| ᠲᠡᠮᠡᠭᠡ ᠰᠤᠷᠭᠠᠬᠤ᠂ ᠲᠡᠮᠡᠭᠡ ᠤᠷᠤᠯᠳᠤᠬᠤ᠂ ᠲᠡᠮᠡᠭᠡ ᠤᠨᠤᠵᠤ ᠲᠡᠮᠡᠭᠡ ᠪᠠᠷ ᠠᠴᠢᠬᠤ ᠵᠡᠷᠭᠡ ᠨᠢ ᠪᠦᠷ ᠤᠯᠠᠨ ᠪᠠᠭᠠᠵᠢ ᠬᠡᠷᠡᠭᠰᠡᠨᠡ᠃ ᠲᠡᠮᠡᠭᠡᠨ | ᠬᠡᠷᠡᠭᠰᠡᠯ ᠤᠳ ᠤᠨ ᠳᠤᠮᠳᠠ ᠬᠠᠮᠤᠭ ᠤᠨ ᠤᠯᠠᠨ ᠬᠡᠷᠡᠭᠯᠡᠳᠡᠭ ᠨᠢ ᠪᠤᠶᠢᠯᠠ ᠪᠠᠶᠢᠵᠤ᠂ ᠲᠠᠷᠠ ᠨᠢ ᠲᠡᠮᠡᠭᠡᠨ ᠤ ᠬᠠᠮᠠᠷ ᠢ ᠬᠠᠳᠬᠤᠵᠤ᠂ ᠨᠠᠰᠤᠨ ᠲᠤᠷᠰᠢᠲᠠ ᠨᠢ ᠬᠠᠮᠲᠤ | ᠪᠠᠶᠢᠳᠠᠭ᠃ ᠲᠡᠶᠢᠮᠦ ᠨᠢᠭᠡ ᠵᠢᠵᠢᠭᠬᠡᠨ ᠮᠣᠳᠣ ᠦᠵᠡᠬᠦ ᠳᠤ ᠶᠠᠯᠢᠮ ᠦᠭᠡᠢ ᠴᠤ ᠦᠨᠡᠨᠳᠡᠭᠡᠨ ᠵᠣᠬᠢᠶᠠᠬᠤ ᠳᠤ ᠮᠠᠰᠢ ᠲᠦᠪᠡᠭ ᠪᠤᠳᠤᠯᠢᠶᠠᠨᠲᠠᠢ᠃ ᠪᠤᠶᠢᠯᠠ ᠬᠢᠬᠦ | ᠮᠠᠲ᠋ᠧᠷᠢᠶᠠᠯ ᠰᠣᠩᠭᠤᠬᠤ ᠳᠠᠭᠠᠨ ᠤᠯᠠᠭᠠᠨ ᠤᠳᠠ᠂ ᠰᠢᠷᠠ ᠬᠠᠶᠢᠯᠠᠰᠤ ᠭᠡᠬᠦ ᠮᠡᠲᠦ ᠶᠢᠨ ᠡᠮᠲᠦ ᠴᠢᠨᠠᠷᠲᠠᠢ ᠮᠣᠳᠣᠨ ᠮᠠᠲ᠋ᠧᠷᠢᠶᠠᠯ ᠢ ᠰᠣᠩᠭᠤᠵᠤ᠂ ᠲᠡᠮᠡᠭᠡᠨ ᠪ᠊ ᠬᠠᠮᠠᠷ | ᠦᠷᠪᠢᠰᠬᠦ ᠠᠴᠠ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠬᠠᠮᠲᠤ ᠪᠠᠰᠠ ᠪᠠᠬᠢᠯᠢᠭ᠌ ᠤᠶᠠᠨ ᠴᠢᠨᠠᠷ ᠲᠠᠢ ᠪᠠᠶᠢᠬᠤ ᠶᠢ ᠪᠠᠲᠤᠯᠠᠳᠠᠭ᠃ ᠪᠤᠶᠢᠯᠠ ᠪᠠᠨ ᠵᠣᠷᠭᠤᠵᠤ ᠵᠠᠰᠠᠭᠠᠳ᠂ ᠨᠢᠭᠡ ᠲᠠᠯᠠ ᠶᠢ ᠨᠢ | ᠱᠣᠷᠣᠯᠠᠨ᠂ ᠨᠦᠭᠦᠭᠡ ᠲᠠᠯᠠ ᠶᠢ ᠨᠢ ᠱᠣᠷᠣᠯᠠᠬᠤ ᠦᠭᠡᠢ᠂ ᠲᠡᠭᠡᠭᠡᠳ ᠲᠣᠭᠲᠠᠭᠠᠬᠤ ᠭᠠᠷᠭᠠ ᠪᠠ ᠳᠡᠭᠡᠰᠦ ᠤᠶᠠᠬᠤ ᠨᠦᠬᠡ ᠲᠠᠢ ᠵᠣᠬᠢᠶᠠᠳᠠᠭ ᠨᠢ ᠤᠷᠠᠨ ᠲᠠᠷᠬᠠᠨ | ᠪ᠊ ᠤᠷᠠ ᠡᠷᠳᠡᠮ ᠪᠠ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ ᠶᠢ ᠮᠠᠰᠢ ᠶᠡᠭᠡ ᠰᠢᠯᠭᠠᠳᠠᠭ᠃ ᠪᠤᠶᠢᠯᠠ ᠵᠣᠷᠭᠤᠬᠤ ᠨᠢ ᠠᠯᠠᠱᠠ ᠨᠤᠲᠤᠭ ᠤᠨ ᠲᠡᠮᠡᠭᠡᠨ ᠨᠠᠭᠠᠳᠤᠮ ᠤᠨ ᠤᠷᠤᠯᠳᠤᠭᠠᠨ | ᠪ᠊ ᠨᠢᠭᠡᠨ ᠲᠦᠷᠦᠯ ᠵᠦᠢᠯ ᠪᠣᠯᠣᠨᠠ᠃ | ᠲᠡᠮᠡᠭᠡᠨ ᠲᠣᠬᠤᠮ ᠢ ᠤᠨᠤᠯᠭᠠ ᠶᠢᠨ ᠲᠣᠬᠤᠮ ᠪᠠ ᠠᠴᠢᠶᠠᠨ ᠤ ᠲᠣᠬᠤᠮ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠤᠨᠤᠯᠭᠠ ᠶᠢᠨ ᠲᠣᠬᠤᠮ ᠳᠤ ᠲᠡᠶᠢᠮᠦ ᠤᠯᠠᠨ | ᠶᠣᠰᠣ ᠵᠢᠷᠤᠮ ᠭᠡᠵᠦ ᠠᠯᠠᠭᠠ᠂ ᠲᠦᠷᠦᠭᠡ ᠴᠤ ᠪᠠᠶᠢᠬᠤ ᠦᠭᠡᠢ᠂ ᠳᠣᠣᠷᠠ ᠨᠢ ᠢᠰᠡᠭᠡᠢ ᠳᠡᠪᠢᠰᠴᠦ᠂ ᠳᠡᠭᠡᠷᠡ ᠨᠢ ᠳᠥᠷᠪᠡᠯᠵᠢᠨ ᠲᠠᠨᠽᠢ ᠳᠠᠪᠬᠤᠷᠯᠠᠭᠠᠳ ᠯᠠ | ᠪᠣᠯᠭᠠᠴᠢᠬᠠᠳᠠᠭ᠃ ᠠᠴᠢᠶᠠᠨ ᠪ᠊ ᠲᠣᠬᠤᠮ ᠨᠡᠩ ᠴᠤ ᠲᠦᠭᠦᠮ ᠪᠠᠶᠢᠵᠤ᠂ ᠪᠠᠬᠢᠯᠢᠭ᠌ ᠲᠣᠬᠢᠷᠠᠮᠵᠢᠲᠠᠢ ᠪᠣᠯ ᠪᠣᠯᠴᠢᠬᠠᠨᠠ᠃ ᠪᠦᠭᠦ ᠲᠠᠲᠠᠯᠭᠠ ᠳᠡᠭᠡᠰᠦ ᠶᠢ ᠴᠥᠮ | ᠲᠡᠮᠡᠭᠡᠨ ᠪ᠊ ᠵᠣᠭᠳᠣᠷ ᠢᠶᠠᠷ ᠬᠢᠳᠡᠭ᠃ ᠲᠡᠮᠡᠭᠡ ᠬᠠᠶᠢᠴᠢᠯᠠᠬᠤ ᠳᠠᠭᠠᠨ ᠨᠢᠭᠡᠯᠡ ᠳᠡᠭᠡᠷᠡ ᠬᠠᠶᠢᠴᠢᠯᠠᠵᠤ ᠪᠠᠷᠠᠭᠠᠳᠠᠭ ᠦᠭᠡᠢ᠂ ᠲᠡᠮᠡᠭᠡᠴᠢᠳ ᠴᠠᠭ ᠠᠭᠤᠷ ᠤᠨ ᠪᠠᠶᠢᠳᠠᠯ ᠢ | ᠦᠨᠳᠦᠰᠦᠯᠡᠵᠦ᠂ ᠤᠷᠢᠳᠠᠪᠠᠷ ᠨᠣᠣᠰᠣ ᠶᠢ ᠨᠢ ᠬᠠᠶᠢᠴᠢᠯᠠᠵᠤ᠂ ᠨᠡᠯᠢᠶᠡᠳ ᠡᠳᠦᠷ ᠤᠨ ᠲᠠᠷᠠᠭᠠ ᠨᠣᠣᠯᠣᠭᠤᠷ ᠢ ᠨᠢ ᠬᠠᠶᠢᠴᠢᠯᠠᠳᠠᠭ᠃ ᠳᠡᠭᠡᠰᠦ ᠲᠠᠮᠤᠬᠤ ᠪᠣᠯ | ᠬᠠᠮᠤᠭ ᠤᠨ ᠦᠨᠳᠦᠰᠦᠨ ᠠᠵᠢᠯ ᠪᠠᠶᠢᠵᠤ᠂ ᠪᠦᠳᠦᠭᠦᠨ ᠨᠠᠷᠢᠨ᠂ ᠤᠷᠳᠤ ᠣᠬᠤᠷ ᠶᠠᠩᠵᠤ ᠶᠢᠨ ᠳᠡᠭᠡᠰᠦ ᠲᠠᠮᠤᠳᠠᠭ᠃ ᠲᠡᠭᠡᠭᠡᠳ ᠲᠠᠮᠤᠭᠰᠠᠨ ᠳᠡᠭᠡᠰᠦ ᠪᠠᠷ ᠢᠶᠠᠨ | ᠡᠯᠳᠡᠪ ᠶᠠᠩᠵᠤ ᠶᠢᠨ ᠤᠭᠤᠲᠠ᠂ ᠪᠣᠭᠴᠣ ᠬᠢᠵᠦ᠂ ᠲᠣᠭᠤᠭᠠ ᠰᠢᠨᠠᠭᠠ ᠯᠣᠩᠬᠤ ᠰᠠᠪᠠ᠂ ᠴᠠᠢ ᠳᠠᠪᠤᠰᠤ ᠵᠡᠷᠭᠡ ᠶᠢ ᠠᠴᠢᠶᠠᠯᠠᠳᠠᠭ᠃ ᠤᠯᠠᠭᠠᠨ ᠤᠲᠠᠰᠤ ᠪᠠᠷ ᠴᠡᠴᠡᠭ | ᠪᠤᠶᠤ ᠥᠯᠵᠡᠢ ᠵᠠᠨᠬᠭᠢᠶᠠ ᠵᠠᠩᠭᠢᠳᠴᠤ᠂ ᠲᠡᠮᠡᠭᠡᠨ ᠪ᠊ ᠲᠣᠯᠣᠭᠠᠢ ᠳᠤ ᠤᠶᠠᠬᠤ ᠨᠢ ᠲᠡᠮᠡᠭᠡ ᠪᠠᠨ ᠱᠠᠩᠨᠠᠭᠰᠠᠨ ᠲᠠᠢ ᠲᠡᠩᠴᠡᠨᠡ᠃ | ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠲᠡᠮᠡᠭᠡᠨ ᠪ᠊ ᠨᠤᠲᠤᠭ︾ ᠪᠣᠯᠤᠭᠰᠠᠨ ᠠᠯᠠᠱᠠ ᠳᠤ᠂ ᠲᠡᠮᠡᠭᠡᠨ ᠪ᠊ ᠨᠠᠭᠠᠳᠤᠮ ᠳᠡᠭᠡᠷᠡ ᠦᠷᠭᠦᠯᠵᠢ ᠰᠠᠶᠢᠬᠠᠨ ᠲᠡᠮᠡᠭᠡ | ᠰᠢᠯᠭᠠᠷᠠᠭᠤᠯᠬᠤ ᠲᠦᠷᠦᠯ ᠵᠦᠢᠯ ᠪᠠᠶᠢᠳᠠᠭ᠃ ᠲᠤᠬᠠᠢ ᠶᠢᠨ ᠭᠠᠵᠠᠷ ᠣᠷᠣᠨ ᠠᠴᠠ ᠲᠡᠮᠡᠭᠡᠨ ᠪ᠊ ᠦᠰᠦ ᠨᠣᠣᠰᠣᠨ ᠪ᠊ ᠥᠩᠭᠡ᠂ ᠭᠠᠷᠤᠯᠲᠠ᠂ ᠪᠡᠶᠡ ᠪᠢᠯᠳᠠᠷ ᠤᠨ ᠶᠡᠭᠡ | ᠪᠠᠭᠠ᠂ ᠪᠡᠶᠡ ᠶᠢᠨ ᠬᠦᠨᠳᠦ ᠵᠡᠷᠭᠡ ᠲᠠᠯᠠ ᠪᠠᠷ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠴᠢ ᠰᠢᠷᠢᠰ ᠪᠠᠷᠢᠮᠵᠢᠶᠠ ᠲᠣᠭᠲᠠᠭᠠᠵᠤ᠂ ᠲᠡᠮᠡᠭᠡᠴᠢᠳ ᠢ ᠰᠠᠶᠢᠨ ᠡᠭᠦᠯᠳᠡᠷ ᠤᠨ ᠲᠡᠮᠡᠭᠡ | ᠪᠣᠶᠢᠵᠢᠭᠤᠯᠬᠤ ᠶᠢ ᠵᠣᠷᠢᠭᠵᠢᠭᠤᠯᠵᠤ ᠪᠠᠶᠢᠳᠠᠭ᠃ ᠵᠢᠯ ᠴᠠᠭᠠᠨ ᠰᠠᠷᠠ ᠪᠣᠯᠪᠠᠯ ᠠᠯᠠᠱᠠ ᠶᠢᠨ ᠲᠡᠮᠡᠭᠡᠴᠢᠨ ᠠᠶᠢᠯ ᠪᠣᠯᠭᠠᠨ ᠲᠡᠮᠡᠭᠡᠨ ᠬᠤᠷᠤᠭᠠ ᠪᠠᠨ ᠭᠢᠯᠠ ᠴᠢᠯᠠ | ᠴᠡᠪᠡᠷᠯᠡᠵᠦ᠂ ᠬᠤᠣᠰ ᠤᠶᠠᠩᠭᠠ ᠨᠠᠭᠠᠭᠠᠳ᠂ ᠬᠠᠶᠢᠷᠠᠯᠠᠵᠤ ᠲᠣᠭᠤᠳᠠᠭ᠂ ᠭᠠᠪᠢᠶᠠ ᠵᠢᠳᠬᠦᠯ ᠲᠠᠢ ᠲᠡᠮᠡᠭᠡᠳ ᠢᠶᠠᠨ ᠰᠠᠶᠢᠲᠤᠷ ᠵᠠᠰᠠᠵᠤ ᠴᠢᠮᠡᠭᠡᠳ ᠵᠣᠯᠭᠠᠬᠤ ᠪᠠᠷ | ᠢᠷᠡᠭᠰᠡᠨ ᠰᠢᠨᠡ ᠶᠢᠨ ᠵᠣᠴᠢᠳ ᠲᠠᠭᠠᠨ ᠰᠣᠨᠢᠷᠬᠠᠭᠤᠯᠳᠠᠭ᠃ | ᠠᠯᠠᠱᠠ ᠶᠢᠨ ᠵᠡᠬᠡᠭᠰᠡᠨ ᠲᠡᠮᠡᠭᠡᠴᠢᠨ ᠠᠶᠢᠯ ᠪᠣᠯᠭᠠᠨ ᠳᠤ ᠲᠡᠮᠡᠭᠡᠨ ᠰᠦᠷᠦᠭ᠂ ᠪᠡᠯᠴᠢᠭᠡᠷ ᠵᠢᠴᠢ ᠨᠢᠭᠡ ᠢᠵᠢ ᠲᠡᠮᠡᠭᠡ ᠠᠷᠠᠴᠢᠯᠠᠬᠤ ᠤᠬᠠᠭᠠᠨ ᠪᠠᠶᠢᠳᠠᠭ᠃ | ᠬᠡᠳᠦᠨ ᠵᠠᠭᠤᠨ ᠵᠢᠯ ᠤᠨ ᠲᠤᠷᠰᠢᠬᠢ ᠲᠡᠮᠡᠭᠡ ᠠᠷᠠᠴᠢᠯᠠᠬᠤ ᠲᠤᠷᠰᠢᠯᠭᠠ ᠰᠤᠷᠭᠠᠮᠵᠢ᠂ ᠠᠮᠠ ᠪᠠᠷ ᠤᠯᠠᠮᠵᠢᠯᠠᠵᠤ ᠪᠡᠶᠡᠴᠢᠯᠡᠨ ᠵᠢᠭᠠᠭᠰᠠᠨ ᠶᠣᠰᠣ ᠳᠦᠷᠢᠮ᠂ ᠤᠯᠠᠨ | ᠤᠩᠰᠢᠯᠭᠠ᠂ ᠵᠦᠢᠷ ᠰᠡᠴᠡᠨ ᠦᠭᠡ᠂ ᠦᠯᠢᠭᠡᠷ ᠲᠤᠮᠤᠭ᠂ ᠳᠠᠭᠤᠤ ᠠᠶᠠᠯᠭᠤ ᠵᠡᠷᠭᠡ ᠨᠢ ᠪᠦᠷ ᠰᠣᠶᠣᠯ ᠤᠨ ᠠᠭᠤᠰᠤᠯᠴᠠᠯ᠂ ᠦᠨᠳᠦᠰᠦᠲᠡᠨ ᠪ᠊ ᠠᠭᠤᠰᠤᠯᠴᠠᠯ ᠤᠨ | ᠭᠡᠷᠡᠴᠢ ᠮᠥᠨ᠃ | ᠲᠡᠮᠡᠭᠡᠴᠢᠨ ᠪᠣᠯᠭᠠᠨ ᠤ ᠰᠡᠳᠬᠢᠯ ᠳᠤ ᠨᠢᠭᠡᠨ ᠰᠢᠳᠢᠲᠦ ᠦᠯᠢᠭᠡᠷ ᠪᠠᠶᠢᠵᠤ᠂ ᠲᠡᠮᠡᠭᠡ ᠪᠣᠯ ᠰᠢᠳᠢᠲᠦ ᠠᠮᠢᠳᠠᠨ᠂ ᠭᠠᠩ ᠬᠠᠭᠤᠷᠠᠢ ᠲᠠᠴᠢᠷ ᠴᠦᠯ᠂ ᠪᠦᠢᠳᠡ | ᠪᠥᠭᠯᠡᠭᠦᠦ ᠭᠤᠪᠢ ᠨᠤᠲᠤᠭ ᠲᠤ ᠠᠮᠢᠳᠤᠷᠠᠵᠤ ᠪᠤᠢ ᠬᠥᠮᠥᠰ ᠢ ᠠᠪᠤᠷᠠᠭᠰᠠᠨ᠂ ᠬᠡᠷᠪᠡ ᠲᠡᠮᠡᠭᠡ ᠪᠠᠨ ᠰᠠᠶᠢᠲᠤᠷ ᠠᠷᠠᠴᠢᠯᠠᠵᠤ ᠬᠠᠮᠠᠭᠠᠯᠠᠬᠤ ᠦᠭᠡᠢ ᠪᠣᠯ ᠪᠤᠷᠬᠠᠨ | ᠲᠡᠭᠷᠢ ᠠᠴᠠ ᠲᠡᠮᠡᠭᠡ ᠪᠠᠨ ᠪᠤᠴᠠᠭᠠᠵᠤ ᠠᠪᠠᠴᠢᠨᠠ ᠭᠡᠵᠦ ᠴᠤ ᠭᠡᠯᠴᠡᠳᠡᠭ ᠰᠠᠨ᠃ ᠠᠯᠠᠱᠠ ᠶᠢᠨ ᠲᠡᠮᠡᠭᠡᠴᠢᠨ ᠪᠣᠯᠣᠨ ᠬᠤᠣᠰ ᠪᠥᠬᠦᠲᠦ ᠲᠡᠮᠡᠭᠡ ᠪᠣᠯ ᠬᠠᠨ ᠲᠡᠭᠷᠢ | ᠠᠯᠠᠱᠠ ᠶᠢᠨ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠰᠣᠶᠣᠯ ᠢᠷᠭᠡᠨᠰᠢᠯ ᠤᠨ ᠦᠵᠡᠮᠵᠢ ᠪᠠ ᠰᠣᠶᠣᠯ ᠤᠨ ᠢᠯᠡᠳᠬᠡᠯ ᠮᠥᠨ᠃ | | | |