| ᠰᠢᠨᠡ ᠪᠠᠷᠭᠤᠴᠤᠳ ᠮᠠᠨᠵᠤ ᠦᠨᠳᠦᠰᠦᠲᠡᠨ᠂ ᠬᠢᠲᠠᠳ ᠦᠨᠳᠦᠰᠦᠲᠡᠨ ᠤ ᠨᠥᠯᠥᠭᠡ ᠪᠠᠷ ᠳᠡᠭᠡᠳᠦᠰ ᠤᠨ ᠢᠶᠠᠨ ᠬᠤᠶᠢᠨᠠ ᠠᠴᠠ ᠭᠠᠰᠢᠭᠤᠳᠠᠯ ᠤᠨ ᠶᠣᠰᠣ᠂ | ᠦᠢᠯᠡ ᠠᠵᠢᠯᠯᠠᠭᠠ ᠪᠠᠨ ᠵᠢᠷᠤᠮᠯᠠᠨ ᠭᠦᠢᠴᠡᠳᠬᠡᠳᠡᠭ ᠪᠣᠯᠵᠠᠢ᠃ ᠢᠩᠭᠢᠬᠦ ᠳᠤ ᠪᠠᠨ ᠪᠡᠯᠪᠡᠰᠦᠷᠡᠯ ᠤᠨ ᠴᠠᠭᠠᠨ ᠬᠤᠪᠴᠠᠰᠤ ᠡᠮᠦᠰᠳᠡᠭ ᠪᠠᠶᠢᠭᠰᠠᠨ ᠪᠠ ᠣᠳᠣ ᠪᠣᠯ | ᠬᠠᠷᠠ ᠵᠢᠵᠢᠭ ᠪᠥᠰ ᠵᠡᠭᠦᠳᠡᠭ ᠪᠣᠯᠵᠠᠢ᠃ ᠡᠭᠦᠨ ᠢ ᠪᠠᠨ ᠰᠢᠨᠡ ᠪᠠᠷᠭᠤᠴᠤᠳ︽ᠰᠢᠨᠠᠭᠠᠨ︾ ᠡᠮᠦᠰᠦᠨᠡ ᠭᠡᠵᠦ ᠬᠡᠯᠡᠨᠡ᠃ ᠰᠢᠨᠠᠭᠠᠨ ᠡᠮᠦᠰᠬᠦ ᠳᠤ ᠪᠠᠨ ᠳᠡᠭᠡᠳᠦᠰ ᠢᠶᠠᠨ | ᠬᠥᠳᠡᠭᠡᠯᠡᠬᠦ ᠡᠳᠦᠷ ᠠᠴᠠ ᠡᠬᠢᠯᠡᠵᠦ᠂ ᠳᠣᠯᠤᠭᠠ᠂ ᠠᠷᠪᠠᠨ ᠳᠥᠷᠪᠡ᠂ ᠬᠤᠷᠢᠨ ᠨᠢᠭᠡ᠂ ᠳᠥᠴᠢ ᠶᠢᠰᠦ ᠬᠤᠨᠤᠭ ᠡᠮᠦᠰᠳᠡᠭ ᠶᠣᠰᠣ ᠪᠤᠢ᠃ | ᠰᠢᠨᠠᠭᠠᠨ ᠲᠠᠢ ᠬᠤᠭᠤᠴᠠᠭᠠᠨ ᠳᠤ ᠪᠠᠷᠢᠮᠲᠠᠯᠠᠬᠤ ᠴᠡᠭᠡᠷ ᠶᠣᠰᠣ ᠣᠯᠠᠨ ᠪᠠᠶᠢᠳᠠᠭ᠃ ᠬᠠᠷᠢᠯᠴᠠᠨ ᠵᠣᠯᠭᠠᠬᠤ ᠦᠭᠡᠢ᠂ ᠬᠤᠷᠢᠮ ᠨᠠᠶᠢᠷ ᠲᠤ ᠣᠷᠤᠯᠴᠠᠬᠤ | ᠦᠭᠡᠢ᠂ ᠰᠠᠬᠠᠯ ᠦᠰᠦ ᠪᠠᠨ ᠠᠪᠬᠤ ᠦᠭᠡᠢ᠂ ᠬᠡᠷᠡᠯᠳᠦᠵᠦ ᠱᠤᠤᠭᠢᠯᠳᠤᠬᠤ ᠦᠭᠡᠢ᠂ ᠳᠠᠭᠤᠯᠠᠵᠤ ᠬᠥᠭᠡᠷᠦᠯᠳᠦᠬᠦ ᠦᠭᠡᠢ ᠭᠡᠬᠦ ᠮᠡᠲᠦ᠃ ᠬᠤᠭᠤᠴᠠᠭᠠᠲᠤ ᠬᠤᠨᠤᠭ ᠨᠢ | ᠪᠣᠯᠪᠠᠯ ᠬᠡᠭᠦᠷ ᠣᠩᠭᠤᠨ ᠢᠶᠠᠨ ᠡᠷᠭᠢᠬᠦ᠂ ᠰᠦᠮᠡ ᠳᠤ ᠬᠦᠷᠴᠦ ᠢᠷᠦᠭᠡᠯ ᠠᠪᠬᠤ ᠮᠡᠲᠦ ᠶᠢᠨ ᠭᠦᠢᠴᠡᠳᠬᠡᠬᠦ ᠶᠣᠰᠣ ᠪᠠᠨ ᠪᠡᠶᠡᠯᠡᠭᠦᠯᠵᠦ᠂ ᠨᠥᠭᠴᠢᠭᠰᠡᠳ ᠤᠨ | ᠬᠤᠪᠴᠠᠰᠤ ᠶᠢ ᠭᠠᠯ ᠢᠶᠠᠷ ᠳᠡᠭᠳᠡᠭᠡᠳᠡᠭ᠃ | |