| ᠮᠣᠩᠭᠤᠯ ᠭᠡᠷ ᠢᠶᠠᠨ ᠠᠴᠢᠬᠤ ᠳᠠᠭᠠᠨ ᠭᠡᠷ ᠤᠨ ᠰᠠᠭᠤᠷᠢᠨ ᠳᠤ ᠭᠠᠯ ᠴᠤᠭ᠂ ᠨᠤᠷᠮᠠ ᠦᠯᠡᠳᠡᠭᠡᠵᠦ ᠣᠷᠬᠢᠳᠠᠭ ᠦᠭᠡᠢ᠃ ᠭᠠᠯ ᠢ ᠰᠡᠷᠭᠡᠶᠢᠯᠡᠵᠦ᠂ | ᠭᠠᠯ ᠤᠨ ᠠᠶᠤᠯ ᠲᠦᠢᠮᠡᠷ ᠭᠠᠷᠬᠤ ᠠᠴᠠ ᠬᠢᠴᠢᠶᠡᠨ ᠰᠡᠷᠡᠮᠵᠢᠯᠡᠳᠡᠭ ᠨᠢ ᠨᠡᠭᠦᠳᠡᠯᠴᠢᠨ ᠪᠠᠷᠭᠤ ᠲᠦᠮᠡᠨ ᠤ ᠡᠷᠲᠡᠨ ᠠᠴᠠ ᠬᠡᠪᠰᠢᠭᠰᠡᠨ ᠵᠠᠩ ᠵᠠᠩᠰᠢᠯ ᠶᠤᠮ᠃ | ᠮᠣᠩᠭᠤᠯ ᠭᠡᠷ ᠤᠨ ᠶᠡᠭᠡ ᠪᠠᠭᠠ ᠪᠠ ᠲᠣᠭᠤᠨᠣ ᠶᠢᠨ ᠪᠦᠲᠦᠴᠡ ᠶᠠᠮᠠᠷ ᠪᠠᠶᠢᠭᠰᠠᠨ ᠴᠦ ᠪᠠᠭᠤᠯᠭᠠᠵᠤ ᠠᠴᠢᠬᠤ ᠳᠠᠭᠠᠨ ᠪᠦᠷ ᠨᠢᠭᠡᠨ ᠠᠳᠠᠯᠢ ᠪᠠᠷ︽ | ᠳᠣᠲᠣᠷᠠ ᠠᠴᠠ ᠭᠠᠳᠠᠭᠰᠢ︾᠂ ︽ᠳᠡᠭᠡᠷᠡ ᠠᠴᠠ ᠳᠣᠷᠣᠭᠰᠢ ᠪᠠᠨ︾᠂ ︽ᠠᠷᠤ ᠠᠴᠠ ᠡᠮᠦᠨᠡᠰᠢ ᠪᠠᠨ︾᠂ ︽ᠪᠠᠷᠠᠭᠤᠨ ᠠᠴᠠ ᠵᠡᠭᠦᠨᠰᠢ ᠪᠠᠨ︾ ᠭᠡᠬᠦ ᠳᠡᠰ ᠳᠠᠷᠠᠭᠠᠯᠠᠯ ᠢᠶᠠᠷ᠂ | ᠨᠢᠭᠡ ᠨᠢᠭᠡ ᠠᠯᠬᠤᠮ ᠢᠶᠠᠷ ᠪᠠᠭᠤᠯᠭᠠᠵᠤ ᠠᠴᠢᠳᠠᠭ᠃ | ᠮᠣᠩᠭᠤᠯ ᠭᠡᠷ ᠢ ᠠᠴᠢᠬᠤ ᠳᠤ᠂ ᠭᠡᠷ ᠳᠣᠲᠣᠷᠠᠬᠢ ᠡᠳ᠋ᠯᠡᠯ ᠬᠡᠷᠡᠭᠯᠡᠯ ᠢ ᠠᠴᠢᠬᠤ ᠲᠡᠷᠭᠡ᠂ ᠲᠣᠭᠤᠨᠣ ︵ᠳᠡᠭᠡᠪᠦᠷ︶ ᠠᠴᠢᠬᠤ ᠲᠡᠷᠭᠡ᠂ ᠬᠠᠨᠠ ︵ᠲᠤᠭᠤᠷᠭᠠ︶ | ᠠᠴᠢᠬᠤ ᠲᠡᠷᠭᠡ ᠵᠡᠷᠭᠡ ᠶᠢ ᠪᠦᠷ ᠪᠡᠯᠡᠬᠡᠨ ᠪᠣᠯᠭᠠᠵᠤ ᠵᠡᠬᠡᠭᠡᠳ ᠤᠷᠢᠳ ᠢᠶᠠᠷ ᠭᠡᠷ ᠳᠣᠲᠣᠷᠠᠬᠢ ᠶᠠᠭᠤᠮᠠ ᠶᠢ ᠪᠦᠬᠦᠨ ᠢ ᠵᠥᠭᠡᠭᠡᠨ ᠭᠠᠷᠭᠠᠵᠤ ᠠᠴᠢᠨᠠ᠃ | ᠭᠡᠷ ᠳᠣᠲᠣᠷᠠᠬᠢ ᠶᠠᠭᠤᠮᠠ ᠶᠢ ᠭᠠᠷᠭᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠭᠡᠷ ᠤᠨ ᠳᠡᠭᠡᠪᠦᠷ ᠤᠨ ᠣᠭᠤᠰᠣᠷ ᠢ ᠲᠠᠶᠢᠯᠵᠤ ᠲᠠᠯᠪᠢᠭᠠᠳ᠂ ᠭᠠᠳᠠᠨᠠ | ᠪᠦᠰᠡᠯᠡᠭᠦᠷ ᠢ ᠲᠠᠶᠢᠯᠵᠤ ᠡᠪᠬᠡᠨ ᠬᠤᠷᠢᠶᠠᠨᠠ᠃ ᠬᠠᠶᠠᠭᠠᠪᠴᠢ ᠶᠢ ᠬᠤᠶᠢᠯᠠᠵᠤ ᠠᠪᠤᠨᠠ᠃︽ᠳᠡᠭᠡᠷᠡ ᠠᠴᠠ ᠳᠣᠷᠣᠭᠰᠢ ᠪᠠᠨ︾᠂ ︽ᠠᠷᠤ ᠠᠴᠠ ᠡᠮᠦᠨᠡᠰᠢ ᠪᠠᠨ︾ | ᠶᠣᠰᠣ ᠪᠠᠷ ᠡᠷᠦᠬᠡ ᠪᠠᠨ ᠠᠪᠴᠤ ᠬᠤᠰᠢᠭᠤᠯᠳᠠᠨ ᠡᠪᠬᠡᠭᠡᠳ ᠲᠣᠭᠤᠨᠣ ᠠᠴᠢᠬᠤ ᠲᠡᠷᠭᠡᠨ ᠳᠡᠭᠡᠷᠡ ᠲᠣᠭᠤᠨᠣ ᠶᠢᠨ ᠵᠢᠭᠢᠷᠢᠭ ᠪᠣᠯᠭᠠᠵᠤ ᠠᠴᠢᠨᠠ᠃ ᠠᠷᠤ ᠶᠢᠨ | ᠳᠡᠭᠡᠪᠦᠷ ᠢ ᠠᠪᠴᠤ ᠭᠤᠯᠳᠤ ᠪᠠᠷ ᠢᠷᠮᠡᠭᠯᠡᠨ ᠡᠪᠬᠡᠭᠡᠳ ᠡᠷᠦᠬᠡ ᠶᠢᠨ ᠢᠰᠡᠭᠡᠢ ᠪᠠᠨ ᠳᠠᠷᠤᠵᠤ᠂ ᠲᠡᠷᠭᠡ ᠶᠢᠨ ᠠᠷᠠᠯ ᠳᠠᠭᠠᠬᠤ ᠵᠦᠭᠯᠡᠯ ᠢᠶᠠᠷ ᠳᠡᠪᠢᠰᠬᠡᠷᠯᠡᠨ ᠠᠴᠢᠨᠠ᠃ | ᠡᠮᠦᠨᠡ ᠳᠡᠭᠡᠪᠦᠷ ᠢᠶᠠᠨ ᠠᠪᠴᠤ ᠮᠥᠨ ᠠᠳᠠᠯᠢ ᠡᠪᠬᠡᠭᠡᠳ ᠠᠷᠤ ᠳᠡᠭᠡᠪᠦᠷ ᠢᠶᠠᠨ ᠳᠠᠷᠤᠵᠤ᠂ ᠠᠷᠠᠯ ᠤᠨ ᠤᠵᠤᠭᠤᠷ ᠴᠢᠭᠯᠡᠯ ᠳᠤ ᠬᠠᠨᠳᠤᠭᠤᠯᠤᠨ ᠳᠡᠪᠢᠰᠬᠡᠷᠯᠡᠵᠦ | ᠲᠣᠭᠤᠨᠣ ᠶᠢᠨ ᠵᠢᠭᠢᠷᠢᠭ ᠪᠣᠯᠭᠠᠬᠤ ᠪᠠᠷ ᠪᠡᠯᠡᠳᠬᠡᠨᠡ᠃ ᠪᠠᠷᠠᠭᠤᠨ ᠬᠤᠶᠢᠲᠤ ᠲᠠᠯᠠ ᠶᠢᠨ ᠲᠤᠭᠤᠷᠭᠠ᠂ ᠵᠡᠭᠦᠨ ᠬᠤᠶᠢᠲᠤ ᠲᠠᠯᠠ ᠶᠢᠨ ᠲᠤᠭᠤᠷᠭᠠ᠂ ᠪᠠᠷᠠᠭᠤᠨ ᠡᠮᠦᠨᠡᠬᠢ | ᠲᠤᠭᠤᠷᠭᠠ᠂ ᠵᠡᠭᠦᠨ ᠡᠮᠦᠨᠡᠬᠢ ᠲᠤᠭᠤᠷᠭᠠ ᠶᠢᠨ ᠳᠠᠷᠠᠭᠠᠯᠠᠯ ᠢᠶᠠᠷ ᠳᠦᠷᠪᠡᠨ ᠲᠤᠭᠤᠷᠭᠠ ᠪᠠᠨ ᠪᠠᠭᠤᠯᠭᠠᠨ ᠠᠪᠴᠤ ᠡᠪᠬᠡᠭᠡᠳ ᠬᠠᠨᠠ ᠠᠴᠢᠬᠤ ᠲᠡᠷᠭᠡᠨ ᠳᠡᠭᠡᠷᠡ | ᠳᠥᠷᠪᠡᠯᠵᠢᠯᠡᠭᠦᠯᠦᠨ ᠡᠪᠬᠡᠵᠦ᠂ ᠡᠭᠦᠳᠡ ᠬᠠᠭᠠᠯᠭᠠ ᠪᠠᠷ ᠳᠠᠷᠤᠵᠤ ᠠᠴᠢᠨᠠ᠃ ᠪᠦᠰᠡᠯᠡᠭᠦᠷ᠂ ᠬᠠᠶᠠᠭᠠᠪᠴᠢ ᠵᠡᠷᠭᠡ ᠶᠢ ᠡᠭᠦᠳᠡ ᠬᠠᠭᠠᠯᠭᠠ ᠶᠢᠨ ᠥᠨᠴᠥᠭ ᠢᠷᠮᠡᠭ ᠢᠶᠠᠷ | ᠢᠪᠡᠵᠦ᠂ ᠬᠥᠮᠥᠷᠢᠨ ᠠᠴᠢᠬᠤ ᠬᠠᠨᠠ ᠶᠢᠨ ᠳᠣᠣᠷᠠ ᠨᠢ ᠡᠪᠯᠢᠭ ᠵᠢᠭᠢᠷᠢᠭᠯᠡᠨ ᠠᠴᠢᠨᠠ᠃ ᠭᠡᠷ ᠤᠨ ᠬᠠᠨᠠ ᠶᠢ ᠪᠠᠷᠠᠭᠤᠨ ᠡᠮᠦᠨᠡ᠂ ᠪᠠᠷᠠᠭᠤᠨ ᠬᠤᠶᠢᠨᠠ᠂ ᠵᠡᠭᠦᠨ | ᠬᠤᠶᠢᠨᠠ᠂ ᠵᠡᠭᠦᠨ ᠡᠮᠦᠨᠡ ᠳᠠᠷᠠᠭᠠᠯᠠᠯ ᠢᠶᠠᠷ ᠡᠪᠬᠡᠨ ᠠᠪᠴᠤ᠂ ᠮᠥᠨ ᠳᠠᠷᠠᠭᠠᠯᠠᠯ ᠢᠶᠠᠷ ᠠᠴᠢᠨᠠ᠃ | ᠬᠡᠯᠬᠢᠶᠡ ᠲᠣᠭᠤᠨᠣ ᠶᠢᠨ ᠤᠨᠢ ᠶᠢ ᠳᠠᠭᠠ ᠪᠠᠷ ᠨᠢ ᠠᠩᠭᠢᠯᠠᠨ ᠵᠢᠷᠭᠤᠭᠠᠨ ᠬᠡᠰᠡᠭ ᠲᠤ ᠬᠤᠪᠢᠶᠠᠵᠤ᠂ ᠤᠨᠢ ᠶᠢᠨ ᠰᠡᠭᠦᠯ ᠠᠴᠠ ᠳᠡᠭᠡᠭᠰᠢ ᠨᠢᠭᠡ ᠲᠣᠬᠤᠢ | ᠣᠷᠴᠢᠮ ᠪᠣᠭᠤᠵᠤ ᠲᠠᠯᠪᠢᠨᠠ᠃ ᠲᠣᠭᠤᠨᠣ ᠠᠴᠢᠬᠤ ᠲᠡᠷᠭᠡ ᠪᠠᠨ ᠭᠡᠷ ᠤᠨ ᠰᠠᠭᠤᠷᠢ ᠶᠢᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠠᠴᠠ ᠲᠦᠯᠬᠢᠨ ᠠᠪᠴᠢᠷᠠᠵᠤ ᠰᠤᠨᠳᠤᠭᠤᠶᠢᠳᠠᠬᠤ ᠶᠢᠨ | ᠵᠡᠷᠭᠡ ᠲᠣᠭᠤᠨᠣ ᠶᠢᠨ ᠤᠵᠤᠭᠤᠷ ᠢ ᠬᠤᠮᠢᠵᠤ ᠲᠡᠷᠭᠡᠨ ᠵᠦᠭ ᠠᠶᠠᠷᠬᠠᠨ ᠲᠦᠯᠬᠢᠵᠦ ᠠᠴᠢᠬᠤ ᠪᠥᠭᠡᠳ ᠰᠤᠨᠳᠤᠭᠤᠶᠢᠳᠠᠭᠰᠠᠨ ᠲᠡᠷᠭᠡ ᠪᠠᠨ ᠳᠠᠷᠤᠵᠤ ᠡᠭᠴᠡᠯᠡᠨ᠂ | ᠲᠣᠭᠤᠨᠣ ᠪᠠᠨ ᠲᠠᠲᠠᠵᠤ᠂ ᠠᠴᠢᠶᠠ ᠪᠠᠨ ᠲᠡᠭᠰᠢᠯᠡᠨᠡ᠃ ᠲᠣᠭᠤᠨᠣ ᠶᠢᠨ ᠳᠠᠭᠠ ᠪᠠᠷ ᠬᠤᠶᠠᠷ ᠪᠠᠭᠠᠨᠠ ᠪᠠᠨ ᠬᠠᠳᠬᠤᠵᠤ ᠣᠷᠣᠭᠤᠯᠤᠭᠠᠳ᠂ ᠲᠣᠭᠤᠨᠣ ᠶᠢᠨ ᠤᠵᠤᠭᠤᠷ | ᠤᠨᠢ ᠶᠢᠨ ᠰᠡᠭᠦᠯ ᠢ ᠭᠤᠭᠴᠣᠭᠠᠯᠠᠨ ᠳᠠᠷᠤᠵᠤ ᠤᠶᠠᠭᠰᠠᠨ ᠰᠤᠷ ᠲᠠᠲᠠᠯᠭᠠ ᠶᠢᠨ ᠦᠵᠦᠭᠦᠷ ᠢᠶᠠᠷ ᠡᠭᠡᠯᠳᠦᠷᠭᠡᠯᠡᠨ ᠴᠢᠩᠭᠠ ᠲᠠᠲᠠᠵᠤ ᠤᠶᠠᠨᠠ᠃ | |