| - ᠳᠤᠷᠠᠯᠠᠯ ᠲᠡᠭᠦᠰᠬᠡᠯ ᠢ ᠨᠢ ᠪᠤᠳᠤᠭᠠ ᠦᠭᠡᠢ ᠤᠬᠠᠭᠠ ᠦᠭᠡᠢ ᠡᠬᠢᠯᠡᠯ | ᠪᠣᠯᠵᠣᠭᠰᠠᠨ ᠭᠠᠵᠠᠷ ᠢᠶᠠᠨ ᠭᠦᠷᠤᠭᠡᠳ ᠪᠢ ᠴᠢᠮᠠᠶᠢ ᠬᠦᠯᠢᠶᠡᠬᠦ ᠳᠤ ᠴᠠᠭ ᠶᠠᠪᠤᠵᠤ ᠪᠠᠶᠢᠳᠠᠭ᠃ | ᠪᠠᠶᠢᠨ ᠪᠠᠶᠢᠨ ᠬᠠᠷᠠᠬᠤ ᠳᠤ ᠪᠠᠭᠤᠤ ᠶᠢᠨ ᠰᠤᠳᠠᠰᠤᠨ ᠤ ᠮᠢᠨᠢ ᠴᠣᠬᠢᠯᠭᠠ ᠲᠠᠢ ᠠᠶᠢᠵᠠᠮ ᠬᠠᠮᠰᠠᠨ ᠪᠥᠭᠯᠡᠷᠡᠵᠦ ᠬᠠᠭᠠᠭᠳᠠᠬᠤ᠂ ᠴᠠᠭ ᠤᠨ ᠵᠡᠭᠦᠦ ᠶᠢᠨ ᠲᠢᠭ᠋ | ᠲᠠᠬ ᠭᠡᠰᠡᠨ ᠰᠤᠯᠠᠬᠠᠨ ᠯᠤᠭᠰᠢᠯ᠂ ᠲᠡᠩᠭᠡᠯᠢᠭ ᠢᠶᠠᠨ ᠬᠥᠰᠢᠨ ᠵᠠᠭᠤᠷᠠᠬᠤ ᠰᠢᠭ᠋ ᠤᠳᠠᠭᠠᠬᠠᠨ᠃ ᠪᠠᠲᠠᠭᠠᠨᠠ ᠨᠢᠭᠡ ᠬᠤᠶᠠᠷ ᠢᠶᠠᠷ ᠳᠦᠩᠭᠢᠨᠡᠯᠳᠦᠨ ᠪᠠᠶᠢᠭᠰᠠᠨ ᠢᠶᠠᠨ | ᠪᠣᠷᠣᠭᠠᠨ ᠤ ᠦᠨᠦᠷ ᠶᠤᠮ ᠤᠤ︖ ᠪᠦᠷ ᠳᠡᠪᠲᠦᠭᠰᠡᠨ ᠭᠠᠵᠠᠷ ᠤᠨ ᠨᠣᠶᠢᠲᠠᠨ ᠬᠥᠷᠥᠰᠥᠨ ᠠᠴᠠ ᠭᠦᠪ ᠴᠢᠭᠢᠭ ᠰᠣᠷᠭᠤᠭ ᠰᠡᠩᠭᠢᠨᠡᠯᠳᠤᠵᠤ᠂ ᠪᠣᠷᠣ ᠲᠣᠯᠣᠭᠠᠳ ᠤᠨ | ᠬᠤᠭᠤᠷᠣᠨᠳᠤᠭᠤᠷ ᠠᠮᠢᠰᠬᠤᠯ ᠵᠡᠷᠭᠡᠯᠭᠡ ᠴᠤᠷᠢᠯᠵᠠᠵᠤ᠂ ᠪᠣᠰᠣᠨ ᠰᠠᠭᠤᠨ ᠵᠠᠪᠳᠤᠨ ᠭᠦᠷᠪᠡᠭᠡᠨᠡᠬᠦ ᠨᠢ ᠭᠡᠳᠡᠭᠡ ᠴᠤ ᠬᠦᠷᠬᠦ ᠮᠡᠲᠦ᠂ ᠢᠨᠢᠶᠡᠳᠦ ᠴᠤ ᠬᠦᠷᠬᠦ ᠮᠡᠲᠦ | ᠪᠢᠰᠢᠭᠦᠢ ᠥᠳᠥᠭᠡᠯᠭᠡ ᠲᠠᠢ ᠭᠡᠵᠦ ᠁ | ᠪᠥᠭᠡᠮ ᠪᠥᠭᠡᠮ ᠡᠭᠦᠯᠡᠰ ᠤᠨ ᠴᠣᠬᠤᠷ ᠰᠡᠭᠦᠳᠡᠷ ᠭᠤᠤ ᠰᠤᠵᠠᠭ᠂ ᠭᠠᠩᠭᠠ ᠬᠠᠯᠢᠯ ᠳᠡᠭᠡᠭᠦᠷ ᠶᠠᠮᠠᠷ ᠴᠤ ᠲᠡᠭᠡᠭᠡᠷᠡ ᠦᠭᠡᠢ ᠨᠡᠭᠦᠳᠡᠯᠯᠡᠨ᠂ ᠪᠦᠭᠴᠢᠮ ᠬᠠᠯᠠᠭᠤᠨ | ᠡᠪᠡᠰᠦᠨ ᠳᠤᠮᠳᠠ ᠠᠴᠠ ᠴᠡᠴᠡᠭ ᠭᠡᠨᠡᠳᠲᠡᠬᠡᠨ ᠢᠰᠬᠡᠷᠴᠦ ᠦᠵᠡᠰᠭᠦᠯᠡᠩ ᠤᠷᠭᠤᠨᠠ᠃ ᠪᠠᠷᠢᠵᠤ ᠲᠠᠯᠪᠢᠬᠤ ᠪᠠᠨ ᠣᠯᠵᠤ ᠶᠠᠳᠠᠮᠠ ᠴᠤ ᠪᠠᠶᠢᠭᠰᠠᠨ ᠭᠠᠵᠠᠷ ᠠᠴᠠ ᠪᠠᠨ | ᠬᠤᠯᠠᠳᠠᠮᠠ ᠦᠭᠡᠢ᠂ ᠪᠠᠷᠠᠭᠤᠨᠲᠠᠢ ᠠᠴᠠ ᠤᠤ ᠵᠡᠭᠦᠨᠲᠡᠢ ᠠᠴᠠ ᠤᠤ ᠭᠡᠵᠦ ᠪᠠᠷᠤᠭᠴᠠᠭᠠᠯᠠᠨ ᠪᠠᠶᠢᠲᠠᠯᠠ ︽ᠪᠢ ᠴᠢᠨᠢ ᠴᠢᠮᠠᠶᠢ ᠤᠷᠭᠤᠭᠠ ᠭᠠᠭᠴᠠ ᠮᠣᠳᠣ ᠰᠢᠭ᠋ | ᠤᠨᠠᠭᠰᠠᠨ ᠰᠡᠭᠦᠳᠡᠷ ᠲᠡᠭᠡᠨ ᠠᠷᠭᠠᠮᠵᠢᠭᠳᠠᠨ᠂ ᠤᠤᠯ ᠣᠷᠣᠨ ᠠᠴᠠ ᠪᠠᠨ ᠶᠠᠪᠤᠵᠤ ᠵᠢᠷᠦᠬᠡᠯᠡᠳᠡᠭ ᠦᠭᠡᠢ ᠦᠯᠢᠭᠡᠷ ᠤᠨ ᠯᠠᠮᠠ ᠲᠠᠩᠰᠤᠭ᠂ ᠰᠢᠷᠣᠢ ᠨᠠᠷ ᠰᠢᠭ᠋ | ᠲᠣᠭᠤᠷᠢᠭ ᠲᠤ ᠣᠷᠣᠭᠰᠠᠨ ᠶᠤᠮ ᠤᠤ ᠭᠡᠵᠦ ᠰᠠᠨᠠᠯᠠ︾ ᠬᠡᠮᠡᠨ ᠭᠱᠠᠨ ᠲᠤᠯᠭᠠᠮ ᠠᠰᠠᠭᠤᠵᠤ ᠭᠠᠷᠬᠤ ᠨᠢ ᠲᠡᠷᠡᠬᠡᠨ ᠠᠴᠠ ᠪᠠᠨ ᠪᠠᠰᠠ ᠴᠠᠩᠭᠢᠨᠠᠮᠠ ᠠᠶᠠᠯᠭᠤ ᠲᠠᠢ᠃ | ᠪᠤᠳᠤᠪᠠᠯ ᠠᠷᠤ ᠳᠤ ᠢᠷᠡᠵᠤ ᠵᠣᠭᠰᠣᠭᠠᠳ ᠪᠠᠷᠢ ᠴᠡᠴᠡᠭ ᠤᠨ ᠦᠨᠦᠷ ᠪᠣᠳᠢ ᠪᠡᠶᠡ ᠶᠢᠨ ᠬᠢᠨᠢ ᠦᠨᠦᠷ ᠪᠤᠯᠬᠤ ᠳᠤ ᠪᠦᠱᠦᠭᠦᠷᠬᠡᠯ ᠰᠢᠷᠪᠡᠭᠡᠲᠦᠯ ᠪᠦᠭᠦᠨ ᠢᠶᠠᠨ | ᠮᠠᠷᠲᠠᠵᠤ ᠨᠠᠷᠨ ᠤᠷᠭᠤᠳᠠᠯᠠ ᠨᠠᠳᠠ ᠳᠠᠭᠠᠨ ᠢᠨᠢᠶᠡᠳᠦ ᠳᠠᠭᠤᠤ ᠰᠠᠴᠤᠷᠠᠭᠤᠯᠤᠩᠬᠠᠨ ᠬᠡᠯᠡᠭᠰᠡᠨ ᠪᠢᠵᠡ︕ | ︽ᠲᠠᠨ ᠢ ᠬᠦᠯᠢᠶᠡᠬᠦ ᠰᠡᠳᠬᠢᠯ ᠤᠨ ᠲᠥᠪ ᠴᠢᠭ ᠠᠴᠠ ᠪᠠᠨ ᠪᠢ ᠬᠡᠵᠢᠶᠡ ᠴᠤ ᠶᠠᠪᠤᠵᠤ ᠵᠢᠷᠦᠬᠡᠯᠡᠬᠦ ᠦᠭᠡᠢ ᠰᠢᠤ︕︾ ᠭᠡᠬᠦ ᠳᠤ᠄ | ︽ᠠᠵᠠ ᠵᠢᠷᠭᠠᠯ ᠪᠣᠯ ᠪᠣᠯᠵᠣᠮᠣᠷ᠂ ᠨᠢᠰᠦᠭᠡᠳ ᠶᠠᠪᠤᠴᠢᠬᠠᠪᠠᠯ᠂ ᠴᠡᠴᠡᠭ ᠳᠡᠯᠭᠡᠷᠡᠵᠦ ᠲᠡᠯᠪᠢ ᠪᠠᠨ ᠬᠤᠮᠢᠵᠤ᠂ ᠵᠡᠷᠯᠢᠭ ᠵᠢᠮᠢᠰ ᠮᠥᠴᠢᠷ ᠠᠴᠠ ᠪᠠᠨ ᠤᠶᠢᠰᠴᠤ | ᠭᠠᠵᠠᠷᠳᠠᠬᠤ ᠰᠢᠭ᠋ ᠠᠬᠤᠢ ᠶᠢᠷᠲᠢᠨᠴᠦ ᠠᠬᠢᠭᠠᠳ ᠯᠡ ᠬᠤᠭᠤᠰᠤᠨ᠂ ᠪᠠᠰᠠ ᠬᠠᠭᠤᠴᠢᠨ ᠮᠥᠷᠲᠡᠭᠡᠨ ᠵᠡᠭᠦᠳᠦᠯᠡᠵᠦ ᠰᠡᠷᠡᠭᠰᠡᠨ ᠮᠡᠲᠦ ᠵᠠᠮᠬᠠᠷᠠᠯ ᠪᠣᠯᠣᠨᠠ︾ ᠭᠡᠵᠦ ᠮᠢᠨᠤ | ᠦᠵᠡᠭᠰᠡᠨ ᠨᠢᠭᠡ ᠺᠢᠨᠣ᠋ ᠳᠤ ᠳᠤᠷᠠᠯᠠᠯᠲᠤ ᠵᠠᠯᠠᠭᠤ ᠳᠠᠭᠠᠨ ᠪᠤᠯᠪᠠᠷᠠᠢ ᠥᠬᠢᠨ ᠨᠢ ᠲᠡᠭᠡᠵᠤ ᠶᠠᠷᠢᠳᠠᠭ ᠪᠠᠶᠢᠭᠰᠠᠨ ᠶᠤᠮ ᠭᠡᠯᠡ᠃ | ᠲᠡᠷᠡ ᠶᠠᠷᠢᠶᠠ ᠲᠡᠭᠷᠢ ᠭᠠᠵᠠᠷ ᠳᠤᠮᠳᠠᠬᠢ ᠪᠢᠳᠡ ᠬᠤᠶᠠᠷ ᠤᠨ ᠪᠡᠯᠭᠡ ᠰᠤᠪᠢᠩ ᠰᠢᠭ᠋ ᠪᠠᠰᠠ ᠲᠡᠭᠡᠭᠡᠳ ᠨᠢᠰᠦᠭᠡᠳ ᠶᠠᠪᠤᠴᠢᠬᠠᠨᠠ ᠭᠡᠬᠦᠯᠡᠷ ᠶᠡᠭᠡ ᠯᠡ | ᠬᠠᠷᠠᠮᠰᠠᠯ ᠭᠤᠨᠢᠭ ᠲᠠᠢ ᠭᠱᠠᠨ ᠰᠠᠨᠠᠭᠳᠠᠨᠠ᠃ ᠭᠡᠪᠡᠴᠦ ᠢᠷᠡᠨᠡ ᠭᠡᠰᠡᠨ ᠰᠠᠶᠢᠬᠠᠨ ᠰᠤᠷᠠᠭ ᠴᠢᠮᠡᠭᠡᠨ ᠳᠤ ᠴᠠᠭ ᠶᠠᠪᠤᠵᠤ ᠪᠠᠶᠢᠳᠠᠭ᠃ | ᠶᠠᠭ ᠯᠠ ᠥᠨᠥ ᠠᠴᠠ ᠮᠠᠷᠭᠠᠰᠢ ᠤᠷᠤᠭᠤ ᠶᠠᠭᠤ ᠨᠢᠭᠡ ᠶᠢ ᠬᠢᠵᠦ ᠪᠦᠲᠦᠭᠡᠬᠦ ᠰᠠᠨ ᠭᠡᠳ ᠵᠣᠷᠢᠭ ᠰᠢᠭᠤᠳᠤᠭᠠᠳ ᠣᠷᠣᠳᠠᠭ᠂ ᠴᠠᠯ ᠵᠠᠯᠠᠭᠤᠬᠠᠨ ᠬᠦᠰᠡᠯ | ᠮᠥᠷᠥᠭᠡᠳᠦᠯ ᠲᠠᠢ ᠮᠢᠨᠢ ᠡᠩ ᠵᠡᠷᠭᠡᠴᠡᠵᠦ᠂ ᠰᠢᠪᠠᠭᠤ ᠨᠢᠰᠴᠦ ᠢᠷᠡᠬᠦ᠂ ᠤᠷᠢ ᠬᠠᠪᠤᠷ ᠠᠭᠤᠵᠢᠮ ᠲᠠᠯᠠ ᠳᠠᠭᠠᠨ ᠬᠠᠷᠢᠶᠠᠴᠠᠢ ᠰᠢᠭᠦᠷᠭᠡᠶᠢᠯᠡᠭᠦᠯᠵᠤ ᠢᠷᠡᠬᠦ᠂ ᠤᠷᠭᠤᠬᠤ | ᠠᠴᠠ ᠤᠯᠠᠨ ᠤᠷᠭᠤᠮᠠᠯ ᠪᠣᠳᠠᠰ ᠣᠷᠭᠠᠨᠢᠭ ᠳᠡᠯᠡᠬᠡᠢ ᠪᠠᠨ ᠪᠠᠶᠠᠰᠬᠠᠨ᠂ ᠮᠣᠳᠣᠨ ᠤ ᠮᠥᠴᠢᠷ ᠲᠤ ᠳᠡᠯᠪᠡᠭᠡ ᠨᠡᠮᠡᠬᠦ᠂ ᠮᠥᠷᠡᠨ ᠤ ᠬᠦᠴᠦᠲᠦ ᠤᠷᠤᠰᠬᠠᠯ ᠳᠤ ᠳᠣᠯᠭᠢᠶᠠ | ᠨᠡᠮᠡᠬᠦ᠂ ᠮᠠᠯ ᠰᠦᠷᠦᠭ ᠲᠤ ᠲᠥᠯ ᠨᠡᠮᠡᠬᠦ᠂ ᠮᠠᠨ ᠤ ᠲᠠᠨ ᠤ ᠬᠤᠭᠤᠷᠣᠨᠳᠤ ᠰᠠᠭᠠᠯᠢ ᠰᠦᠨ ᠤ ᠤᠯᠠᠷᠢᠯ ᠪᠣᠯᠵᠤ ᠭᠦᠷ ᠨᠠᠷᠭᠢᠶᠠᠨ ᠨᠡᠮᠡᠨ ᠮᠠᠰᠢᠳᠠ ᠳᠡᠯᠭᠡᠷ ᠮᠠᠩᠯᠠᠢ | ᠰᠠᠶᠢᠬᠠᠨ ᠴᠠᠭ ᠢᠷᠡᠬᠦ ᠨᠢ ᠪᠠᠶᠢᠨᠠ ᠳ᠋ᠠ ᠭᠡᠬᠦ ᠳᠤ᠂ | ︽ᠬᠥᠶ᠋ᠢ︕ ᠬᠥᠶ᠋ᠢ᠂ ᠶᠠᠭᠠᠬᠢᠭᠰᠠᠨ ᠶᠠᠭᠠᠬᠢᠭᠰᠠᠨ ᠭᠠᠵᠠᠷ ᠳᠡᠯᠡᠬᠡᠢ ᠭᠡᠨᠡ᠂ ᠶᠠᠮᠠᠷ ᠴᠤ ᠠᠷᠪᠢᠨ ᠢᠷᠠᠭᠤ ᠰᠢᠯᠦᠭ ᠳᠠᠭᠤᠯᠠᠯ ᠬᠡᠯᠡᠬᠦ ᠨᠢ ᠪᠤᠢ︖ ᠴᠠᠭᠠᠨᠠᠬᠢ ᠨᠢ ᠪᠢᠰᠢ︕ | ᠶᠠᠭ ᠤᠳᠤ ᠠᠴᠠ ᠤᠳᠤ ᠶᠢᠨ ᠮᠢᠨᠤ ᠳᠡᠷᠭᠡᠳᠡᠬᠢ ᠲᠠ᠂ ᠠᠵᠠ ᠵᠢᠷᠭᠠᠯ ᠢ ᠶᠠᠭᠤ ᠭᠡᠬᠦᠪ ᠤᠤ︾ ᠭᠡᠪᠡ᠃ | ᠨᠢᠳᠦ ᠠᠷᠭᠠᠭᠤᠯᠬᠤ ᠨᠠᠷᠠᠨ ᠤ ᠲᠤᠶᠠᠭᠠ᠂ ᠨᠡᠭᠦᠵᠦ ᠶᠠᠪᠤᠭᠠ ᠡᠭᠦᠯᠡᠰ ᠤᠨ ᠪᠠᠷᠠ ᠶᠢ ᠬᠠᠷᠠᠭᠠᠳ ᠪᠢ᠄ | ︽ᠠᠵᠠ ᠵᠢᠷᠭᠠᠯ ᠵᠤᠨ ᠤ ᠨᠠᠷᠠ᠂ ᠴᠡᠴᠡᠭ ᠤᠨ ᠲᠡᠯᠪᠢ ᠰᠢᠷᠠᠬᠤ ᠳᠤ ᠡᠭᠦᠯᠡᠨ ᠴᠣᠬᠤᠷ ᠰᠡᠭᠦᠳᠡᠷ᠂ ᠵᠠᠮ ᠤᠨ ᠲᠠᠯᠠᠩ ᠢ ᠬᠦᠦ ᠡᠵᠢ ᠪᠠᠨ ᠭᠡᠵᠦ ᠬᠠᠭᠤᠷᠲᠠᠬᠤ | ᠵᠢᠭᠠᠬᠠᠨ ᠦᠨᠡᠮᠰᠢᠯ ᠠᠵᠠ ᠵᠢᠷᠭᠠᠯ᠂ ᠵᠠ︕ ᠴᠢ ᠮᠢᠨᠢ ᠲᠦᠷ ᠠᠮᠠᠷᠠᠵᠤ ᠪᠠᠶᠢᠭᠠᠷᠠᠢ ᠭᠡᠳ ᠠᠶᠠᠭᠠ ᠴᠠᠢ ᠬᠢᠵᠦ ᠥᠭᠬᠦ ᠠᠵᠠ ᠵᠢᠷᠭᠠᠯ ᠁ ᠠᠵᠠ ᠵᠢᠷᠭᠠᠯ ᠤᠨ | ᠭᠱᠠᠨ ᠵᠠᠭᠤᠷᠠ ᠲᠣᠬᠢᠶᠠᠯᠳᠤᠯ ᠲᠤᠩ ᠤᠯᠠᠨ᠂ ᠬᠠᠷᠢᠨ ᠬᠥᠮᠥᠨ ᠥᠪᠡᠷ ᠢᠶᠠᠨ ᠡᠨᠡ ᠬᠦ ᠭᠱᠠᠨ ᠢ ᠣᠯᠵᠤ ᠬᠡᠷᠬᠢᠨ ᠣᠶᠢᠯᠠᠭᠠᠬᠤ ᠳᠤ ᠪᠤᠢ︾ ᠭᠡᠯᠡ᠃ | ᠲᠡᠭᠡᠪᠡᠯ ᠲᠡᠷᠡ ᠠᠵᠠ ᠵᠢᠷᠭᠠᠯ ᠴᠢᠨᠢ ᠲᠡᠭᠷᠢ ᠶᠢᠨ ᠨᠠᠷᠠ ᠰᠢᠭ᠋ ᠭᠠᠭᠴᠠᠬᠠᠨ ᠪᠢᠰᠢ ᠶᠤᠮ ᠪᠠᠶᠢᠨᠠ᠃ ᠴᠢ ᠨᠠᠮᠠᠶᠢ ᠬᠦᠯᠢᠶᠡᠭᠡᠳ ᠴᠠᠭ ᠢᠶᠠᠨ ᠬᠠᠷᠠᠵᠤ | ᠵᠣᠭᠰᠣᠭᠰᠠᠨ ᠴᠢᠨᠢ ᠠᠵᠠ ᠵᠢᠷᠭᠠᠯ ᠮᠥᠨ ᠪᠢᠵᠡ︕ ᠨᠢᠰᠬᠦ ᠪᠢᠰᠢ ᠤᠷᠭᠤᠵᠤ ᠪᠠᠶᠢᠭᠠ ᠡᠪᠡᠰᠦ ᠴᠡᠴᠡᠭ ᠢ ᠠᠵᠠ ᠵᠢᠷᠭᠠᠯ ᠭᠡᠬᠦ ᠤᠤ︖ | ︽ᠮᠥᠨ ᠠᠴᠠ ᠮᠥᠨ ᠰᠢᠤ︕ ᠤᠷᠭᠤᠵᠤ ᠪᠠᠶᠢᠭᠠ ᠡᠪᠡᠰᠦ ᠴᠡᠴᠡᠭ ᠠᠵᠠ ᠵᠢᠷᠭᠠᠯ ᠮᠥᠨ︕ ᠤᠷᠤᠰᠴᠤ ᠪᠠᠶᠢᠭᠠ ᠤᠰᠤ ᠠᠵᠠ ᠵᠢᠷᠭᠠᠯ ᠮᠥᠨ᠂ ᠤᠨᠲᠠᠵᠤ | ᠪᠠᠶᠢᠭᠠ ᠪᠤᠭᠤ ᠶᠢᠨ ᠨᠦᠷᠡ ᠠᠵᠠ ᠵᠢᠷᠭᠠᠯ ᠮᠥᠨ᠂ ᠤᠳᠠᠬᠤ ᠦᠭᠡᠢ ᠨᠡᠪᠴᠢᠬᠦ ᠭᠡᠳ ᠨᠠᠷᠠᠨ ᠳᠤ ᠥᠩᠭᠡ ᠨᠢ ᠪᠣᠷᠣᠯᠠᠨ ᠭᠡᠷᠡᠯᠳᠤᠨ ᠴᠢᠨᠦᠷᠡᠵᠦ ᠪᠠᠶᠢᠭᠠ | ᠰᠢᠪᠠᠭᠤᠨ ᠤ ᠥᠨᠳᠡᠭᠡ ᠴᠤ ᠴᠥᠮ ᠭᠱᠠᠨ ᠵᠠᠭᠤᠷᠠ ᠶᠢᠨ ᠪᠥᠭᠡᠳ ᠠᠯᠳᠠᠨ ᠮᠠᠷᠭᠠᠰᠢ ᠶᠢ ᠡᠭᠦᠰᠬᠡᠬᠦ ᠠᠵᠠ ᠵᠢᠷᠭᠠᠯ ᠮᠥᠨ ᠰᠢᠦ︕︾ | ︽ᠲᠡᠭᠡᠭᠡᠳ ᠴᠢ ᠪᠢᠳᠡ ᠬᠤᠶᠠᠷ ᠡᠨᠡ ᠭᠱᠠᠨ ᠵᠠᠭᠤᠷᠠ ᠶᠢᠨ ᠠᠵᠠ ᠵᠢᠷᠭᠠᠯ ᠢ ᠶᠠᠭᠠᠬᠢᠵᠤ ᠮᠡᠳᠡᠷᠡᠵᠦ ᠪᠠᠰᠠ ᠭᠱᠠᠨ ᠵᠠᠭᠤᠷᠠ ᠶᠢᠨ ᠠᠵᠠ ᠵᠢᠷᠭᠠᠯ ᠢ ᠶᠠᠮᠠᠷ | ᠨᠢᠳᠦ ᠪᠠᠷ ᠬᠠᠷᠠᠵᠤ ᠢᠨᠠᠭ ᠤᠨ ᠰᠡᠳᠬᠢᠯ ᠢᠶᠠᠷ ᠭᠦᠷᠳᠡᠨ ᠬᠡᠯᠬᠢᠬᠦ ᠶᠤᠮ ᠪᠤᠢ︖︾ | ︽ᠠᠵᠠ ᠵᠢᠷᠭᠠᠯ ᠭᠱᠠᠨ ᠵᠠᠭᠤᠷᠠ ᠶᠢᠨ ᠪᠥᠭᠡᠳ ᠠᠯᠳᠠᠨ ᠮᠠᠷᠭᠠᠰᠢ ᠶᠢᠨ ᠡᠭᠦᠰᠭᠡᠭᠦᠷ ᠪᠠᠶᠢᠳᠠᠭ ᠨᠢ ᠨᠠᠰᠤᠨ ᠲᠤᠷᠰᠢ ᠶᠢᠨ ᠬᠠᠶᠢᠷᠠ ᠰᠡᠳᠬᠢᠯᠭᠡ ᠶᠢᠨ ᠤᠳᠠᠭᠠᠨ | ᠬᠠᠳᠠᠭᠠᠯᠠᠭᠳᠠᠴᠠ ᠲᠠᠢ ᠬᠦᠰᠡᠯ ᠮᠥᠷᠥᠭᠡᠳᠦᠯ ᠤᠨ ᠳᠠᠭᠤᠰᠤᠰᠢ ᠦᠭᠡᠢ ᠴᠡᠨᠡᠭ ᠪᠠᠶᠢᠭᠰᠠᠨ ᠤ ᠬᠢ ᠪᠣᠯᠣᠨᠠ︾᠃ | ᠡᠷᠡᠦ ᠪᠠᠨ ᠲᠤᠯᠵᠤ ᠰᠠᠭᠤᠭᠰᠠᠨ ᠡᠷᠬᠡ ᠲᠠᠩᠬᠢᠯᠬᠠᠨ ᠶᠠᠩᠵᠤ ᠪᠠᠷ ᠢᠶᠠᠨ ᠡᠨᠡ ᠦᠭᠡᠨ ᠳᠤ ᠲᠡᠷᠡ ᠮᠠᠨᠢ᠂ ᠮᠠᠰᠢ ᠬᠠᠨᠤᠮᠵᠢᠳᠠᠢ᠂ ᠮᠠᠩᠨᠠᠢ ᠲᠡᠨᠢᠭᠡᠷ᠂ | ᠳᠣᠲᠣᠷᠠ ᠠᠴᠠ ᠪᠠᠨ ᠭᠡᠷᠡᠯᠳᠤᠵᠤ᠂ ᠳᠣᠣᠷᠠ ᠠᠴᠠ ᠪᠠᠨ ᠤᠷᠭᠤᠮᠡ ᠰᠠᠶᠢᠬᠠᠨ ᠮᠦᠰᠢᠶᠡᠵᠦ᠄ | ︽ᠤᠳᠤ ᠶᠠᠭ ᠭᠱᠠᠨ ᠵᠠᠭᠤᠷᠠ ᠳᠤ ᠣᠴᠢᠯᠠᠬᠤ ᠭᠠᠯ ᠰᠢᠭ᠋ ᠤᠷᠤᠭᠤᠯ ᠤᠨ ᠬᠠᠯᠠᠭᠤᠨ ᠪᠡᠯ ᠢᠶᠠᠷ ᠤᠳᠠᠲᠠᠯᠠ ᠪᠠᠨ ᠬᠤᠶᠠᠭᠤᠯᠠ ᠦᠨᠦᠰᠦᠯᠴᠡᠶᠡ︾ ᠭᠡᠵᠦ ᠨᠠᠮᠠᠶᠢ | ᠬᠦᠵᠦᠭᠦᠦ ᠪᠠᠷ ᠮᠢᠨᠢ ᠲᠡᠪᠡᠷᠢᠨ᠂ ᠨᠠᠷᠠᠨ ᠠᠴᠠ ᠪᠢᠲᠡᠭᠡᠢ ᠪᠦᠱᠤᠭᠦᠷᠭᠡ᠂ ᠨᠠᠪᠴᠢᠨ ᠠᠴᠠ ᠪᠢᠲᠡᠭᠡᠢ ᠪᠦᠱᠤᠭᠦᠷᠭᠡ᠂ ᠨᠤᠲᠤᠭ ᠠᠴᠠ ᠪᠠᠨ ᠪᠢᠲᠡᠭᠡᠢ ᠪᠦᠱᠤᠭᠦᠷᠭᠡ᠂ | ᠨᠠᠳᠠ ᠠᠴᠠ ᠪᠦᠱᠤᠭᠦᠷᠭᠡ ᠭᠡᠵᠦ ᠨᠢᠳᠦ ᠪᠠᠨ ᠠᠨᠢᠬᠤ ᠶᠢᠨ ᠲᠡᠷᠡ ᠭᠱᠠᠨ᠃ | ᠢᠩᠭᠢᠬᠦ ᠳᠤ ᠭᠱᠠᠨ ᠵᠠᠭᠤᠷᠠ ᠶᠢᠨ ᠠᠵᠠ ᠵᠢᠷᠭᠠᠯ ᠳᠠᠩᠴᠤ ᠲᠡᠭᠷᠢᠯᠢᠭ ᠢᠷᠠᠭᠤ ᠳᠥᠯᠭᠡᠬᠡᠨ ᠮᠥᠷᠲᠡᠭᠡᠨ ᠬᠢᠵᠠᠭᠠᠯᠠᠰᠢ ᠦᠭᠡᠢ ᠨᠡᠯᠦᠭᠡᠷ ᠶᠡᠭᠡ ᠲᠠᠯᠠᠢ ᠶᠢᠨ | ᠴᠡᠭᠡᠯ ᠳᠤᠨᠢ ᠬᠥᠯ ᠲᠦᠷᠦᠵᠤ ᠦᠵᠡᠭᠡ ᠦᠭᠡᠢ ᠠᠮᠢᠰᠬᠤᠯ ᠴᠢᠬᠤᠯᠳᠠᠭᠤᠯᠤᠨ ᠬᠦᠢᠰᠦ ᠬᠦᠷᠬᠦ ᠶᠢᠨ ᠤᠰᠤᠨ ᠤ ᠲᠦᠪᠰᠢᠨ ᠶᠤᠮ ᠪᠠᠶᠢᠨᠠ᠃ | ᠡᠨᠡ ᠨᠢ ᠨᠠᠷᠠᠨ ᠤ ᠬᠢᠯᠢ᠂ ᠨᠠᠪᠴᠢᠨ ᠤ ᠬᠢᠯᠢ᠂ ᠨᠤᠲᠤᠭ ᠤᠨ ᠬᠢᠯᠢ᠂ ᠨᠢᠳᠦᠨ ᠤ ᠪᠠᠰᠠ ᠬᠢᠯᠢ ᠭᠡᠰᠡᠨ ᠢ ᠭᠱᠠᠨ ᠵᠠᠭᠤᠷᠠ ᠨᠠᠳᠠ ᠠᠳᠠᠲᠠᠢ ᠲᠠᠨᠢᠭᠤᠯᠤᠯᠠ᠃ ᠭᠱᠠᠨ | ᠵᠠᠭᠤᠷᠠ ᠨᠢ ᠭᠡᠨᠡᠨ ᠮᠥᠷᠲᠡᠭᠡᠨ ᠠᠵᠠ ᠵᠢᠷᠭᠠᠯ ᠤᠨ ᠭᠡᠨᠡᠳᠲᠡ ᠶᠢᠨ ᠥᠭᠭᠦᠭᠳᠡᠯ ᠪᠡᠯᠡᠭ ᠪᠠᠶᠢᠳᠠᠭ᠃ | ᠪᠢᠳᠡ ᠬᠤᠶᠠᠷ ᠠᠵᠠ ᠵᠢᠷᠭᠠᠯ ᠤᠨ ᠶᠠᠮᠠᠷ ᠦᠯᠢᠭᠡᠷ ᠲᠤᠮᠤᠭ ᠢ ᠡᠭᠦᠰᠬᠡᠬᠦ ᠪᠤᠢ ᠭᠡᠬᠦ ᠳᠤ᠄ ᠲᠡᠷᠡ ᠮᠠᠨᠢ ᠲᠡᠭᠷᠢ ᠳᠣᠣᠷᠠᠬᠢ ᠠᠯᠳᠠᠨ ᠠᠭᠠᠷ᠂ ᠠᠬᠤᠢ | ᠳᠡᠯᠡᠬᠡᠢ ᠶᠢᠨ ᠠᠷᠪᠠᠨ ᠵᠦᠭ ᠢ ᠬᠢᠵᠠᠭᠠᠷ ᠦᠭᠡᠢ ᠠᠮᠢᠰᠬᠤᠯᠯᠠᠵᠤ ᠭᠦᠷᠳᠡᠭᠦ ᠮᠡᠲᠦ ᠬᠤᠶᠠᠷ ᠭᠠᠷ ᠢᠶᠠᠨ ᠳᠡᠯᠭᠡᠨ ︽ᠬᠢᠵᠠᠭᠠᠷ ᠦᠭᠡᠢ ᠬᠢᠵᠠᠭᠠᠷ ᠠᠴᠠ ᠪᠢ ᠢᠷᠡᠯᠡ᠃ | ᠬᠡᠳᠦᠨ ᠵᠠᠭᠤᠨ ᠤ ᠴᠠᠭᠠᠨᠠ ᠠᠴᠠ ᠬᠡᠳᠦᠨ ᠲᠠᠯᠠᠢ ᠶᠢᠨ ᠴᠠᠭᠠᠨᠠ ᠠᠴᠠ᠂ ᠬᠡᠳᠦᠨ ᠬᠠᠩᠭᠠᠢ ᠬᠥᠪᠴᠢ ᠶᠢᠨ ᠴᠠᠭᠠᠨᠠ ᠁︾ ᠭᠡᠵᠦ ᠲᠠᠭᠤᠨ ᠠᠯᠳᠠᠨ | ᠬᠡᠯᠡᠭᠰᠡᠨ ᠢᠶᠠᠨ ᠳᠠᠭᠤᠷᠢᠰᠴᠤ ᠶᠡᠭᠡ ᠲᠠᠯᠠ ᠶᠢᠨ ᠢᠶᠠᠨ ᠠᠨᠢᠷ ᠪᠣᠯᠣᠨ ᠶᠠᠪᠤᠬᠤ ᠳᠤ ︽ᠪᠢᠳᠡ ᠠᠵᠠ ᠵᠠᠶᠠᠭᠠᠨ ᠤ ᠲᠣᠭᠤᠷᠢᠭ ᠲᠤ ᠨᠡᠶᠢᠯᠡᠬᠦ ᠭᠡᠵᠦ ᠬᠡᠴᠢᠨᠡᠭᠡᠨ ᠠᠭᠤᠯᠠ | ᠤᠰᠤᠨ ᠤ ᠴᠠᠭᠠᠨᠠ ᠠᠴᠠ ᠬᠡᠳᠦᠢ ᠴᠤ ᠵᠢᠳᠬᠦᠯᠡ ᠳ᠋ᠠ︾ ᠭᠡᠵᠦ ᠪᠢ ᠬᠠᠷᠢᠭᠤ ᠬᠡᠯᠡᠭᠡᠳ ᠭᠱᠠᠨ ᠵᠠᠭᠤᠷᠠ ᠶᠢᠨ ᠠᠵᠠ ᠵᠢᠷᠭᠠᠯ ᠳᠠᠭᠠᠨ ᠠᠩᠭᠢᠷ ᠬᠤᠶᠠᠷ ᠬᠤᠨ ᠰᠢᠭ᠋᠂ | ᠠᠯᠠᠭ ᠬᠤᠶᠠᠷ ᠡᠷᠪᠡᠬᠡᠢ ᠰᠢᠭ ᠭᠱᠠᠨ ᠵᠠᠭᠤᠷᠠ ᠨᠢᠰᠴᠦ ᠢᠷᠡᠭᠡᠳ ᠭᠱᠠᠨ ᠵᠠᠭᠤᠷᠠ ᠡᠭᠦᠷ ᠢᠶᠠᠨ ᠵᠠᠰᠠᠵᠤ᠂ ᠥᠨᠳᠡᠭᠡ ᠵᠤᠯᠵᠠᠭᠠ ᠪᠠᠨ ᠪᠣᠶᠢᠵᠢᠭᠤᠯᠬᠤ ᠠᠪᠤ ᠡᠵᠢ ᠬᠤᠶᠠᠷ | ᠪᠣᠯᠵᠣᠮᠣᠷ ᠰᠢᠭ᠋ ᠠᠶᠠᠯᠭᠤ ᠢᠷᠠᠭᠤᠬᠠᠨ ᠪᠠᠶᠢᠯᠠ᠃ | |