| ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠲᠦᠷᠦᠯ ᠬᠤᠪᠢᠶᠠᠬᠤ ᠪᠠ ᠬᠡᠷᠡᠭᠡᠯᠡᠬᠦ ︵ᠨᠢᠭᠡ︶ ᠤᠷᠤᠭᠤᠯᠵᠤ | ᠢᠷᠡᠭᠰᠡᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠲᠦᠷᠦᠯ ᠬᠤᠪᠢᠶᠠᠬᠤ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠦᠨᠳᠦᠰᠦᠨ ᠳᠡᠭᠡᠨ | ᠳᠠᠩ ᠡᠭᠦᠯᠳᠡᠷ ᠤᠨ ᠦᠷᠠᠰ ᠭᠠᠭ᠋ᠠᠢ ᠪᠠ ᠪᠦᠲᠦᠨ ᠤᠳᠤᠮ ᠤᠨ ᠦᠷᠡᠰ ᠭᠠᠭ᠋ᠠᠢ ᠭᠡᠵᠦ ᠬᠤᠪᠢᠶᠠᠨᠠ᠃ ᠳᠠᠩ | ᠡᠭᠦᠯᠳᠡᠷ ᠤᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠴᠡᠪᠡᠷ ᠦᠷᠡᠰ ᠭᠠᠭ᠋ᠠᠢ᠂ ᠡᠷᠯᠢᠰᠡ ᠭᠠᠭ᠋ᠠᠢ ᠭᠡᠵᠦ ᠬᠤᠪᠢᠶᠠᠨᠠ᠃ ᠪᠦᠲᠦᠨ | ᠡᠭᠦᠯᠳᠡᠷ ᠤᠨ ᠭᠠᠭ᠋ᠠᠢ ᠶᠢ ᠡᠯᠳᠴᠡ ᠦᠶᠡ᠂ ᠡᠪᠦᠭᠡ ᠶᠢᠨ ᠦᠶᠡ᠂ ᠡᠴᠢᠭᠡ ᠡᠬᠡ ᠶᠢᠨ ᠦᠶᠡ ᠭᠡᠵᠦ ᠬᠤᠪᠢᠶᠠᠳᠠᠭ᠃ | 1᠂ ᠴᠡᠪᠡᠷ ᠡᠭᠦᠯᠳᠡᠷ ᠤᠨ ᠭᠠᠭ᠋ᠠᠢ ᠡᠭᠦᠨ ᠳᠤ ᠨᠤᠲᠤᠭ ᠤᠨ ᠡᠭᠦᠯᠳᠡᠷ ᠤᠨ ᠭᠠᠭ᠋ᠠᠢ ᠪᠣᠯᠬᠤ ᠵᠡᠭᠦᠨ ᠬᠤᠶᠢᠲᠤ ᠶᠢᠨ | ᠠᠷᠠᠳ ᠤᠨ ᠭᠠᠭ᠋ᠠᠢ᠂ ᠲᠠᠢ ᠬᠤ᠋ ᠭᠠᠭ᠋ᠠᠢ ᠪᠠᠭᠲᠠᠵᠤ᠂ ᠪᠤᠶᠢᠵᠢᠭᠤᠯᠤᠭᠰᠠᠨ ᠡᠭᠦᠯᠳᠡᠷ ᠲᠤ ᠰᠠᠨᠵᠢᠶᠠᠩ ᠭᠠᠭ᠋ᠠᠢ᠂ | ᠬᠤᠪᠧᠢ ᠭᠠᠭ᠋ᠠᠢ᠂ ᠰᠦ᠋ ᠲᠠᠢ ᠭᠠᠭ᠋ᠠᠢ ᠪᠠᠭᠲᠠᠨᠠ᠃ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠡᠭᠦᠯᠳᠡᠷ ᠲᠤ ᠤᠷᠲᠤ ᠴᠠᠭᠠᠨ ᠭᠠᠭ᠋ᠠᠢ᠂ | ᠲᠤᠮᠤ ᠴᠠᠭᠠᠨ ᠭᠠᠭ᠋ᠠᠢ᠂ ᠳ᠋ᠤᠯᠤᠸᠧᠺᠧ ᠭᠠᠭ᠋ᠠᠢ᠂ ᠫᠢᠲ᠋ᠧᠯᠡᠨ ᠭᠠᠭ᠋ᠠᠢ ᠵᠡᠷᠭᠡ ᠪᠠᠭᠲᠠᠳᠠᠭ᠃ 2᠂ ᠡᠷᠯᠢᠰᠡᠵᠢᠭᠦᠯᠦᠭᠰᠡᠨ | ᠭᠠᠭ᠋ᠠᠢ ᠣᠷᠣᠭᠤᠯᠵᠣ ᠢᠷᠡᠭᠰᠡᠨ ᠬᠤᠶᠠᠷ ᠡᠭᠦᠯᠳᠡᠷ ᠤᠨ ᠭᠠᠭ᠋ᠠᠢ ᠶᠢ ᠡᠷᠯᠢᠰᠡᠵᠢᠭᠦᠯᠦᠭᠡᠳ ᠪᠤᠶᠢᠵᠢᠭᠤᠯᠤᠭᠰᠠᠨ ᠦᠷᠡᠰ | ᠭᠠᠭ᠋ᠠᠢ ᠪᠤᠯᠤᠨᠠ᠃ ᠣᠳᠣᠬᠠᠨ ᠤ ᠵᠠᠬᠠ ᠳᠡᠯᠭᠡᠭᠦᠷ ᠲᠤ ᠪᠠᠶᠢᠭᠠ ᠤᠷᠲᠤ ᠲᠤᠮᠤ ᠭᠠᠭ᠋ᠠᠢ ᠪᠣᠯ ᠤᠷᠲᠤ ᠴᠠᠭᠠᠨ | ᠡᠭᠦᠯᠳᠡᠷ ᠤᠨ ᠠᠵᠢᠷᠭᠠᠨ ᠭᠠᠭ᠋ᠠᠢ ᠪᠠᠷ ᠲᠤᠮᠤ ᠴᠠᠭᠠᠨ ᠭᠠᠭ᠋ᠠᠢ ᠶᠢᠨ ᠮᠡᠭᠡᠵᠢ ᠶᠢ ᠬᠡᠬᠡᠯᠳᠦᠭᠦᠯᠦᠭᠡᠳ ᠭᠠᠷᠤᠭᠰᠠᠨ | ᠬᠤᠶᠢᠴᠢ ᠦᠶᠡ ᠶᠣᠮ᠃ ᠲᠤᠮᠤ ᠣᠷᠲᠣ ᠭᠠᠭ᠋ᠠᠢ ᠪᠣᠯ ᠲᠤᠮᠤ ᠴᠠᠭᠠᠨ ᠭᠠᠭ᠋ᠠᠢ ᠶᠢᠨ ᠠᠵᠢᠷᠭᠠᠨ ᠭᠠᠭ᠋ᠠᠢ ᠪᠠᠷ ᠤᠷᠲᠤ | ᠴᠠᠭᠠᠨ ᠭᠠᠭ᠋ᠠᠢ ᠶᠢᠨ ᠮᠡᠭᠡᠵᠢ ᠶᠢ ᠬᠡᠬᠡᠯᠳᠦᠭᠦᠯᠦᠭᠡᠳ ᠭᠠᠷᠴᠠᠢ᠃ ᠡᠷᠯᠢᠰᠡ ᠭᠠᠭ᠋ᠠᠢ ᠶᠢ ᠪᠤᠶᠢᠵᠢᠭᠤᠯᠬᠤ | 3᠂ ᠡᠯᠳᠴᠡ ᠶᠢᠨ ᠦᠶᠡ | ᠡᠨᠡ ᠨᠢ ᠪᠦᠲᠦᠨ ᠤᠳᠤᠮ ᠤᠨ ᠡᠭᠦᠯᠳᠡᠷ ᠲᠤ ᠪᠠᠭᠲᠠᠨᠠ᠃ ᠳᠠᠷᠤᠢ ᠪᠦᠲᠦᠨ ᠤᠳᠤᠮ ᠤᠨ ᠳᠤᠲᠤᠷᠠᠬᠢ | ᠬᠠᠮᠤᠭ ᠤᠨ ᠡᠬᠢᠨ ᠤ ᠦᠷᠡᠰ ᠭᠠᠭ᠋ᠠᠢ ᠪᠣᠯᠣᠨᠠ᠃ ᠡᠯᠳᠴᠡ ᠶᠢᠨ ᠦᠶᠡ ᠶᠢ ᠶᠡᠷᠦᠳᠡᠭᠡᠨ ᠲᠤᠰᠬᠠᠢ ᠤᠳᠤᠮ | ᠭᠡᠳᠡᠭ᠃ | ᠤᠳᠤᠬᠠᠨ ᠳᠤ ᠳᠡᠯᠡᠬᠡᠢ ᠳᠡᠭᠡᠷᠡ ᠪᠠᠶᠢᠭᠠ ᠪᠦᠲᠦᠨ ᠡᠭᠦᠯᠳᠡᠷ ᠤᠨ ᠭᠠᠭ᠋ᠠᠢ ᠶᠢᠨ ᠡᠯᠳᠴᠡ ᠪᠣᠯ ᠤᠷᠲᠤ ᠴᠠᠭᠠᠨ | ᠭᠠᠭ᠋ᠠᠢ᠂ ᠲᠤᠮᠤ ᠴᠠᠭᠠᠨ ᠭᠠᠭ᠋ᠠᠢ᠂ ᠳ᠋ᠤᠯᠤᠸᠧᠺᠧ ᠭᠠᠭ᠋ᠠᠢ ᠪᠠ ᠫᠢᠲ᠋ᠧᠯᠡᠨ ᠭᠠᠭ᠋ᠠᠢ ᠵᠡᠷᠭᠡ ᠳᠦᠷᠪᠡᠨ ᠡᠭᠦᠯᠳᠡᠷ ᠤᠨ | ᠭᠠᠭ᠋ᠠᠢ | ᠪᠣᠯᠬᠤ ᠪᠣᠶᠣ ᠲᠡᠳᠡᠭᠡᠷ ᠤᠨ ᠬᠤᠭᠤᠷᠤᠨᠳᠤᠬᠢ ᠡᠷᠯᠢᠰᠡ ᠡᠭᠦᠯᠳᠡᠷ ᠪᠤᠯᠤᠨᠠ᠃ | ᠪᠦᠲᠦᠨ ᠤᠳᠤᠮ ᠤᠨ ᠭᠠᠭ᠋ᠠᠢ ᠶᠢᠨ ᠰᠢᠰᠲ᠋ᠧᠮ ᠳᠤ ᠬᠤᠶᠠᠷ ᠵᠦᠢᠯ ᠤᠨ ᠡᠭᠦᠷᠭᠡ ᠪᠠᠶᠢᠳᠠᠭ᠃ ᠨᠢᠭᠡ ᠨᠢ | ᠡᠯᠳᠴᠡ ᠭᠠᠭ᠋ᠠᠢ ᠶᠢᠨ ᠦᠪᠡᠷ ᠤᠨ ᠰᠦᠷᠦᠭ ᠤᠨ ᠦᠷᠡᠵᠢᠭᠦᠯᠦᠯᠭᠡ ᠬᠢᠨᠡ᠃ ᠬᠤᠶᠠᠷ ᠲᠤ᠂ ᠡᠪᠦᠭᠡ | ᠦᠶᠡ ᠶᠢᠨ | ᠦᠷᠡᠰ ᠭᠠᠭ᠋ᠠᠢ ᠶᠢ ᠦᠷᠡᠵᠢᠭᠦᠯᠬᠦ ᠪᠤᠯᠤᠨᠠ᠃ | 4᠂ ᠡᠪᠦᠭᠡ ᠦᠶᠡ | ᠡᠨᠡ ᠨᠢ ᠪᠦᠲᠦᠨ ᠤᠳᠤᠮ ᠤᠨ ᠦᠷᠡᠰ ᠭᠠᠭ᠋ᠠᠢ ᠳᠤ ᠪᠠᠭᠲᠠᠨᠠ᠃ ᠡᠯᠳᠴᠡ ᠦᠶᠡ ᠶᠢᠨ ᠪᠦᠲᠦᠨ | ᠤᠳᠤᠮ ᠠᠴᠠ ᠢᠷᠡᠯᠲᠡᠲᠡᠢ᠂ ᠪᠦᠲᠦᠨ ᠤᠳᠤᠮ ᠤᠨ ᠰᠢᠰᠲ᠋ᠧᠮ ᠳᠤ ᠡᠪᠦᠭᠡ ᠦᠶᠡ ᠶᠢᠨ ᠦᠷᠡᠰ ᠭᠠᠭ᠋ᠠᠢ ᠶᠢ | ᠵᠦᠪᠬᠡᠨ | ᠲᠤᠭᠲᠠᠭᠰᠠᠨ ᠡᠴᠢᠭᠡ ᠡᠬᠡ ᠦᠶᠡ ᠶᠢᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠦᠷᠡᠵᠢᠭᠦᠯᠬᠦ ᠳᠤ ᠬᠡᠷᠡᠭᠯᠡᠳᠡᠭ᠃ | 5᠂ ᠡᠴᠢᠭᠡ ᠡᠬᠡ ᠦᠶᠡ | ᠮᠦᠨ ᠴᠦ ᠪᠦᠲᠦᠨ ᠤᠳᠤᠮ ᠤᠨ ᠭᠠᠭ᠋ᠠᠢ ᠳᠤ ᠪᠠᠭᠲᠠᠨᠠ᠃ ᠵᠦᠪᠬᠡᠨ ᠪᠦᠲᠦᠨ ᠤᠳᠤᠮ ᠤᠨ ᠡᠪᠦᠭᠡ | ᠦᠶᠡ ᠠᠴᠠ ᠢᠷᠡᠯᠲᠡᠢ᠃ ᠡᠴᠢᠭᠡ ᠡᠬᠡ ᠦᠶᠡ ᠶᠢᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠵᠦᠪᠬᠡᠨ ᠲᠠᠸᠠᠷ ᠤᠨ ᠡᠭᠦᠯᠳᠡᠷ ᠢ | ᠦᠷᠡᠵᠢᠭᠦᠯᠬᠦ ᠳᠤ ᠬᠡᠷᠡᠭᠯᠡᠳᠡᠭ᠃ ᠪᠦᠲᠦᠨ ᠤᠳᠤᠮ ᠤᠨ ᠦᠷᠡᠰ ᠭᠠᠭ᠋ᠠᠢ ᠶᠢᠨ ᠺᠤᠮᠫᠠᠨᠢ ᠨᠢ ᠶᠡᠷᠦᠳᠡᠭᠡᠨ ᠡᠨᠡ | ᠦᠶᠡ ᠶᠢᠨ ᠭᠠᠭ᠋ᠠᠢ ᠶᠢ ᠯᠡ ᠬᠠᠩᠭᠠᠳᠠᠭ ᠶᠣᠮ᠃ | ︵ᠬᠤᠶᠠᠷ︶ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠬᠡᠷᠡᠭᠯᠡᠬᠦ | 1᠂ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠰᠢᠭᠤᠳ ᠦᠷᠡᠵᠢᠭᠦᠯᠬᠦ ᠤᠴᠢᠷ ᠠᠴᠠ ᠤᠷᠤᠭᠤᠯᠵᠤ | ᠢᠷᠡᠬᠦ ᠠᠴᠠ ᠪᠠᠨ ᠡᠮᠦᠨᠡ ᠨᠠᠷᠢᠯᠢᠭ ᠪᠠᠶᠢᠴᠠᠭᠠᠨ ᠰᠤᠳᠤᠯᠤᠯᠲᠠ ᠬᠢᠵᠦ᠂ ᠰᠢᠯᠢᠳᠡᠭ ᠴᠢᠨᠠᠷᠲᠠᠢ ᠪᠠᠶᠢᠬᠤ | ᠮᠦᠷᠲᠡᠭᠡᠨ | ᠴᠢᠰᠦᠨ ᠤᠳᠤᠮ ᠤᠨ ᠪᠦᠷᠢᠯᠳᠦᠭᠦᠨ ᠢ ᠠᠩᠬᠠᠷᠴᠤ᠂ ᠡᠬᠢᠯᠡᠵᠦ ᠤᠷᠤᠭᠤᠯᠬᠤ ᠳᠠᠭᠠᠨ ᠴᠦᠬᠡᠨ ᠲᠤᠭᠠ ᠪᠠᠷ | ᠤᠷᠤᠭᠤᠯᠵᠤ᠂ ᠵᠤᠬᠢᠴᠠᠯᠳᠤᠬᠤ ᠴᠢᠳᠠᠪᠤᠷᠢ ᠶᠢ ᠨᠢ ᠦᠵᠡᠬᠦ ᠬᠡᠷᠡᠭᠲᠡᠢ᠃ ᠰᠢᠯᠢᠳᠡᠭ ᠡᠭᠦᠯᠳᠡᠷ ᠤᠨ ᠭᠠᠭ᠋ᠠᠢ ᠶᠢᠨ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠨᠢ ᠶᠡᠭᠡ᠂ ᠲᠡᠵᠢᠭᠡᠯᠭᠡ ᠠᠷᠠᠴᠢᠯᠠᠭᠠ ᠶᠢᠨ ᠱᠠᠭᠠᠷᠳᠠᠯᠭᠠ ᠨᠢ ᠦᠨᠳᠦᠷ | ᠪᠠᠶᠢᠳᠠᠭ ᠠᠴᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠪᠠᠷ ᠲᠡᠵᠢᠭᠡᠵᠦ ᠠᠷᠠᠴᠢᠯᠠᠬᠤ ᠬᠡᠷᠡᠭᠲᠡᠢ ᠶᠣᠮ᠃ ᠬᠡᠷᠪᠡ ᠲᠤᠰ | ᠭᠠᠵᠠᠷ ᠤᠨ | ᠨᠦᠭᠦᠴᠡᠯ ᠳᠤ ᠵᠤᠬᠢᠴᠠᠯᠳᠤᠬᠤ ᠦᠭᠡᠢ ᠪᠣᠯ ᠤᠷᠢᠳᠠᠪᠡᠷ ᠨᠤᠲᠤᠭ ᠤᠨ ᠡᠭᠦᠯᠳᠡᠷ ᠢᠶᠠᠷ ᠴᠢᠰᠦ ᠰᠦᠯᠪᠡᠬᠦ | ᠡᠷᠯᠢᠰᠡᠵᠢᠭᠦᠯᠭᠡ ᠬᠢᠨᠡ᠂ ᠢᠩᠭᠢᠪᠡᠯ ᠡᠷᠯᠢᠰᠡ ᠪᠡᠶᠡ ᠳᠡᠭᠡᠷᠡ ᠲᠡᠷᠡᠬᠦ ᠭᠠᠳᠠᠨᠠ ᠡᠭᠦᠯᠳᠡᠷ ᠤᠨ ᠴᠢᠬᠤᠯᠠ | ᠤᠨᠴᠠᠯᠢᠭ ᠢ | ᠬᠠᠳᠠᠭᠠᠯᠠᠬᠤ ᠶᠢᠨ ᠬᠠᠮᠲᠤ᠂ ᠲᠤᠰ ᠭᠠᠵᠠᠷ ᠤᠨ ᠨᠦᠭᠦᠴᠡᠯ ᠳᠤ ᠵᠤᠬᠢᠴᠠᠯᠳᠤᠬᠤ ᠲᠠᠯᠠ ᠪᠠᠷ ᠰᠠᠶᠢᠵᠢᠷᠠᠭᠤᠯᠵᠤ | ᠪᠤᠯᠤᠨᠠ᠃ | 2᠂ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠦᠷᠡᠰ ᠭᠠᠭ᠋ᠠᠢ ᠶᠢ ᠤᠤᠯ ᠤᠨ ᠪᠠᠶᠢᠭᠰᠠᠨ ᠦᠷᠡᠰ ᠭᠠᠭ᠋ᠠᠢ ᠶᠢᠨ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠳᠤ ᠬᠡᠷᠡᠭᠯᠡᠬᠦ ᠪᠤᠯᠬᠤᠷ ᠭᠤᠤᠯᠳᠠᠭᠤ ᠠᠵᠢᠷᠭᠠᠨ ᠭᠠᠭ᠋ᠠᠢ | ᠤᠷᠤᠭᠤᠯᠵᠤ ᠢᠷᠡᠳᠡᠭ᠃ ᠡᠶᠢᠮᠦ ᠠᠴᠠ ᠤᠷᠤᠭᠤᠯᠵᠤ ᠢᠷᠡᠬᠦ ᠠᠵᠢᠷᠭᠠᠨ ᠭᠠᠭ᠋ᠠᠢ ᠶᠢᠨ ᠦᠢᠯᠡᠳᠪᠦᠷᠢᠯᠡᠯ ᠤᠨ | ᠴᠢᠳᠠᠪᠤᠷᠢ᠂ ᠡᠷᠡᠭᠦᠯ ᠴᠢᠬᠢᠷᠠᠭ ᠤᠨ ᠱᠠᠭᠠᠷᠳᠠᠯᠭᠠ ᠨᠢ ᠦᠨᠳᠦᠷ ᠮᠦᠷᠲᠡᠭᠡᠨ ᠲᠤᠬᠠᠢ ᠶᠢᠨ ᠭᠠᠵᠠᠷ ᠤᠨ | ᠭᠠᠭ᠋ᠠᠢ ᠳᠤ | ᠪᠠᠶᠢᠳᠠᠭ ᠦᠭᠡᠢ ᠰᠢᠯᠢᠳᠡᠭ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠴᠢᠳᠠᠪᠤᠷᠢ ᠲᠠᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠵᠢᠱᠢᠶᠡᠯᠡᠪᠡᠯ᠄ | ᠮᠢᠬᠠᠨ ᠤ | ᠴᠢᠨᠠᠷ ᠨᠢ ᠵᠠᠬᠠ ᠳᠡᠯᠭᠡᠭᠦᠷ ᠤᠨ ᠱᠠᠭᠠᠷᠳᠠᠯᠭᠠ ᠳᠤ ᠵᠤᠬᠢᠴᠠᠬᠤ᠂ ᠪᠡᠶᠡ ᠶᠢᠨ ᠪᠦᠲᠦᠴᠡ ᠨᠢ ᠪᠠᠬᠢᠯᠢᠭ᠌᠂ | ᠲᠤᠷᠦ᠋ᠢᠯᠠᠬᠤ | ᠨᠢ ᠠᠷᠪᠢᠨ᠂ ᠠᠯᠠᠰᠢᠨ ᠪᠡᠶᠡ ᠨᠢ ᠵᠢᠭᠲᠡ ᠪᠠᠶᠢᠬᠤ ᠨᠦᠭᠦᠴᠡᠯ ᠢ ᠪᠦᠷᠢᠯᠳᠦᠭᠦᠯᠬᠦ ᠬᠡᠷᠡᠭᠲᠡᠢ᠃ | 3᠂ ᠤᠷᠤᠭᠤᠯᠵᠤ ᠢᠷᠡᠬᠦ ᠦᠷᠡᠰ ᠭᠠᠭ᠋ᠠᠢ ᠶᠢ ᠡᠷᠯᠢᠰᠡᠵᠢᠭᠦᠯᠬᠦ ᠳᠤ ᠬᠡᠷᠡᠭᠯᠡᠨᠡ᠃ ᠨᠢᠭᠡ ᠳᠤ᠂ ᠤᠷᠤᠭᠤᠯᠵᠤ | ᠢᠷᠡᠭᠰᠡᠨ ᠦᠷᠡᠰ ᠭᠠᠭ᠋ᠠᠢ ᠪᠠᠷ ᠡᠷᠯᠢᠰᠡ ᠦᠷᠡᠰ ᠭᠠᠭ᠋ᠠᠢ ᠶᠢ ᠦᠷᠡᠵᠢᠭᠦᠯᠦᠨᠡ᠃ ᠡᠭᠦᠨ ᠳᠤ ᠤᠷᠤᠭᠤᠯᠵᠤ | ᠢᠷᠡᠬᠦ | ᠦᠷᠡᠰ ᠭᠠᠭ᠋ᠠᠢ ᠨᠢ ᠤᠯᠠᠩᠬᠢ ᠳᠠᠭᠠᠨ ᠲᠤᠮᠤ ᠴᠠᠭᠠᠨ ᠭᠠᠭ᠋ᠠᠢ ᠪᠤᠶᠤ ᠤᠷᠲᠤ ᠴᠠᠭᠠᠨ ᠭᠠᠭ᠋ᠠᠢ ᠪᠤᠯᠤᠨᠠ᠃ | ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ ᠨᠢ ᠳᠡᠭᠡᠷᠡ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠲᠠᠢ ᠠᠳᠠᠯᠢ᠃ ᠬᠤᠶᠠᠷ ᠲᠤ᠂ ᠤᠷᠤᠭᠤᠯᠵᠤ | ᠢᠷᠡᠭᠰᠡᠨ | ᠠᠵᠢᠷᠭᠠᠨ ᠭᠠᠭ᠋ᠠᠢ ᠪᠠᠷ ᠤᠷᠤᠨ ᠤ ᠮᠡᠭᠡᠵᠢ ᠶᠢ ᠡᠷᠯᠢᠰᠡᠵᠢᠭᠦᠯᠵᠦ ᠲᠠᠸᠠᠷ ᠤᠨ ᠭᠠᠭ᠋ᠠᠢ ᠶᠢ ᠦᠷᠡᠵᠢᠭᠦᠯᠦᠨᠡ᠃ | ᠡᠨᠡᠬᠦ | ᠠᠷᠭᠠ ᠳᠤ ᠤᠯᠠᠨ ᠲᠦᠷᠦᠯ ᠤᠨ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠡᠭᠦᠯᠳᠡᠷ ᠢ ᠰᠤᠩᠭᠤᠳᠠᠭ᠃ ᠭᠡᠬᠦ ᠳᠡᠭᠡᠨ ᠵᠠᠪᠠᠯ | ᠤᠷᠤᠨ | ᠭᠠᠵᠠᠷ ᠤᠨ ᠢᠶᠠᠨ ᠪᠤᠳᠠᠲᠠᠢ ᠬᠡᠷᠡᠭᠴᠡᠭᠡ ᠠᠴᠠ ᠡᠭᠦᠰᠴᠦ᠂ ᠦᠷᠡᠰ ᠭᠠᠭ᠋ᠠᠢ ᠶᠢ ᠰᠤᠩᠭᠤᠬᠤ ᠬᠡᠷᠡᠭᠲᠡᠢ᠃ | ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ ᠨᠢ ᠳᠠᠷᠠᠭᠠᠬᠢ ᠵᠢᠷᠤᠭ ᠮᠡᠲᠦ᠂ ᠵᠢᠷᠤᠭ ᠬᠤᠶᠠᠷ ᠳᠦᠭᠦᠮ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ | ᠵᠢᠷᠤᠭ 3 ᠳᠦᠭᠦᠮ ᠳᠡᠰ ᠳᠡᠪᠰᠢᠭᠦᠯᠬᠦ ᠡᠷᠯᠢᠰᠡᠵᠢᠭᠦᠯᠭᠡ | ᠠᠩᠬᠠᠷᠬᠤ ᠨᠢ᠄ ᠵᠢᠷᠤᠭ 3 ᠤᠨ ᠳᠤᠲᠤᠷᠠᠬᠢ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠠᠵᠢᠷᠭᠠᠨ ᠭᠠᠭ᠋ᠠᠢ 1 ᠪᠠ | ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠠᠵᠢᠷᠭᠠᠨ ᠭᠠᠭ᠋ᠠᠢ 2 ᠪᠣᠯ ᠭᠠᠳᠠᠭᠠᠳᠤ ᠠᠴᠠ ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠠᠳᠠᠯᠢ | ᠡᠭᠦᠯᠳᠡᠷ ᠤᠨ ᠠᠳᠠᠯᠢ ᠪᠤᠰᠤ ᠭᠠᠭ᠋ᠠᠢ ︵ᠪᠤᠳᠠᠭᠠᠯᠢ ᠪᠡᠶᠡ︶ ᠪᠤᠯᠤᠨᠠ᠃ | ᠤᠷᠤᠭᠤᠯᠵᠤ ᠢᠷᠡᠭᠰᠡᠨ ᠴᠡᠪᠡᠷ ᠡᠭᠦᠯᠳᠡᠷ ᠤᠨ ᠬᠠᠷᠠ ᠮᠢᠬᠠᠨ ᠤ ᠬᠡᠷᠡᠭᠴᠡᠭᠡᠲᠦ ᠦᠷᠡᠰ ᠭᠠᠭ᠋ᠠᠢ ᠪᠠᠷ | ᠭᠤᠷᠪᠠᠯᠠᠵᠤ ᠡᠷᠯᠢᠰᠡᠵᠢᠭᠦᠯᠭᠡ ᠬᠢᠬᠦ ᠪᠤᠯᠢ ᠬᠠᠷᠠ ᠮᠢᠬᠠᠨ ᠤ ᠬᠡᠷᠡᠭᠴᠡᠭᠡᠲᠦ ᠭᠠᠭ᠋ᠠᠢ ᠶᠢ ᠪᠤᠶᠢᠵᠢᠭᠤᠯᠬᠤ | ᠠᠵᠢᠯ ᠤᠨ | ᠳᠤᠮᠳᠠᠬᠢ ᠬᠠᠮᠤᠭ ᠤᠨ ᠲᠦᠭᠡᠮᠡᠯ ᠠᠷᠭᠠ ᠪᠤᠯᠤᠨᠠ᠃ | ᠵᠢᠷᠤᠭ 4 ᠭᠤᠷᠪᠠᠯᠠᠵᠤ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ ︵ᠨᠢᠭᠡ︶ | ᠵᠢᠷᠤᠭ 5 ᠭᠤᠷᠪᠠᠯᠠᠵᠤ ᠡᠷᠯᠢᠰᠡᠵᠢᠭᠦᠯᠬᠦ ᠠᠷᠭᠠ ︵ᠬᠤᠶᠠᠷ︶ | ︵ᠢᠷᠡᠯᠲᠡ᠄ ᠦ᠊ · ᠪᠤᠶᠠᠨᠳᠡᠯᠭᠡᠷ ᠨᠠᠷ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠭᠠᠭ᠋ᠠᠢ ᠶᠢᠨ ᠰᠠᠶᠢᠨ ᠡᠭᠦᠯᠳᠡᠷ ᠰᠤᠩᠭᠤᠬᠤ | ᠮᠡᠷᠭᠡᠵᠢᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ | |