ ᠰᠢᠬᠡᠰᠦᠨ ᠤ ᠦᠩᠬᠡ ᠨᠢ ᠤᠯᠠᠭᠠᠨ᠂ ᠦᠶᠠ ᠦᠶᠠ ᠰᠢᠷᠠ ᠦᠰᠦ ᠪᠤᠰᠴᠦ ᠪᠡᠶᠡ | ᠬᠦᠨᠳᠦᠷᠡᠬᠦ᠂ ᠠᠮᠠ ᠵᠠᠪᠠᠭᠠᠷᠠᠬᠤ᠂ ᠲᠠᠩᠨᠠᠢ ᠶᠢᠨ ᠤᠭ ᠲᠤ ᠬᠠᠳᠠᠵᠤ ᠬᠦᠰᠢᠬᠦ᠂ ᠨᠢᠳᠦ ᠤᠯᠠᠶᠢᠵᠤ ᠡᠪᠡᠳᠬᠦ᠂ | ᠨᠢᠯᠪᠤᠰᠤ ᠴᠤᠪᠤᠷᠠᠬᠤ᠂ ᠪᠠᠶᠠ ᠶᠢᠨ ᠮᠢᠬᠠ ᠬᠦᠬᠡᠷᠡᠵᠦ ᠬᠠᠳᠠᠭᠠᠳ ᠦᠴᠦᠬᠡᠨ ᠬᠠᠬ ᠲᠤᠬᠳᠠᠬᠤ᠂ | ᠲᠤᠳᠤᠷ ᠠᠴᠠ ᠪᠠᠨ ᠬᠦᠢᠳᠡᠨ ᠢ ᠬᠦᠰᠡᠬᠦ᠂ ᠰᠡᠬᠦᠳᠡᠷ ᠭᠠᠵᠠᠷ ᠲᠤ ᠲᠠᠭᠠᠳᠠᠢ᠂ ᠴᠡᠬᠡᠵᠢᠨ ᠪᠡᠶᠡ ᠡᠪᠡᠳᠴᠦ | ᠬᠠᠯᠠᠭᠤᠷᠠᠬᠤ᠂ ᠠᠭᠤᠰᠬᠢ ᠵᠢᠷᠦᠬᠡ ᠲᠤᠯᠬᠢᠰᠴᠦ ᠠᠮᠠᠷᠬᠠᠨ ᠬᠦᠯᠦᠰᠦ ᠭᠠᠷᠬᠤ᠂ ᠲᠤᠤᠷᠠ ᠪᠠᠶᠠ ᠦᠶᠠ ᠬᠡᠰᠢᠬᠦᠦ | ᠬᠦᠨᠳᠦᠷᠡᠬᠦ᠂ ᠢᠯᠠᠩᠭᠤᠶᠠ ᠦᠳᠡ ᠪᠠ ᠪᠦᠷᠦᠢ ᠳᠤ ᠡᠪᠡᠳᠬᠦ᠂ ᠨᠦᠢᠷ ᠶᠡᠬᠡᠳᠴᠦ᠂ ᠬᠠᠯᠠᠭᠤᠨ ᠰᠢᠮᠡ ᠲᠠᠢ ᠶᠢ | ᠢᠳᠡᠪᠡᠯ ᠡᠪᠡᠳᠦᠨᠡ᠃ ᠮᠡᠷᠬᠡᠳ ᠡᠬᠦᠨ ᠢ ᠶᠡᠷᠦᠩᠬᠡᠢ ᠰᠢᠨᠵᠢ ᠪᠠᠷ ᠪᠠᠷᠢᠳᠠᠭ᠃ ᠪᠠᠰᠠ ᠠᠮᠠ ᠭᠠᠰᠢᠭᠤᠷᠠᠬᠤ᠂ | ᠦᠰᠦ ᠵᠢᠷᠢᠢᠬᠦ᠂ ᠤᠷᠤᠭᠤᠯ ᠬᠢᠬᠡᠳ ᠰᠢᠳᠦᠨ ᠬᠠᠬ ᠲᠤᠬᠳᠠᠬᠤ᠂ ᠬᠦᠷᠡᠬᠡᠨ ᠰᠤᠳᠠᠯ ᠬᠦᠷᠡᠶᠢᠨᠠ᠃ | ᠵᠠᠰᠠᠬᠤ ᠠᠷᠭᠠ᠄ ᠢᠳᠡᠬᠡᠨ ᠨᠢ ᠬᠦᠷᠦᠬᠡᠰᠦᠨ ᠤ ᠮᠢᠬᠠ᠂ ᠦᠬᠡᠷ ᠤᠨ ᠮᠢᠬᠠ᠂ ᠦᠨᠢᠶᠠ ᠢᠮᠠᠭᠠᠨ ᠤ ᠲᠠᠷᠠᠭ | ᠠᠶᠢᠷᠠᠭ᠂ ᠰᠢᠨᠡ ᠲᠤᠰᠤ᠂ ᠬᠠᠭᠤᠴᠢᠨ ᠠᠷᠪᠠᠢ ᠶᠢᠨ ᠭᠤᠯᠢᠷ ᠵᠡᠷᠬᠡ ᠶᠢ ᠬᠡᠮᠵᠢᠶᠡ ᠶᠤᠰᠤᠭᠠᠷ ᠦᠭᠬᠦᠨᠡ᠃ ᠡᠮ ᠨᠢ | ᠠᠩᠬᠠ ᠬᠠᠭᠤᠴᠢᠷᠠᠬᠰᠠᠨ ᠬᠠᠯᠠᠭᠤᠨ ᠲᠠᠷᠬᠠᠬᠰᠠᠨ ᠳᠤ ᠪᠠᠷᠠᠶᠢᠪᠤ — 3᠂ ᠰᠧᠩᠳᠧᠩ᠂ ᠪᠤᠶᠢᠭᠠᠷ᠂ ᠯᠢᠳᠡᠷᠢ᠂ | ᠳ᠋ᠢᠭᠳᠡ ᠶᠢᠨ ᠬᠦᠢᠳᠡᠨ ᠲᠠᠩ ᠢ ᠲᠠᠪᠤ ᠠᠴᠠ ᠲᠤᠯᠤᠭᠠᠨ ᠬᠤᠨᠤᠭ ᠦᠭᠴᠦ ᠬᠤᠷᠢᠶᠠᠭᠠᠳ᠂ ᠰᠠᠪᠠᠨ ᠳᠤ ᠪᠠᠭᠤᠬᠰᠠᠨ | ᠪᠤᠯ ᠲᠤᠭᠤᠯᠭᠠᠨᠠ᠃ ᠰᠤᠳᠠᠯ ᠳᠤ ᠪᠠᠭᠤᠬᠰᠠᠨ ᠢ ᠬᠠᠨᠠᠨᠠ᠃ ᠬᠠᠯᠠᠭᠤᠨ ᠤ ᠰᠢᠨᠵᠢ ᠨᠢ ᠠᠷᠪᠢᠳᠴᠦ ᠲᠡᠭᠵᠢᠷᠡᠬᠦ | ᠦᠬᠡᠢ ᠪᠤᠯ ᠪᠠᠷᠠᠶᠢᠪᠤᠰᠦ᠋ᠮ᠂ ᠪᠠᠷᠠᠬᠱᠦ᠋ᠨ ᠤ ᠰᠡᠷᠢᠬᠦᠨ ᠲᠠᠩ ᠢ ᠦᠭ᠂ ᠲᠡᠬᠡᠬᠡᠳ ᠭᠠᠪᠤᠷ᠂ ᠯᠠᠳᠤᠤ ᠶᠢᠨ | ᠨᠠᠶᠢᠷᠠᠯᠭᠠ ᠬᠢᠬᠡᠳ ︽ᠦᠨᠳᠦᠰᠦᠨ︾ ᠬᠡᠬᠦ ᠨᠤᠮ ᠳᠤ ᠬᠡᠯᠡᠭᠰᠡᠨ ᠢᠶᠠᠷ ᠭᠠᠪᠤᠷ — 25 ᠶᠢ ᠦᠭᠴᠦ | ᠰᠡᠬᠦᠯᠡᠷ ᠨᠢ ᠲᠠᠪᠤᠨ ᠷᠠᠰᠢᠶᠠᠨ ᠤ ᠠᠭᠤᠷ ᠤᠨ ᠲᠡᠪᠳᠦᠬᠡᠯᠬᠡ ᠦᠢᠯᠡᠳᠦᠬᠡᠳ ᠬᠤᠨᠢᠨ ᠵᠤᠩᠬᠠᠬ ᠢ ᠪᠤᠴᠠᠯᠭᠠᠬᠰᠠᠨ | ᠰᠢᠬᠦᠰᠦ ᠶᠢ ᠱᠠᠪᠰᠢᠪᠠᠯ ᠬᠠᠭᠤᠴᠢᠷᠠᠬᠰᠠᠨ ᠪᠤᠳᠤᠭ ᠮᠡᠳᠦ ᠰᠢᠨᠤᠬᠰᠠᠨ ᠢ ᠬᠠᠭᠤᠯᠤᠨᠠ᠃ ᠡᠬᠦᠨ ᠢᠶᠠᠷ ᠪᠠᠰᠠ | ᠲᠡᠭᠵᠢᠷᠡᠬᠦ ᠦᠬᠡᠢ ᠪᠤᠯ ︽ᠬᠤᠶᠢᠳᠦ ᠦᠨᠳᠦᠰᠦᠨ︾ ᠬᠡᠬᠦ ᠨᠤᠮ ᠳᠤ ᠦᠷᠬᠦᠯᠵᠢ ᠶᠢᠨ ᠲᠤᠭᠤᠯᠭᠠ ᠦᠭ ᠬᠡᠪᠡ᠃ | ᠬᠠᠭᠤᠴᠢᠷᠠᠬᠰᠠᠨ ᠬᠠᠯᠠᠭᠤᠨ ᠢ ᠲᠤᠭᠤᠯᠭᠠᠵᠤ ᠠᠷᠢᠯᠭᠠᠨᠠ᠃ ᠡᠬᠦᠨ ᠢᠶᠠᠷ ᠲᠠᠷᠤᠬᠳᠠᠬᠤ ᠦᠬᠡᠢ ᠪᠤᠯ ᠬᠡᠢ ᠶᠢ | ᠲᠠᠷᠤᠬᠤ ᠨᠠᠶᠢᠷᠠᠯᠭᠠ ᠶᠢ ᠦᠭ᠃ ᠡᠴᠦᠰ ᠰᠡᠬᠦᠯ ᠳᠤᠨᠢ ᠬᠤᠤᠷᠠᠳᠦ ᠮᠤᠭᠠᠢ ᠶᠢᠨ ᠦᠨᠳᠦᠰᠦ ᠶᠢ ᠲᠠᠰᠤᠯᠬᠤ ᠳᠤ | ᠪᠠᠷᠠᠶᠢᠪᠤᠰᠦ᠋ᠮ᠂ ᠰᠠᠷᠠᠳᠭᠠᠷ᠂ ᠶᠡᠷᠦᠩᠬᠡᠢ ᠰᠡᠷᠢᠬᠦᠨ ᠡᠮ᠂ ᠪᠠᠩᠪᠤᠢ᠂ ᠷᠦᠳᠠ᠂ ᠪᠤᠶᠢᠭᠠᠷ ᠨᠠᠢᠮᠠ ᠶᠢ ᠦᠷ ᠤᠨ | ᠦᠶᠡ ᠳᠤ ᠤᠯᠠᠭᠠᠨ ᠨᠦᠢᠯ ᠤᠨ ᠰᠢᠬᠦᠰᠦ ᠪᠠᠷ ᠲᠠᠷᠤᠭᠤᠯᠵᠤ ᠦᠭᠬᠦᠨᠡ᠃ ᠲᠡᠬᠡᠬᠡᠳ ᠵᠤᠵᠠᠭᠠᠨ ᠬᠤᠪᠴᠠᠰᠦ | ᠡᠮᠦᠰᠬᠡᠨ ᠬᠦᠯᠦᠰᠦ ᠭᠠᠷᠭᠠᠨᠠ᠃ ᠡᠬᠦᠨ ᠢᠶᠠᠷ ᠪᠠᠭ᠋ᠠᠨ ᠠᠮᠤᠷᠯᠢᠬᠤ ᠰᠢᠬ ᠪᠤᠯᠪᠠᠯ ᠬᠠᠭᠠᠰ ᠰᠠᠷᠠ ᠠᠷᠪᠠ | ᠬᠤᠨᠤᠭ ᠢᠶᠠᠷ ᠢᠳᠡᠬᠡᠨ ᠤ ᠬᠡᠮᠵᠢᠶᠡ ᠶᠢ ᠬᠠᠰᠤᠨᠠ᠃ ᠭᠠᠪᠤᠷ — 25 ᠪᠤᠶᠤ ᠯᠠᠳᠤᠤ ᠶᠢᠨ ᠡᠮ ᠢ ᠤᠳᠠᠭᠠᠨ | ᠢᠳᠡᠬᠦᠯ᠂ ᠨᠤᠤᠰᠦ ᠶᠢ ᠪᠤᠴᠠᠯᠭᠠᠬᠰᠠᠨ ᠤᠰᠤ ᠶᠢ ᠬᠠᠶᠠ ᠨᠢᠬᠡ ᠱᠠᠪᠰᠢᠨᠠ᠃ | | | ︵︽ᠰᠠᠷᠠᠨ ᠬᠡᠷᠡᠯᠳᠦ ᠡᠮᠴᠢᠯᠡᠭᠡ ᠶᠢᠨ ᠨᠤᠮ︾ ᠠᠴᠠ︶ |