| ︽ᠭᠡᠭᠡᠨ ᠥᠷᠯᠥᠭᠡ - ᠬᠡᠷᠡᠯᠳᠦ ᠡᠬᠢᠯᠡᠯ︾᠃ | ᠥᠷᠯᠥᠭᠡ ᠰᠠᠶᠢᠬᠠᠨ ᠠ᠋︕ | ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠡᠳᠦᠷ ᠪᠦᠷᠢ ᠪᠠᠨ ᠳᠠᠪᠲᠠᠨ ᠦᠷᠭᠦᠯᠵᠢᠯᠡᠳᠡᠭ ᠴᠦ ᠡᠷᠲᠡᠯᠡᠨ ᠪᠣᠰᠴᠤ ᠪᠠᠶᠢᠭᠠᠯᠢ ᠳᠡᠯᠡᠬᠡᠢ ᠶᠢᠨ ᠠᠭᠤᠳᠠᠮ ᠴᠢᠯᠦᠭᠡ ᠶᠢ ᠪᠠᠭ᠋ᠠᠷᠬᠠᠨ᠂ | ᠴᠡᠪᠡᠷ ᠠᠷᠢᠭᠤᠨ ᠠᠭᠠᠷ ᠢ ᠭᠦᠨ ᠠᠮᠢᠰᠬᠤᠯᠯᠠᠬᠤ ᠳᠤ ᠪᠡᠶᠡ ᠰᠡᠳᠬᠢᠯ ᠠᠷᠢᠭᠤᠰᠤᠨ ᠲᠤᠩᠭᠠᠯᠠᠭᠰᠢᠵᠤ ᠡᠨᠡ ᠡᠳᠦᠷ ᠤᠨ ᠠᠯᠢᠪᠠ ᠪᠦᠭᠦᠨ ᠴᠣ ᠰᠢᠨᠡ ᠪᠠᠷ ᠡᠬᠢᠯᠡᠵᠦ | ᠡᠳᠦᠷᠵᠢᠨ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠥᠭᠡᠳᠡᠷᠬᠡᠭ ᠶᠠᠪᠤᠬᠤ ᠶᠢᠨ ᠰᠢᠳᠢ ᠶᠢ ᠲᠠᠨ ᠳᠤ ᠣᠯᠭᠤᠵᠤ ᠴᠢᠳᠠᠳᠠᠭ ᠶᠤᠮ᠃ ᠤᠮᠠᠷᠠᠲᠤ ᠣᠷᠣᠨ ᠤ ᠮᠢᠨᠢ ᠲᠦᠷᠪᠡᠨ ᠤᠯᠠᠷᠢᠯ ᠤᠨ | ᠥᠷᠯᠥᠭᠡ ᠪᠣᠯᠭᠠᠨ ᠥᠪᠡᠷ ᠥᠪᠡᠷ ᠤᠨ ᠥᠩᠭᠡ ᠪᠠᠷ ᠢᠶᠠᠨ ᠭᠤᠸᠠ ᠰᠠᠶᠢᠬᠠᠨ ᠡᠷᠴᠢ ᠡᠨᠧᠷᠭᠢ ᠲᠠᠢ ᠪᠠᠶᠢᠳᠠᠭ ᠢ ᠠᠵᠢᠯᠴᠢ ᠭᠦᠳᠡᠯᠮᠦᠷᠢᠴᠢ ᠬᠥᠮᠥᠨ ᠠᠷᠠᠳ ᠮᠢᠨᠢ | ᠠᠨᠳᠠᠬᠤ ᠦᠭᠡᠢ᠃ | ᠪᠠᠭᠠ ᠪᠠᠶᠢᠬᠤ ᠳᠤ ᠲᠡᠰᠭᠢᠮᠡ ᠬᠦᠢᠲᠡᠨ ᠡᠪᠦᠯ ᠤᠨ ᠴᠠᠭ ᠡᠵᠢ ᠮᠢᠨᠢ ᠡᠷᠲᠡ ᠪᠣᠰᠴᠤ᠂ ᠭᠠᠯ ᠬᠥᠭᠵᠢᠭᠡᠵᠦ ᠭᠡᠷ ᠢᠶᠠᠨ ᠳᠤᠯᠠᠭᠠᠯᠠᠳᠠᠭ ᠰᠠᠨ᠃ | ᠳᠠᠭᠠᠷᠠᠬᠤ ᠳᠠᠭᠠᠨ ᠲᠦᠷᠪᠡᠨ ᠮᠥᠴᠢ ᠪᠠᠨ ᠠᠲᠤᠷᠢᠭᠠᠳ ᠬᠡᠪᠲᠡᠵᠦ ᠪᠠᠶᠢᠭᠰᠠᠨ ᠪᠢᠳᠠ ᠭᠡᠷ ᠬᠠᠯᠠᠰᠬᠤ ᠪᠠᠷ ᠲᠠᠭᠢᠭᠠᠳ ᠠᠮᠲᠠᠲᠤ ᠨᠣᠶᠢᠷ ᠲᠠᠭᠠᠨ ᠣᠷᠣᠴᠢᠬᠠᠳᠠᠭ | ᠪᠠᠶᠢᠭᠰᠠᠨ ᠳ᠋ᠠ᠂ ᠢᠩᠭᠢᠲᠡᠯᠡ ᠠᠪᠤ ᠮᠢᠨᠢ ︽ᠵᠠ᠂ ᠮᠢᠨᠤ ᠬᠡᠦᠬᠡᠳ ᠪᠣᠰᠴᠠᠭᠠ᠂ ᠪᠥᠭᠰᠡᠨ ᠳᠡᠭᠡᠷᠡ ᠴᠢᠨᠢ ᠨᠠᠷᠨ ᠲᠤᠰᠤᠯᠠ ᠰᠢᠤ︾᠂ ︽ᠪᠠᠷᠰ ᠴᠠᠭ ᠲᠤ ᠪᠤᠰᠬᠤ ᠦᠭᠡᠢ | ᠪᠣᠯ ᠡᠳᠦᠷ ᠤᠨ ᠠᠵᠢᠯ ᠬᠤᠴᠣᠷᠤᠨᠠ᠂ ᠪᠠᠭᠠ ᠨᠠᠰᠤᠨ ᠳᠠᠭᠠᠨ ᠰᠤᠷᠬᠤ ᠦᠭᠡᠢ ᠪᠣᠯ ᠨᠠᠰᠤᠨ ᠤ ᠶᠠᠪᠤᠳᠠᠯ ᠬᠤᠴᠣᠷᠤᠨᠠ︾ ᠭᠡᠵᠦ ᠬᠤᠯᠪᠤᠭᠠ ᠬᠤᠷᠰᠢᠶᠠ ᠦᠭᠡ ᠪᠠᠷ | ᠮᠠᠨᠤᠰ ᠢ ᠦᠭᠦᠭᠡᠷᠳᠦᠯ ᠤᠷᠮᠠᠰᠢᠭᠤᠯᠤᠯ ᠲᠠᠢ ᠰᠡᠷᠢᠭᠡᠬᠦ ᠳᠤ ᠪᠢᠳᠠ ᠠᠬᠠ ᠳᠡᠭᠦᠦ ᠬᠡᠳᠦᠭᠦᠯᠡ ᠪᠠᠨ ᠠᠯᠢᠶᠠᠷᠬᠠᠨ ᠬᠥᠭᠡᠷᠦᠯᠳᠦᠭᠰᠡᠭᠡᠷ ᠪᠣᠰᠴᠠᠭᠠᠳᠠᠭ᠃ ᠠᠭᠠᠭ ᠲᠠᠢ | ᠴᠠᠢ ᠶᠢᠨ ᠦᠨᠦᠷ ᠦᠷᠦᠭᠡ ᠳᠦᠭᠦᠷᠡᠩ ᠬᠠᠩᠬᠤᠯᠴᠢᠬᠠᠭᠰᠠᠨ ᠰᠠᠮᠰᠠ ᠰᠡᠷᠪᠡᠭᠡᠨᠡᠭᠦᠯᠦᠨᠡ᠂ ᠪᠢᠳᠠ ᠭᠠᠯ ᠤᠨ ᠢᠯᠴᠢᠨ ᠳᠤ ᠬᠠᠪ ᠬᠠᠯᠠᠭᠤᠬᠠᠨ ᠪᠣᠯᠤᠭᠰᠠᠨ ᠬᠤᠪᠴᠠᠰᠤ | ᠬᠤᠨᠠᠷ ᠢᠶᠠᠨ ᠤᠷᠤᠯᠳᠤᠨ ᠡᠮᠦᠰᠴᠦ᠂ ᠠᠪᠤ ᠡᠵᠢ ᠠᠴᠠ ᠪᠠᠨ ᠮᠠᠭᠲᠠᠭᠠᠯ ᠣᠯᠬᠤ ᠪᠠᠷ ᠶᠠᠭᠠᠷᠠᠳᠠᠭ ᠪᠢᠯᠡ᠃ ᠬᠡᠦᠬᠡᠳ ᠨᠠᠰᠤᠨ ᠤ ᠡᠳᠦᠷ ᠪᠦᠷᠢ ᠡᠶᠢᠮᠦᠷᠬᠦᠦ ᠬᠠᠯᠠᠭᠤᠨ | ᠳᠤᠯᠠᠭᠠᠨ ᠬᠠᠶᠢᠷᠠ ᠬᠠᠯᠠᠮᠵᠢ ᠲᠠᠢ ᠡᠬᠢᠯᠡᠳᠡᠭ ᠪᠠᠶᠢᠭᠰᠠᠨ ᠢᠶᠠᠨ ᠪᠤᠳᠤᠪᠠᠯ ᠰᠠᠶᠢᠬᠠᠨ ᠠ᠋︕ | ᠭᠤᠪᠢ ᠶᠢᠨ ᠲᠤᠬᠰᠢᠨ ᠨᠣᠶᠠᠨ ᠬᠤᠲᠤᠭᠲᠤ ᠳ᠋ᠠᠨᠽᠠᠨᠷᠠᠪᠵᠠᠢ ᠠᠴᠠ ︽ᠪᠠᠳᠠᠷᠠᠵᠤ ᠳᠡᠭᠡᠭᠰᠢᠯᠡᠬᠦ ᠶᠢᠨ ᠦᠨᠳᠦᠰᠦ ᠰᠡᠷᠢᠭᠦ᠂ ᠰᠠᠨᠠᠬᠤ᠂ ᠲᠡᠮᠡᠦᠯᠬᠦ ᠭᠤᠷᠪᠠ᠂ | ᠪᠠᠯᠠᠷᠠᠵᠤ ᠳᠣᠷᠣᠶᠢᠲᠠᠬᠤ ᠶᠢᠨ ᠲᠡᠮᠳᠡᠭ ᠤᠨᠲᠠᠬᠤ᠂ ᠮᠠᠷᠲᠠᠬᠤ᠂ ᠲᠡᠷᠰᠯᠡᠬᠦ ᠭᠤᠷᠪᠠ︾ ᠭᠡᠵᠦ ᠪᠡᠶᠡ᠂ ᠭᠡᠯᠨ᠂ ᠰᠡᠳᠬᠢᠯ ᠢᠶᠠᠨ ᠡᠭᠡᠨᠡᠭᠲᠡ ᠬᠢᠨᠠᠵᠤ ᠶᠠᠪᠤᠬᠤ ᠶᠢᠨ ᠡᠷᠳᠡᠨᠢ | ᠮᠡᠲᠦ ᠦᠭᠡ ᠶᠢ ᠬᠠᠶᠢᠷᠠᠯᠠᠵᠤ ᠦᠯᠡᠳᠡᠭᠡᠭᠰᠡᠨ ᠰᠠᠨ᠃ ︽ᠡᠷᠲᠡ ᠪᠣᠰᠪᠠᠯ ᠨᠢᠭᠡ ᠶᠢ ᠦᠵᠡᠨᠡ︾ ᠭᠡᠳᠡᠭ ᠢᠶᠠᠷ ᠦᠷ ᠢ ᠳᠠᠭᠤᠳᠠᠨ ᠰᠡᠷᠢᠭᠡᠭᠰᠡᠨ ᠪᠣᠯᠵᠣᠮᠣᠷ ᠤᠨ | ᠱᠤᠯᠤᠭᠠᠨᠠᠭᠠ᠂ ᠤᠨᠢᠶᠠᠷ ᠬᠥᠰᠢᠭᠡᠯᠡᠭᠰᠡᠨ ᠠᠯᠤᠰ ᠤᠨ ᠪᠠᠷᠠ᠂ ᠰᠢᠭᠦᠳᠡᠷᠢ ᠡᠮᠬᠦᠭᠰᠡᠨ ᠡᠪᠡᠰᠦ ᠴᠡᠴᠡᠭ ᠤᠨ ᠠᠩᠬᠢᠯᠤᠮᠠ ᠦᠨᠦᠷ᠂ ᠱᠢᠷᠦ ᠰᠤᠪᠤᠳ ᠰᠢᠭ᠋ | ᠪᠣᠯᠪᠠᠰᠤᠷᠠᠭᠰᠠᠨ ᠦᠷᠡ ᠵᠢᠮᠢᠰ ᠁ ᠥᠷᠯᠥᠭᠡ ᠬᠠᠷᠠᠭᠳᠠᠬᠤ ᠲᠡᠷᠨ ᠪᠦᠭᠦᠨ ᠴᠢᠮᠠ ᠳᠤ ᠰᠠᠨᠠᠭᠠᠨ ᠳᠤ ᠦᠭᠡᠢ ᠭᠤᠸᠠ ᠰᠠᠶᠢᠬᠠᠨ ᠤ ᠬᠦᠷᠲᠡᠭᠡᠯ ᠱᠠᠩᠨᠠᠬᠤ ᠨᠢ | ᠯᠠᠪᠲᠠᠢ ᠰᠢᠤ᠃ | ᠪᠢ ᠤᠳᠤ ᠴᠦ ᠭᠡᠰᠡᠨ ᠥᠷᠯᠥᠭᠡ ᠳᠡᠭᠡᠨ ᠡᠷᠲᠡ ᠪᠣᠰᠴᠤ ᠴᠠᠢ ᠪᠠᠨ ᠤᠤᠭᠤᠬᠤ ᠠᠴᠠ ᠡᠮᠦᠨᠡ ᠠᠰᠠᠷ ᠠᠴᠠ ᠪᠠᠨ ᠪᠠᠭᠤᠵᠤ ᠬᠦᠷᠢᠶᠡᠨ ᠳᠤᠮᠳᠠ ᠠᠯᠬᠤᠬᠤ | ᠪᠤᠶᠤ ᠲᠠᠮᠢᠷ ᠬᠢᠬᠦ ᠵᠠᠩᠰᠢᠯ ᠲᠠᠢ᠃ ᠡᠨᠡ ᠵᠢᠵᠢᠭ ᠬᠤᠷᠢᠶᠠᠯᠠᠯ ᠤᠨ ᠬᠦᠷᠢᠶᠡ ᠠᠭᠤᠵᠢᠮ᠂ ᠳᠤᠮᠳᠠ ᠨᠢ ᠪᠠᠷᠤᠭ ᠲᠦᠷᠪᠡᠨ ᠵᠠᠭᠤᠨ ᠮᠧᠲᠷ ᠤᠷᠳᠤ ᠴᠤᠪᠤᠭᠠ ᠲᠠᠢ᠃ | ᠲᠠᠯᠠᠪᠠᠢ ᠶᠢᠨ ᠭᠠᠳᠠᠭᠤᠷ ᠳᠥᠷᠪᠡᠯᠵᠢᠯᠡᠨ ᠵᠠᠰᠠᠵᠤ ᠬᠤᠶᠠᠷ ᠬᠠᠵᠠᠭᠤ ᠪᠠᠷ ᠨᠢ ᠠᠷᠴᠠ ᠮᠣᠳᠣ᠂ ᠴᠡᠴᠡᠭ ᠬᠤᠸᠠᠷ ᠢᠶᠠᠷ ᠴᠢᠮᠡᠭᠰᠡᠨ ᠡᠨᠡ ᠴᠤᠪᠤᠭᠠ ᠪᠠᠷ ᠰᠡᠯᠡᠭᠦᠴᠡᠨ | ᠠᠯᠬᠤᠬᠤ ᠪᠤᠶᠤ ᠠᠭᠤᠳᠠᠮ ᠲᠠᠯᠠᠪᠠᠢ ᠳᠤᠮᠳᠠ ᠡᠯᠡ ᠵᠦᠢᠯ ᠤᠨ ᠲᠠᠮᠢᠷ ᠤᠨ ᠬᠥᠳᠡᠯᠭᠡᠭᠡᠨ ᠬᠢᠬᠦ᠂ ᠳᠠᠭᠤᠤ ᠳᠠᠭᠤᠯᠠᠵᠤ ᠬᠤᠭᠤᠯᠠᠢ ᠪᠠᠨ ᠪᠤᠯᠪᠠᠰᠤᠷᠠᠭᠤᠯᠬᠤ ᠁ | ᠶᠠᠩᠵᠤ ᠪᠦᠷᠢ ᠶᠢᠨ ᠬᠥᠮᠥᠰ ᠤᠨ ᠳᠤᠮᠳᠠ ᠠᠴᠠ ᠨᠢᠭᠡ ᠨᠠᠰᠤᠲᠠᠨ ᠢ ᠪᠢ ᠲᠣᠳᠣ ᠲᠠᠨᠢᠨᠠ - ᠬᠥᠯ ᠮᠠᠭᠤᠲᠠᠢ ᠡᠨᠡ ᠨᠠᠰᠤᠲᠠᠨ ᠲᠠᠶᠠᠭ ᠲᠤᠯᠴᠢᠬᠠᠭᠰᠠᠨ ᠪᠠᠷᠤᠭ | ᠣᠷᠣᠨ ᠳᠠᠭᠠᠨ ᠰᠢᠬᠠᠭᠤ ᠵᠦᠳᠡᠭᠦᠬᠡᠨ ᠠᠯᠬᠤᠳᠠᠭ᠃ ᠶᠠᠭ ᠤᠳᠤ ᠡᠨᠡ ᠴᠠᠭ ᠮᠥᠴᠡ ᠪᠠᠨ ᠨᠠᠨᠳᠢᠩᠨᠠᠵᠤ ᠪᠠᠶᠢᠭᠠ ᠨᠢ ᠥᠨᠥᠳᠥᠷ ᠢᠶᠠᠨ ᠪᠦᠲᠦᠨ ᠰᠠᠶᠢᠬᠠᠨ ᠪᠠᠶᠢᠯᠭᠠᠶᠠ | ᠭᠡᠰᠡᠨ ᠬᠥᠮᠥᠨ ᠪᠣᠯᠭᠠᠨ ᠤ ᠬᠦᠰᠡᠯ ᠪᠠᠶᠢᠨᠠ ᠭᠡᠳᠡᠭ ᠢ ᠬᠡᠯᠡᠬᠦ ᠶᠠᠭᠤᠨ︕ ᠬᠠᠶ᠋ᠨ ᠨᠠᠰᠤᠲᠠᠨ ᠲᠠᠢ ᠬᠠᠷᠭᠤᠬᠤ ᠦᠭᠡᠢ ᠪᠣᠯ ︽ᠪᠡᠶᠡ ᠨᠢ ᠵᠦᠭᠡᠷ ᠴᠦ ᠪᠣᠯ ᠤᠤ︾ | ᠭᠡᠰᠡᠨ ᠪᠤᠳᠤᠯ ᠣᠷᠣᠳᠠᠭ ᠨᠢ ᠠᠮᠤᠭᠤᠯᠠᠩ ᠥᠷᠯᠥᠭᠡ ᠪᠠᠨ ᠨᠢᠳᠦ ᠳᠦᠭᠦᠷᠡᠩ ᠬᠠᠷᠠᠶᠠ ᠭᠡᠰᠡᠨ ᠮᠢᠨᠤ ᠰᠠᠨᠠᠭᠠ ᠶᠤᠮ᠃ | ᠨᠠᠰᠤᠲᠠᠨ ᠡᠨᠡ ᠳᠥᠷᠪᠡᠯᠵᠢᠯᠡᠭᠰᠡᠨ ᠴᠤᠪᠤᠭᠠ ᠶᠢ ᠤᠯᠠᠨ ᠤᠳᠠᠭᠠ ᠠᠮᠤᠰᠬᠢᠵᠦ ᠪᠠᠶᠢᠮᠠᠨ ᠨᠢᠭᠡ ᠡᠷᠭᠢᠵᠦ ᠪᠠᠷᠠᠨᠠ᠂ ᠲᠡᠭᠡᠲᠡᠯᠡ ᠪᠠᠨ ᠡᠷᠲᠡ ᠣᠷᠣᠢ ᠭᠤᠷᠪᠠ | ᠤᠳᠠᠭᠠ ᠠᠯᠬᠤᠬᠤ ᠪᠠᠨ ᠪᠠᠲᠤᠯᠠᠳᠠᠭ᠃ ᠪᠢ ᠨᠠᠰᠤᠲᠠᠨ ᠤ ᠠᠷᠤ ᠠᠴᠠ ᠬᠥᠭᠡᠭᠡᠵᠦ ᠭᠦᠢᠴᠡᠭᠰᠡᠭᠡᠷ ᠬᠠᠵᠠᠭᠤ ᠪᠠᠷ ᠨᠢ ᠰᠦᠷᠴᠢᠭᠢᠨᠡᠲᠡᠯᠡ ᠵᠥᠷᠢᠵᠦ ᠭᠠᠷᠬᠤ ᠪᠠᠨ | ᠲᠦᠪᠡᠭᠰᠢᠶᠡᠵᠦ ᠠᠷᠤ ᠠᠴᠠ ᠨᠢ ᠠᠭᠠᠵᠢᠮᠬᠠᠨ ᠲᠠᠭᠠᠬᠰᠠᠭᠠᠷ ᠨᠠᠰᠤᠲᠠᠨ ᠠᠮᠠᠷᠠᠨ ᠵᠤᠬᠰᠤᠬᠤ ᠦᠶᠡ ᠬᠠᠵᠠᠭᠤ ᠪᠠᠷ ᠨᠢ ᠨᠠᠮᠬᠠᠨ ᠠᠯᠬᠤᠭᠰᠠᠭᠠᠷ ᠥᠩᠭᠡᠷᠡᠵᠦ ᠭᠠᠷᠤᠨᠠ᠃ | ᠲᠡᠭᠡᠭᠦᠯᠡᠷ ᠨᠠᠰᠤᠲᠠᠨ ᠭᠤᠸᠠᠢ ᠲᠣᠯᠣᠭᠠᠢ ᠪᠠᠨ ᠲᠤᠭᠢᠰᠭᠢᠭᠠᠳ ᠢᠨᠢᠶᠡᠮᠰᠦᠭᠯᠡᠵᠦ ᠯᠨ ᠪᠠᠶᠢᠳᠠᠭ ᠰᠠᠨ᠃ ᠶᠡᠷᠦᠳᠡᠭᠡᠨ ᠨᠠᠰᠤᠲᠠᠨ ᠪᠤᠭᠤᠷᠤᠯ ᠤᠳ ᠢᠶᠠᠨ ᠬᠠᠷᠠᠭᠰᠠᠭᠠᠷ | ᠶᠠᠭᠠᠬᠢᠬᠤ ᠠᠷᠭᠠ ᠦᠭᠡᠢ ᠦᠷᠦᠪᠲᠦᠯ ᠤᠶᠠᠷᠠᠯ᠂ ᠬᠠᠶᠢᠷᠠ ᠬᠦᠨᠳᠦᠳᠬᠡᠯ ᠤᠨ ᠰᠡᠳᠬᠢᠯ ᠲᠥᠷᠥᠭᠳᠡᠭᠡᠳ ᠪᠠᠶᠢᠳᠠᠭ ᠢ ᠶᠠᠭᠠᠬᠢᠨᠠ ᠭᠡᠬᠦᠪ᠂ ︽ᠵᠠᠯᠠᠭᠤ ᠴᠦ ᠶᠠᠪᠤᠯᠠ᠂ | ᠰᠠᠶᠢᠬᠠᠨ ᠴᠦ ᠶᠠᠪᠤᠯᠠ ᠁︾ ᠭᠡᠵᠦ ᠬᠥᠮᠥᠨ ᠪᠣᠯᠭᠠᠨ ᠤ ᠥᠩᠭᠡᠷᠡᠭᠡᠬᠦ ᠴᠠᠭ ᠬᠤᠭᠤᠴᠠᠭᠠ᠂ ᠮᠥᠷ ᠮᠥᠷ ᠳᠡᠭᠡᠷᠡ ᠪᠠᠨ ᠭᠢᠰᠬᠢᠵᠦ ᠡᠨᠡᠬᠡᠨ ᠶᠢᠷᠲᠢᠨᠴᠦ ᠪᠠᠨ | ᠲᠤᠭᠤᠯᠵᠤ ᠶᠠᠪᠤᠨᠠ ᠭᠡᠭᠴᠢ ᠶᠠᠭᠠᠬᠢᠬᠤ ᠶᠢᠨ ᠠᠷᠭᠠ ᠦᠭᠡᠢ ᠵᠢᠮᠡ ᠶᠣᠰᠣ ᠶᠤᠮ ᠳ᠋ᠠ᠂ ᠬᠥᠭᠡᠷᠦᠬᠦᠢ︕ | ᠶᠡᠷᠦᠨᠢ ᠲᠠᠨᠢᠳᠠᠭ ᠴᠦ᠂ ᠲᠠᠨᠢᠯ ᠪᠤᠰᠤ ᠴᠦ ᠬᠥᠮᠥᠰ ᠬᠠᠯᠵᠠ ᠬᠠᠷᠭᠤᠬᠤ ᠪᠠᠷ ᠢᠶᠠᠨ ᠲᠣᠯᠣᠭᠠᠢ ᠳᠣᠬᠢᠬᠤ ᠶᠤᠮ ᠤᠤ ᠢᠨᠢᠶᠡᠮᠰᠦᠭᠯᠡᠭᠡᠳ ᠵᠥᠷᠢᠬᠦ ᠪᠠᠷ ᠨᠢᠭᠡ | ᠵᠦᠢᠯ ᠤᠨ ᠭᠤᠸᠠ ᠲᠠᠭᠠᠰᠢᠶᠠᠯ ᠮᠡᠳᠡᠷᠡᠭᠳᠡᠳᠡᠭ᠂ ᠠᠮᠢᠳᠤᠷᠠᠯ ᠤᠨ ᠥᠴᠥᠬᠡᠨ ᠲᠠᠯᠠ ᠠᠴᠠ ᠡᠨᠡ ᠬᠦ ᠰᠠᠶᠢᠬᠠᠨ ᠢ ᠣᠯᠵᠤ ᠬᠦᠷᠲᠡᠵᠦ ᠴᠢᠳᠠᠬᠤ ᠪᠠᠷ ᠲᠠ ᠬᠠᠮᠤᠭ ᠤᠨ | ᠵᠣᠯ ᠵᠢᠷᠭᠠᠯ ᠲᠠᠢ ᠬᠠᠨᠤᠮᠵᠢ ᠲᠡᠭᠦᠰ ᠬᠥᠮᠥᠨ ᠪᠣᠯᠣᠯᠠ ᠭᠡᠵᠦ ᠮᠡᠳᠡ︕ | ︽ᠢᠨᠢᠶᠡᠮᠰᠦᠭᠯᠡᠯ ᠪᠣᠯ ᠬᠥᠮᠥᠨ ᠳᠤ ᠥᠭᠬᠦ ᠬᠠᠮᠤᠭ ᠤᠨ ᠰᠠᠶᠢᠬᠠᠨ ᠪᠡᠯᠡᠭ︕︾ ᠭᠡᠵᠦ ᠬᠡᠨ ᠨᠢᠭᠡᠨ ᠬᠡᠯᠡᠭᠰᠡᠨ ᠰᠢᠭ᠂ ᠮᠥᠨᠴᠦ ᠶᠠᠮᠠᠷᠪᠠ ᠵᠦᠢᠯ ᠢ ᠵᠥᠪ | ᠲᠠᠯᠠ ᠠᠴᠠ ᠨᠢ ᠪᠤᠳᠤᠭᠠᠳ ᠪᠠᠶᠢᠬᠤ ᠪᠠᠷ ᠬᠥᠮᠥᠨ ᠴᠢᠨᠠᠷ ᠤᠨ ᠭᠤᠸᠠ ᠰᠠᠶᠢᠬᠠᠨ ᠳᠣᠲᠣᠷᠠ ᠠᠴᠠ ᠴᠢᠨᠢ ᠭᠠᠳᠠᠭᠰᠢ ᠭᠡᠷᠡᠯᠳᠦᠨ ᠲᠤᠶᠠᠭᠠᠷᠠᠵᠤ᠂ ᠴᠢ ᠬᠠᠮᠤᠭ ᠤᠨ | ᠦᠵᠡᠰᠬᠦᠯᠡᠩᠲᠦ ᠪᠣᠯᠣᠨᠠ᠂ ᠲᠤᠰᠴᠤ ᠣᠯᠣᠭᠰᠠᠨ ᠨᠠᠨᠳᠢᠨ ᠪᠡᠯᠡᠭ ᠢᠶᠠᠨ ᠡᠪᠦᠷᠯᠡᠵᠦ ᠰᠢᠨᠡ ᠰᠠᠶᠢᠬᠠᠨ ᠠᠭᠠᠷ ᠰᠡᠩᠭᠢᠨᠡᠭᠦᠯᠴᠢᠬᠡᠭᠰᠡᠨ ᠭᠡᠷ ᠲᠡᠭᠡᠨ ᠣᠷᠣᠵᠤ ᠣᠴᠢᠨᠠ | ᠪᠢ᠃ ᠲᠡᠭᠡᠭᠦ ᠳᠤ ᠮᠢᠨᠤ ᠨᠢᠭᠡ ᠡᠳᠦᠷ ︽ᠥᠷᠯᠥᠭᠡ ᠪᠢ ᠨᠢᠭᠡ ᠰᠠᠶᠢᠬᠠᠨ ᠦᠭᠡ ᠰᠣᠨᠣᠰᠤᠯᠠ᠂ ᠡᠳᠦᠷᠵᠢᠨ ᠲᠡᠭᠡᠭᠡᠳ ᠪᠠᠶᠠᠷ ᠲᠠᠢ ᠶᠠᠪᠤᠯᠠ︾ ᠭᠡᠭᠴᠢ ᠨᠢ ᠪᠤᠯᠳᠠᠭ | ᠠᠵᠢ᠃ | ᠲᠡᠷᠲᠡᠭᠡ ᠵᠠᠭᠤᠨ ᠤ ᠴᠢᠨᠠᠳᠤ ᠤᠬᠠᠭᠠᠨᠲᠤ ᠮᠡᠷᠭᠡᠳ ︽ᠬᠠᠷᠠ ᠠᠪᠳᠠᠷᠠ ᠳᠤ ᠨᠣᠮ ᠪᠤᠢ᠂ ᠬᠠᠵᠠᠭᠠᠢ ᠡᠪᠦᠭᠡᠨ ᠳᠤ ᠡᠷᠳᠡᠮ ᠪᠤᠢ︾ ᠭᠡᠵᠦ ᠨᠠᠰᠤᠲᠠᠨ | ᠪᠤᠭᠤᠷᠤᠯ ᠢᠶᠠᠨ ᠭᠦᠨᠳᠦᠳᠭᠡᠵᠦ᠂ ᠦᠭᠡ ᠰᠤᠷᠭᠠᠯ ᠢ ᠨᠢ ᠰᠤᠨᠤᠰᠬᠤ ᠶᠣᠰᠣ ᠶᠢ ᠵᠠᠬᠢᠵᠤ ᠬᠡᠯᠡᠵᠦ ᠥᠩᠭᠡᠷᠡᠭᠰᠡᠨ ᠶᠤᠮ᠃ ᠬᠦᠨᠳᠦᠯᠡᠵᠦ ᠮᠡᠨᠳᠦᠯᠡᠬᠦ ᠶᠣᠰᠣ ᠨᠢ | ᠥᠷᠯᠥᠭᠡ ᠶᠢᠨ ᠴᠡᠪᠡᠷ ᠠᠭᠠᠷ ᠰᠢᠭ᠋ ᠬᠥᠮᠥᠰ ᠤᠨ ᠰᠠᠨᠠᠭᠠ ᠪᠤᠳᠤᠯ ᠢ ᠲᠠᠭᠠᠯᠠᠮᠵᠢᠲᠠᠢ ᠪᠠᠶᠢᠯᠭᠠᠵᠤ ᠮᠥᠩᠬᠡ ᠶᠢᠨ ᠭᠡᠷᠡᠯ ᠭᠡᠭᠡ ᠶᠢ ᠴᠢᠮᠠ ᠳᠤ ᠣᠯᠭᠤᠵᠤ ᠴᠢᠳᠠᠬᠤ | ᠤᠴᠢᠷ ᠲᠠᠢ᠃ | ︽ᠴᠢᠮᠠ ᠳᠤ ᠪᠡᠯᠡᠭᠯᠡᠬᠦ ᠬᠠᠮᠤᠭ ᠰᠠᠶᠢᠬᠠᠨ ᠢ ᠬᠦᠷᠭᠡᠭᠰᠡᠨ ᠥᠷᠯᠥᠭᠡ ᠳᠤ ᠪᠢ ᠬᠠᠶᠢᠷᠠᠲᠠᠢ ᠴᠢᠮᠡᠭᠡ ᠦᠭᠡᠢ ᠰᠥᠨᠢ ᠶᠢᠨ ᠶᠢᠷᠲᠢᠨᠴᠦ ᠳᠤ | ᠠᠭᠤᠰᠤᠭᠰᠠᠨ ᠪᠦᠭᠦᠨ ᠮᠢᠨᠢ ᠠᠮᠤᠭᠤᠯᠠᠩ ᠲᠣᠳᠣᠷᠠᠬᠤ ᠶᠢ ᠬᠠᠷᠠᠬᠤ ᠳᠤᠷᠠᠲᠠᠢ ᠁︾ | ᠥᠷᠯᠥᠭᠡ ᠰᠠᠶᠢᠬᠠᠨ ᠠ᠋︕ | | | | |