| 6 ᠰᠠᠷᠠ ᠶᠢᠨ 8 ᠤ ᠥᠷᠯᠥᠭᠡ᠃ | - ᠮᠠᠷᠭᠠᠰᠢ ᠭᠡᠳᠤ ᠭᠡᠵᠦ ᠬᠥᠳᠡᠯᠬᠦ ᠤᠤ︖ | - ᠥᠷᠯᠥᠭᠡᠨ ᠤ ᠰᠡᠷᠢᠭᠦᠨ ᠳᠤ ᠲᠦᠰᠦᠲᠡᠢ ᠬᠥᠳᠡᠯᠪᠡᠯ ᠵᠠᠮ ᠬᠤᠷᠣᠭᠠᠬᠤ ᠨᠢ ᠢᠯᠡᠭᠦᠦ ᠪᠠᠶᠢᠬᠠ ᠁ | ᠮᠢᠩᠭᠠᠨ ᠭᠠᠵᠠᠷ ᠤᠨ ᠠᠯᠤᠰ ᠲᠤ ᠪᠠᠶᠢᠭᠠ ᠨᠤᠲᠤᠭ ᠢᠶᠠᠨ ᠵᠣᠷᠢᠬᠤ ᠶᠢᠨ ᠡᠮᠦᠨᠡ ᠣᠷᠣᠢ ᠠᠪᠤ ᠡᠵᠢ ᠪᠢᠳᠡ ᠭᠤᠷᠪᠠᠭᠤᠯᠠ ᠶᠢᠨ ᠳᠠᠩᠳᠠ ᠶᠠᠷᠢᠯᠴᠠᠳᠠᠭ | ᠵᠣᠭᠤᠭ ᠭᠡᠵᠦ ᠡᠨᠡ ᠳ᠋ᠧ᠃ ᠦᠷᠡ ᠶᠢᠨ ᠭᠠᠭᠴᠠ ᠵᠢᠯᠣᠭᠤᠴᠢ ᠬᠡᠦᠬᠡᠨ ᠢᠶᠠᠨ ᠨᠠᠷᠠ ᠬᠠᠯᠠᠬᠤ ᠠᠴᠠ ᠡᠮᠦᠨᠡ ᠵᠣᠷᠢᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠣᠴᠢᠴᠢᠬᠠᠪᠠᠯ ᠵᠦᠳᠡᠷᠡᠬᠦ | ᠦᠭᠡᠢ ᠪᠠᠶᠢᠯᠭᠦᠢ ᠭᠡᠵᠦ ᠪᠤᠳᠤᠬᠰᠠᠨ ᠤ ᠬᠢ ᠤᠤ ᠡᠰᠡᠬᠦᠯᠡ 92 ᠤᠨ ᠥᠨᠳᠥᠷ ᠨᠠᠰᠤ ᠶᠢ ᠵᠣᠭᠤᠭᠯᠠᠭᠰᠠᠨ ᠪᠤᠶᠠᠨᠲᠠᠢ ᠪᠤᠭᠤᠷᠤᠯ ᠡᠵᠢ ᠲᠠᠢ ᠪᠠᠨ ᠬᠤᠷᠳᠤᠬᠠᠨ | ᠵᠣᠯᠭᠠᠬᠤ ᠶᠤᠮᠰᠠᠨ ᠭᠡᠵᠦ ᠬᠦᠰᠡᠨ ᠮᠥᠷᠥᠭᠡᠳᠦᠭᠰᠡᠨ ᠬᠦᠦ ᠶᠢᠨ ᠰᠡᠳᠬᠢᠯ ᠴᠤ ᠪᠠᠶᠢᠭᠠ ᠪᠣᠯᠪᠠ ᠤᠤ ᠭᠡᠵᠦ ᠪᠢ ᠰᠡᠮᠭᠡᠨ ᠪᠤᠳᠤᠯᠠ᠃ | ᠭᠦᠭᠡᠬᠤᠲᠠ ᠠᠴᠠ ᠠᠪᠠᠭᠠ ᠬᠤᠰᠢᠭᠤ ᠭᠦᠷᠲᠡᠯᠡ 550 ᠭᠠᠷᠤᠢ ᠺᠢᠯᠣᠮᠧᠲᠷ ᠵᠠᠢ ᠲᠠᠢ᠂ ᠠᠪᠤ ᠡᠵᠢ ᠪᠢᠳᠠ ᠭᠤᠷᠪᠠᠭᠤᠯᠠ ᠡᠨᠡ ᠵᠠᠮ ᠢᠶᠠᠷ ᠵᠥᠩᠳᠡᠭᠡᠨ | ᠶᠠᠪᠤᠭᠰᠠᠨ᠃ ᠡᠨᠡ ᠤᠳᠠᠭᠠ ᠮᠥᠨ ᠯᠡ ᠪᠣᠭᠳᠠ ᠠᠭᠤᠯᠠ ᠶᠢᠨ ᠢᠶᠠᠨ ᠡᠭᠦᠯᠡᠨ ᠰᠠᠴᠤᠭ ᠲᠤ ᠳᠠᠯᠠᠯᠤᠭᠤᠯᠵᠤ᠂ ᠤᠶᠢᠳᠠᠢ ᠶᠠᠳᠠᠷᠠᠭᠠ ᠲᠠᠢ ᠠᠵᠢᠯ ᠤᠨ ᠴᠢᠭᠲᠠᠭᠠᠨ | ᠠᠴᠠ ᠠᠯᠳᠠᠭᠤᠷᠠᠵᠦ᠂ ᠬᠤᠨᠤᠭ ᠲᠣᠭᠠᠯᠠᠨ ᠬᠦᠯᠢᠶᠡᠭᠰᠡᠨ ᠨᠠᠭᠠᠳᠤᠮ ᠤᠨ ᠴᠡᠩᠭᠡᠬᠦᠨ ᠳᠤ ᠪᠠᠶᠠᠰᠬᠤ ᠪᠠᠷ ᠠᠪᠤ ᠡᠵᠢ ᠪᠢᠳᠠ ᠭᠤᠷᠪᠠ ᠨᠤᠲᠤᠭ ᠤᠨ ᠢᠶᠠᠨ ᠵᠦᠭ ᠰᠠᠯᠬᠢ | ᠲᠠᠲᠠᠭᠤᠯᠤᠨ ᠭᠠᠯᠭᠢᠭᠤᠯᠤᠯᠠ᠃ ᠬᠥᠭᠰᠡᠯ ᠢᠶᠠᠨ ᠳᠠᠷᠤᠵᠤ ᠶᠠᠳᠠᠭᠰᠠᠨ ᠮᠠᠨ ᠤ ᠭᠤᠷᠪᠠ ᠤᠯᠠᠨ ᠰᠢᠪᠠᠭᠤ ᠨᠢᠭᠡ ᠨᠠᠭᠤᠷ ᠲᠤ ᠪᠠᠭᠤᠭᠰᠠᠨ ᠭᠡᠮᠡᠷ ᠥᠪᠡᠷ ᠥᠪᠡᠷ ᠤᠨ | ᠬᠢ ᠪᠠᠨ ᠶᠠᠷᠢᠵᠤ ᠳᠦᠷᠭᠢᠯᠳᠦᠨ᠂ ᠲᠠᠯᠠᠨ ᠬᠠᠷᠠ ᠶᠢ ᠲᠠᠪᠠᠨ᠂ ᠤᠯᠠᠭᠠᠨᠬᠤᠸᠠ ᠶᠢ ᠥᠩᠭᠡᠷᠡᠭᠡᠳ ᠰᠠᠶᠢᠬᠠᠨᠲᠠᠯᠠ ᠬᠦᠷᠬᠦ ᠲᠠᠢ ᠵᠡᠷᠭᠡ ᠨᠠᠮᠤᠷ ᠤᠨ ᠬᠥᠬᠡ ᠠᠷᠭᠠᠯ ᠭᠡᠮᠡᠷ | ᠬᠠᠶᠠ ᠠᠳᠡ ᠲᠡᠨᠳᠡ ᠬᠠᠷᠠᠭᠳᠠᠬᠤ ᠪᠤᠳᠠ ᠰᠣᠨᠳᠤᠤᠯᠠ ᠠᠴᠠ ᠥᠭᠡᠷᠡ ᠨᠣᠭᠤᠭᠠᠨ ᠶᠠᠭᠤᠮᠠ ᠳᠡᠮᠡᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠭᠠᠩ ᠲᠠᠢ ᠵᠤᠨ ᠤ ᠲᠠᠯᠠ ᠶᠢ ᠬᠠᠷᠠᠭᠠᠳ | ᠬᠤᠷᠤᠮᠬᠠᠨ ᠵᠠᠭᠤᠷᠠ ᠨᠠᠮ ᠣᠴᠢᠪᠠ᠃ ᠭᠠᠶᠢᠬᠠᠰᠢᠷᠠᠯ ᠪᠤᠶᠤ ᠤᠢ ᠭᠠᠰᠢᠭᠤ ᠬᠡᠨ ᠬᠡᠨ ᠤ ᠬᠢᠨᠢ ᠴᠢᠷᠠᠢ ᠳᠡᠭᠡᠷᠡ ᠢᠯᠡ᠃ ᠳᠡᠯᠭᠡᠷ ᠵᠤᠨ ᠤ ᠨᠠᠮᠢᠷᠠᠭᠠ ᠬᠤᠷᠠ ᠶᠢᠨ | ᠪᠤᠭᠤᠷᠤᠯ ᠲᠤᠰᠤᠯ ᠢ ᠴᠡᠴᠡᠭᠡᠰ ᠢᠶᠠᠷ ᠢᠶᠠᠨ ᠲᠤᠰᠤᠨ ᠮᠥᠩᠬᠡ ᠬᠥᠬᠡ ᠲᠡᠭᠷᠢ ᠶᠢᠨ ᠢᠶᠠᠨ ᠳᠣᠣᠷᠠ ᠠᠭᠤᠵᠢᠷᠠᠨ ᠨᠠᠯᠠᠶᠢᠳᠠᠭ ᠴᠡᠩᠬᠡᠷ ᠬᠠᠩᠭᠠᠢ ᠲᠠᠮᠤᠴᠢ ᠶᠢᠨ ᠲᠠᠯᠠ | ᠡᠳᠦᠭᠡ ᠨᠤᠷᠮᠠᠨ ᠭᠠᠯ ᠤᠨ ᠢᠯᠴᠢ ᠲᠠᠢ ᠴᠤᠭ ᠰᠢᠭ᠋ ᠤᠯᠠᠭᠠᠨ ᠬᠠᠯᠴᠠᠭᠠᠢ᠃ | - ᠳᠠᠯᠠ ᠨᠠᠶᠠᠭᠠᠳ ᠣᠨ ᠤ ᠦᠶᠡ ᠪᠠᠷ ᠭᠦᠭᠡᠬᠤᠲᠠ ᠠᠴᠠ ᠭᠤᠷᠪᠠ ᠳᠦᠷᠪᠡᠨ ᠡᠳᠦᠷ ᠶᠠᠪᠤᠵᠤ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠨᠤᠲᠤᠭ ᠭᠦᠷᠳᠡᠭ ᠪᠠᠶᠢᠭᠰᠠᠨ᠂ ᠤᠳᠤ | ᠴᠤ ᠡᠳᠦᠷ ᠤᠨ ᠵᠠᠮ ᠪᠣᠯᠴᠢᠬᠠᠵᠠᠢ ᠭᠡᠵᠦ ᠠᠪᠤ ᠮᠢᠨᠢ ᠵᠠᠯᠠᠭᠤ ᠶᠢᠨ ᠦᠶᠡ ᠪᠠᠨ ᠳᠤᠷᠠᠰᠤᠨ ᠶᠠᠷᠢᠵᠤ᠂ ᠨᠠᠮ ᠬᠥᠮ ᠪᠠᠶᠢᠳᠠᠯ ᠢ ᠡᠪᠳᠡᠪᠡᠯ᠂ ᠡᠵᠢ᠄ | - ᠬᠤᠵᠢᠷ ᠤᠨ ᠠᠭᠤᠷᠬᠠᠢ ᠠᠴᠠ ᠵᠠᠭᠠᠨ ᠤ ᠬᠤᠰᠢᠭᠤ ᠣᠷᠣᠲᠠᠯᠠ ᠶᠡᠭᠡ ᠴᠤ ᠶᠠᠪᠤᠳᠠᠭ ᠪᠠᠶᠢᠯᠠ ᠰᠢᠤ ᠁ ᠭᠡᠵᠦ ᠡᠯᠭᠦᠵᠦ ᠶᠠᠷᠢᠨᠠ᠃ | ᠭᠠᠩ ᠲᠠᠢ ᠵᠤᠨ ᠤ ᠬᠠᠯᠠᠭᠤᠨ ᠰᠠᠯᠬᠢ ᠪᠠᠷ ᠪᠡᠶᠡ ᠪᠠᠨ ᠨᠡᠪᠲᠡ ᠰᠦᠪᠡᠯᠡᠭᠦᠯᠵᠦ᠂ ᠪᠦᠳᠦᠴᠢᠬᠦ ᠪᠦᠳᠦᠭᠦᠨ ᠡᠪᠡᠰᠦ ᠦᠭᠡᠢ ᠲᠠᠯᠠ ᠶᠢ ᠬᠠᠷᠠᠭᠰᠠᠭᠠᠷ ᠪᠢ | ᠮᠠᠰᠢᠨ ᠤ ᠵᠢᠯᠣᠭᠤ ᠪᠠᠨ ᠴᠢᠩᠭᠠ ᠪᠠᠷᠢᠨ᠂ ᠠᠪᠤ ᠡᠵᠢ ᠶᠢᠨ ᠢᠶᠠᠨ ᠰᠡᠳᠬᠢᠯ ᠢ ᠭᠦᠨᠳᠡᠭᠦ ᠠᠴᠠ ᠪᠣᠯᠭᠤᠮᠵᠢᠯᠠᠨ᠂ ᠡᠮᠵᠡᠭᠯᠡᠭᠰᠡᠨ ᠰᠡᠳᠬᠢᠯ ᠢᠶᠠᠨ ᠳᠠᠷᠤᠵᠤ᠂ ᠲᠣᠪ ᠳᠤᠭᠤᠢ | ᠳᠠᠪᠬᠢᠭᠤᠯᠤᠯᠠ᠃ ᠰᠥᠨᠢᠳ ᠵᠡᠭᠦᠨ ᠬᠤᠰᠢᠭᠤᠨ ᠤ ᠪᠠᠶᠢᠷᠢᠠᠠᠭᠤᠯᠠ ᠶᠢ ᠥᠩᠭᠡᠷᠡᠭᠡᠳ ᠪᠤᠭᠤᠮ ᠤᠨ ᠭᠤᠣᠯ ᠤᠨ ᠬᠠᠵᠠᠭᠤ ᠪᠠᠷ ᠭᠠᠷᠬᠤ ᠳᠤ ᠮᠠᠩᠬᠠᠨ ᠤ ᠨᠠᠭᠠᠨᠠ | ᠦᠬᠡᠷ ᠬᠤᠨᠢᠳ ᠳᠠᠷᠬᠠᠨ ᠪᠡᠯᠴᠢᠵᠦ᠂ ᠵᠦᠢᠯ ᠪᠦᠷᠢ ᠶᠢᠨ ᠤᠰᠤᠨ ᠤ ᠰᠢᠪᠠᠭᠤᠳ ᠭᠠᠩᠭᠠᠨᠠᠯᠳᠤᠨ᠂ ᠮᠠᠩᠬᠠᠨ ᠳᠡᠭᠡᠷᠡ ᠠᠳᠤᠭᠤᠳ ᠲᠠᠪᠠᠲᠠᠶᠢᠬᠠᠨ ᠨᠠᠷᠠᠨ ᠳᠤ ᠡᠭᠡᠭᠡᠵᠦ | ᠲᠡᠬᠡᠷᠡᠵᠦ ᠢᠯᠠᠭᠠᠷᠬᠠᠨᠠ᠃ | ᠦᠳᠡ ᠥᠩᠭᠡᠷᠡᠭᠦᠯᠦᠭᠡᠳ ᠪᠢᠳᠠ ᠵᠣᠷᠢᠭᠰᠠᠨ ᠭᠠᠵᠠᠷ ᠠᠪᠠᠭᠠ ᠬᠤᠰᠢᠭᠤᠨ ᠤ ᠴᠠᠭᠠᠨᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠤᠯᠠᠭᠠᠨᠲᠤᠶᠠᠭᠠ ᠭᠠᠴᠠᠭᠠᠨ ᠳᠠᠬᠢ ᠠᠪᠠᠭᠠ | ᠶᠢᠨ ᠳᠠᠭᠠᠨ ᠭᠦᠷᠦᠭᠡᠳ ᠢᠷᠡᠴᠢᠬᠡᠬᠦ ᠨᠢ ᠲᠡᠷᠡ᠃ ᠭᠡᠷ ᠤᠨ ᠵᠡᠭᠦᠨᠲᠡᠭᠦᠷ ᠭᠠᠷᠳᠠᠭ ᠱᠦᠢᠨᠢ ᠵᠠᠮ ᠠᠴᠠ ᠪᠠᠭᠤᠨ᠂ ᠬᠤᠷᠳᠤᠴᠠ ᠪᠠᠨ ᠤᠳᠠᠭᠠᠰᠢᠷᠠᠭᠤᠯᠬᠤ ᠳᠤ | ᠬᠤᠶᠢᠯᠤᠭ ᠮᠠᠨᠢ ᠭᠦᠪ ᠭᠦᠪ ᠬᠤᠴᠠᠭᠰᠠᠭᠠᠷ ᠲᠤᠰᠤᠭᠠᠳ ᠢᠷᠡᠯᠡ᠃ | - ᠬᠤᠶᠢᠯᠤᠭ ᠠ᠋᠂ ᠢᠷᠡᠭᠡ ᠦᠭᠡᠢ ᠤᠳᠠᠬᠤ ᠳᠤ ᠲᠠᠨᠢᠬᠤ ᠪᠠᠨ ᠪᠣᠯᠢᠴᠢᠬᠠᠪᠠ ᠤᠤ︖ᠭᠡᠵᠦ ᠪᠢ ᠭᠤᠮᠤᠳᠤᠩᠭᠤᠢ ᠶᠠᠷᠢᠬᠤ ᠳᠤ ᠬᠤᠶᠢᠯᠤᠭ ᠮᠢᠨᠢ ᠤᠳᠠᠭᠠᠨ | ᠡᠳᠦᠷ ᠠᠭᠤᠯᠵᠠᠭᠠ ᠦᠭᠡᠢ ᠰᠠᠨᠠᠭᠠ ᠪᠠᠨ ᠢᠯᠡᠳᠬᠡᠨ ᠰᠡᠭᠦᠯ ᠢᠶᠠᠨ ᠰᠢᠷᠪᠠᠯᠵᠠᠭᠤᠯᠤᠨ ᠡᠷᠬᠡᠯᠡᠨᠡ᠃ ᠰᠠᠳᠤᠨ ᠲᠦᠷᠦᠯ ᠲᠠᠢ ᠪᠠᠨ ᠤᠴᠠᠷᠠᠵᠤ᠂ ᠰᠠᠨᠠᠭᠰᠠᠨ | ᠪᠤᠳᠤᠬᠰᠠᠨ ᠢᠶᠠᠨ ᠠᠭᠤᠵᠢᠷᠠᠲᠠᠯᠠ ᠶᠠᠷᠢᠯᠴᠠᠨ᠂ ᠦᠳᠡᠯᠦᠭᠡ ᠪᠤᠭᠤᠷᠤᠯ ᠳᠠᠭᠠᠨ ᠡᠷᠬᠡᠯᠡᠨ ᠪᠢᠳᠠ ᠭᠤᠷᠪᠠ ᠰᠡᠳᠬᠢᠯ ᠥᠶᠥᠭ ᠠᠮᠠᠷᠠᠪᠠ᠃ | - ᠡᠨᠡ ᠵᠢᠯ ᠵᠢᠭᠠᠬᠠᠨ ᠭᠠᠩ ᠲᠠᠢ ᠭᠡᠵᠦ ᠠᠪᠠᠭᠠ ᠮᠢᠨᠢ ᠬᠡᠯᠡᠨᠡ᠃ ᠪᠢᠳᠠ ᠭᠤᠷᠪᠠ ᠰᠡᠳᠬᠢᠯ ᠰᠡᠷᠭᠦᠭᠡᠬᠦ ᠭᠡᠵᠦ ᠨᠤᠲᠤᠭ ᠤᠨ ᠢᠶᠠᠨ ᠬᠡᠳᠦᠨ ᠨᠠᠭᠤᠷ | ᠲᠣᠭᠤᠷᠢᠮ ᠢᠶᠠᠷ ᠲᠣᠭᠤᠷᠢᠯᠠ᠃ ᠲᠡᠭᠡᠭ ᠨᠠᠮᠤᠭ᠂ ᠬᠠᠷᠭᠠᠨᠲᠠᠢ ᠶᠢᠨ ᠤᠰᠤ ᠨᠢ ᠵᠢᠭᠠᠬᠠᠨ ᠲᠠᠲᠠᠭᠤᠷᠠᠭᠰᠠᠨ ᠴᠦ ᠲᠣᠷᠭᠠᠨ ᠨᠣᠭᠤᠭᠠᠨ ᠥᠩᠭᠡ ᠪᠢᠯᠬᠠᠷᠠᠭᠤᠯᠤᠨ᠂ ᠮᠠᠯ | ᠰᠦᠷᠦᠭ ᠪᠡᠯᠴᠢᠨ᠂ ᠯᠠᠮᠠ ᠰᠢᠪᠠᠭᠤ᠂ ᠬᠤᠨ ᠭᠠᠯᠠᠭᠤ᠂ ᠲᠣᠭᠤᠷᠤᠤ ᠵᠡᠷᠭᠡ ᠰᠢᠪᠠᠭᠤᠳ ᠡᠭᠦᠷ ᠥᠨᠳᠡᠭᠡ ᠪᠠᠨ ᠬᠠᠷᠠᠮᠨᠠᠨ ᠭᠠᠩᠭᠠᠨᠠᠯᠳᠤᠨᠠ᠃ | ᠮᠠᠯ ᠤᠨ ᠲᠤᠪᠤ ᠳᠡᠭᠡᠷᠡ ᠰᠠᠷᠠᠪᠴᠢᠨ ᠤ ᠪᠣᠷᠣ ᠪᠢᠯᠵᠤᠤᠬᠠᠢ ᠨᠣᠭᠤᠭᠠᠨ ᠡᠪᠡᠰᠦ ᠵᠠᠭᠤᠴᠢᠬᠠᠭᠠᠳ ᠨᠢᠰᠤᠨ ᠳᠡᠪᠳᠡᠷᠢᠬᠦ ᠶᠢ ᠰᠡᠭᠦᠳᠡᠷᠯᠡᠭᠡᠳ ᠡᠵᠢ ᠳᠡᠭᠡᠨ | ᠦᠵᠡᠭᠦᠯᠪᠡᠯ᠂ | - ᠬᠥᠭᠡᠷᠦᠬᠦᠢ᠂ ᠡᠨᠡ ᠵᠢᠭᠠᠬᠠᠨ ᠠᠮᠢ᠂ ᠦᠷᠡ ᠵᠤᠯᠵᠠᠭᠠ ᠳᠠᠭᠠᠨ ᠨᠣᠭᠤᠭᠠᠨ ᠤ ᠦᠨᠦᠷ ᠦᠨᠦᠷᠲᠦᠭᠦᠯᠵᠦ ᠪᠠᠶᠢᠭᠠ ᠪᠣᠯᠪᠠᠤ︖ᠭᠡᠵᠦ ᠡᠵᠢ ᠮᠢᠨᠢ ᠬᠡᠯᠡᠬᠦ ᠳᠤ᠂ | | - ᠡᠭᠦᠷ ᠢᠶᠠᠨ ᠵᠠᠰᠠᠨ ᠰᠡᠯᠪᠢᠵᠦ ᠪᠠᠶᠢᠭᠠ ᠪᠠᠶᠢᠯᠭᠦᠢ ᠭᠡᠵᠦ ᠠᠪᠤ ᠮᠢᠨᠢ ᠠᠮᠠᠳᠠᠨ ᠬᠡᠯᠡᠭᠡᠳ᠂ ᠮᠢᠨᠤ ᠶᠠᠷᠢᠭᠰᠠᠨ ᠵᠥᠪ ᠰᠢᠦ ᠭᠡᠰᠡᠨ ᠰᠢᠭ ᠨᠠᠮᠠᠶᠢ ᠬᠠᠷᠠᠨ | ᠬᠥᠬᠦᠷᠡᠨᠡ᠃ | ᠠᠯᠠᠭ ᠲᠠᠭᠤ ᠮᠠᠩᠬᠠᠨ ᠭᠦᠷᠪᠡᠯ ᠪᠠᠷᠢᠵᠤ ᠢᠳᠡᠵᠦ ᠪᠠᠶᠢᠭᠠ ᠶᠢ ᠪᠢ ᠵᠠᠪᠳᠤᠨ ᠰᠡᠭᠦᠳᠡᠷᠯᠡᠭᠡᠳ ᠪᠠᠰᠠ ᠨᠢᠭᠡ ᠰᠠᠶᠢᠬᠠᠨ ᠰᠡᠭᠦᠳᠡᠷ ᠲᠠᠲᠠᠭᠰᠠᠨ ᠳᠠᠭᠠᠨ | ᠤᠯᠵᠠᠭᠤᠷᠬᠠᠨ ᠣᠮᠣᠭᠰᠢᠯᠠ᠃ ᠡᠵᠢ ᠠᠪᠤ ᠮᠢᠨᠢ ᠨᠤᠷᠪᠤᠳᠤᠷᠵᠢ᠂ ᠠᠳᠢᠶᠠ᠂ ᠪᠠᠳᠮᠠᠼᠤᠤ ᠵᠡᠷᠭᠡ ᠠᠭᠤᠯᠵᠠᠭᠠ ᠦᠭᠡᠢ ᠤᠳᠠᠭᠰᠠᠨ ᠬᠠᠭᠤᠴᠢᠨ ᠲᠠᠨᠢᠯ ᠨᠠᠰᠤᠲᠠᠳ ᠲᠠᠢ | ᠪᠠᠨ ᠠᠭᠤᠯᠵᠠᠵᠤ᠂ ᠬᠠᠭᠤᠴᠢ ᠬᠥᠭᠡᠷᠴᠦ ᠶᠠᠪᠤᠭᠰᠠᠨ ᠳᠠᠭᠠᠨ ᠨᠠᠳᠠ ᠠᠴᠠ ᠢᠯᠡᠭᠦᠦ ᠤᠯᠵᠠᠭᠤᠷᠬᠠᠨᠠ᠃ | ᠠᠪᠠᠭᠠ ᠡᠵᠢ ᠶᠢᠨ ᠮᠢᠨᠢ ᠬᠤᠶᠠᠷ ᠵᠢᠭᠡ ᠣᠮᠪᠣᠯᠣ ᠬᠦᠦ ᠶᠢᠨ ᠰᠡᠪᠡᠯᠭᠡ ᠦᠷᠭᠦᠭᠡᠬᠦ ᠨᠠᠶᠢᠷ ᠲᠣᠭᠲᠠᠭᠰᠠᠨ ᠶᠣᠰᠣᠭᠠᠷ ᠡᠬᠢᠯᠡᠵᠦ᠂ ᠪᠦᠭᠡ ᠶᠢᠨ ᠬᠤᠷᠣᠬᠠᠢ | ᠠᠪᠤ᠂ ᠨᠠᠶᠢᠷ ᠤᠨ ᠬᠤᠷᠣᠬᠠᠢ ᠡᠵᠢ᠂ ᠭᠡᠷᠡᠯ ᠵᠢᠷᠤᠭ ᠲᠠᠲᠠᠬᠤ ᠬᠤᠷᠣᠬᠠᠢ ᠪᠢ ᠨᠠᠶᠢᠷ ᠢᠶᠠᠷ ᠨᠢᠭᠡ ᠱᠠᠩᠳᠠᠭᠤᠷᠠᠯᠠ᠃ ᠬᠡᠳᠦᠨ ᠲᠤᠰᠤᠯ ᠪᠣᠷᠣᠭᠠᠨ ᠲᠤᠰᠤᠯᠠᠴᠢᠬᠠᠬᠰᠠᠨ | ᠰᠡᠷᠢᠭᠦᠬᠡᠨ ᠰᠠᠶᠢᠬᠠᠨ ᠡᠳᠦᠷ᠃ ᠰᠢᠨᠳᠠᠰᠤᠲᠤ ᠭᠦᠯᠦᠭ ᠤᠳ ᠰᠠᠩ ᠡᠷᠭᠢᠨ ᠪᠠᠷᠢᠶᠠᠨ ᠤ ᠭᠠᠵᠠᠷ ᠢ ᠴᠢᠭᠯᠡᠬᠦ ᠳᠤ ᠬᠤᠷᠠᠭᠰᠠᠨ ᠤᠯᠠᠨ ᠴᠤ ᠮᠣᠷᠢᠳ ᠤᠨ ᠬᠤᠶᠢᠨᠠ | ᠠᠴᠠ ᠴᠤᠪᠤᠷᠠᠯᠳᠤᠨᠠ᠃ ᠬᠦᠳᠡᠷ ᠴᠢᠭᠢᠷᠠᠭ ᠪᠥᠬᠡᠴᠦᠳ ᠴᠡᠭᠡᠵᠢ ᠭᠢᠯᠠᠯᠵᠠᠭᠤᠯᠤᠨ ᠵᠠᠩᠭᠢᠶᠠ ᠬᠡᠶᠢᠰᠬᠡᠵᠦ᠂ ᠨᠠᠶᠢᠷ ᠤᠨ ᠲᠠᠯᠠᠪᠠᠢ ᠬᠤᠲᠣᠯᠵᠠᠲᠠᠯᠠ ᠳᠡᠪᠢᠨ᠂ ᠬᠦᠴᠦ | ᠤᠬᠠᠭᠠᠨ ᠰᠣᠷᠢᠨ ᠪᠠᠷᠢᠯᠳᠤᠬᠤ ᠳᠤ ᠤᠤᠬᠠᠢ ᠬᠠᠰᠬᠢᠷᠤᠯᠲᠠ ᠦᠷᠭᠦᠯᠵᠢᠯᠡᠨᠡ᠃ ᠥᠩᠭᠡ ᠥᠩᠭᠡ ᠶᠢᠨ ᠲᠡᠷᠯᠢᠭ ᠢᠶᠠᠷ ᠨᠠᠭᠠᠳᠤᠮ ᠢᠶᠠᠨ ᠴᠢᠮᠡᠭᠰᠡᠨ ᠡᠷᠡᠬᠡᠢ ᠮᠡᠷᠭᠡᠨ | ᠬᠠᠷᠪᠤᠭᠠᠴᠢᠳ ᠴᠡᠴᠡ ᠪᠤᠯᠢᠶᠠᠯᠳᠤᠨ ᠡᠷᠳᠡᠮ ᠢᠶᠠᠨ ᠭᠠᠶᠢᠬᠠᠭᠤᠯᠵᠤ᠂ ᠨᠠᠭᠠᠳᠤᠮ ᠰᠠᠶᠢᠬᠠᠨ ᠵᠢᠷᠭᠠᠯᠠ᠃ | - ᠡᠶᠢᠮᠦ ᠶᠡᠭᠡ ᠨᠠᠶᠢᠷ ᠨᠠᠭᠠᠳᠤᠮ ᠡᠷᠭᠢᠯᠡᠭᠡᠳ ᠣᠯᠣᠭᠰᠠᠨ ᠢᠶᠠᠨ ᠣᠪᠣᠭᠠ ᠦᠷᠡᠯᠡ᠃ ᠭᠠᠩ ᠲᠠᠢ ᠪᠠᠶᠢᠬᠤ ᠳᠤ ᠮᠥᠩᠭᠦ ᠪᠠᠨ ᠠᠷᠪᠢᠯᠠᠨ ᠨᠠᠶᠢᠷ ᠨᠠᠭᠠᠳᠤᠮ | ᠡᠷᠭᠢᠯᠡᠭᠦ ᠦᠭᠡᠢ ᠪᠠᠶᠢᠵᠤ ᠪᠤᠯᠬᠤ ᠦᠭᠡᠢ ᠤᠤ︖ᠭᠡᠵᠦ ᠪᠢ ᠠᠪᠠᠭᠠ ᠡᠵᠢ ᠠᠴᠠ ᠪᠠᠨ ᠠᠰᠠᠭᠤᠪᠠ᠃ ᠠᠪᠠᠭᠠ ᠡᠵᠢ ᠮᠢᠨᠢ ᠨᠠᠮᠠᠶᠢ ᠤᠳᠠᠲᠠᠯᠠ ᠥᠬᠦᠭᠡᠷᠳᠡᠨ | ᠰᠢᠷᠳᠡᠭᠰᠡᠨ ᠢᠶᠠᠨ᠂ | - ᠪᠣᠷᠣᠭᠠᠨ ᠣᠷᠣᠬᠤ ᠪᠠᠶᠢᠯᠭᠦᠢ ᠳ᠋ᠧ᠃ ᠪᠠᠶᠢᠭᠠᠯᠢ ᠶᠢᠨ ᠭᠠᠮᠰᠢᠭ ᠲᠤ ᠲᠠᠭᠠᠷᠢᠬᠳᠠᠴᠢᠬᠠᠯᠠ ᠭᠡᠵᠦ ᠵᠣᠪᠠᠭᠠᠳ ᠨᠠᠭᠠᠳᠤᠮ ᠢᠶᠠᠨ ᠬᠢᠬᠦ ᠪᠠᠨ ᠪᠣᠯᠢᠭᠠᠳ | ᠪᠠᠶᠢᠭᠰᠠᠨ ᠪᠣᠯ︽ᠨᠠᠭᠠᠳᠤᠮ ᠤᠨ ᠬᠤᠷᠠᠯ︾ᠭᠡᠬᠦ ᠤᠯᠠᠮᠵᠢᠯᠠᠯᠲᠤ ᠰᠣᠶᠣᠯ ᠮᠢᠨᠢ ᠤᠰᠠᠳᠴᠢᠬᠠᠭᠰᠠᠨ ᠪᠠᠶᠢᠵᠤ ᠮᠡᠳᠡᠨᠡ᠃ ᠡᠭᠦᠨ ᠠᠴᠠ ᠢᠯᠡᠭᠦᠦ ᠭᠠᠮᠰᠢᠭ ᠬᠠᠮᠢᠭᠠ | ᠪᠠᠶᠢᠬᠤ ᠪᠤᠢ︖ᠨᠦᠭᠦᠭᠡ ᠲᠠᠯᠠ ᠪᠠᠷ ᠦᠷᠡ ᠦᠨᠳᠦᠰᠦ ᠮᠢᠨᠢ ᠡᠩᠬᠡ ᠲᠤᠩᠬᠠ᠂ ᠡᠷᠡᠭᠦᠯ ᠰᠠᠷᠠᠭᠤᠯ ᠦᠰᠦᠨ ᠪᠣᠶᠢᠵᠢᠵᠤ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ ᠢᠯᠡᠭᠦᠦ ᠵᠢᠷᠭᠠᠯ | ᠬᠠᠮᠢᠭᠠ ᠪᠠᠶᠢᠬᠤ ᠪᠤᠢ︕ᠭᠡᠵᠦ ᠬᠡᠯᠡᠭᠡᠳ ᠨᠠᠮᠠᠶᠢ ᠬᠠᠷᠠᠨ ᠢᠨᠢᠶᠡᠪᠡ᠃ ᠠᠪᠠᠭᠠ ᠡᠵᠢ ᠶᠢᠨ ᠮᠢᠨᠢ ᠢᠨᠢᠶᠡᠳᠦ ᠲᠡᠶᠢᠮᠦ ᠯᠡ ᠭᠡᠭᠡ ᠲᠠᠲᠠᠭᠰᠠᠨ ᠠᠰᠪᠤᠷ ᠴᠠᠶᠢᠯᠭᠠᠨ᠂ | ᠬᠦᠯᠢᠴᠡᠩᠭᠦᠢ ᠳᠠᠭᠠᠭᠠᠮᠠᠭᠠᠢ᠂ ᠢᠲᠡᠭᠡᠯ ᠲᠡᠭᠦᠯᠳᠡᠷ᠃ | ᠲᠡᠶᠢᠮᠦ ᠠ᠋᠂ ᠪᠠᠶᠢᠭᠠᠯᠢ ᠶᠢᠨ ᠪᠣᠷᠣᠭᠠᠨ ᠣᠷᠣᠬᠤ ᠪᠠᠶᠢᠯᠭᠦᠢ ᠳ᠋ᠧ᠂ ᠵᠣᠪᠠᠭᠠᠳ ᠶᠠᠭᠤᠨ ᠤ ᠨᠡᠮᠡᠷᠢ ᠪᠤᠢ︖ᠬᠡᠳᠦᠨ ᠡᠳᠦᠷ ᠤᠨ ᠭᠠᠩ ᠤᠨ ᠲᠤᠬᠠᠢ | ᠭᠦᠨᠳᠡᠭᠦᠷᠡᠭᠰᠡᠨ ᠰᠡᠳᠬᠢᠯ ᠵᠢᠭᠠᠬᠠᠨ ᠴᠤ ᠭᠡᠰᠡᠨ ᠠᠭᠤᠵᠢᠷᠠᠪᠠ᠃ ᠨᠤᠲᠤᠭ ᠢᠶᠠᠨ ᠪᠠᠶᠠᠰᠬᠠᠵᠤ᠂ ᠦᠷᠡᠰ ᠢᠶᠠᠨ ᠪᠠᠶᠠᠰᠬᠠᠵᠤ᠂ ᠥᠲᠡᠭᠦᠰ ᠢᠶᠠᠨ ᠪᠠᠶᠠᠰᠬᠠᠵᠤ ᠪᠠᠶᠢᠬᠤ | ᠠᠴᠠ ᠢᠯᠡᠭᠦᠦ ᠵᠢᠷᠭᠠᠯ ᠬᠠᠮᠢᠭᠠ ᠪᠠᠶᠢᠬᠤ ᠪᠤᠢ᠃ ᠪᠠᠶᠢᠭᠠᠯᠢ ᠶᠢᠨ ᠵᠢᠮᠡ ᠳᠤ ᠵᠣᠬᠢᠴᠠᠨ ᠤᠯᠠᠨ ᠵᠢᠯ ᠣᠷᠣᠰᠢᠨ ᠲᠣᠭᠲᠠᠨᠢᠭᠰᠠᠨ ᠪᠢᠳᠠ ᠠᠯᠢ ᠤᠳᠠᠭᠠᠨ ᠤ ᠰᠠᠯᠬᠢ | ᠪᠣᠷᠣᠭᠠᠨ᠂ ᠴᠠᠰᠤ ᠵᠤᠳ᠂ ᠭᠠᠩ ᠬᠠᠭᠰᠠᠷᠠᠭᠠᠨ ᠠᠴᠠ ᠰᠦᠷᠳᠡᠵᠦ ᠪᠠᠶᠢᠯᠠ⁈ | 6 ᠰᠠᠷᠠ ᠶᠢᠨ 21 ᠤ ᠥᠷᠯᠥᠭᠡ᠂ ᠰᠡᠷᠢᠭᠦᠯᠭᠡ ᠪᠠᠷ ᠪᠢᠰᠢ ᠰᠢᠪᠡᠷᠡᠭᠡ ᠪᠣᠷᠣᠭᠠᠨ ᠤ ᠴᠢᠮᠡᠭᠡ ᠪᠠᠷ ᠰᠠᠷᠢᠵᠤ᠂ ᠴᠣᠩᠬᠤ ᠪᠠᠨ ᠣᠩᠭᠤᠶᠢᠯᠭᠠᠭᠠᠳ ᠰᠡᠩᠭᠢᠨᠡᠭᠰᠡᠨ | ᠴᠢᠭᠢᠭ ᠤᠨ ᠦᠨᠦᠷ ᠢ ᠴᠡᠭᠡᠵᠢ ᠳᠦᠭᠦᠷᠡᠩ ᠠᠮᠢᠰᠬᠤᠯᠯᠠᠬᠤ ᠶᠢᠨ ᠳᠠᠭᠠᠤ ᠨᠤᠲᠤᠭ ᠢᠶᠠᠷ ᠮᠢᠨᠢ ᠪᠣᠷᠤᠭᠠ ᠣᠷᠣᠭᠰᠠᠨ ᠪᠣᠯᠪᠠ ᠤᠤ ᠬᠡᠮᠡᠨ ᠬᠥᠳᠡᠭᠡ ᠪᠠᠶᠢᠭᠠ ᠳᠡᠭᠦᠦ | ᠳᠡᠭᠡᠨ ᠤᠲᠠᠰᠤᠳᠠᠬᠤ ᠳᠤ᠂ | - ᠤᠷᠢᠳᠤ ᠰᠥᠨᠢ ᠪᠣᠷᠤᠭᠠ ᠰᠢᠪᠡᠷᠡᠵᠦ ᠬᠤᠨᠣᠭᠰᠠᠨ᠂ ᠤᠳᠤ ᠴᠤ ᠭᠡᠰᠡᠨ ᠵᠥᠭᠡᠯᠡᠨ ᠰᠢᠪᠡᠷᠡᠵᠦ ᠪᠠᠶᠢᠨᠠ ᠭᠡᠰᠡᠨ ᠰᠠᠶᠢᠬᠠᠨ ᠴᠢᠮᠡᠭᠡ ᠳᠤᠭᠤᠯᠭᠠᠯᠠ ᠁ | ᠵᠤᠨ ᠤ ᠵᠦᠰᠡ ᠵᠥᠭᠡᠯᠡᠨ ᠵᠥᠭᠡᠯᠡᠨ ᠽᠠᠮᠪᠦᠯᠢᠩ ᠢᠶᠠᠨ ᠤᠮᠳᠠᠯᠠᠵᠤ᠂ ᠬᠥᠮᠥᠨ ᠵᠤᠨ ᠤ ᠪᠠᠨ ᠮᠠᠩᠨᠠᠢ ᠶᠢ ᠲᠡᠨᠢᠢᠯᠭᠡᠵᠦ᠂ ᠮᠠᠯ ᠰᠦᠷᠦᠭ ᠤᠨ ᠢᠶᠠᠨ ᠨᠢᠷᠤᠭᠤ ᠶᠢ | ᠲᠡᠨᠢᠢᠯᠭᠡᠲᠡᠯᠡ ᠰᠠᠶᠢᠬᠠᠨ ᠰᠢᠪᠡᠷᠡᠬᠦ ᠪᠣᠯᠣᠭᠠᠰᠠᠢ︕ | |