| ᠰᠢᠨᠡ ᠪᠠᠷᠭᠤᠴᠤᠳ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠢᠶᠠᠨ ᠠᠷᠠᠰᠤ ᠰᠢᠷᠢ ᠶᠢ ᠱᠡᠦᠯᠡᠵᠦ ᠢᠳᠡᠭᠡᠯᠡᠭᠦᠯᠬᠦ ᠠᠷᠭᠠ ᠪᠠᠷ ᠪᠣᠯᠪᠠᠰᠤᠷᠠᠭᠤᠯᠤᠨ ᠡᠳ᠋ᠰᠢᠭᠦᠯᠵᠦ | ᠥᠪᠡᠷ ᠤᠨ ᠠᠮᠢᠳᠤᠷᠠᠯ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠡᠷᠡᠭᠯᠡᠭᠡᠨ ᠤ ᠪᠦᠲᠦᠭᠡᠭᠳᠡᠬᠦᠨ ᠪᠣᠯᠭᠠᠨ ᠦᠢᠯᠡᠳᠳᠡᠭ ᠤᠯᠠᠮᠵᠢᠯᠠᠯᠲᠤ ᠤᠷᠠ ᠮᠡᠷᠭᠡᠵᠢᠯ ᠲᠠᠢ ᠶᠤᠮ᠃ | ᠬᠤᠨᠢ ᠢᠮᠠᠭᠠᠨ ᠤ ᠠᠷᠠᠰᠤ ᠶᠢ ᠡᠯᠳᠡᠵᠦ ᠮᠠᠯᠠᠭᠠᠢ᠂ ᠳᠡᠪᠡᠯ᠂ ᠥᠮᠥᠳᠦ᠂ ᠳᠠᠬᠤ᠂ ᠬᠦᠨᠵᠢᠯᠡ᠂ ᠳᠡᠪᠢᠰᠬᠡᠷ᠂ ᠣᠶᠢᠮᠤᠰᠤ᠂ ᠨᠢᠷᠠᠢ ᠬᠡᠦᠬᠡᠳ ᠤᠨ ᠵᠠᠩᠭᠠ ᠵᠡᠷᠭᠡ | ᠬᠦᠢᠲᠡᠨ ᠡᠷᠢᠨ ᠤ ᠬᠤᠪᠴᠠᠰᠤᠨ ᠳᠤ ᠬᠡᠷᠡᠭᠯᠡᠨᠡ᠃ ᠬᠤᠨᠢᠨ ᠤ ᠠᠷᠠᠰᠤ ᠶᠢ ᠢᠯᠭᠢᠯᠡᠵᠦ ᠲᠤᠯᠤᠮ᠂ ᠭᠤᠲᠤᠯ ᠤᠨ ᠬᠠᠪᠴᠢᠶᠠᠷᠢ ᠬᠢᠳᠡᠭ᠃ ᠡᠯᠳᠡᠭᠰᠡᠨ ᠠᠷᠠᠰᠤ ᠶᠢ | ᠤᠲᠤᠭᠠ ᠪᠠᠷ ᠤᠲᠤᠭᠠᠳ ᠥᠩᠭᠡᠯᠡᠭᠰᠡᠨ ᠦᠭᠡᠢ ᠳᠡᠪᠡᠯ ᠬᠢᠨᠡ᠃ ᠬᠤᠪᠴᠠᠰᠤᠨ ᠳᠤ ᠬᠡᠷᠡᠭᠯᠡᠬᠦ ᠠᠷᠠᠰᠤ ᠶᠢ ᠡᠯᠳᠡᠬᠦ ᠳᠤ ᠪᠠᠨ ᠤᠷᠢᠳ ᠢᠶᠠᠷ ᠬᠦᠢᠲᠡᠨ ᠤᠰᠤᠨ ᠳᠤ | ᠳᠡᠪᠲᠦᠭᠡᠵᠦ᠂ ᠬᠠᠯᠢᠰᠤ ᠮᠢᠬᠠ ᠥᠭᠡᠬᠦ ᠶᠢ ᠨᠢ ᠴᠡᠪᠡᠷᠯᠡᠭᠡᠳ᠂ ᠰᠦ ᠰᠢᠷᠠᠰᠤ ᠠᠶᠢᠷᠠᠭ ᠵᠡᠷᠭᠡ ᠳᠤ ᠳᠠᠪᠤᠰᠤ ᠬᠢᠭᠡᠳ ᠢᠳᠡᠭᠡᠯᠡᠭᠦᠯᠳᠡᠭ᠃ ᠢᠩᠭᠢᠬᠦ ᠳᠤ ᠪᠠᠨ ᠢᠳᠡᠭᠡ | ᠣᠷᠣᠵᠤ ᠪᠠᠶᠢᠭᠠ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠵᠤ᠂ ᠠᠷᠠᠰᠤ ᠵᠥᠭᠡᠯᠡᠷᠡᠵᠦ ᠬᠥᠪᠰᠥᠶᠢᠬᠦ ᠪᠤᠶᠤ ᠦᠰᠦ ᠨᠢ ᠵᠤᠯᠭᠠᠷᠠᠨ ᠤᠨᠠᠬᠤ ᠦᠭᠡᠢ ᠪᠠᠶᠢᠯᠭᠠᠬᠤ ᠬᠡᠷᠡᠭᠲᠡᠢ᠃ ᠭᠦᠢᠴᠡᠳ | ᠢᠳᠡᠭᠡ ᠣᠷᠣᠭᠰᠠᠨ ᠠᠷᠠᠰᠤ ᠪᠠᠨ ᠱᠡᠦ ᠠᠴᠠ ᠭᠠᠷᠭᠠᠭᠠᠳ᠂ ᠡᠪᠬᠡᠷᠡᠭᠰᠡᠨ ᠤ ᠳᠠᠷᠠᠭᠠ ᠬᠡᠳᠡᠷᠭᠡ ᠪᠠᠷ ᠮᠠᠭᠠᠵᠢᠵᠤ ᠡᠯᠳᠡᠨᠡ᠃ | ᠠᠷᠠᠰᠤ ᠡᠯᠳᠡᠬᠦ ᠳᠤ ᠨᠠᠷᠠ ᠲᠠᠢ ᠡᠳᠦᠷ ᠡᠯᠳᠡᠬᠦ ᠪᠥᠭᠡᠳ ᠨᠡᠯᠢᠶᠡᠳ ᠵᠥᠭᠡᠯᠡᠷᠡᠵᠦ ᠪᠣᠯᠪᠠᠰᠤᠷᠠᠭᠰᠠᠨ ᠠᠷᠠᠰᠤ ᠪᠠᠨ ᠮᠠᠯ ᠤᠨ ᠲᠣᠰᠣ ᠢᠶᠠᠷ ᠲᠣᠰᠤᠯᠠᠵᠤ᠂ | ᠳᠠᠬᠢᠨ ᠡᠯᠳᠡᠭᠡᠳ ᠲᠣᠰᠣ ᠶᠢ ᠨᠢ ᠠᠷᠠᠰᠤᠨ ᠳᠤ ᠰᠢᠩᠭᠡᠭᠡᠨᠡ᠃ ᠢᠩᠭᠢᠵᠦ ᠡᠳ᠋ᠰᠢᠭᠦᠯᠦᠭᠰᠡᠨ ᠠᠷᠠᠰᠤ ᠪᠠᠷ ᠰᠤᠷ ᠬᠢᠨᠡ᠃ ᠡᠩ ᠤᠨ ᠶᠠᠷᠢᠶᠠᠨ ᠳᠤ ᠠᠷᠠᠰᠤ | ᠡᠯᠳᠡᠬᠦ ᠪᠠᠨ ᠰᠤᠷ ᠡᠯᠳᠡᠬᠦ ᠴᠦ ᠭᠡᠳᠡᠭ᠃ ᠰᠤᠷ ᠢᠶᠠᠷ ᠨᠣᠭᠲᠣ ᠬᠠᠵᠠᠭᠠᠷ᠂ ᠴᠢᠳᠦᠷ᠂ ᠡᠮᠡᠭᠡᠯ ᠤᠨ ᠲᠣᠨᠤᠭ᠂ ᠤᠶᠠᠭᠠ ᠲᠠᠲᠠᠯᠭᠠ᠂ ᠬᠤᠶᠢᠪᠢ᠂ ᠲᠠᠰᠢᠭᠤᠷ ᠬᠢᠳᠡᠭ᠃ | | | |