| ᠡᠭᠦᠨ ᠳᠤ ᠭᠡᠷ ᠲᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ᠂ ᠲᠣᠭᠤᠨᠣ ᠴᠢᠭᠳᠠᠭᠠ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ᠂ ᠤᠨᠢ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ᠂ | ᠬᠠᠨᠠ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ᠂ ᠡᠭᠦᠳᠡᠨ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ᠂ ᠪᠠᠭᠤᠷᠢ ᠪᠠᠭᠤᠴᠠ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ ᠭᠡᠬᠦ ᠮᠡᠲᠦ ᠤᠯᠠᠨ | ᠵᠦᠢᠯ ᠪᠠᠶᠢᠳᠠᠭ᠃ | ᠨᠢᠭᠡ᠂ ᠮᠣᠩᠭᠤᠯ ᠭᠡᠷ ᠲᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ | ᠰᠢᠨᠡ ᠪᠡᠷᠢ ᠶᠢᠨ ᠭᠡᠷ ᠲᠤ ᠣᠷᠣᠵᠤ ᠭᠡᠷ ᠠᠴᠠ ᠭᠠᠷᠬᠤ ᠨᠠᠷᠢᠨ ᠵᠢᠷᠤᠮ ᠭᠤᠷᠢᠮ᠂ ᠭᠡᠷ ᠮᠢᠯᠢᠶᠠᠨ ᠰᠠᠴᠤᠯᠢ ᠡᠷᠭᠦᠬᠦ ᠵᠠᠩᠰᠢᠯ ᠶᠣᠰᠣᠨ᠂ ᠤᠩᠭᠤ ᠳᠦᠷᠰᠦ᠂ | ᠵᠢᠷᠤᠭ ᠰᠡᠶᠢᠯᠦᠮᠡᠯ ᠢ ᠭᠡᠷ ᠲᠤ ᠪᠠᠨ ᠡᠯᠭᠦᠬᠦ ᠵᠠᠩᠰᠢᠯ ᠵᠡᠷᠭᠡ ᠤᠯᠠᠨ ᠠᠭᠤᠯᠭᠠ ᠪᠠᠭᠲᠠᠳᠠᠭ᠃ ᠪᠡᠷᠢ ᠮᠥᠷᠭᠦᠭᠡᠳ ᠬᠠᠳᠠᠮ ᠡᠴᠢᠭᠡ ᠶᠢᠨ ᠭᠡᠷ ᠢ ᠨᠠᠷᠠ ᠵᠥᠪ | ᠲᠣᠭᠤᠷᠢᠨ ᠥᠪᠡᠷ ᠤᠨ ᠭᠡᠷ ᠲᠤ ᠪᠠᠨ ᠣᠷᠣᠬᠤ ᠪᠠ ᠮᠥᠷᠭᠦᠭᠰᠡᠨ ᠭᠤᠯᠣᠮᠲᠠ ᠶᠢᠨ ᠭᠠᠯ ᠢ ᠭᠤᠷᠪᠠᠨ ᠥᠷᠯᠥᠭᠡ ᠲᠦᠯᠡᠬᠦ ᠶᠣᠰᠣᠲᠠᠢ᠃ ᠪᠡᠷᠢ ᠬᠥᠮᠥᠨ ᠬᠠᠳᠠᠮ | ᠡᠴᠢᠭᠡ ᠶᠢᠨ ᠴᠢᠭᠳᠠᠭᠠ ᠠᠴᠠ ᠬᠡᠲᠦᠷᠡᠬᠦ᠂ ᠲᠣᠯᠣᠭᠠᠢ ᠶᠢᠨ ᠠᠯᠴᠢᠭᠤᠷ᠂ ᠳᠡᠪᠡᠯ ᠤᠤᠵᠢ ᠦᠭᠡᠢ ᠪᠠᠷ ᠬᠠᠳᠠᠮ ᠳᠤ ᠦᠵᠡᠭᠳᠡᠬᠦ ᠶᠣᠰᠣ ᠦᠭᠡᠢ᠃ ᠵᠠᠷᠢᠮ ᠭᠠᠵᠠᠷ ᠲᠤ | ᠰᠢᠨᠡ ᠪᠡᠷᠢ ᠶᠢ ᠭᠤᠷᠪᠠ ᠬᠤᠨᠤᠭ ᠤᠨ ᠲᠤᠷᠰᠢ ᠬᠥᠰᠢᠭᠡᠨ ᠤ ᠴᠠᠭᠠᠨᠠ ᠣᠷᠣᠭᠤᠯᠵᠤ ᠡᠷᠦᠬᠡ ᠶᠢ ᠨᠢ ᠴᠦ ᠲᠠᠲᠠᠭᠤᠯᠬᠤ ᠦᠭᠡᠢ᠂ ᠢᠳᠡᠭᠡ ᠴᠠᠢ ᠴᠦ ᠬᠢᠯᠭᠡᠬᠦ ᠦᠭᠡᠢ | ᠰᠠᠭᠤᠯᠭᠠᠳᠠᠭ ᠶᠣᠰᠣ ᠪᠤᠢ᠃ ᠰᠢᠨᠡ ᠪᠡᠷᠢ ᠶᠢᠨ ᠬᠥᠰᠢᠭᠡ ᠲᠠᠶᠢᠯᠬᠤ ᠶᠣᠰᠣᠯᠠᠯ ᠪᠤᠯᠬᠤ ᠳᠤ ᠣᠶᠢᠷᠠ ᠬᠠᠪᠢ ᠶᠢᠨ ᠬᠢᠨ ᠪᠠ ᠰᠠᠳᠤᠨ ᠲᠦᠷᠦᠯ ᠤᠨ ᠬᠥᠮᠥᠰ ᠢ | ᠤᠷᠢᠵᠤ ᠰᠢᠨᠡ ᠭᠡᠷ ᠤᠨ ᠴᠠᠢ ᠤᠤᠭᠤᠯᠭᠠᠨᠠ᠃ ᠬᠥᠰᠢᠭᠡ ᠲᠠᠶᠢᠯᠬᠤ ᠶᠣᠰᠣᠨ ᠤ ᠭᠤᠣᠯ ᠠᠭᠤᠯᠭᠠ ᠪᠣᠯ ᠪᠡᠷᠢ ᠶᠢ ᠢᠯᠡ ᠭᠠᠷᠭᠠᠵᠤ ᠦᠭᠡᠭ ᠤᠨ ᠠᠮᠠ ᠨᠡᠭᠡᠭᠡᠵᠦ | ᠪᠡᠯᠭᠡ ᠬᠡᠯᠡᠭᠳᠡᠬᠦ ᠤᠴᠢᠷ ᠲᠠᠢ ᠶᠤᠮ᠃ ᠬᠠᠳᠠᠮ ᠡᠴᠢᠭᠡ ᠪᠡᠷᠢ ᠳᠤ ᠪᠠᠨ ᠬᠠᠨᠳᠤᠵᠤ︽ᠬᠥᠯ ᠨᠢᠴᠦᠭᠦᠨ ᠬᠥᠯᠪᠡᠷᠢᠵᠦ᠂ ᠲᠣᠯᠣᠭᠠᠢ ᠨᠢᠴᠦᠭᠦᠨ ᠲᠣᠭᠯᠠᠵᠤ︾ ᠶᠠᠪᠤᠬᠤ ᠶᠢ | ᠪᠡᠯᠭᠡᠳᠡᠵᠦ︽ᠬᠥᠨᠳᠡᠢ︾︽ᠬᠦᠩᠬᠡᠢ︾ ᠭᠡᠵᠦ ᠭᠤᠷᠪᠠ ᠬᠡᠯᠡᠭᠦᠯᠦᠭᠡᠳ︽ᠬᠥᠨᠳᠡᠢ︾ ᠭᠡᠬᠦ ᠪᠠᠷ ᠫᠤᠤ ᠶᠢᠨ ᠰᠦᠮᠪᠦ ᠪᠠᠷ ᠬᠥᠰᠢᠭᠡ ᠶᠢ ᠳᠡᠭᠡᠭᠰᠢ ᠡᠷᠭᠦᠵᠦ ᠲᠠᠯᠪᠢᠳᠠᠭ | ᠶᠣᠰᠣ ᠲᠠᠢ ᠪᠠᠶᠢᠪᠠ᠃ ᠵᠤᠨ ᠤ ᠡᠬᠢᠨ ᠰᠠᠷᠠ ᠳᠤ ᠲᠡᠭᠷᠢ ᠠᠩᠬᠠ ᠳᠤᠤᠭᠠᠷᠬᠤ ᠳᠤ ᠥᠩ ᠲᠠᠢ ᠠᠶᠠᠲᠠᠢ ᠴᠠᠭ ᠡᠬᠢᠯᠡᠨ ᠭᠠᠷᠤᠯᠠ ᠭᠡᠵᠦ ᠭᠡᠷ ᠤᠨ ᠡᠵᠡᠭᠲᠡᠢ | ᠭᠤᠶᠣᠯᠠᠯ ᠤᠨ ᠬᠤᠪᠴᠠᠰᠤ ᠪᠠᠨ ᠡᠮᠦᠰᠦᠨ ᠰᠠᠪᠠ ᠲᠠᠢ ᠲᠠᠷᠠᠭ ᠰᠦ ᠪᠠᠨ ᠠᠪᠴᠤ ᠭᠠᠷᠤᠭᠠᠳ ᠭᠡᠷ ᠢᠶᠠᠨ ᠨᠠᠷᠠ ᠵᠥᠪ ᠲᠣᠭᠤᠷᠢᠨ ᠲᠡᠭᠷᠢ ᠭᠠᠵᠠᠷ᠂ ᠳᠡᠯᠡᠬᠡᠢ ᠭᠡᠷ | ᠣᠷᠣᠨ ᠢᠶᠠᠨ ᠮᠢᠯᠢᠶᠠᠨ ᠰᠠᠴᠤᠯᠢ ᠡᠷᠭᠦᠵᠦ︽ᠵᠤᠳ ᠢᠶᠠᠨ ᠴᠠᠭᠠᠰᠢ ᠨᠢ᠂ ᠵᠤᠨ ᠢᠶᠠᠨ ᠨᠠᠭᠠᠰᠢ ᠨᠢ︾ ᠭᠡᠵᠦ ᠰᠢᠪᠰᠢᠵᠦ ᠵᠠᠬᠢᠳᠠᠭ᠃ ᠮᠠᠯ ᠢᠶᠠᠨ ᠴᠢᠨ᠋ᠸᠠ ᠠᠴᠠ | ᠬᠠᠮᠠᠭᠠᠯᠠᠬᠤ ᠡᠭᠦᠳᠡᠨ ᠠᠴᠠ ᠴᠢᠨ᠋ᠸᠠ ᠶᠢᠨ ᠠᠮᠠ ᠶᠢ ᠲᠡᠪᠡᠭᠡᠳᠡᠵᠦ ᠬᠥᠯ ᠢ ᠨᠢ ᠭᠢᠨᠵᠢᠯᠡᠵᠦ ᠳᠠᠰᠬᠠᠭᠰᠠᠨ ᠵᠢᠷᠤᠭ ᠪᠦᠬᠦᠢ ᠳᠠᠷᠤᠮᠠᠯ ᠳᠠᠪᠤᠤ ᠪᠣᠯᠣᠨ ᠵᠢᠷᠤᠭ | ᠰᠡᠶᠢᠯᠦᠮᠡᠯ᠂ ᠮᠣᠳᠣᠨ ᠤᠩᠭᠤ ᠳᠦᠷᠰᠦ ᠶᠢ ᠭᠡᠷ ᠲᠤ ᠪᠠᠨ ᠡᠯᠭᠦᠬᠦ ᠵᠠᠩᠰᠢᠯ ᠲᠠᠢ᠃ ᠮᠠᠯ ( ᠪᠤᠲᠠ) ᠵᠠᠰᠠᠬᠤ ( ᠬᠥᠩᠭᠡᠯᠡᠬᠦ ) ᠦᠶᠡ ᠳᠤ ᠬᠥᠯ ᠪᠣᠭᠤᠭᠰᠠᠨ ᠬᠦᠯᠢᠭ | ᠴᠢᠳᠦᠷ ᠵᠡᠷᠭᠡ ᠶᠢ ᠨᠢ ᠭᠡᠷ ᠳᠡᠭᠡᠭᠦᠷ ᠰᠤᠩᠭᠠᠵᠤ ᠬᠠᠶᠠᠳᠠᠭ ᠵᠠᠩᠰᠢᠯ ᠲᠠᠢ᠃ | ᠬᠤᠶᠠᠷ᠂ ᠮᠣᠩᠭᠤᠯ ᠭᠡᠷ ᠤᠨ ᠲᠣᠭᠤᠨᠣ᠂ ᠪᠠᠭᠠᠨᠠ᠂ ᠴᠢᠭᠳᠠᠭᠠ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ | ᠬᠠᠯᠬᠠ ᠶᠢᠨ ᠭᠤᠪᠢ ᠨᠤᠲᠤᠭ ᠲᠤ ᠲᠥᠯ ᠮᠠᠯ ᠳᠤ ᠰᠠᠶᠢᠨ ᠬᠡᠮᠡᠨ ᠵᠠᠭ ᠤᠨ ᠵᠠᠩᠭᠢᠯᠠᠭᠠ ( ᠦᠷᠡ ) ᠶᠢ ᠲᠣᠭᠤᠨᠣ ᠬᠠᠨᠠ ᠠᠴᠠ ᠡᠯᠭᠦᠳᠡᠭ | ᠵᠠᠩᠰᠢᠯ ᠲᠠᠢ᠃ ᠡᠯᠢᠶᠡᠨ ᠰᠡᠭᠦᠳᠡᠷ ᠲᠣᠭᠤᠨᠣ ᠪᠠᠷ ᠲᠤᠰᠪᠡᠯ ᠶᠡᠭᠡ ᠤᠯᠵᠠᠭᠤᠷᠬᠠᠳᠠᠭ᠃ ᠬᠤᠢ ᠰᠠᠯᠬᠢ ᠶᠢ ᠠᠮᠢᠳᠤᠴᠢᠯᠠᠬᠤ ᠲᠥᠰᠥᠭᠡᠯᠡᠬᠦ ᠡᠷᠲᠡᠨ ᠤ ᠰᠢᠲᠦᠯᠭᠡ | ᠪᠢᠰᠢᠷᠡᠯ ᠤᠨ ᠤᠯᠠ ᠮᠥᠷ ᠠᠮᠠᠨ ᠰᠢᠪᠰᠢᠯᠭᠡ ᠳᠤ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠪᠠᠶᠢᠳᠠᠭ ᠨᠢ ᠬᠤᠢ ᠰᠢᠷᠣᠢ ᠭᠡᠷ ᠪᠠᠷᠠᠭᠠ ᠶᠢ ᠴᠢᠭᠯᠡᠨ ᠢᠷᠡᠬᠦ ᠳᠤ︽ᠬᠤᠶᠠᠷ ᠭᠡᠷ ᠤᠨ | ᠬᠤᠭᠤᠷᠣᠨᠳᠤᠭᠤᠷ \ ᠭᠠᠭᠴᠠ ᠭᠡᠷ ᠤᠨ ᠭᠠᠳᠠᠭᠤᠷ \ ᠲᠤᠯᠤᠭᠠᠨ ᠠᠭᠤᠯᠠᠨ ᠤ ᠴᠠᠭᠠᠭᠤᠷ \ ᠳᠤᠪᠤ ᠰᠢᠷᠣᠢ ᠶᠢᠨ ᠳᠣᠣᠭᠤᠷ ᠵᠠᠶᠢᠯᠠ︾ ᠭᠡᠬᠦ ᠪᠤᠶᠤ ᠲᠣᠪᠴᠢ ᠪᠠᠷ︽ | ᠲᠦᠷᠭᠡᠨ ᠵᠠᠭᠤᠷᠠ᠂ ᠲᠦᠢᠳ ᠦᠭᠡᠢ ᠭᠠᠳᠠᠭᠤᠷ︕ ᠭᠠᠳᠠᠭᠤᠷ︕︾ ᠭᠡᠵᠦ ᠰᠢᠪᠰᠢᠵᠦ ᠳᠠᠭᠤᠳᠠᠬᠤ ᠶᠣᠰᠣ ᠳᠡᠯᠭᠡᠷ ᠪᠤᠢ᠃ ᠢᠩᠭᠡ ᠪᠣᠲᠣᠭᠤᠯᠠᠬᠤ ᠳᠤ | ᠪᠣᠲᠣᠭᠤᠨ ᠤ ᠬᠠᠯᠢᠰᠤ ᠶᠢ ᠵᠠᠪᠠᠯ ᠭᠡᠷ ᠤᠨ ᠪᠠᠭᠠᠨᠠ ᠪᠠᠷ ᠣᠷᠢᠶᠠᠵᠤ ᠵᠠᠶᠢᠯᠠᠭᠤᠯᠳᠠᠭ ᠶᠣᠰᠣᠨ ᠪᠤᠢ᠃ ᠬᠡᠦᠬᠡᠳ ᠤᠨ ᠠᠮᠠᠨ ᠤ ᠠᠯᠪᠠ ᠪᠠᠷᠢᠬᠤ ( ᠭᠡᠮᠲᠦᠬᠦ ) ᠳᠤ | ᠵᠠᠷᠢᠮ ᠨᠤᠲᠤᠭ ᠤᠨ ᠬᠢᠨ ᠲᠡᠮᠦᠷ ᠤᠯᠠᠶᠢᠳᠬᠠᠵᠤ ᠪᠠᠭᠠᠨᠠ ᠪᠠᠨ ᠴᠣᠷᠭᠢᠵᠤ ᠤᠲᠤᠭᠠ ᠪᠠᠷ ᠨᠢ ᠬᠡᠦᠬᠡᠳ ᠤᠨ ᠠᠮᠠ ᠶᠢ ᠳᠣᠮᠨᠣᠬᠤ ᠶᠣᠰᠣ ᠪᠠᠶᠢᠳᠠᠭ᠃ ᠠᠳᠤᠭᠤ | ᠦᠬᠡᠷ ᠢᠶᠠᠨ ᠭᠠᠳᠠᠭᠰᠢ ᠬᠤᠳᠠᠯᠳᠤᠬᠤ ᠳᠤ ᠪᠠᠨ︽ᠮᠠᠯ ᠤᠨ ᠬᠡᠰᠢᠭ︾ ᠭᠡᠵᠦ ᠳᠡᠯ ᠰᠡᠭᠦᠯ ᠤᠨ ᠬᠢᠨᠢ ᠬᠢᠯᠭᠠᠰᠤ ᠶᠢ ᠠᠪᠴᠤ ᠮᠠᠯ ᠤᠨ ᠢᠶᠠᠨ ᠠᠮᠠ ᠬᠠᠮᠠᠷ ᠢ ᠵᠦᠯᠭᠦᠨ | ᠠᠮᠢᠰᠬᠤᠯ ᠢ ᠨᠢ ᠰᠢᠩᠭᠡᠬᠡᠨ ᠠᠪᠴᠤ ᠴᠢᠭᠲᠠᠭᠠᠨ ᠳᠤ ᠤᠶᠠᠵᠤ ᠲᠠᠯᠪᠢᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ | ᠭᠤᠷᠪᠠ᠂ ᠮᠣᠩᠭᠤᠯ ᠭᠡᠷ ᠤᠨ ᠤᠨᠢ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ | ᠬᠡᠦᠬᠡᠳ ᠤᠨ ᠴᠢᠬᠢ ᠡᠪᠡᠳᠬᠦ ᠳᠤ ᠨᠣᠶᠢᠲᠠᠨ ᠪᠤᠷᠭᠠᠰᠤ ᠶᠢ ᠨᠠᠨᠬᠡᠦᠬᠡᠳ ᠢᠶᠠᠷ ᠠᠯᠳᠠᠯᠠᠭᠤᠯᠵᠤ ᠬᠡᠮᠵᠢᠭᠡᠳ ᠤᠨᠢᠨ ᠳᠤ ᠬᠠᠪᠴᠢᠭᠤᠯᠳᠠᠭ᠃ ᠡᠭᠦᠨ ᠢ | ᠭᠤᠷᠪᠠᠨᠲᠠ ᠦᠢᠯᠡᠳᠪᠡᠯ ᠰᠠᠶᠢᠨ ᠭᠡᠵᠦ ᠦᠵᠡᠳᠡᠭ᠃ ᠪᠤᠭ ᠮᠠᠯ ᠤᠨ ᠪᠣᠭᠲᠣᠭᠤᠰᠤ ᠴᠢᠮᠦᠭᠡ ᠶᠢ ᠴᠢᠨᠠᠵᠤ ᠴᠡᠪᠡᠷᠬᠡᠨ ᠮᠥᠯᠵᠢᠵᠦ ᠢᠳᠡᠭᠡᠳ ᠨᠦᠬᠡᠨ ᠳᠤ ᠨᠢ ᠮᠣᠳᠣ | ᠬᠠᠪᠴᠢᠭᠤᠯᠤᠨ ᠪᠠᠷᠠᠭᠤᠨ ᠵᠡᠭᠦᠨ ᠬᠠᠲᠠᠪᠴᠢᠨ ᠤ ᠬᠠᠷᠠᠯᠳᠤᠭᠠ ᠤᠨᠢ ᠳᠤ ᠬᠠᠪᠴᠢᠭᠤᠯᠳᠠᠭ ᠪᠠᠶᠢᠭᠰᠠᠨ ᠨᠢ ᠨᠠᠨ ᠴᠢᠮᠦᠭᠡ ᠶᠢᠨ ᠭᠠᠳᠠᠭᠠᠳᠤ ᠳᠦᠷᠰᠦ ᠪᠠᠷ ᠨᠢ︽ | ᠫᠤᠤ︾ ᠳᠦᠷᠰᠦᠯᠡᠨ ᠠᠶᠢᠯ ᠳᠤ ᠮᠠᠭᠤ ᠶᠠᠭᠤᠮᠠ ᠤᠷᠤᠭᠤᠯᠬᠤ ᠦᠭᠡᠢ ᠭᠡᠰᠡᠨ ᠰᠠᠨᠠᠭᠠ᠃ ᠮᠥᠨ ᠡᠭᠦᠨ ᠲᠠᠢ ᠠᠳᠠᠯᠢ ᠪᠠᠷ︽ᠤᠷᠭᠠ︾ ᠪᠠᠷ ᠵᠦᠢᠷᠯᠡᠨ | ᠠᠳᠤᠭᠤᠨ ᠤ ᠮᠠᠨᠠᠭᠠᠴᠢ ᠪᠠᠷ ᠬᠠᠪᠴᠢᠭᠤᠯᠵᠤ ᠢᠷᠡᠭᠰᠡᠨ ᠨᠢ ᠮᠥᠨ ᠯᠠ ᠳᠦᠷᠰᠦ ᠶᠢᠨ ᠪᠡᠯᠭᠡᠳᠡᠯ ᠪᠤᠯᠬᠤ ᠶᠤᠮ᠃ ᠲᠣᠲᠣᠭᠤ ᠶᠢᠨ ᠤᠨᠢᠨ ᠳᠤ ᠬᠡᠳᠡᠷᠭᠡ᠂ ᠬᠢᠷᠦᠭᠡ᠂ | ᠰᠦᠬᠡ ᠵᠡᠷᠭᠡ ᠢᠷ ᠲᠠᠢ ᠵᠦᠢᠯ ᠢ ᠬᠠᠪᠴᠢᠭᠤᠯᠳᠠᠭ ᠨᠢ ᠲᠡᠷᠡ ᠠᠶᠢᠯ ᠳᠤ ᠠᠯᠢᠪᠠ ᠮᠠᠭᠤ ᠵᠦᠢᠯ ᠤᠷᠤᠭᠤᠯᠬᠤ ᠦᠭᠡᠢ ᠭᠡᠰᠡᠨ ᠰᠠᠨᠠᠭᠠ ᠶᠢ ᠢᠯᠡᠳᠬᠡᠳᠡᠭ᠃ | ᠳᠥᠷᠪᠡ᠂ ᠮᠣᠩᠭᠤᠯ ᠭᠡᠷ ᠤᠨ ᠬᠠᠨᠠ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ | ᠲᠥᠯᠥᠭᠡ ᠢᠬᠡᠷᠡᠯᠡᠪᠡᠯ ᠮᠣᠩᠭᠤᠯ ᠭᠡᠷ ᠤᠨ ᠬᠠᠨᠠ ᠶᠢᠨ ᠠᠮᠠ ᠶᠢ ᠲᠠᠶᠢᠯᠵᠤ ᠵᠠᠭᠠᠭ ᠵᠠᠢ ᠭᠠᠷᠭᠠᠭᠠᠳ ᠬᠤᠶᠠᠷ ᠮᠣᠳᠣ ᠦᠵᠦᠭᠦᠷᠯᠡᠨ ᠰᠢᠭᠠᠵᠤ᠂ | ᠲᠡᠭᠦᠨ ᠳᠤ ᠪᠠᠨ ᠬᠠᠨᠠ ᠶᠢᠨ ᠠᠮᠠ ᠶᠢ ᠪᠣᠭᠤᠳᠠᠭ᠃ ᠡᠰᠡᠪᠡᠯ ᠨᠢᠭᠡ ᠡᠳᠦᠷ ᠭᠤᠯᠣᠮᠲᠠ ᠪᠠᠨ ᠭᠤᠷᠪᠠ ᠳᠠᠬᠢᠨ ᠬᠥᠳᠡᠯᠭᠡᠵᠦ᠂ ᠤᠯᠠᠨ ᠳᠠᠬᠢᠨ ᠨᠡᠭᠦᠵᠦ ᠪᠠᠶᠢᠭᠠ | ᠳᠦᠷᠢ ᠦᠵᠡᠭᠦᠯᠳᠡᠭ ᠨᠢ ᠮᠠᠯ ᠤᠷᠤᠭᠤᠯᠬᠤ ᠭᠡᠷ ᠢᠶᠠᠨ ᠲᠣᠮᠣ ᠪᠤᠯᠭᠠᠵᠤ ᠪᠠᠶᠢᠭᠠ ᠳᠦᠷᠰᠦᠯᠡᠯ ᠶᠤᠮ᠃ ᠪᠢᠷᠠᠭᠤᠨ ᠭᠤᠨᠵᠢ ᠲᠤᠭᠤᠯᠯᠠᠬᠤ ᠶᠢ ᠶᠡᠬᠡᠬᠡᠨ | ᠪᠡᠯᠭᠡᠰᠢᠶᠡᠳᠡᠭ᠃ ᠬᠠᠯᠬᠠ ᠶᠢᠨ ᠲᠥᠪ᠂ ᠪᠠᠷᠠᠭᠤᠨ ᠬᠡᠰᠡᠭ ᠲᠤ ᠨᠢᠭᠡ ᠠᠶᠢᠯ ᠳᠤ ᠭᠤᠷᠪᠠᠨ ᠪᠢᠷᠠᠭᠤᠨ ᠭᠤᠨᠵᠢ ᠲᠤᠭᠤᠯᠯᠠᠬᠤ ᠳᠤ︽ᠦᠷᠡᠰ ᠭᠠᠷᠭᠠᠳᠠᠭ︾ | ᠭᠡᠷ ᠲᠤ ᠪᠠᠨ ᠳᠠᠪᠬᠤᠷ ᠦᠷᠭᠦᠭᠡ ᠬᠢᠬᠦ᠂ ᠭᠤᠨᠵᠢᠨ ᠳᠤ ᠪᠠᠨ ᠮᠢᠩᠭᠠᠴᠢ᠂ ᠲᠦᠮᠡᠨᠴᠢ ᠨᠡᠷᠡ ᠥᠭᠬᠦ᠂ ᠭᠡᠷ ᠤᠨ ᠬᠠᠨᠠ ᠶᠢ ᠲᠡᠯᠡᠬᠦ᠂ ᠬᠠᠨᠠᠨ ᠳᠤ ᠬᠢᠮᠡᠯ ᠲᠣᠯᠣᠭᠠᠢ ᠨᠡᠮᠡᠬᠦ᠂ | ᠭᠡᠷ ᠤᠨ ᠳᠣᠲᠣᠭᠤᠷ ᠪᠦᠰᠡ ᠶᠢ ᠪᠠᠷᠠᠭᠤᠨ ᠲᠡᠶᠢᠰᠢ︽ᠦᠬᠡᠷ ᠤᠯᠠᠨ ᠪᠣᠯᠤᠭ︾ ᠭᠡᠵᠦ ᠬᠡᠯᠡᠭᠡᠳ ᠰᠤᠯᠠᠳᠬᠠᠬᠤ᠂ ᠰᠢᠨᠡ ᠬᠤᠪᠢᠩ᠂ ᠰᠢᠨᠡ ᠠᠭᠠᠷᠴᠠ ᠶᠢᠨ ᠤᠭᠤᠲᠠ | ᠪᠡᠯᠡᠳᠬᠡᠬᠦ᠂ ᠰᠦ ᠶᠢ ᠨᠢ ᠲᠤᠰᠬᠠᠢ ᠰᠠᠪᠠᠨ ᠳᠤ ᠰᠠᠭᠠᠬᠤ᠂ ᠡᠬᠡᠨᠡᠷ ᠬᠥᠮᠥᠨ ᠭᠤᠶᠣᠯᠠᠯ ᠳᠤ ᠪᠠᠨ ᠨᠢᠭᠡ ᠵᠡᠭᠦᠯᠲᠡ ᠨᠡᠮᠡᠬᠦ ᠵᠡᠷᠭᠡ ᠵᠠᠩᠰᠢᠯ ᠪᠠᠶᠢᠳᠠᠭ᠃ ᠮᠠᠯ ᠤᠨ ᠲᠥᠯ᠂ | ᠬᠤᠷᠠᠭᠠ ᠢᠰᠢᠭᠡᠨ ᠳᠤ ᠵᠠᠭ ᠰᠤᠬᠠᠢ ᠢᠪᠡᠭᠡᠯ ᠲᠠᠢ ᠭᠡᠵᠦ ᠬᠠᠨᠠᠨ ᠳᠤ ᠬᠠᠪᠴᠢᠭᠤᠯᠬᠤ ᠪᠤᠶᠤ ᠬᠥᠭᠡᠨᠡ ᠳᠤ ᠵᠡᠭᠦᠯᠭᠡᠬᠦ ᠶᠣᠰᠣ ᠨᠡᠯᠢᠶᠡᠳ ᠥᠷᠭᠡᠨ ᠳᠡᠯᠭᠡᠷ ᠪᠠᠶᠢᠵᠠᠢ᠃ | ᠬᠥᠩᠭᠡᠵᠢᠬᠦ ᠡᠮᠡᠭᠲᠡᠢ ᠶᠢᠨ ᠨᠢᠷᠤᠭᠤ ᠪᠠᠷ ᠭᠤᠣᠯᠯᠠᠨ ᠡᠪᠡᠳᠴᠦ ᠪᠠᠶᠢᠪᠠᠯ ᠬᠦᠦ ᠭᠠᠷᠬᠤ ᠨᠢ ᠭᠡᠵᠦ ᠭᠡᠷ ᠤᠨ ᠪᠠᠷᠠᠭᠤᠨ ᠬᠠᠲᠠᠪᠴᠢᠨ ᠳᠤ ᠪᠠᠶᠢᠷᠢ ᠪᠡᠯᠡᠳᠬᠡᠬᠦ᠂ | ᠬᠡᠪᠡᠯᠢ ᠳᠠᠪᠤᠰᠠᠩ ᠢᠶᠠᠷ ᠨᠢ ᠡᠪᠡᠳᠪᠡᠯ ᠥᠬᠢᠨ ᠭᠠᠷᠬᠤ ᠨᠢ ᠭᠡᠵᠦ ᠵᠡᠭᠦᠨᠬᠠᠲᠠᠪᠴᠢᠨ ᠳᠤ ᠪᠠᠶᠢᠷᠢ ᠵᠠᠰᠠᠳᠠᠭ ᠪᠠᠶᠢᠵᠠᠢ᠃ | ᠲᠠᠪᠤ᠂ ᠮᠣᠩᠭᠤᠯ ᠭᠡᠷ ᠤᠨ ᠡᠭᠦᠳᠡᠨ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ | ᠬᠤᠲᠠᠨ ᠤ ᠮᠠᠯ ᠤᠷᠦ᠋ᠢᠲᠠᠵᠤ ᠬᠡᠭᠡᠷᠡ ᠬᠤᠨᠣᠪᠠᠯ ᠬᠠᠶᠢᠴᠢ ᠶᠢᠨ ᠠᠮᠠᠨ ᠳᠤ ᠴᠢᠯᠠᠭᠤ ᠬᠠᠪᠴᠢᠭᠤᠯᠵᠤ ᠪᠣᠭᠤᠭᠠᠳ ᠵᠠᠪᠠᠭ ᠪᠤᠶᠤ ᠲᠣᠲᠣᠭᠤᠨ ᠳᠤ | ᠬᠠᠪᠴᠢᠭᠤᠯᠳᠠᠭ ᠵᠠᠩᠰᠢᠯ ᠲᠠᠢ᠃ ᠪᠣᠱᠤᠭᠠ ᠵᠡᠭᠦᠨ ᠪᠠᠷᠠᠭᠤᠨ ᠬᠠᠲᠠᠪᠴᠢᠨ ᠳᠤ ᠮᠠᠭᠤ ᠶᠠᠭᠤᠮᠠ ᠶᠢ ᠵᠠᠶᠢᠯᠠᠭᠤᠯᠤᠨ ᠳᠠᠷᠤᠭᠰᠠᠨ ᠤᠳᠬᠠ ᠪᠠᠷ ᠬᠢᠮᠤᠰᠤ ᠶᠢ | ᠪᠣᠱᠣᠭᠠᠨ ᠤ ᠰᠢᠷᠣᠢ᠂ ᠡᠰᠡᠪᠡᠯ ᠦᠨᠡᠰᠦᠨ ᠳᠤ ᠪᠤᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠦᠬᠦᠭᠰᠡᠨ ᠮᠠᠯ ᠤᠨ ᠨᠠᠷᠢᠨ ᠭᠡᠳᠡᠰᠦ ᠪᠠᠷ ᠲᠣᠲᠣᠭᠤ ᠶᠢᠨ ᠭᠤᠣᠯ ᠤᠨ ᠤᠨᠢ ᠶᠢ ᠣᠷᠢᠶᠠᠵᠤ | ᠲᠠᠯᠪᠢᠬᠤ ᠶᠢ ᠦᠬᠦᠯ ᠢ ᠲᠠᠰᠤᠯᠬᠤ ᠳᠣᠮ ᠭᠡᠳᠡᠭ᠃︽ᠴᠢᠨ᠋ᠸᠠ ᠤᠨ ᠠᠮᠠ ᠶᠢ ᠬᠠᠭᠠᠵᠤ ᠪᠠᠶᠢᠨᠠ︾ ᠭᠡᠵᠦ ᠦᠢᠯᠡ ᠶᠢᠨ ᠬᠠᠶᠢᠴᠢᠨ ᠤ ᠠᠮᠠ ᠶᠢ ᠨᠣᠣᠰᠣ ᠪᠠᠷ | ᠣᠷᠢᠶᠠᠵᠤ ᠪᠠᠶᠢᠭᠠᠳ ᠪᠠᠷᠠᠭᠤᠨ ᠬᠠᠲᠠᠪᠴᠢᠨ ᠤ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠡᠯᠭᠦᠬᠦ᠂ ᠭᠠᠯ ᠤᠨ ᠬᠠᠶᠢᠴᠢᠨ ᠤ ᠠᠮᠠᠨ ᠳᠤ ᠴᠢᠯᠠᠭᠤ ᠵᠠᠭᠤᠯᠭᠠᠨ ᠪᠣᠭᠤᠵᠤ ᠬᠤᠨᠣᠬᠤ | ᠵᠠᠩᠰᠢᠯ ᠪᠠᠶᠢᠳᠠᠭ᠃ ᠬᠡᠭᠡᠷᠡ ᠬᠤᠨᠣᠭᠰᠠᠨ ᠮᠠᠯ ᠢ ᠠᠷᠢᠶᠠᠲᠠᠨ ᠠᠮᠢᠲᠠᠨ ᠠᠴᠠ ᠬᠠᠮᠠᠭᠠᠯᠠᠬᠤ ᠵᠠᠩ ᠦᠢᠯᠡ ᠳᠤ ᠳᠤᠯᠤᠭᠠᠨ ᠬᠤᠷᠭᠤᠯ᠂ ᠳᠤᠯᠤᠭᠠᠨ ᠵᠢᠵᠢᠭ ᠴᠤᠭ | ᠨᠡᠭᠦᠷᠡᠰᠦ ᠠᠶᠠᠭᠠᠨ ᠳᠤ ᠬᠥᠮᠥᠷᠢᠵᠦ ᠭᠠᠯ ᠤᠨ ᠵᠠᠬᠠ ᠳᠤ ᠲᠠᠯᠪᠢᠵᠤ ᠬᠤᠨᠣᠬᠤ᠂ ᠮᠠᠯ ᠪᠡᠯᠴᠢᠵᠦ ᠶᠠᠪᠤᠭᠰᠠᠨ ᠵᠦᠭ ᠠᠴᠠ ᠴᠢᠯᠠᠭᠤ ᠠᠪᠴᠢᠷᠠᠵᠤ ᠲᠤᠯᠭᠠᠨ ᠤ ᠬᠠᠰᠠᠭ | ᠳᠣᠣᠭᠤᠷ︽ᠮᠠᠨᠠ᠂ ᠮᠠᠨᠠ︾ ᠭᠡᠵᠦ ᠬᠡᠯᠡᠭᠡᠳ ᠦᠨᠡᠰᠦᠨ ᠳᠤ ᠬᠢᠬᠦ ᠪᠠ ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠠᠷ︽ᠮᠠᠯ ᠮᠠᠨᠠᠵᠤ ᠬᠤᠨᠣ︕ ︾ ᠭᠡᠵᠦ ᠰᠢᠪᠰᠢᠭᠡᠳ ᠭᠠᠯ ᠤᠨ | ᠨᠤᠷᠮᠠ ᠶᠢ ᠡᠭᠦᠳᠡ ᠪᠠᠷ ᠭᠠᠳᠠᠭᠰᠢ ᠬᠠᠶᠠᠬᠤ᠂ ᠮᠥᠨ ᠮᠣᠷᠢᠨ ᠤ ᠬᠠᠵᠠᠭᠠᠷ ᠢ ᠲᠣᠲᠣᠭᠤᠨ ᠤ ᠤᠨᠢᠨ ᠳᠤ ᠬᠥᠨᠳᠡᠯᠡᠨ ᠬᠠᠪᠴᠢᠭᠤᠯᠵᠤ ᠤᠨᠲᠠᠬᠤ᠂ ᠴᠠᠪᠤᠭ ᠤᠨ | ᠵᠥᠷᠢᠭᠰᠡᠨ ᠠᠮᠠᠨ ᠳᠤ ᠰᠢᠪᠦᠭᠡ ᠨᠡᠪᠲᠡ ᠬᠠᠳᠬᠤᠵᠤ ᠬᠤᠨᠣᠬᠤ᠂ ᠠᠳᠤᠭᠤ ᠮᠠᠨᠠᠵᠤ ᠬᠤᠨᠣᠳᠠᠭ ᠭᠡᠵᠦ ᠵᠠᠯᠠᠭᠠ ᠴᠢᠮᠦᠭᠡᠨ ᠳᠤ ᠨᠠᠷᠢᠨ ᠡᠪᠡᠰᠦ ᠬᠠᠳᠬᠤᠵᠤ | ᠤᠨᠢᠨ ᠳᠤ ᠬᠠᠪᠴᠢᠭᠤᠯᠬᠤ ᠶᠢᠨ ᠵᠡᠷᠭᠡᠴᠡᠭᠡ ᠴᠠᠢ ᠶᠢᠨ ᠤᠭᠤᠷ ᠲᠤ ᠪᠠᠨ ᠶᠠᠮᠠᠷ ᠮᠠᠯ ᠬᠥᠳᠡᠭᠡ ᠬᠡᠭᠡᠷᠡ ᠬᠤᠨᠣᠵᠤ ᠪᠠᠶᠢᠪᠠᠯ ᠲᠡᠷᠡ ᠮᠠᠯ ᠤᠨ ᠬᠤᠷᠭᠤᠯ ᠠᠷᠭᠠᠯ ᠠᠴᠠ | ᠬᠢᠵᠦ ᠪᠥᠭᠯᠡᠵᠦ ᠲᠠᠯᠪᠢᠬᠤ ᠵᠠᠩᠰᠢᠯ ᠶᠣᠰᠣᠨ ᠴᠤ ᠪᠠᠶᠢᠵᠠᠢ᠃ | ᠵᠢᠷᠭᠤᠭᠠ᠂ ᠮᠣᠩᠭᠤᠯ ᠭᠡᠷ ᠤᠨ ᠪᠠᠭᠤᠷᠢ ᠪᠠᠭᠤᠴᠠ ᠳᠤ ᠬᠤᠯᠪᠣᠭᠳᠠᠬᠤ ᠵᠠᠩ ᠦᠢᠯᠡ | ᠴᠡᠴᠡᠭ ᠡᠪᠡᠳᠴᠢᠨ ᠭᠠᠷᠬᠤ ᠳᠤ ᠤᠯᠠᠨ ᠨᠡᠭᠦᠵᠦ ᠪᠠᠶᠢᠭᠠ ᠳᠦᠷᠢ ᠦᠵᠡᠭᠦᠯᠦᠨ ᠨᠢᠭᠡᠨ ᠤᠳᠠᠭᠠ ᠨᠡᠭᠦᠬᠦ ᠵᠠᠮ ᠳᠤ ᠪᠠᠨ ᠠᠴᠢᠶᠠ ᠬᠥᠰᠬᠡ ᠪᠠᠨ | ᠵᠣᠭᠰᠣᠭᠠᠵᠤ ᠭᠡᠷ ᠤᠨ ᠪᠠᠭᠤᠷᠢ ᠵᠢᠷᠤᠬᠤ᠂ ᠲᠤᠯᠭᠠ ᠪᠠᠨ ᠲᠤᠯᠵᠤ ᠭᠠᠯ ᠬᠡᠩᠰᠢᠭᠦᠦ ᠲᠠᠯᠪᠢᠵᠤ ᠰᠠᠯᠬᠢᠨ ᠳᠣᠣᠭᠤᠷ ᠨᠢ ᠬᠤᠨᠢ ᠮᠠᠯ ᠢᠶᠠᠨ ᠲᠠᠭᠤᠵᠤ ᠥᠩᠭᠡᠷᠡᠭᠡᠬᠦ | ᠳᠣᠮ ᠦᠢᠯᠡᠳᠳᠡᠭ ᠵᠠᠩᠰᠢᠯ ᠪᠤᠢ᠃ ᠨᠤᠲᠤᠭ ᠪᠠᠭᠤᠴᠠ ᠳᠡᠭᠡᠷᠡ ᠱᠠᠭᠠᠢ ᠲᠣᠬᠢᠶᠠᠯᠳᠤᠪᠠᠯ ᠭᠤᠲᠤᠯ ᠤᠨ ᠥᠯᠮᠡᠢ ᠪᠠᠷ ᠢᠰᠬᠦᠯᠵᠦ ᠮᠣᠷᠢ ᠠᠴᠠ ᠪᠠᠭᠤᠭᠰᠠᠨ | ᠲᠣᠬᠢᠶᠠᠯᠳᠤᠯ ᠳᠤ ᠠᠪᠴᠤ ᠪᠤᠯᠳᠠᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ | | | |