| ᠠᠶᠢᠯ ᠭᠡᠷ ᠤᠨ ᠨᠠᠰᠤᠲᠠᠨ ᠪᠡᠶᠡ ᠳᠣᠷᠣᠶᠢᠲᠠᠪᠠᠯ ᠦᠷᠡ ᠬᠡᠦᠬᠡᠳ ᠨᠢ ᠬᠤᠯᠠ ᠣᠶᠢᠷᠠ ᠶᠢᠨ ᠲᠦᠷᠦᠯ ᠰᠠᠳᠤᠨ ᠬᠥᠷᠰᠢ ᠰᠠᠭᠠᠬᠠᠯᠲᠠ ᠳᠤ ᠪᠠᠨ | ᠮᠡᠳᠡᠭᠳᠡᠨᠡ᠃ᠢᠩᠭᠢᠪᠡᠯ ᠴᠢᠮᠡᠭᠡ ᠣᠯᠣᠭᠰᠠᠨ ᠲᠦᠷᠦᠯ ᠰᠠᠳᠤᠨ ᠨᠢ ᠠᠮᠢᠳᠤ ᠰᠡᠷᠡᠭᠦᠨ ᠳᠤ ᠨᠢ ᠠᠭᠤᠯᠵᠠᠬᠤ ᠭᠡᠵᠦ ᠵᠣᠷᠢᠭᠯᠠᠨ ᠢᠷᠡᠳᠡᠭ ᠪᠠ ᠪᠡᠶᠡ ᠳᠣᠷᠣᠶᠢᠲᠠᠭᠰᠠᠨ | ᠨᠠᠰᠤᠲᠠᠨ ᠴᠦ ᠲᠡᠳᠡᠨ ᠢ ᠪᠠᠨ ᠦᠵᠡᠨ ᠪᠠᠶᠠᠰᠴᠤ᠂ ᠬᠡᠯᠡᠶᠡ ᠵᠠᠬᠢᠶᠠ ᠭᠡᠰᠡᠨ ᠢᠶᠠᠨ ᠬᠡᠯᠡᠵᠦ᠂ ᠥᠪᠡᠷ ᠤᠨ ᠬᠤᠶᠢᠴᠢ ᠶᠢᠨ ᠶᠠᠪᠤᠳᠠᠯ ᠢ ᠶᠠᠭᠠᠬᠢᠵᠤ ᠬᠢᠪᠡᠯ ᠪᠣᠯᠣᠨᠠ ᠭᠡᠬᠦ | ᠮᠡᠲᠦ ᠪᠠᠷ ᠰᠤᠷᠭᠠᠳᠠᠭ ᠪᠢᠯᠡ᠃ ᠨᠠᠰᠤᠲᠠᠨ ᠨᠠᠰᠤ ᠪᠠᠷᠠᠪᠠᠯ ᠴᠢᠩᠭᠠ ᠳᠠᠭᠤᠨ ᠢᠶᠠᠷ ᠤᠬᠢᠯᠠᠯᠳᠤᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ ᠠᠮᠢᠰᠬᠤᠯ ᠬᠤᠷᠢᠶᠠᠬᠤ ᠦᠶᠡ ᠳᠤ ᠨᠢᠳᠦ ᠨᠢ | ᠨᠡᠭᠡᠭᠡᠵᠦ ᠪᠠᠶᠢᠭᠰᠠᠨ ᠪᠣᠯ ᠠᠨᠢᠭᠤᠯᠵᠤ᠂ ᠠᠮᠠ ᠨᠢ ᠠᠩᠭᠠᠶᠢᠵᠤ ᠪᠠᠶᠢᠭᠰᠠᠨ ᠪᠣᠯ ᠬᠠᠮᠬᠢᠭᠤᠯᠵᠤ᠂ ᠨᠢᠭᠤᠷ ᠢ ᠨᠢ ᠬᠠᠳᠠᠭ ᠢᠶᠠᠷ ᠪᠦᠲᠡᠭᠡᠳᠡᠭ᠃ ᠡᠮᠦᠨᠡᠭᠦᠷ ᠨᠢ ᠬᠠᠯᠬᠠᠪᠴᠢ | ᠲᠠᠲᠠᠨᠠ᠃ ᠨᠠᠰᠤ ᠪᠠᠷᠠᠭᠰᠠᠨ ᠠᠴᠠ ᠭᠠᠷᠭᠠᠬᠤ ᠪᠣᠯᠲᠠᠯᠠ ᠴᠢᠨᠳᠠᠷ ᠢ ᠡᠭᠡᠯᠵᠢᠯᠡᠨ ᠰᠠᠬᠢᠨᠠ᠃ | ᠨᠠᠰᠤ ᠪᠠᠷᠠᠭᠴᠢ ᠶᠢᠨ ᠪᠡᠶᠡ ᠨᠢ ᠬᠦᠷᠦᠵᠦ ᠵᠣᠬᠢᠬᠤ ᠴᠠᠭ ᠥᠩᠭᠡᠷᠡᠭᠰᠡᠨ ᠤ ᠳᠠᠷᠠᠭᠠ ᠲᠠᠲᠠᠵᠤ ᠠᠪᠳᠠᠭ᠃ ᠢᠩᠭᠢᠬᠦ ᠳᠤ ᠪᠠᠨ ᠨᠠᠰᠤ ᠪᠠᠷᠠᠭᠰᠠᠨ | ᠬᠥᠮᠥᠨ ᠤ ᠢᠪᠡᠭᠡᠯ ᠵᠢᠯᠲᠡᠨ ᠲᠡᠷᠢᠭᠦᠯᠡᠵᠦ ᠬᠡᠭᠦᠷ ᠲᠤ ᠭᠠᠷ ᠬᠦᠷᠳᠡᠭ ᠶᠣᠰᠣ ᠲᠠᠢ᠃ ᠦᠷᠡ ᠬᠡᠦᠬᠡᠳ ᠨᠢ ᠨᠠᠰᠤᠲᠠᠨ ᠢᠶᠠᠨ ᠳᠠᠷᠠᠭᠠ ᠲᠦᠷᠦᠯ ᠳᠤ ᠪᠠᠨ ᠳᠠᠬᠢᠨ | ᠦᠷᠡ ᠬᠡᠦᠬᠡᠳ ᠲᠤ ᠪᠠᠨ ᠢᠷᠡᠬᠦ ᠶᠢ ᠪᠡᠯᠭᠡᠳᠡᠵᠦ᠂ ᠪᠡᠶᠡ ᠳᠤ ᠨᠢ ᠬᠦ᠋ ᠲᠦᠷᠬᠢᠵᠦ ᠲᠡᠮᠳᠡᠭ ᠲᠠᠯᠪᠢᠨᠠ᠃ ᠲᠡᠭᠡᠭᠡᠳ ᠰᠠᠯᠬᠤ ᠶᠣᠰᠣ ᠭᠦᠢᠴᠡᠳᠬᠡᠨ ᠮᠥᠷᠭᠦᠵᠦ᠂ | ᠴᠢᠨᠳᠠᠷ ᠢ ᠬᠡᠦᠳᠡᠶᠢᠯᠡᠳᠡᠭ᠃ | ᠣᠷᠣᠰᠢᠭᠤᠯᠬᠤ ᠭᠠᠵᠠᠷ ᠢ ᠰᠣᠩᠭᠤᠬᠤ ᠳᠤ ᠪᠠᠨ ᠬᠤᠶᠢᠨᠠ ᠪᠠᠨ ᠥᠨᠳᠥᠷᠬᠡᠨ᠂ ᠡᠮᠦᠨᠡᠰᠢ ᠪᠠᠨ ᠨᠠᠮ᠂ ᠭᠠᠷᠬᠤ ᠨᠠᠷᠠ ᠶᠢ ᠣᠯᠵᠤ ᠦᠵᠡᠬᠦ ᠮᠥᠷᠲᠡᠭᠡᠨ | ᠠᠭᠤᠳᠠᠮ ᠰᠠᠷᠠᠭᠤᠯ ᠡᠩᠭᠡᠷ ᠭᠠᠵᠠᠷ ᠲᠤ ᠪᠤᠯᠠᠰᠢᠯᠠᠵᠤ ᠣᠷᠣᠰᠢᠭᠤᠯᠳᠠᠭ᠃ ᠡᠶᠢᠮᠦ ᠠᠴᠠ ᠵᠢᠯ ᠥᠩᠭᠡᠷᠡᠪᠡᠯ ᠭᠠᠵᠠᠷ ᠨᠢ ᠡᠳᠡᠭᠡᠷᠡᠵᠦ ᠶᠠᠮᠠᠷ ᠴᠦ ᠰᠣᠷᠪᠢ ᠲᠡᠮᠳᠡᠭ | ᠦᠭᠡᠢ ᠲᠡᠭᠰᠢ ᠪᠣᠯᠳᠠᠭ᠃ | ᠬᠡᠭᠦᠷ ᠣᠷᠣᠰᠢᠭᠤᠯᠬᠤ ᠳᠤ ᠪᠠᠨ ᠲᠣᠯᠣᠭᠠᠢ ᠶᠢ ᠨᠢ ᠪᠠᠷᠠᠭᠤᠨ ᠬᠤᠶᠢᠰᠢ᠂ ᠬᠥᠯ ᠢ ᠨᠢ ᠵᠡᠭᠦᠨ ᠡᠮᠦᠨᠡᠰᠢ ᠬᠠᠨᠳᠤᠭᠤᠯᠳᠠᠭ᠃ | ᠣᠷᠣᠰᠢᠭᠤᠯᠭᠠ ᠳᠤ ᠣᠷᠤᠯᠴᠠᠭᠰᠠᠨ ᠬᠥᠮᠥᠰ ᠢᠷᠡᠬᠦ ᠳᠤ ᠪᠡᠯᠡᠳᠬᠡᠭᠰᠡᠨ ᠷᠠᠰᠢᠶᠠᠨ ᠪᠤᠶᠤ ᠪᠦᠯᠢᠶᠡᠨ ᠤᠰᠤ ᠪᠠᠷ ᠭᠠᠷ ᠢ ᠨᠢ ᠤᠬᠢᠶᠠᠯᠭᠠᠵᠤ᠂ ᠤᠲᠤᠯᠭᠠ | ᠲᠠᠯᠪᠢᠨ ᠠᠷᠢᠭᠤᠳᠬᠠᠭᠰᠠᠨ ᠤ ᠳᠠᠷᠠᠭᠠ ᠭᠡᠷ ᠲᠤ ᠣᠷᠣᠭᠤᠯᠵᠤ᠂ ᠴᠠᠢ ᠢᠳᠡᠭᠡ ᠪᠠᠵᠠᠭᠠᠨ ᠵᠣᠴᠢᠯᠠᠨᠠ᠃ ᠣᠨᠴᠠᠭᠠᠶᠢᠯᠠᠨ ᠲᠦᠷᠦᠯ ᠰᠠᠳᠤᠨ ᠠᠴᠠ ᠭᠠᠳᠠᠨᠠᠬᠢ ᠬᠥᠮᠥᠰ ᠢ | ᠨᠡᠩ ᠬᠦᠨᠳᠦᠯᠡᠨ᠂ ︽ᠶᠠᠰᠤᠨ ᠤ ᠰᠠᠳᠤᠨ︾ ᠪᠣᠯᠣᠯᠠ ᠭᠡᠵᠦ ᠬᠡᠨ ᠬᠡᠨ ᠢᠶᠠᠨ ᠮᠠᠷᠲᠠᠬᠤ ᠦᠭᠡᠢ ᠰᠠᠨᠠᠭᠠ ᠪᠠᠨ ᠢᠯᠡᠳᠬᠡᠳᠡᠭ᠃ ᠬᠡᠦᠬᠡᠳ ᠲᠤ ᠰᠦ ᠲᠠᠢ ᠪᠤᠳᠠᠭᠠ | ᠴᠢᠨᠠᠵᠤ ᠢᠳᠡᠭᠦᠯᠳᠡᠭ᠃ | | | |