| ᠵᠢᠷᠭᠤᠭᠠ᠂ ᠴᠠᠬᠠᠷ ᠠᠶᠢᠮᠠᠭ᠄ ᠴᠠᠬᠠᠷ ᠭᠡᠳᠡᠭ ᠦᠭᠡ ᠶᠢ ᠵᠠᠷᠢᠮ ᠬᠡᠯᠡᠨ ᠤ ᠡᠷᠳᠡᠮᠲᠡᠳ ᠠᠴᠠ ︽ᠵᠠᠬᠠ ᠪᠠᠷ︾ ᠭᠡᠬᠦ ᠦᠭᠡᠨ ᠠᠴᠠ ᠤᠯᠠᠷᠢᠵᠤ ᠢᠷᠡᠯᠡ ᠭᠡᠳᠡᠭ᠂ | ᠪᠠᠷᠢᠮᠲᠠ ᠨᠢ ᠲᠤᠰ ᠠᠶᠢᠮᠠᠭ ᠪᠣᠯ ᠮᠣᠩᠭᠤᠯ ᠤᠨ ᠤᠮᠠᠷᠠᠲᠤ ᠶᠤᠸᠠᠨ ᠲᠥᠷᠥ ᠶᠢᠨ ᠬᠠᠭᠠᠨ ᠣᠷᠳᠣᠨ ᠲᠥᠪᠯᠡᠷᠡᠵᠦ ᠪᠠᠶᠢᠭᠰᠠᠨ ᠲᠡᠦᠬᠡ ᠲᠠᠢ ᠠᠴᠠ ᠪᠣᠯᠵᠤ᠂ ︽ᠴᠠᠬᠠᠷ | ᠲᠦᠮᠡᠨ︾ ᠭᠡᠵᠦ ᠠᠯᠳᠠᠷᠰᠢᠭᠰᠠᠨ ᠠᠵᠢ᠃ ᠳᠠᠶᠠᠨ ᠬᠠᠭᠠᠨ ᠪᠠᠲᠤᠮᠦ᠋ᠩᠬᠡ ᠥᠭᠡᠷᠡᠴᠢᠯᠡᠯᠲᠡ ᠬᠢᠬᠦ ᠳᠡᠭᠡᠨ ᠥᠪᠡᠷ ᠤᠨ ᠬᠠᠷᠢᠶᠠᠲᠤ ᠣᠷᠣᠨ ᠢᠶᠠᠨ ᠵᠡᠭᠦᠨ ᠪᠠᠷᠠᠭᠤᠨ | ᠬᠤᠶᠠᠷ ᠭᠠᠷ ᠵᠢᠷᠭᠤᠭᠠᠨ ᠲᠦᠮᠡᠨ ᠪᠣᠯᠭᠠᠨ ᠬᠤᠪᠢᠶᠠᠵᠤ᠂ ᠶᠡᠭᠡ ᠬᠠᠭᠠᠨ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠤ ᠴᠠᠬᠠᠷ ᠲᠦᠮᠡᠨ ᠳᠤ ᠰᠠᠭᠤᠵᠤ᠂ ᠪᠦᠬᠦ ᠤᠯᠤᠰ ᠢᠶᠠᠨ ᠵᠠᠬᠢᠷᠴᠤ | ᠪᠠᠶᠢᠵᠠᠢ᠃ ᠤᠷᠢᠶᠠᠩᠬᠠᠢ ᠲᠦᠮᠡᠨ ᠪᠣᠯ ᠲᠡᠮᠦᠬᠡ ᠣᠳᠴᠢᠬᠢᠨ ᠤ ᠬᠠᠷᠢᠶᠠᠲᠤ ᠢᠷᠭᠡᠨ ᠪᠠ ᠨᠤᠲᠤᠭ ᠢᠶᠠᠷ ᠪᠦᠷᠢᠯᠳᠦᠵᠦ᠂ ᠮᠣᠩᠭᠤᠯ ᠤᠨ ᠳᠣᠲᠣᠷᠠ ᠪᠠᠨ ︽ᠦᠵᠢᠶᠡᠳ︾ | ᠭᠡᠬᠦ ᠨᠡᠷᠡ ᠪᠠᠷ ᠢᠯᠡᠷᠡᠵᠦ ᠪᠠᠶᠢᠭᠰᠠᠨ ᠪᠠ ᠬᠠᠯᠬᠠ ᠲᠦᠮᠡᠨ ᠲᠠᠢ ᠵᠡᠭᠦᠨ ᠭᠤᠷᠪᠠᠨ ᠲᠦᠮᠡᠨ ᠭᠡᠵᠦ ᠪᠠᠶᠢᠵᠠᠢ᠃ ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ ᠪᠣᠯ ᠣᠷᠳᠣᠰ᠂ | ᠲᠦᠮᠡᠳ᠂ ᠶᠦᠩᠰᠢᠪ ᠨᠠᠷ ᠪᠣᠯᠣᠨᠠ᠃ ᠴᠠᠬᠠᠷ ᠲᠦᠮᠡᠨ ᠢ ᠡᠬᠢᠨ ᠳᠡᠭᠡᠨ ᠨᠠᠢᠮᠠᠨ ᠨᠤᠲᠤᠭ ᠬᠤᠪᠢᠶᠠᠵᠤ ᠪᠠᠶᠢᠯᠠ᠃ ᠲᠡᠳᠡ ᠨᠠᠷ ᠪᠣᠯ ᠬᠤᠶᠠᠷ ᠦᠵᠦᠮᠦᠴᠢᠨ᠂ ᠬᠤᠶᠠᠷ | ᠰᠥᠨᠢᠳ᠂ ᠬᠠᠭᠤᠴᠢᠳ᠂ ᠬᠡᠰᠢᠭᠲᠡᠨ᠂ ᠠᠤᠬᠠᠨ᠂ ᠨᠠᠢᠮᠠᠨ ᠪᠣᠯᠣᠨᠠ᠃ ᠵᠠᠷᠢᠮ ᠪᠢᠴᠢᠭ ᠲᠤ ︽ᠠᠤᠬᠠᠨ᠂ ᠨᠠᠢᠮᠠᠨ᠂ ᠰᠥᠨᠢᠳ᠂ ᠦᠵᠦᠮᠦᠴᠢᠨ ᠢ ᠥᠪᠥᠷ ᠳᠦᠷᠪᠡᠨ ᠨᠤᠲᠤᠭ | ᠭᠡᠵᠦ᠂ ᠵᠦᠢᠳ᠂ ᠪᠤᠷᠤᠳ᠂ ᠬᠡᠰᠢᠭᠲᠡᠨ᠂ ᠠᠯᠠᠭᠴᠢᠭᠤᠳ ᠢ ᠠᠷᠤ ᠳᠦᠷᠪᠡᠨ ᠨᠤᠲᠤᠭ ᠭᠡᠳᠡᠭ︾ ᠭᠡᠵᠡᠢ᠃ ᠡᠳᠡᠭᠡᠷ ᠪᠣᠯ ᠳᠠᠶᠠᠨ ᠬᠠᠭᠠᠨ ᠥᠪᠡᠷ ᠤᠨ ᠦᠷᠡ | ᠬᠥᠪᠡᠭᠦᠳ ᠲᠡᠭᠡᠨ ᠬᠤᠪᠢᠶᠠᠨ ᠥᠮᠴᠢᠯᠡᠭᠦᠯᠦᠭᠰᠡᠨ ᠨᠤᠲᠤᠭ ᠨᠤᠭᠤᠳ ᠪᠣᠯᠣᠨᠠ᠃ ᠴᠢᠩ ᠲᠥᠷᠥ ᠶᠢᠨ ᠡᠩᠬᠡ ᠠᠮᠤᠭᠤᠯᠠᠩ ᠬᠠᠭᠠᠨ᠂ ᠴᠠᠬᠠᠷ ᠤᠨ ᠬᠦᠴᠦᠨ ᠢ | ᠵᠠᠳᠠᠷᠠᠭᠤᠯᠬᠤ ᠶᠢᠨ ᠲᠥᠯᠥᠭᠡ᠂ ᠦᠵᠦᠮᠦᠴᠢᠨ᠂ ᠰᠥᠨᠢᠳ᠂ ᠬᠠᠭᠤᠴᠢᠳ ᠭᠤᠷᠪᠠᠨ ᠠᠶᠢᠮᠠᠭ ᠢ ᠰᠢᠯᠢᠩᠭᠤᠣᠯ ᠴᠢᠭᠤᠯᠭᠠᠨ ᠳᠤ ᠬᠠᠷᠢᠶᠠᠯᠠᠭᠤᠯᠵᠤ᠂ ᠲᠣᠰᠪᠣᠷᠢ ᠬᠤᠶᠠᠷ | ᠬᠤᠰᠢᠭᠤ ᠪᠣᠯᠭᠠᠨ ᠲᠣᠬᠢᠷᠠᠭᠤᠯᠵᠠᠢ᠃ ᠦᠯᠡᠳᠡᠭᠰᠡᠨ ᠬᠡᠰᠡᠭ ᠴᠠᠬᠠᠷ ᠢ ᠮᠠᠨᠵᠤ ᠶᠢᠨ ᠨᠠᠢᠮᠠᠨ ᠬᠤᠰᠢᠭᠤ ᠬᠡᠯᠪᠡᠷᠢ ᠪᠠᠷ ᠬᠥᠬᠡ᠂ ᠤᠯᠠᠭᠠᠨ᠂ ᠰᠢᠷᠠ᠂ ᠴᠠᠭᠠᠨ ᠳᠦᠷᠪᠡᠨ | ᠥᠩᠭᠡ ᠶᠢ ︽ᠰᠢᠯᠤᠭᠤᠨ︾ ᠪᠠ ︽ᠬᠥᠪᠡᠭᠡᠲᠦ︾ ᠭᠡᠵᠦ ᠢᠯᠭᠠᠨ ᠨᠠᠢᠮᠠᠨ ᠬᠤᠰᠢᠭᠤ ᠪᠣᠯᠭᠠᠵᠤ᠂ ᠳᠡᠭᠡᠷᠡ ᠨᠢ ᠪᠠᠰᠠ ᠦᠬᠡᠷ ᠬᠤᠨᠢ ᠶᠢᠨ ︽ᠰᠦᠷᠦᠭ︾ ᠭᠡᠵᠦ | ᠭᠠᠷᠭᠠᠭᠠᠳ᠂ ᠪᠠᠰᠠ ᠨᠢᠭᠡᠨ ᠬᠡᠰᠡᠭ ᠢ ᠨᠢ ᠠᠯᠲᠠᠢ ᠶᠢᠨ ᠥᠪᠥᠷ ᠪᠣᠷᠤᠲᠠᠯᠠ ᠳᠤ ᠰᠠᠯᠭᠠᠨ ᠰᠠᠭᠤᠯᠭᠠᠪᠠ᠃ | | | |