ᠠᠩ ᠠᠩᠨᠠᠯ ᠤᠨ ᠴᠡᠭᠡᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2024/11/28
    ᠠᠩ ᠠᠩᠨᠠᠯ ᠳᠤ ᠭᠠᠷᠬᠤ ᠠᠴᠠ ᠪᠠᠨ ᠡᠮᠦᠨ᠎ᠡ ᠶᠠᠮᠠᠷ ᠨᠢᠭᠡ ᠠᠷᠢᠶᠠᠲᠠᠨ ᠢ ᠵᠠᠪᠠᠯ ᠠᠯᠠᠨ᠎ᠠ ᠭᠡᠵᠦ ᠬᠡᠯᠡᠵᠦ ᠪᠣᠯᠬᠤ ᠦᠭᠡᠢ᠂ ᠬᠡᠷᠪᠡ ᠢᠩᠭᠢᠵᠦ ᠬᠡᠯᠡᠪᠡᠯ ᠶᠠᠭᠤ ᠴᠤ  ᠣᠯᠵᠤ ᠴᠢᠳᠠᠬᠤ ᠦᠭᠡᠢ ᠶᠤᠮ᠃ ᠶᠡᠭᠡ ᠠᠷᠢᠶᠠᠲᠠᠨ ᠢ ᠴᠣᠬᠢᠭᠠᠳ ᠲᠠᠪᠤᠨ ᠴᠤᠯᠤ ᠶᠢ ᠨᠢ ᠱᠠᠭᠠᠯᠬᠤ ᠦᠶ᠎ᠡ ᠳᠤ ᠬᠡᠯᠡ ᠵᠢᠷᠦᠬᠡ ᠶᠢ ᠨᠢ ᠬᠤᠯᠪᠣᠵᠤ᠂ ᠴᠢᠨᠠᠬᠤ ᠳᠠᠭᠠᠨ  ᠴᠤ ᠢᠩᠭᠢᠳᠡᠭ᠂ ᠢᠳᠡᠬᠦ ᠦᠶ᠎ᠡ ᠳᠤᠨᠢ ᠯᠡ ᠰᠠᠶ᠋ᠢ ᠣᠭᠲᠣᠯᠵᠤ ᠬᠠᠶᠠᠳᠠᠭ᠂ ᠲᠡᠶᠢᠮᠦ ᠪᠢᠰᠢ ᠪᠣᠯ ᠠᠷᠢᠶᠠᠲᠠᠨ ᠢ  ᠠᠩᠨᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯᠤᠨ᠎ᠠ ᠃  ᠬᠠᠨᠳᠠᠭᠠᠶ ᠶᠢᠨ ᠮᠢᠬ᠎ᠠ ᠶᠢ ᠢᠳᠡᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭ᠎ᠠ ᠶᠠᠰᠤ ᠶᠢ ᠳᠤᠷ᠎ᠠ ᠪᠠᠷ ᠢᠶᠠᠨ ᠬᠠᠶᠠᠵᠤ ᠪᠣᠯᠬᠤ ᠦᠭᠡᠢ᠂ ᠡᠷᠬᠡᠪᠰᠢ ᠬᠠᠨᠳᠠᠭᠠᠶ ᠶᠢᠨ ᠶᠠᠰᠤ ᠶᠢ ᠲᠡᠭᠦᠵᠦ  ᠠᠪᠤᠭᠠᠳ ᠭᠤᠣᠯ ᠳᠤ ᠬᠠᠶᠠᠬᠤ ᠬᠡᠷᠡᠭᠲᠡᠶ᠂ ᠬᠡᠷᠪᠡ ᠨᠣᠬᠠᠶ ᠪᠤᠶᠤ ᠠᠷᠢᠶᠠᠲᠠᠨ ᠠᠮᠢᠲᠠᠨ ᠳᠤ ᠢᠳᠡᠭᠳᠡᠪᠡᠯ ᠠᠩ ᠠᠩᠨᠠᠯ ᠳᠤ ᠲᠤᠩ ᠠᠰᠢᠭ ᠦᠭᠡᠢ᠃ ᠠᠩ  ᠠᠩᠨᠠᠬᠤ ᠳᠠᠭᠠᠨ ᠭᠠᠯᠠᠭᠤ ᠠᠯᠠᠳᠠᠭ ᠥᠬᠡᠶ᠂ ᠡᠰᠡ ᠲᠡᠭᠡᠪᠡᠯ ᠡᠷ᠎ᠡ ᠡᠮ᠎ᠡ ᠬᠤᠶᠠᠭᠤᠯᠠ ᠶᠢᠨ ᠬᠠᠶᠢᠷ᠎ᠠ ᠰᠡᠳᠬᠢᠯᠭᠡ ᠳᠤ ᠠᠰᠢᠭ ᠥᠬᠡᠶ᠂ ᠤᠴᠢᠷ ᠨᠢ ᠡᠷᠡᠭᠴᠢᠨ  ᠡᠮᠡᠭᠴᠢᠨ ᠭᠠᠯᠠᠭᠤ ᠬᠠᠮᠲᠤ ᠪᠠᠶᠢᠳᠠᠭ᠃ ᠬᠡᠷᠪᠡ ᠨᠢᠭᠡ ᠶᠢ ᠨᠢ ᠠᠯᠠᠪᠠᠯ ᠨᠥᠭᠦᠭᠡ ᠨᠢ ᠥᠨᠥᠴᠢᠨ ᠭᠠᠯᠠᠭᠤ ᠪᠣᠯᠤᠨ᠎ᠠ᠃ ᠳᠣᠭᠰᠢᠨ ᠠᠷᠢᠶᠠᠲᠠᠨ ᠤ ᠨᠡᠷ᠎ᠡ ᠶᠢ ᠰᠢᠭᠤᠳ  ᠳᠠᠭᠤᠳᠠᠵᠤ ᠪᠣᠯᠬᠤ ᠥᠬᠡᠶ᠂ ᠪᠠᠭᠠᠪᠠᠭᠠᠶ ᠶᠢ ︽ᠡᠪᠦᠭᠡᠨ ᠠᠪᠤ︾ ᠭᠡᠵᠦ᠂ ᠪᠠᠷᠰ ᠢ ︽ᠠᠷᠢᠶᠠᠲᠠᠨ ᠤ ᠸᠠᠩ︾ ᠭᠡᠵᠦ ᠳᠠᠭᠤᠳᠠᠳᠠᠭ᠃           
ᠢᠷᠡᠯᠲᠡ᠄ ᠤᠷᠴᠥᠨ ᠤ ᠦᠪᠡᠷᠲᠡᠭᠡᠨ ᠵᠠᠰᠠᠬᠤ ᠬᠤᠰᠢᠭᠤᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ