| ᠮᠣᠩᠭᠤᠯᠴᠤᠳ ᠨᠢ ᠡᠷᠲᠡ ᠳᠡᠭᠡᠳᠦ ᠦᠶᠡ ᠠᠴᠠ ᠪᠠᠨ ᠪᠡᠯᠡᠭ ᠢᠯᠡᠭᠡᠬᠦ ᠵᠠᠩ ᠵᠠᠩᠰᠢᠯ ᠢ ᠬᠦᠨᠳᠦᠳᠬᠡᠨ ᠬᠡᠷᠡᠭᠯᠡᠳᠡᠭ ᠪᠠᠶᠢᠵᠠᠢ᠃ ᠮᠣᠩᠭᠤᠯᠴᠤᠳ ᠤᠨ | ᠨᠤᠲᠤᠭ ᠨᠢ ᠥᠷᠭᠡᠨ ᠠᠭᠤᠳᠠᠮ ᠪᠠᠶᠢᠵᠤ᠂ ᠰᠠᠭᠤᠷᠢᠰᠢᠯ ᠪᠠᠶᠢᠷᠢᠰᠢᠯ ᠲᠠᠷᠠᠬᠠᠢ᠂ ᠬᠤᠯᠠ ᠬᠤᠯᠠ ᠨᠤᠲᠤᠭᠯᠠᠳᠠᠭ ᠪᠥᠭᠡᠳ ᠬᠡᠦᠬᠡᠨ ᠦᠷᠡ ᠪᠠᠨ ᠬᠠᠷᠢ ᠳᠤ ᠬᠤᠯᠠ | ᠮᠣᠷᠳᠠᠭᠤᠯᠬᠤ ᠵᠡᠷᠭᠡ ᠰᠢᠯᠲᠠᠭᠠᠨ ᠢᠶᠠᠷ ᠬᠠᠷᠢᠯᠴᠠᠨ ᠠᠭᠤᠯᠵᠠᠵᠤ ᠤᠴᠠᠷᠠᠬᠤ ᠨᠢ ᠴᠤ ᠠᠶᠠᠨᠳᠠᠭᠠᠨ ᠴᠥᠭᠡᠨ ᠪᠣᠯᠴᠢᠬᠠᠳᠠᠭ᠃ ᠣᠯᠠᠩᠬᠢ ᠨᠢ ᠵᠢᠯ ᠴᠠᠭᠠᠨ ᠰᠠᠷᠠ᠂ | ᠪᠠᠶᠠᠷ ᠳᠤᠷᠠᠰᠬᠠᠯ ᠤᠨ ᠡᠳᠦᠷ ᠪᠤᠶᠤ ᠬᠤᠷᠢᠮ ᠨᠠᠶᠢᠷ ᠳᠤ ᠯᠡ ᠤᠴᠠᠷᠠᠨᠠ᠂ ᠵᠠᠷᠢᠮ ᠨᠢ ᠴᠢᠨᠠᠭᠰᠢᠳᠠ ᠬᠡᠳᠦᠨ ᠵᠢᠯ ᠥᠩᠭᠡᠷᠡᠭᠡᠳ ᠰᠠᠶ᠋ᠢ ᠣᠯᠵᠤ ᠠᠭᠤᠯᠵᠠᠵᠤ | ᠵᠣᠯᠭᠠᠳᠠᠭ ᠪᠣᠯᠬᠤᠷ ᠰᠠᠨᠠᠵᠤ ᠪᠣᠳᠣᠭᠰᠠᠨ ᠰᠡᠳᠬᠢᠯ ᠢᠶᠠᠨ ᠪᠡᠯᠡᠭ ᠬᠦᠷᠭᠡᠨ ᠭᠦᠢᠴᠡᠭᠡᠳᠡᠭ ᠪᠠᠶᠢᠵᠠᠢ᠃ ᠰᠠᠶᠢᠨ ᠰᠠᠶᠢᠬᠠᠨ ᠪᠠᠶᠢᠭᠠ ᠪᠠᠨ ᠬᠠᠷᠢᠯᠴᠠᠨ ᠮᠡᠳᠡᠯᠴᠡᠬᠦ | ᠨᠠᠨᠳᠢᠨ ᠪᠡᠯᠡᠭ ᠢ ᠵᠥᠪᠬᠡᠨ ᠲᠠᠨᠢᠬᠤ ᠲᠥᠷᠥᠯ ᠰᠠᠳᠤᠨ ᠪᠤᠶᠤ ᠨᠤᠲᠤᠭ ᠤᠨ ᠬᠥᠮᠥᠨ ᠢᠶᠠᠷ ᠯᠡ ᠳᠠᠮᠵᠢᠭᠤᠯᠳᠠᠭ᠃ ᠤᠴᠢᠷ ᠨᠢ᠂ ᠲᠡᠷᠡ ᠪᠣᠯ ᠰᠠᠶᠢᠨ ᠰᠠᠶᠢᠬᠠᠨ ᠤ | ᠪᠡᠯᠭᠡᠳᠡᠯ ᠪᠣᠯᠳᠠᠭ᠃ ᠪᠡᠯᠡᠭ ᠨᠢ ᠪᠠᠭᠠ ᠴᠤ ᠰᠡᠳᠬᠢᠯ ᠨᠢ ᠬᠦᠨᠳᠦ ᠪᠠᠶᠢᠳᠠᠭ᠃ ᠥᠩᠭᠡᠷᠡᠭᠰᠡᠨ ᠳᠤ ᠮᠣᠩᠭᠤᠯᠴᠤᠳ ᠪᠡᠯᠡᠭ ᠢ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠪᠤᠶᠤ ᠤᠷᠲᠤ | ᠳᠥᠷᠪᠡᠯᠵᠢᠨ ᠴᠡᠪᠡᠷ ᠲᠣᠬᠢᠯᠢᠭ ᠴᠠᠭᠠᠰᠤ ᠪᠠᠷ ᠪᠠᠭᠯᠠᠵᠤ᠂ ᠪᠡᠯᠡᠭ ᠤᠨ ᠢᠶᠠᠨ ᠠᠮᠠᠰᠠᠷ ᠲᠠᠯᠠ ᠳᠤ ᠨᠢ ᠤᠯᠠᠭᠠᠨ ᠰᠢᠩᠬᠤ ᠪᠤᠶᠤ ᠤᠯᠠᠭᠠᠨ ᠴᠠᠭᠠᠰᠤ ᠨᠠᠭᠠᠵᠤ | ᠪᠡᠯᠡᠭ ᠤᠨ ᠬᠦᠨᠳᠦᠳᠬᠡᠯ ᠪᠣᠯᠭᠠᠳᠠᠭ᠃ ᠪᠠᠰᠠ ᠤᠯᠠᠭᠠᠨ ᠴᠠᠭᠠᠰᠤ ᠪᠤᠶᠤ ᠤᠯᠠᠭᠠᠨ ᠤᠯᠠᠭᠠᠨ ᠪᠣᠳᠤᠭ ᠢᠶᠠᠷ ᠥᠯᠵᠡᠢ ᠵᠠᠩᠭᠢᠶᠠ ᠪᠤᠶᠤ ᠬᠠᠰ ᠲᠠᠮᠠᠭᠠ ᠵᠢᠷᠤᠵᠤ | ᠪᠢᠲᠡᠭᠦᠮᠵᠢᠯᠡᠭᠡᠳ ᠳᠠᠮᠵᠢᠭᠤᠯᠬᠤ ᠬᠥᠮᠥᠨ ᠳᠡᠭᠡᠨ ᠠᠮᠠᠰᠠᠷ ᠢ ᠨᠢ ᠥᠭᠡᠳᠡ ᠠᠴᠠ ᠨᠢ ᠬᠠᠨᠳᠤᠭᠤᠯᠵᠤ ᠥᠭᠭᠦᠭᠡᠳ ᠪᠡᠯᠡᠭ ᠢ ᠨᠢ ᠲᠣᠰᠴᠤ ᠬᠤᠷᠢᠶᠠᠬᠤ ᠰᠠᠳᠤᠨ | ᠲᠥᠷᠥᠯ᠂ ᠨᠠᠶᠢᠵᠠ ᠨᠥᠬᠦᠳ ᠤᠨ ᠢᠶᠠᠨ ᠭᠠᠵᠠᠷ ᠣᠷᠣᠨ᠂ ᠨᠡᠷᠡ ᠣᠪᠣᠭ ᠢ ᠨᠢ ᠲᠣᠳᠣᠷᠬᠠᠢ ᠬᠡᠯᠡᠵᠦ ᠥᠭᠳᠡᠭ᠃ ᠪᠡᠯᠡᠭ ᠢ ᠳᠠᠮᠵᠢᠭᠤᠯᠬᠤ ᠬᠥᠮᠥᠨ ᠨᠢ ᠠᠰᠠᠭᠤᠵᠤ | ᠰᠤᠷᠠᠨ ᠶᠠᠪᠤᠭᠰᠠᠭᠠᠷ ᠲᠤᠬᠠᠢ ᠶᠢᠨ ᠭᠠᠵᠠᠷ ᠲᠤᠨᠢ ᠬᠦᠷᠴᠦ᠂ ᠲᠤᠰ ᠬᠥᠮᠥᠨ ᠳᠤ ᠨᠢ ᠭᠠᠷᠳᠠᠭᠤᠯᠬᠤ ᠳᠠᠭᠠᠨ ᠪᠡᠯᠡᠭ ᠤᠨ ᠠᠮᠠ ᠶᠢ ᠮᠥᠨ ᠥᠭᠡᠳᠡ ᠠᠴᠠ ᠨᠢ | ᠬᠠᠨᠳᠤᠭᠤᠯᠤᠨ ᠲᠤᠰᠢᠶᠠᠵᠤ᠂ ᠪᠡᠯᠡᠭ ᠢᠯᠡᠭᠡᠭᠰᠡᠨ ᠬᠥᠮᠥᠨ ᠤ ᠣᠪᠣᠭ ᠨᠡᠷᠡ᠂ ᠣᠷᠣᠨ ᠰᠠᠭᠤᠴᠠ ᠶᠢ ᠲᠣᠳᠣᠷᠬᠠᠢ ᠶᠠᠷᠢᠵᠤ᠂ ᠠᠶᠢᠯ ᠰᠠᠭᠠᠯᠲᠠ ᠠᠮᠤᠷ ᠰᠠᠶᠢᠬᠠᠨ᠂ | ᠠᠯᠪᠠ ᠪᠦᠬᠦᠨ ᠠᠮᠵᠢᠯᠲᠠ ᠲᠠᠢ ᠰᠠᠶᠢᠨ ᠭᠡᠵᠦ ᠪᠡᠯᠭᠡᠳᠡᠨ ᠶᠠᠷᠢᠳᠠᠭ᠃ ᠪᠡᠯᠡᠭ ᠳᠤᠰᠤᠭᠰᠠᠨ ᠬᠥᠮᠥᠨ ᠲᠤᠩ ᠪᠠᠶᠠᠷᠲᠠᠢ ᠬᠦᠯᠢᠶᠡᠨ ᠠᠪᠤᠭᠠᠳ ᠵᠡᠭᠦᠨ ᠡᠮᠦᠨᠡᠬᠢ | ᠬᠤᠷᠭᠤ ᠳᠡᠭᠡᠷᠡ ᠬᠦᠨᠳᠦᠳᠬᠡᠨ ᠲᠠᠯᠪᠢᠨᠠ᠃ | ᠥᠩᠭᠡᠷᠡᠭᠰᠡᠨ ᠳᠤ ᠮᠣᠩᠭᠤᠯ ᠭᠡᠷ ᠤᠨ ᠵᠡᠭᠦᠨ ᠪᠤᠶᠤ ᠵᠡᠭᠦᠨ ᠡᠮᠦᠨᠡ ᠲᠠᠯᠠ ᠪᠣᠯ ᠬᠠᠮᠤᠭ ᠤᠨ ᠬᠦᠨᠳᠦᠲᠡᠢ ᠵᠦᠭ ᠪᠠᠶᠢᠳᠠᠭ᠃ ᠢᠩᠭᠢᠭᠡᠳ ᠪᠡᠯᠡᠭ ᠬᠦᠷᠭᠡᠵᠦ | ᠢᠷᠡᠭᠰᠡᠨ ᠬᠥᠮᠥᠨ ᠢ ᠲᠥᠷᠥᠯ ᠰᠠᠳᠤᠨ ᠢᠶᠠᠨ ᠢᠷᠡᠭᠰᠡᠨ ᠰᠢᠭ ᠬᠦᠨᠳᠦᠳᠬᠡᠵᠦ᠂ ᠠᠶᠢᠯ ᠠᠶᠢᠮᠠᠭ᠂ ᠡᠯᠢᠭᠡᠨ ᠰᠠᠳᠤᠨ᠂ ᠨᠤᠲᠤᠭ ᠤᠰᠤᠨ᠂ ᠮᠠᠯ ᠠᠬᠤᠢ ᠶᠢᠨ ᠵᠣᠭᠤᠭ | ᠳᠡᠯᠭᠡᠵᠦ᠂ ᠬᠤᠨᠢ ᠨᠢᠲᠤᠯᠵᠤ᠂ ᠱᠥᠯᠥ ᠪᠡᠯᠡᠳᠬᠡᠨ᠂ ᠠᠮᠲᠠᠲᠤ ᠢᠳᠡᠭᠡᠨ ᠤ ᠪᠠᠨ ᠳᠡᠭᠡᠵᠢ ᠪᠠᠷ ᠵᠣᠴᠢᠯᠠᠨ ᠳᠠᠶᠢᠯᠠᠵᠤ᠂ ᠵᠤᠷᠰᠢᠯ ᠶᠣᠰᠣᠭᠠᠷ ᠬᠠᠷᠢᠭᠤ ᠪᠡᠯᠡᠭ ᠪᠣᠭᠤᠵᠤ | ᠶᠠᠪᠤᠭᠤᠯᠳᠠᠭ ᠪᠠᠶᠢᠵᠠᠢ᠃ | ᠪᠡᠯᠡᠭ ᠬᠦᠷᠭᠡᠵᠦ ᠢᠷᠡᠭᠰᠡᠨ ᠵᠣᠴᠢᠨ ᠢᠶᠠᠨ ᠮᠣᠷᠳᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠳᠤᠰᠤᠭᠰᠠᠨ ᠪᠡᠯᠡᠭ ᠢᠶᠠᠨ ᠵᠠᠳᠠᠯᠵᠤ᠂ ᠬᠡᠦᠬᠡᠳ ᠠᠴᠢ ᠨᠠᠷ ᠲᠠᠭᠠᠨ ᠪᠡᠯᠡᠭ | ᠢᠯᠡᠭᠡᠭᠰᠡᠨ ᠬᠥᠮᠥᠨ ᠬᠡᠨ ᠪᠣᠯᠬᠤ᠂ ᠬᠠᠷᠢᠴᠠᠭᠠ ᠳᠠᠭᠤᠳᠠᠯᠭᠠ ᠶᠢ ᠨᠠᠷᠢᠨ ᠲᠠᠨᠢᠯᠴᠠᠭᠤᠯᠤᠨ ᠥᠭᠴᠦ᠂ ᠦᠷᠭᠦᠯᠵᠢ ᠬᠠᠷᠢᠯᠴᠠᠵᠤ ᠶᠠᠪᠤᠯᠴᠠᠬᠤ ᠶᠢ ᠰᠠᠨᠠᠭᠤᠯᠤᠨ ᠵᠠᠬᠢᠳᠠᠭ᠃ | ᠬᠠᠷᠢᠭᠤ ᠪᠡᠯᠡᠭ ᠢ ᠲᠣᠰᠴᠤ ᠠᠪᠤᠭᠰᠠᠨ ᠬᠥᠮᠥᠨ ᠨᠢ ᠠᠵᠢᠯ ᠶᠠᠪᠤᠳᠠᠯ ᠢᠶᠠᠨ ᠪᠠᠷᠠᠭᠠᠴᠢᠬᠠᠭᠠᠳ ᠪᠤᠴᠠᠭᠰᠠᠨ ᠤ ᠬᠤᠶᠢᠨᠠ ᠬᠠᠷᠢᠭᠤ ᠪᠡᠯᠡᠭ ᠢ ᠨᠢ ᠭᠠᠷᠳᠠᠭᠤᠯᠤᠭᠠᠳ | ᠦᠵᠡᠵᠦ ᠰᠣᠨᠣᠰᠤᠭᠰᠠᠨ ᠢᠶᠠᠨ ᠶᠠᠷᠢᠵᠤ᠂ ᠳᠠᠮᠵᠢᠭᠤᠯᠤᠭᠰᠠᠨ ᠦᠭᠡ ᠶᠢ ᠨᠢ ᠲᠡᠷᠡ ᠶᠣᠰᠣᠭᠠᠷ ᠨᠢ ᠳᠠᠮᠵᠢᠭᠤᠯᠬᠤ ᠶᠢᠨ ᠬᠠᠮᠲᠤ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ | ᠬᠦᠨᠳᠦᠳᠬᠡᠨ ᠪᠡᠶᠡᠯᠡᠭᠦᠯᠳᠡᠭ᠃ | | | |