● ᠴᠠᠬᠢᠭᠤᠷ ᠳᠡᠮᠦᠷ | ᠤᠷᠤᠢ ᠶᠢᠨ ᠠᠵᠢᠯ ᠪᠠᠭᠤᠭᠠᠳ ᠠᠲ᠋ᠦ᠋ᠪᠤᠰ ᠤᠨ ᠵᠤᠭᠰᠤᠭᠠᠯ ᠳᠤ ᠬᠦᠮᠦᠨ ᠤ ᠳᠤᠮᠳᠠ ᠰᠢᠬᠠᠯᠳᠤᠨ | ᠡᠬᠡᠯᠵᠢ ᠶᠢᠨ ᠮᠠᠰᠢᠨ ᠢᠬᠦ᠋ᠯᠢᠶᠡᠨ ᠵᠤᠭᠰᠤᠯᠠ᠃ ᠠᠵᠢᠯ ᠪᠠᠭᠤᠬᠤ ︽ᠤᠷᠬᠢᠯ︾ ᠴᠠᠭ ᠲᠤᠯᠠ ᠳᠡᠷᠭᠡᠨ ᠵᠤᠭᠰᠤᠭᠠᠯ | ᠳᠤ ᠬᠦᠮᠦᠰ ᠫᠠᠳ ᠬᠠᠷᠠᠯᠠᠳᠠᠯᠠ ᠤᠷᠳᠤᠮᠦ᠋ᠷᠯᠡᠨ ᠵᠤᠭᠰᠤᠭᠰᠠᠨ ᠪᠠᠶᠢᠯᠠ᠃ ᠶᠡᠭᠡ ᠬᠤᠳᠠ ᠳᠡᠷᠡ ᠳᠤᠳᠤᠮ | ᠢᠶᠠᠨ ᠪᠡᠭᠡᠵᠢᠩ ᠬᠤᠳᠠ ᠭᠡᠳᠡᠭ ᠬᠦᠮᠦᠨ ᠢᠶᠠᠷ ᠪᠠᠶᠠᠨ ᠭᠠᠵᠠᠷ ᠳᠤᠯᠠᠬᠠᠷᠠᠭᠠᠨ ᠳᠤ ᠦᠷᠳᠦᠬᠦ ᠪᠦᠬᠦᠨ ᠳᠤ | ᠬᠦᠮᠦᠰ ᠶᠠᠪᠤᠵᠦ᠂ ᠵᠤᠭᠰᠤᠵᠦ᠂ ᠬᠦᠶᠦᠵᠦ᠂ ᠮᠦᠷᠯᠡᠵᠦ᠁ ᠪᠦᠬᠦᠳᠡ ᠯᠡ ᠬᠦᠮᠦᠨᠬᠠᠷᠠᠭᠳᠠᠨᠠ᠃ | | ᠳᠡᠭᠡᠳᠡᠯᠡ ᠡᠬᠡᠯᠵᠢ ᠶᠢᠨ ᠠᠲ᠋ᠦ᠋ᠪᠤᠰ ᠴᠠᠬᠢᠷᠠᠭᠤᠨ ᠳᠠᠭᠤ ᠲᠠᠲᠠᠭᠤᠯᠤᠭᠰᠠᠭᠠᠷ ᠢᠷᠡᠵᠦ ᠵᠤᠭᠰᠤᠯᠠ᠃ | ᠵᠤᠯ ᠢᠶᠠᠷ ᠨᠡᠯᠢᠶᠡᠳᠬᠤᠭᠤᠰᠤᠨ ᠰᠠᠭᠤᠳᠠᠯ ᠨᠢᠳᠦᠨ ᠳᠤ ᠬᠠᠷᠠᠭᠳᠠᠬᠤ ᠪᠠᠷ ᠨᠢ ᠬᠦᠮᠦᠰ ᠭᠠᠷᠬᠤ ᠬᠠᠭᠠᠯᠭᠠ | ᠤᠷᠤᠭᠤ ᠠᠮᠢ ᠳᠡᠮᠡᠴᠡᠵᠦ ᠡᠬᠢᠯᠡᠯᠡ᠃ ᠠᠵᠢᠯ ᠤᠨᠭᠠᠵᠠᠷ᠂ ᠭᠡᠷ ᠬᠤᠭᠤᠷᠤᠨᠳᠤ ᠠᠰᠤᠷᠤ ᠬᠤᠯᠠ ᠵᠠᠢ ᠲᠠᠢ ᠪᠠᠶᠢᠳᠠᠭ | ᠠᠴᠠ ᠪᠠᠳᠠᠭᠠᠨᠠ ᠬᠦᠷᠳᠡᠯᠡ ᠬᠤᠰᠢᠭᠤ ᠬᠠᠪᠴᠢᠭᠤᠯᠬᠤ ᠵᠠᠢ ᠦᠭᠡᠢᠪᠤᠯᠳᠠᠯᠠ ᠰᠢᠬᠠᠯᠳᠤᠨ ᠵᠤᠭᠰᠤᠭᠰᠠᠨ ᠬᠦᠮᠦᠰ | ᠤᠨ ᠳᠤᠮᠳᠠ ᠴᠢᠬᠢᠯᠳᠦᠨ ᠶᠠᠪᠤᠬᠤ ᠭᠡᠳᠡᠭ ᠵᠤᠪᠠᠯᠠᠩ ᠪᠠᠶᠢᠯᠠ᠃ ᠳᠡᠭᠡᠭᠡᠳ ᠰᠢᠬᠠᠯᠳᠤᠭᠰᠠᠭᠠᠷᠪᠠᠶᠢᠵᠦ᠂ ᠶᠠᠭᠤ ᠴᠦ | ᠭᠡᠰᠡᠨ ᠭᠤᠷᠪᠠᠨ ᠵᠡᠷᠭᠡᠴᠡᠭᠰᠡᠨ ᠰᠠᠭᠤᠳᠠᠯ ᠤᠨ ᠬᠠᠮᠤᠭ ᠤᠨ ᠳᠤᠳᠤᠷᠠᠬᠢ ᠶᠢ ᠨᠢ ᠡᠵᠡᠯᠡᠯᠡ᠃ ᠬᠠᠵᠠᠭᠤ ᠳᠤ | ᠨᠢᠭᠡᠲ᠋ᠠᠯᠠ ᠭᠠᠷᠤᠢ ᠨᠠᠰᠤᠨ ᠤ ᠬᠦᠭᠰᠢᠨ ᠢᠷᠡᠵᠦ ᠰᠠᠭᠤᠪᠠ᠃ | ᠳᠤᠬᠠᠳᠠᠶᠢᠬᠠᠨ ᠤᠷᠤ ᠤᠯᠤᠭᠰᠠᠨ ᠳᠠᠭᠠᠨ ᠪᠢ ᠰᠡᠮ ᠪᠠᠶᠠᠰᠤᠨ ᠰᠡᠳᠬᠢᠯ ᠠᠮᠠᠷᠠᠵᠦ᠂ ︽ᠮᠤᠩᠭᠤᠯ ᠤᠨ | ᠨᠢᠭᠤᠴᠠ ᠳᠤᠪᠴᠢᠶᠠᠨ︾ ᠭᠠᠷᠭᠠᠨ ᠤᠩᠰᠢᠵᠦ ᠶᠠᠪᠤᠯᠠ᠃ ᠳᠡᠷᠡ ᠨᠠᠰᠤᠳᠠᠨ ᠨᠤᠮ ᠤᠷᠤᠭᠤ ᠨᠢᠳᠦ ᠪᠠᠨ ᠤᠨᠢᠢᠯᠭᠠᠨ | ᠱᠠᠭᠠᠶᠢᠵᠦ ᠪᠠᠶᠢᠪᠠ᠃ ᠳᠡᠭᠡᠳᠡᠯᠡ ᠨᠢᠭᠡ ᠨᠠᠶᠢᠵᠠᠤᠳᠠᠰᠤ ᠢᠷᠡᠬᠦᠯᠦᠭᠡᠳ ᠪᠢᠳᠡ ᠨᠡᠯᠢᠶᠡᠳ ᠤᠳᠠᠭᠠᠨ ᠶᠠᠷᠢᠯᠴᠠᠯᠠ᠃ | | — ᠶᠠᠮᠠᠷ ᠬᠡᠯᠡ ᠪᠠᠷ ᠶᠠᠷᠢᠵᠦ ᠪᠠᠶᠢᠨᠠ ᠪᠤᠢ︖ ᠶᠠᠭ ᠤᠶᠢᠯᠠᠭᠠᠭᠳᠠᠬᠤ ᠦᠭᠡᠢ ᠭᠡᠵᠦ ᠨᠦᠬᠦᠭᠡ | ᠨᠠᠰᠤᠳᠠᠨ ᠵᠡᠷᠭᠡᠴᠡᠵᠦᠰᠠᠭᠤᠭᠰᠠᠨ ᠬᠦᠮᠦᠨ ᠳᠤ ᠶᠠᠷᠢᠵᠦ ᠪᠠᠶᠢᠬᠤ ᠨᠢ ᠳᠡᠷᠡ᠃ ᠪᠢᠳᠡᠨ ᠤ ᠶᠠᠷᠢᠶᠠ ᠳᠠᠭᠤᠰᠳᠠᠯᠠ ᠳᠡᠷᠡ | ᠨᠠᠰᠤᠳᠠᠨ ᠨᠠᠳᠠ ᠤᠷᠤᠭᠤ ᠬᠠᠷᠠᠵᠦ᠄ | — ᠴᠢ ᠶᠠᠫᠤᠨ ᠢᠶᠠᠷ ᠶᠠᠷᠢᠵᠦ ᠪᠠᠶᠢᠨᠠ ᠤᠤ︖ ᠭᠡᠵᠦ ᠭᠠᠶᠢᠬᠠᠨ ᠠᠰᠠᠭᠤᠪᠠ᠃ ᠪᠡᠭᠡᠵᠢᠩ ᠤᠨ | ᠨᠠᠰᠤᠳᠠᠶᠢᠴᠤᠤᠯ ᠶᠠᠭᠤᠮᠠᠨ ᠳᠤ ᠳᠤᠷᠠᠳᠠᠢ᠂ ᠰᠤᠨᠢᠭᠤᠴᠢ ᠭᠡᠳᠡᠭ ᠨᠢ ᠵᠢᠭᠳᠡᠢ ᠶᠤᠮ᠃ ᠪᠢ᠄ | — ᠮᠤᠩᠭᠤᠯ ᠬᠡᠯᠡ ᠪᠠᠷ︕ ᠬᠡᠯᠡ᠃ ᠳᠡᠭᠡᠳᠡᠯᠡ ᠳᠡᠷᠡ ᠨᠠᠰᠤᠳᠠᠨ᠄ | — ᠠ︖ ᠪᠢ ᠶᠠᠭ ᠤᠶᠢᠯᠠᠭᠠᠭᠰᠠᠨ ᠦᠭᠡᠢ᠂ ᠶᠠᠭᠠᠬᠢᠭᠠᠳ ᠬᠢᠳᠡᠳ ᠢᠶᠠᠷ ᠶᠠᠷᠢᠬᠤ ᠦᠭᠡᠢ ᠪᠤᠢ︖ | ᠭᠡᠬᠦ ᠬᠠᠴᠢᠨᠠᠰᠠᠭᠤᠯᠳᠠ ᠳᠠᠯᠪᠢᠬᠤ ᠨᠢ ᠳᠡᠷᠡ᠃ ᠳᠤᠳᠤᠷᠠ ᠨᠢᠭᠡ ᠯᠡ ᠳᠤᠷᠠ ᠦᠭᠡᠶᠢᠴᠡᠵᠦ᠄ | — ᠪᠢ ᠮᠤᠩᠭᠤᠯ ᠬᠦᠮᠦᠨ᠂ ᠡᠬᠡ ᠬᠡᠯᠡ ᠪᠠᠷ ᠢᠶᠠᠨ ᠶᠠᠷᠢᠬᠤ ᠦᠭᠡᠢ ᠳᠡᠭᠡᠭᠡᠳ ᠶᠠᠮᠠᠷ ᠬᠡᠯᠡ ᠪᠠᠷ | ᠶᠠᠷᠢᠬᠤ ᠪᠤᠢ︖ ᠭᠡᠵᠦᠨᠡᠯᠢᠶᠡᠳ ᠬᠡᠭᠵᠢᠬᠦᠨ ᠬᠡᠳᠡᠷᠬᠦ ᠠᠰᠠᠭᠤᠪᠠ᠃ | — ᠠᠶᠠ᠂ ᠨᠡᠭᠡᠷᠡᠨ ᠬᠠᠴᠢᠨ ᠪᠠᠶᠢᠨᠠ᠂ ᠳᠠᠨᠤᠰ ᠡᠬᠡ ᠬᠡᠯᠡ ᠪᠠᠷ ᠢᠶᠠᠨ ᠬᠠᠷᠢᠶᠠᠬᠤ ᠶᠤᠮ ᠪᠤᠯ ᠪᠢᠳᠡ ᠨᠢᠭᠡ | ᠴᠦ ᠤᠶᠢᠯᠠᠭᠠᠬᠤᠦᠭᠡᠢ ᠬᠡᠪᠡ᠃ ᠪᠢ ᠳᠡᠷᠡ ᠨᠠᠰᠤᠳᠠᠨ ᠳᠤ ᠶᠠᠭᠤ ᠬᠡᠯᠡᠬᠦ ᠪᠠᠨ ᠤᠯᠬᠤ ᠦᠭᠡᠢ ᠪᠤᠯᠪᠠ᠃ | ᠪᠢ ᠬᠠᠷᠢᠭᠤ ᠶᠠᠷᠢᠯ ᠦᠭᠡᠢ ᠨᠤᠮ ᠢᠶᠠᠨ ᠤᠩᠰᠢᠵᠦ ᠰᠠᠭᠤᠯᠠ᠃ ᠳᠡᠭᠡᠳᠡᠯᠡ ᠨᠦᠬᠦᠭᠡ ᠨᠠᠰᠤᠳᠠᠨ ᠮᠢᠨᠤ ᠨᠤᠮ | ᠤᠷᠤᠭᠤ ᠪᠠᠶᠢᠨᠲ᠋ᠠᠬᠢᠨ ᠱᠠᠭᠠᠶᠢᠵᠦ᠂ ᠨᠠᠳᠠ ᠲᠠᠢ ᠵᠤᠭᠤᠭ ᠳᠡᠯᠭᠡᠬᠦ ᠬᠦᠰᠡᠯᠳᠡᠢ ᠪᠠᠶᠢᠭᠠ ᠨᠢ ᠢᠯᠡᠭᠡᠨ᠃ | — ᠲᠠᠨ ᠤ ᠡᠨᠡ ᠦᠵᠡᠵᠦ ᠪᠠᠶᠢᠭᠠ ᠴᠢᠨᠢ ᠮᠤᠩᠭᠤᠯ ᠦᠰᠦᠭ ᠤᠤ︖ ᠶᠠᠮᠠᠷ ᠬᠠᠴᠢᠨ ᠶᠤᠮ᠂ ᠪᠢ | ᠨᠢᠭᠡ ᠴᠦ ᠤᠳᠠᠭᠠ ᠬᠠᠷᠠᠵᠦ ᠪᠠᠶᠢᠭᠰᠠᠨ ᠦᠭᠡᠢ︕ ᠭᠡᠵᠦ ᠶᠠᠷᠢᠶᠠ ᠡᠬᠦᠰᠭᠡᠪᠡ᠃ ᠪᠢ ᠬᠠᠷᠢᠭᠤ ᠶᠠᠷᠢᠯ ᠦᠭᠡᠢ | ᠰᠠᠭᠤᠭᠰᠠᠨ ᠢᠶᠠᠨ ᠳᠡᠰᠭᠡᠯ ᠦᠭᠡ᠊ ᠢ᠄ | — ᠲᠠ ᠬᠤᠳᠠᠯ ᠶᠠᠷᠢᠬᠤ ᠨᠢ ᠤᠤ︖ ᠡᠳᠦᠷ ᠡᠳᠦᠷ ᠬᠠᠷᠠᠵᠦ ᠪᠠᠶᠢᠭᠰᠠᠨ ᠪᠠᠶᠢᠯᠬᠦᠢ ᠭᠡᠬᠦ ᠳᠤ ᠳᠡᠷᠡ | ᠮᠡᠩᠳᠡᠬᠦᠷᠡᠵᠦ᠄ | — ᠦᠭᠡᠢ ᠦᠭᠡᠢ︕ ᠯᠠᠪ ᠬᠠᠷᠠᠭᠠ ᠦᠭᠡᠢ︕ ᠭᠡᠵᠦ ᠦᠪᠡᠷ ᠢ ᠪᠠᠨ ᠴᠠᠭᠠᠪᠤᠷᠢᠯᠠᠪᠠ᠃ | — ᠲᠠ ᠡᠳᠦᠷ ᠲᠡᠭᠡᠨ ᠮᠦᠩᠬᠦ ᠵᠠᠷᠤᠳᠠᠭ ᠪᠢᠵᠡ︖ | — ᠬᠦᠶ᠋ᠢ᠂ ᠵᠠᠷᠤᠯ ᠦᠭᠡᠢ ᠶᠠᠭᠠᠬᠢᠬᠤᠪ᠂ ᠮᠦᠩᠬᠦ ᠦᠭᠡᠢ ᠪᠠᠷ ᠬᠦᠮᠦᠨ ᠶᠠᠭᠠᠬᠢᠵᠦ ᠠᠮᠢᠳᠤᠷᠠᠬᠤ ᠪᠤᠢ︖ | | — ᠳᠡᠭᠡᠪᠡᠯ ᠳᠡᠷᠡ ᠶᠤᠸᠠᠨ ᠳᠡᠭᠡᠷᠡ ᠴᠢᠨᠢ ᠪᠠᠶᠢᠭᠠ ᠰᠢᠦ ᠳ᠋ᠠ︕ ᠭᠡᠰᠡᠨ ᠳᠤ ᠳᠡᠷᠡ ᠭᠠᠶᠢᠬᠠᠵᠦ᠄ | — ᠠ︖ ᠶᠤᠸᠠᠨ ᠳᠡᠭᠡᠷᠡ ᠤᠤ︖ ᠭᠡᠵᠦ ᠨᠢᠭᠡ ᠯᠡ ᠢᠳᠡᠭᠡᠬᠦ ᠦᠭᠡᠢ ᠪᠠᠶᠢᠭᠰᠠᠨ ᠢᠶᠠᠨ ᠴᠦᠩᠬᠦ ᠪᠠᠨ | ᠠᠭᠤᠳᠠᠯᠠᠨ᠂ ᠨᠢᠭᠡᠳᠦᠶᠢᠨ ᠶᠤᠸᠠᠨ ᠭᠠᠷᠭᠠᠵᠦ ᠡᠷᠬᠢᠬᠦᠯᠵᠦ ᠤᠷᠪᠠᠭᠤᠯᠵᠦ ᠬᠠᠷᠠᠭᠰᠠᠨ ᠢᠶᠠᠨ᠄ | — ᠬᠠᠮᠢᠭᠠ ᠨᠢ ᠪᠠᠶᠢᠨᠠ︖ ᠮᠤᠩᠭᠤᠯ ᠦᠰᠦᠭ︖ ᠭᠡᠬᠦ ᠳᠤᠨᠢ ᠪᠢ ︽ᠳᠤᠮᠳᠠᠳᠤ ᠤᠯᠤᠰ ᠤᠨ ᠠᠷᠠᠳ | ᠤᠨ ᠪᠠᠩᠬᠢ ᠨᠢᠭᠡᠲ᠋ᠦ᠋ᠬᠦᠷᠢᠭ︾ ᠭᠡᠰᠡᠨ ᠦᠰᠦᠭ ᠢ ᠵᠢᠭᠠᠵᠦ ᠦᠭᠪᠡ᠃ | — ᠬᠠᠢ︕ ᠨᠡᠭᠡᠷᠡᠨ ᠪᠠᠶᠢᠨᠠ︕ | ᠪᠤᠷᠬᠠᠨ ᠮᠢᠨᠢ︕ ᠦᠭᠡᠷᠡ ᠬᠡᠯᠡ ᠶᠢ ᠢᠩᠬᠢᠵᠦ ᠤᠶᠢᠯᠠᠭᠠᠬᠤ ᠭᠡᠳᠡᠭ ᠶᠠᠭᠤ ᠭᠡᠵᠦ ᠬᠡᠯᠡᠯᠳᠡᠢ ᠪᠢᠯᠡ ⁈ | ᠪᠢᠳᠡ ᠢᠷᠦᠭᠡᠯᠴᠢᠦᠨᠳᠦᠰᠦᠳᠡᠨ᠂ ᠬᠠᠷᠢᠨ ᠬᠠᠷᠢᠶᠠᠯᠴᠢ ᠦᠨᠳᠦᠰᠦᠳᠡᠨ ᠪᠢᠰᠢ ᠰᠢᠦ︕ ᠪᠢᠳᠡᠨ ᠤ ᠬᠡᠯᠡᠨ ᠳᠤ | ᠬᠠᠷᠢᠶᠠᠯ ᠤᠨ ᠦᠭᠡ ᠴᠦ ᠪᠠᠶᠢᠳᠠᠭ ᠦᠭᠡᠢ᠂ ᠬᠠᠷᠢᠶᠠᠬᠤ ᠨᠢ ᠬᠦᠷᠳᠡᠯᠡ ᠢᠷᠦᠭᠡᠵᠦ ᠬᠠᠷᠢᠶᠠᠳᠠᠭ᠃ ᠬᠡᠳᠦᠨ ᠵᠠᠭᠤᠨ | ᠵᠢᠯ ᠤᠨ ᠡᠮᠦᠨᠡ ᠳᠠᠨ ᠤ ᠳᠡᠭᠡᠳᠦᠰ ᠨᠠᠷ ᠮᠠᠨ ᠤ ᠳᠡᠭᠡᠳᠦᠰ ᠤᠨᠵᠠᠷᠯᠢᠭ ᠴᠠᠭᠠᠵᠠ ᠶᠢ ᠯᠠᠪ ᠤᠶᠢᠯᠠᠭᠠᠵᠦ | ᠪᠠᠶᠢᠭᠰᠠᠨ ᠪᠠᠶᠢᠬᠠ ᠳ᠋ᠠ ᠨᠠᠰᠤᠳᠠᠨ ᠮᠢᠨᠢ︕ | ᠳᠡᠷᠡ ᠬᠦᠭᠰᠢᠨ ᠳᠠᠬᠢᠭᠠᠳ ᠶᠠᠭᠤᠮᠠ ᠶᠠᠷᠢᠬᠤ ᠭᠡᠬᠦ ᠳᠤ ᠨᠢ ᠪᠢ ᠳᠡᠬᠦᠨ ᠤ ᠡᠮᠦᠨᠡ ᠠᠴᠠ ᠢᠴᠢᠨ ᠨᠢᠭᠡᠨᠳᠡ | ᠠᠯᠠᠭᠠ ᠪᠤᠯᠤᠭᠰᠠᠨᠪᠠᠶᠢᠯᠠ᠃ ᠬᠦᠮᠦᠨ ᠤ ᠡᠮᠦᠨᠡ ᠠᠴᠠ ᠦᠪᠡᠷ ᠢᠶᠠᠨ ᠢᠴᠢᠬᠦ ᠰᠢᠭ ᠦᠢᠯᠡ ᠶᠢᠨ ᠦᠷᠡ ᠠᠯᠠᠭᠠ | ᠡ︕ ᠲᠡᠷᠡ ᠭᠱᠠᠨ ᠳᠤ ᠪᠢ ︽ᠨᠢᠭᠤᠴᠠᠲ᠋ᠤᠪᠴᠢᠶᠠᠨ︾ ᠤ ᠨᠢᠭᠡᠨ ᠦᠬᠦᠯᠡᠪᠦᠷᠢ ᠶᠢᠨ ᠳᠤᠳᠤᠷᠠᠬᠢ ᠳᠤᠳᠠᠵᠦ | ᠪᠠᠶᠢᠭᠰᠠᠨ ᠨᠢ ᠲᠡᠶᠢᠨ ᠢᠯᠭᠠᠯ ᠤᠨ ᠳᠠᠭᠠᠪᠤᠷᠢ ᠬᠤᠪᠢᠯᠤᠨ ᠳᠡᠬᠦᠨ ᠤᠠᠷᠴᠠᠭᠠ ᠦᠭᠡᠢ ᠠᠰᠠᠭᠤᠯᠳᠠ ᠠᠴᠠ | ᠳᠤᠳᠠᠭᠠᠭᠰᠠᠨ ᠪᠢᠯᠡ᠃ |