| ᠨᠤᠲᠤᠭ ᠲᠤ ᠮᠢᠨᠢ ᠬᠠᠶᠢᠯᠠᠰᠤ ᠤᠯᠠᠨ ᠤᠷᠭᠤᠳᠠᠭ᠂ ᠪᠠᠷᠤᠭ ᠯᠠ ᠬᠠᠶᠢᠯᠠᠰᠤ ᠠᠴᠠ ᠥᠭᠡᠷᠡ ᠲᠦᠷᠦᠯ ᠤᠨ ᠮᠣᠳᠣ ᠭᠡᠵᠦ ᠪᠠᠶᠢᠳᠠᠭ ᠦᠭᠡᠢ᠃ ᠮᠠᠩᠬᠠᠨ ᠤ | ᠭᠦᠪᠡᠭᠡ ᠭᠤᠣᠯ ᠤᠨ ᠲᠣᠬᠤᠢ ᠲᠠᠭᠠᠵᠤ ᠬᠠᠶᠠ ᠨᠢᠭᠡ ᠬᠤᠶᠠᠷ ᠰᠠᠭᠤᠷᠢ ᠤᠳᠠ ᠮᠣᠳᠣ ᠤᠷᠭᠤᠳᠠᠭ ᠴᠤ ᠴᠥᠭᠡᠬᠡᠨ ᠠᠴᠠ ᠴᠥᠭᠡᠨ᠃ | ᠡᠳᠦᠷ ᠲᠤᠳᠤᠮ ᠤᠨ ᠬᠡᠷᠡᠭᠯᠡᠭᠡᠨ ᠳᠤ ᠬᠠᠶᠢᠯᠠᠰᠤᠨ ᠮᠣᠳᠣ ᠴᠢᠬᠤᠯᠠ ᠪᠠᠶᠢᠷᠢ ᠶᠢ ᠡᠵᠡᠯᠡᠨᠡ᠂ ᠬᠤᠨᠢ ᠦᠬᠡᠷ ᠤᠨ ᠫᠧᠩ ᠰᠠᠷᠠᠪᠴᠢ ᠪᠠᠷᠢᠬᠤ ᠳᠤ ᠨᠢᠷᠤᠭᠤ | ᠲᠤᠯᠭᠠᠭᠤᠷᠢ ᠪᠣᠯᠭᠠᠨᠠ᠂ ᠠᠷᠭᠠᠯ ᠤᠨ ᠬᠠᠰᠢᠶᠠ ᠲᠤᠭᠤᠯ ᠤᠨ ᠬᠤᠷᠤᠭᠠ ᠤᠶᠠᠭᠠ ᠳᠤ ᠪᠦᠷ ᠯᠠ ᠬᠠᠶᠢᠯᠠᠰᠤ ᠪᠠᠨ ᠬᠡᠷᠡᠭᠯᠡᠨᠡ᠂ ᠡᠶᠢᠮᠦ ᠠᠴᠠ ᠪᠢ ᠡᠨᠡ ᠨᠠᠰᠤᠨ ᠳᠠᠭᠠᠨ | ᠬᠠᠶᠢᠯᠠᠰᠤ ᠠᠴᠠ ᠥᠭᠡᠷᠡ ᠮᠣᠳᠣ ᠶᠢ ᠲᠠᠨᠢᠳᠠᠭ ᠦᠭᠡᠢ ᠭᠡᠵᠦ ᠬᠡᠯᠡᠭᠰᠡᠨ ᠴᠤ ᠪᠣᠯᠣᠨᠠ᠃ | ᠨᠠᠮᠠᠶᠢ ᠪᠠᠭᠠ ᠳᠤ ᠣᠲᠣᠷ ᠠᠴᠠ ᠪᠠᠷᠠᠭᠤᠨᠰᠢ ᠲᠠᠪᠤ ᠲᠤᠯᠤᠭᠠᠨ ᠭᠠᠵᠠᠷ ᠶᠠᠪᠤᠭᠰᠠᠭᠠᠷ ᠯᠠ ᠮᠠᠩᠬᠠᠨ ᠤ ᠪᠠᠷᠠᠭᠤᠨ ᠭᠦᠪᠡᠭᠡ ᠠᠴᠠ ᠴᠠᠭᠠᠰᠢ ᠦᠷᠭᠦᠯᠵᠢᠯᠡᠭᠰᠡᠨ | ᠶᠡᠭᠡ ᠬᠠᠶᠢᠯᠠᠰᠤᠨ ᠪᠤᠲᠠᠨ ᠳᠤ ᠣᠷᠣᠴᠢᠬᠠᠳᠠᠭ᠃ ᠶᠣᠰᠣᠲᠠᠢ ᠠᠭᠰᠢᠭᠤᠨ ᠪᠥᠭᠡᠳ ᠥᠨᠳᠥᠷ᠃ ᠨᠠᠮᠠᠭᠠ ᠨᠠᠮᠠᠭᠠ ᠪᠠᠨ ᠬᠤᠯᠪᠣᠨ ᠲᠠᠪᠤ ᠭᠤᠷᠪᠠ ᠪᠠᠷ ᠪᠦᠯᠦᠭᠯᠡᠨ | ᠰᠢᠬᠦᠷᠯᠡᠭᠡᠳ ᠬᠠᠷᠠᠬᠤ ᠳᠤ ᠶᠠᠭ ᠯᠠ ᠵᠢᠷᠤᠭ ᠶᠤᠮ ᠰᠢᠭ᠋ ᠦᠨᠡᠬᠡᠷ ᠭᠤᠶᠤ ᠰᠦᠷᠯᠢᠭ᠃ ᠨᠠᠮᠤᠷ ᠤᠨ ᠰᠡᠭᠦᠯᠴᠢ ᠡᠪᠦᠯ ᠤᠨ ᠡᠬᠢ ᠪᠣᠯᠣᠭᠰᠠᠭᠠᠷ ᠯᠠ ᠲᠠᠮ ᠪᠤᠯᠬᠤ ᠭᠡᠵᠦ | ᠠᠪᠤ ᠶᠢ ᠲᠠᠭᠠᠵᠦ ᠲᠦᠯᠡᠭᠡ ᠠᠪᠬᠤ ᠪᠠᠷ ᠪᠤᠲᠠᠨ ᠳᠤ ᠣᠷᠣᠳᠠᠭ᠃ | ᠠᠯᠤᠰ ᠠᠴᠠ ᠬᠠᠷᠠᠬᠤ ᠳᠤ ᠬᠠᠶᠢᠯᠠᠰᠤᠨ ᠪᠤᠲᠠ ᠡᠩᠨᠡᠷᠡᠨ ᠬᠥᠬᠡᠷᠡᠭᠡᠳ ᠶᠠᠭ ᠯᠠ ᠪᠢᠲᠡᠭᠦᠦ ᠶᠤᠮ ᠰᠢᠭ᠋᠂ ᠳᠣᠲᠣᠷᠠ ᠨᠢ ᠣᠷᠣᠪᠠᠯ ᠥᠨᠳᠥᠷ ᠲᠣᠮᠣ ᠪᠠᠶᠢᠵᠤ᠂ | ᠪᠦᠳᠦᠭᠦᠨ ᠨᠢ ᠲᠡᠪᠡᠷᠢ ᠪᠠᠭᠲᠠᠳᠠᠭ ᠦᠭᠡᠢ ᠥᠨᠳᠥᠷ ᠨᠢ ᠭᠤᠷᠪᠠᠨ ᠲᠦᠷᠪᠠᠨ ᠵᠠᠩ ᠪᠠᠶᠢᠳᠠᠭ᠃ ᠪᠢ ᠬᠠᠶᠢᠯᠠᠰᠤᠨ ᠮᠣᠳᠣᠨ ᠤ ᠪᠦᠳᠦᠭᠦᠨ ᠢ ᠥᠭᠡᠷᠡ ᠭᠠᠵᠠᠷ ᠠᠴᠠ | ᠪᠢᠰᠢ ᠨᠤᠲᠤᠭ ᠠᠴᠠ ᠪᠠᠨ ᠯᠠ ᠦᠵᠡᠭᠰᠡᠨ ᠳ᠋ᠠ᠃ | ᠲᠡᠷᠡ ᠦᠶᠡᠰ ᠲᠤ ᠪᠠᠶᠢᠭᠠᠯᠢ ᠰᠠᠶᠢᠬᠠᠨ᠃ ᠠᠳᠠ ᠪᠦᠷᠭᠦᠳ ᠨᠠᠴᠢᠨ ᠡᠯᠢᠶᠡ᠂ ᠬᠠᠷᠴᠠᠭᠠᠢ ᠬᠢᠷᠭᠤᠢ ᠱᠠᠭᠠᠵᠠᠭᠠᠢ ᠲᠠᠭᠤ ᠭᠡᠳ ᠰᠢᠪᠠᠭᠤᠳ ᠤᠨ ᠵᠢᠷᠭᠠᠯᠠᠩ ᠤᠨ | ᠣᠷᠣᠨ ᠪᠠᠶᠢᠵᠤ᠂ ᠡᠨᠡ ᠮᠣᠳᠣᠨ ᠳᠣᠣᠷᠠ ᠠᠴᠠ ᠨᠢ ᠦᠨᠡᠭᠡ ᠪᠣᠰᠴᠤ ᠲᠡᠷᠡᠬᠦ ᠰᠢᠷᠠᠯᠵᠢᠨ ᠳᠤᠮᠳᠠ ᠠᠴᠠ ᠨᠢ ᠲᠠᠤᠯᠠᠢ ᠪᠣᠯᠭᠢᠵᠤ ᠬᠢᠷᠰᠠ ᠡᠯᠪᠡᠩᠬᠦ ᠡᠯᠪᠡᠭ ᠪᠠᠶᠢᠭᠰᠠᠨ᠃ | ᠳᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠨ ᠣᠨ ᠪᠤᠯᠳᠠᠯᠠ ᠴᠢᠨ᠋ᠸᠠ ᠴᠤ ᠪᠠᠶᠢᠵᠤ᠂ ᠪᠠᠶᠢᠭᠠᠯᠢ᠂ ᠠᠮᠢ ᠠᠬᠤᠢ ᠶᠢᠨ ᠲᠡᠩᠴᠡᠭᠦᠷᠢ ᠵᠢᠮᠡ ᠵᠦᠢ ᠪᠠᠷ ᠢᠶᠠᠨ ᠪᠠᠶᠢᠭᠰᠠᠨ ᠢ | ᠪᠤᠭᠤᠷᠤᠯᠴᠤᠳ ᠠᠴᠠ ᠰᠤᠨᠤᠰᠬᠤ ᠳᠤ ᠲᠤᠮᠤᠭ ᠰᠢᠭ᠋ ᠰᠠᠶᠢᠬᠠᠨ ᠪᠠᠶᠢᠵᠤ ᠪᠢᠯᠡ᠃ | ᠬᠠᠶᠢᠯᠠᠰᠤᠨ ᠮᠣᠳᠣ ᠨᠢ ᠬᠠᠲᠠᠭᠤ ᠪᠥᠬᠡᠯᠢᠭ ᠪᠠᠶᠢᠳᠠᠭ ᠢᠶᠠᠷ ᠨᠢ ᠶᠡᠭᠡ ᠠᠴᠠ ᠨᠢ ᠬᠡᠯᠡᠪᠡᠯ᠂ ᠨᠢᠷᠤᠭᠤ ᠲᠤᠯᠭᠠᠭᠤᠷᠢ ᠠᠷᠠᠯ ᠲᠡᠩᠭᠡᠯᠢᠭ ᠮᠥᠭᠡᠷ ᠪᠤᠯᠤ ᠬᠢᠵᠦ | ᠪᠠᠭᠠ ᠠᠴᠠ ᠨᠢ ᠶᠠᠷᠢᠪᠠᠯ ᠠᠴᠠ ᠰᠠᠪᠠᠷ ᠲᠠᠰᠢᠭᠤᠷ ᠤᠨ ᠡᠰᠢ᠂ ᠪᠢᠯᠠᠭᠤ ᠬᠢᠳᠡᠭ᠃ ᠬᠠᠶᠢᠯᠠᠰᠤᠨ ᠮᠣᠳᠣᠨ ᠤ ᠥᠩᠭᠡ ᠨᠢ ᠰᠠᠶᠢᠬᠠᠨ ᠪᠥᠭᠡᠳ ᠬᠤᠸᠠᠷ ᠨᠢ ᠨᠠᠷᠢᠯᠢᠭ | ᠤᠴᠢᠷ ᠬᠤᠭᠤᠯᠠᠨ ᠰᠢᠷᠡᠭᠡ ᠡᠷᠭᠢᠨᠡᠭ ᠬᠤᠷᠭᠤ ᠭᠡᠬᠦ ᠵᠡᠷᠭᠡ ᠬᠡᠷᠡᠭᠯᠡᠭᠡᠨ ᠤ ᠵᠦᠢᠯᠡᠰ ᠢᠶᠠᠨ ᠬᠠᠶᠢᠯᠠᠰᠤᠨ ᠪᠤᠲᠠᠨ ᠠᠴᠠ ᠪᠠᠨ ᠯᠠ ᠠᠪᠳᠠᠭ᠃ | ᠡᠮᠡᠭᠡ ᠶᠢᠨ ᠮᠢᠨᠢ ᠬᠠᠭᠤᠴᠢᠯᠠᠬᠤ ᠪᠠᠷ ᠨᠤᠲᠤᠭ ᠤᠨ ᠮᠠᠯᠴᠢᠳ ᠪᠡᠴᠢᠨ ᠵᠢᠯ ᠤᠨ ᠴᠠᠭ ᠤᠨ ᠮᠠᠭᠤ ᠶᠢ ᠡᠨᠡ ᠬᠦ ᠪᠤᠲᠠᠨ ᠤ ᠬᠠᠶᠢᠯᠠᠰᠤᠨ ᠳᠤᠷᠠᠰᠤ ᠵᠤᠭᠠ ᠪᠠᠷ | ᠠᠮᠢ ᠵᠢᠭᠤᠵᠤ ᠥᠩᠭᠡᠷᠡᠭᠦᠯᠦᠭᠰᠡᠨ ᠭᠡᠨᠡ᠃ ᠪᠢ ᠲᠡᠷᠡᠬᠦ ᠴᠠᠭ ᠤᠨ ᠮᠠᠭᠤ ᠶᠢ ᠨᠢ ᠮᠡᠳᠡᠳᠡᠭ ᠦᠭᠡᠢ ᠴᠦ ᠳᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠶᠢᠨ | ᠵᠢᠯ ᠤᠳ ᠲᠤ ᠬᠠᠪᠤᠷ ᠤᠨ ᠭᠠᠴᠢᠭ ᠪᠣᠯᠣᠭᠰᠠᠭᠠᠷ ᠯᠠ ᠢᠯᠠᠯᠲᠠ ᠬᠠᠳᠠᠲᠤ ᠶᠢᠨ ᠬᠢᠨ ᠮᠠᠭᠤ ᠰᠠᠶᠢᠨ ᠦᠬᠡᠷ ᠬᠤᠨᠢ ᠲᠡᠮᠡᠭᠡ ᠪᠠᠨ ᠪᠤᠲᠠᠨ ᠳᠤ ᠣᠷᠣᠭᠤᠯᠵᠤ ᠡᠨᠡ ᠬᠦ | ᠵᠤᠭᠠ ᠶᠢᠨ ᠠᠴᠢ ᠪᠠᠷ ᠣᠨ ᠳᠤ ᠣᠷᠣᠭᠤᠯᠵᠤ ᠪᠠᠶᠢᠭᠰᠠᠨ ᠢᠶᠠᠨ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ᠃ | ᠡᠷᠭᠦᠳᠡᠭ ᠦᠬᠡᠷ ᠬᠤᠨᠢᠳ ᠢᠶᠠᠨ ᠪᠤᠲᠠᠨ ᠤ ᠨᠥᠮᠥᠷᠢ ᠳᠤ ᠲᠠᠯᠪᠢᠴᠢᠬᠠᠭᠠᠳ᠂ ᠲᠡᠷᠡᠬᠦ ᠨᠢᠯᠵᠠᠷᠠᠢ ᠰᠠᠶᠢᠬᠠᠨ ᠵᠤᠭᠠ ᠪᠠᠷ ᠲᠡᠵᠢᠭᠡᠬᠦ ᠳᠤ ᠯᠠ ᠳᠡᠮᠡᠢ ᠠᠷᠪᠠ | ᠬᠤᠨᠣᠬᠤ ᠦᠭᠡᠢ ᠪᠠᠷ ᠮᠠᠯ ᠤᠳ ᠤᠨ ᠨᠢᠳᠦ ᠨᠢ ᠥᠩᠭᠡ ᠣᠷᠣᠵᠤ ᠡᠷᠭᠦᠳᠡᠭ ᠠᠴᠠ ᠪᠠᠨ ᠭᠠᠷᠤᠨ ᠳᠠᠩᠭᠢᠨᠠᠭᠠᠳ ᠶᠠᠪᠤᠴᠢᠬᠠᠳᠠᠭ ᠲᠤᠯᠠ ᠡᠮᠡᠭᠡ ᠮᠢᠨᠢ ᠬᠠᠰᠢᠯᠠ | ᠨᠤᠲᠤᠭ ᠤᠨ ᠮᠢᠨᠢ ᠬᠡᠰᠢᠭ ᠠ᠋ ᠭᠡᠵᠦ ᠡᠷᠭᠦᠯᠲᠡ ᠪᠠᠨ ᠡᠷᠭᠦᠵᠦ ᠯᠠ ᠪᠠᠶᠢᠳᠠᠭ ᠰᠠᠨ᠃ | ᠳᠡᠭᠡᠷᠡ ᠵᠠᠭᠤᠨ ᠤ ᠵᠢᠷᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠲᠠᠯᠠᠭᠠᠳ ᠣᠨ ᠤ ᠡᠬᠢ ᠪᠠᠷ ᠠᠮᠢᠳᠤᠷᠠᠯ ᠬᠦᠴᠢᠷ ᠲᠠᠢ ᠪᠣᠯᠬᠤᠷ ᠮᠠᠨ ᠤ ᠬᠢᠨ ᠴᠤ ᠬᠠᠪᠤᠷ ᠪᠣᠯᠣᠭᠰᠠᠭᠠᠷ | ᠭᠤᠭᠤᠳ ᠲᠠᠭᠠᠨᠠ ᠮᠠᠩᠭᠢᠷ ᠬᠠᠯᠠᠭᠠᠢ ᠨᠣᠶᠢᠯ ᠠᠷᠪᠠᠢ ᠪᠠᠷ ᠢᠶᠠᠨ ᠬᠠᠲᠠᠭᠤ ᠴᠠᠭ ᠲᠤ ᠬᠤᠨᠤᠭ ᠲᠠᠰᠤᠷᠠᠯ ᠦᠭᠡᠢ ᠥᠩᠭᠡᠷᠡᠭᠡᠵᠦ ᠶᠠᠪᠤᠭᠰᠠᠨ᠃ | ᠬᠠᠶᠢᠯᠠᠰᠤᠨ ᠮᠣᠳᠣ ᠭᠠᠩ ᠳᠤ ᠲᠡᠰᠪᠦᠷᠢ ᠲᠠᠢ᠂ ᠡᠪᠦᠯ ᠤᠨ ᠰᠢᠭᠤᠷᠭᠠᠨ ᠬᠠᠪᠤᠷ ᠤᠨ ᠰᠠᠯᠬᠢ ᠶᠢ ᠰᠥᠷᠦᠭᠡᠳ ᠯᠠ ᠨᠤᠲᠤᠭ ᠤᠨ ᠢᠶᠠᠨ ᠵᠤᠯᠠᠢ ᠳᠤ ᠰᠢᠬᠦᠷᠯᠡᠵᠦ | ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠡᠨᠡ ᠨᠤᠲᠤᠭ ᠤᠨ ᠬᠥᠮᠥᠨ ᠵᠤᠨ ᠤ ᠠᠷᠠᠨᠰᠢᠨ ᠲᠠᠢ ᠶᠡᠭᠡ ᠯᠠ ᠲᠥᠰᠥᠷᠬᠡᠦ᠃ ᠵᠣᠷᠢᠮᠠᠭ ᠡᠷᠡᠳᠡᠭᠦᠨ ᠠᠮᠢᠵᠢᠷᠠᠯ ᠤᠨ ᠬᠦᠴᠦᠨ ᠢᠶᠠᠷ ᠲᠤᠶᠢᠯ ᠤᠨ | ᠴᠢᠩᠭᠠ ᠪᠠᠶᠢᠵᠤ᠂ ᠬᠤᠭᠤᠷᠠᠬᠤ ᠠᠴᠠ ᠪᠢᠰᠢ ᠨᠤᠭᠤᠷᠠᠬᠤ ᠦᠭᠡᠢ ᠬᠠᠲᠠᠭᠤ ᠴᠢᠨᠠᠷ ᠨᠢ ᠰᠡᠳᠬᠢᠯ ᠢ ᠬᠥᠳᠡᠯᠭᠡᠨᠡ᠃ ᠮᠠᠯᠴᠢᠳ ᠮᠢᠨᠢ ᠡᠶᠢᠮᠦ ᠯᠠ ᠬᠡᠴᠢᠨᠡᠨ ᠦᠶᠡ ᠶᠢᠨ | ᠲᠡᠦᠬᠡᠨ ᠰᠢᠭᠤᠷᠭᠠ ᠬᠡᠴᠢᠨᠡᠨ ᠤᠷᠳᠦ ᠡᠳᠦᠷ ᠬᠤᠨᠤᠭ ᠤᠳ ᠤᠨ ᠥᠯᠥᠰᠬᠦᠯᠡᠩ ᠶᠠᠳᠠᠯ ᠢ ᠲᠤᠭᠤᠯᠵᠦ ᠬᠡᠴᠢᠨᠡᠨ ᠬᠦᠨᠳᠦ ᠠᠮᠢᠳᠤᠷᠠᠯ ᠤᠨ ᠳᠠᠷᠤᠭᠠᠰᠤ ᠶᠢ | ᠡᠭᠦᠷᠭᠡᠯᠡᠭᠰᠡᠨ ᠴᠤ ᠶᠠᠭᠤ ᠴᠤ ᠳᠤᠤᠭᠠᠷᠤᠯ ᠦᠭᠡᠢ ᠬᠢᠳᠡᠭ ᠢᠶᠠᠨ ᠬᠢᠭᠡᠳ ᠯᠠ ᠶᠠᠪᠤᠳᠠᠭ ᠢᠶᠠᠷ ᠢᠶᠠᠨ ᠶᠠᠪᠤᠵᠤ ᠲᠡᠮᠡᠦᠯᠵᠦ ᠲᠡᠮᠡᠴᠡᠵᠦ ᠢᠷᠡᠭᠰᠡᠨ ᠶᠤᠮ ᠳ᠋ᠧ | ᠬᠥᠭᠡᠷᠦᠬᠦᠢ᠃ | ᠬᠢᠷᠠᠭᠤ ᠮᠥᠨᠳᠥᠷ ᠴᠠᠰᠤ ᠰᠢᠭᠤᠷᠭᠠᠨ ᠢ ᠰᠥᠷᠦᠨ ᠰᠡᠬᠦᠶᠢᠭᠰᠡᠨ ᠬᠠᠶᠢᠯᠠᠰᠤᠨ ᠮᠣᠳᠣᠨ ᠤ ᠪᠠᠨ ᠬᠠᠲᠠᠭᠤ ᠵᠠᠩ ᠴᠢᠨᠠᠷ ᠢ ᠳᠠᠭᠤᠷᠢᠶᠠᠭᠰᠠᠨ ᠶᠤᠮ ᠤᠤ︖ | ᠠᠯᠢ ᠡᠰᠡᠬᠦᠯᠡ ᠠᠳᠡᠬᠢ ᠶᠢᠨ ᠬᠠᠶᠢᠯᠠᠰᠤᠨ ᠮᠣᠳᠣᠳ ᠨᠢ ᠮᠠᠯᠴᠢᠳ ᠢᠶᠠᠨ ᠳᠠᠭᠤᠷᠢᠶᠠᠭᠰᠠᠨ ᠴᠤ ᠶᠤᠮ ᠤᠤ︖ ᠭᠡᠵᠦ ᠪᠢ ᠦᠷᠭᠦᠯᠵᠢ ᠪᠤᠳᠤᠳᠠᠭ ᠪᠦᠯᠦᠭᠡ᠃ | ᠰᠡᠭᠦᠯ ᠤᠨ ᠦᠶᠡ ᠳᠤ ᠪᠢᠳᠠ ᠬᠤᠷᠳᠤᠨ ᠤᠷᠭᠤᠴᠠ ᠲᠠᠢ ᠬᠠᠶᠢᠯᠠᠰᠤ ᠭᠡᠵᠦ ᠤᠯᠠᠨ ᠳᠠᠷᠢᠭᠰᠠᠨ ᠶᠤᠮ᠃ ᠦᠨᠡᠬᠡᠷ ᠨᠤᠲᠤᠭ ᠤᠨ ᠮᠢᠨᠢ ᠬᠠᠶᠢᠯᠠᠰᠤ ᠲᠠᠢ | ᠠᠳᠠᠯᠢᠳᠬᠠᠪᠠᠯ ᠤᠷᠭᠤᠬᠤ ᠨᠢ ᠬᠤᠷᠳᠤᠨ ᠠᠰᠬᠠᠨ ᠪᠥᠭᠡᠳ ᠦᠵᠡᠬᠦ ᠳᠤ ᠰᠠᠶᠢᠬᠠᠨ ᠪᠠᠶᠢᠯᠠ᠃ ᠬᠠᠷᠠᠮᠰᠠᠯᠲᠠᠢ ᠨᠢ ᠳᠡᠮᠡᠢ ᠬᠡᠳᠦᠨ ᠵᠢᠯ ᠪᠣᠯᠣᠯ ᠦᠭᠡᠢ ᠪᠦᠷ | ᠦᠬᠦᠴᠢᠬᠡᠵᠡᠢ᠂ ᠭᠡᠬᠦ ᠳᠤ ᠮᠤᠷᠤᠢ ᠮᠤᠰᠢᠭᠠᠢ ᠠᠷᠵᠠᠭᠠᠷ ᠪᠠᠷᠵᠠᠭᠠᠷ ᠴᠤ ᠨᠤᠲᠤᠭ ᠤᠨ ᠬᠠᠶᠢᠯᠠᠰᠤ ᠮᠢᠨᠢ ᠥᠨᠥᠳᠥᠷ ᠲᠤ ᠭᠦᠷᠳᠡᠯᠠ ᠮᠠᠩᠬᠠᠨ ᠬᠥᠲᠥᠯ ᠡᠷᠭᠢ | ᠲᠠᠨᠵᠢ ᠪᠠᠨ ᠰᠠᠬᠢᠵᠤ᠂ ᠡᠩᠨᠡᠷᠡᠨ ᠬᠥᠬᠡᠷᠡᠭᠰᠡᠭᠡᠷ ᠪᠠᠶᠢᠬᠤ ᠨᠢ ᠭᠠᠶᠢᠬᠠᠮᠰᠢᠭ ᠪᠢᠰᠢ ᠤᠤ︖ | ᠡᠭᠡᠯ ᠵᠢᠷ ᠤᠨ ᠨᠤᠲᠤᠭ ᠤᠨ ᠮᠢᠨᠢ ᠬᠠᠶᠢᠯᠠᠰᠤ ᠦᠨᠡᠬᠡᠷ ᠭᠠᠶᠢᠬᠠᠮᠰᠢᠭ᠂ ᠪᠢ ᠨᠤᠲᠤᠭ ᠤᠨ ᠢᠶᠠᠨ ᠬᠠᠶᠢᠯᠠᠰᠤ ᠳᠤ ᠬᠠᠶᠢᠷᠠᠲᠠᠢ ᠁ | | | |