| ᠬᠦᠷᠭᠡᠨ ᠲᠠᠯᠠ ᠶᠢᠨ ᠬᠢᠨ ᠬᠥᠪᠡᠭᠦᠨ ᠤ ᠪᠠᠨ ᠰᠢᠨᠡ ᠭᠡᠷ ᠤᠨ ᠮᠣᠳᠣ ᠶᠢ ᠲᠠᠭᠠᠷᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠰᠠᠶᠢᠨ ᠡᠳᠦᠷ ᠢ ᠰᠣᠩᠭᠤᠵᠤ ᠰᠢᠨᠡ | ᠭᠡᠷ ᠤᠨ ᠪᠦᠷᠢᠶᠡᠰᠦ ᠶᠢ ᠲᠠᠭᠠᠷᠠᠭᠤᠯᠤᠨᠠ᠃ ᠲᠦᠷᠦᠯ ᠰᠠᠳᠤᠨ᠂ ᠠᠶᠢᠯ ᠠᠶᠢᠮᠠᠭ ᠤᠨ ᠵᠣᠨ ᠳᠤ ᠪᠠᠨ ᠵᠠᠷ ᠲᠠᠷᠬᠠᠭᠠᠨᠠ᠃ ᠵᠠᠷ ᠬᠦᠯᠢᠶᠡᠭᠰᠡᠨ ᠠᠶᠢᠯ ᠤᠳ ᠤᠨ ᠠᠪᠠᠭᠠᠢ | ᠨᠠᠷ ᠬᠦᠷᠦᠯᠴᠡᠨ ᠢᠷᠡᠵᠦ᠂ ᠬᠦᠷᠭᠡᠨ ᠬᠥᠪᠡᠭᠦᠨ ᠤ ᠰᠢᠨᠡ ᠭᠡᠷ ᠢ ᠣᠶᠤᠯᠴᠠᠨᠠ᠃ ᠲᠡᠳᠡ ᠵᠡᠭᠦᠦ ᠬᠤᠷᠤᠭᠤᠪᠴᠢ᠂ ᠲᠡᠮᠡᠭᠡᠨ ᠤ ᠨᠣᠣᠰᠣᠨ ᠤᠲᠠᠰᠤ ᠪᠠᠨ ᠠᠪᠴᠢᠷᠠᠨᠠ᠃ | ᠵᠠᠷᠢᠮ ᠨᠢ ᠪᠠᠰᠠ ᠲᠠᠮᠤᠭᠰᠠᠨ ᠣᠭᠤᠰᠣᠷ᠂ ᠵᠡᠭᠡᠭ ᠠᠪᠴᠢᠷᠠᠳᠠᠭ ᠴᠦ ᠪᠣᠢ᠃ | ᠭᠡᠷ ᠡᠰᠬᠡᠭᠴᠢ ᠨᠢ ᠲᠣᠭᠤᠨᠣ ᠶᠢᠨ ᠭᠤᠣᠯ ᠤᠨ ᠤᠷᠲᠤ ᠪᠣᠯᠣᠨ ᠤᠨᠢ ᠶᠢᠨ ᠤᠷᠲᠤ ᠶᠢ ᠬᠡᠮᠵᠢᠵᠦ᠂ ᠳᠡᠭᠡᠰᠦ ᠪᠤᠶᠤ ᠰᠤᠷ ᠲᠤ ᠵᠠᠩᠭᠢᠳᠴᠤ᠂ | ᠲᠡᠭᠦᠨ ᠢᠶᠠᠨ ᠭᠠᠵᠠᠷ ᠲᠤ ᠰᠢᠭᠠᠭᠰᠠᠨ ᠭᠠᠳᠠᠰᠤᠨ ᠠᠴᠠ ᠤᠶᠠᠵᠤ᠂ ᠭᠤᠣᠯ ᠲᠥᠪ ᠢᠶᠠᠨ ᠲᠣᠭᠤᠷᠢᠭᠤᠯᠤᠨ ᠭᠠᠵᠠᠷ ᠲᠤ ᠲᠥᠭᠦᠷᠢᠭᠯᠡᠭᠦᠯᠦᠨ ᠵᠢᠷᠤᠨᠠ᠃ ᠲᠡᠷᠡ | ᠵᠢᠷᠤᠭᠰᠠᠨ ᠳᠤ ᠪᠠᠨ ᠲᠣᠬᠢᠷᠠᠭᠤᠯᠤᠨ ᠶᠠᠪ ᠴᠠᠪ ᠲᠠᠭᠠᠷᠠᠭᠰᠠᠨ ᠭᠡᠷ ᠤᠨ ᠳᠡᠭᠡᠪᠦᠷ ᠬᠡᠮᠵᠢᠵᠦ ᠠᠪᠤᠭᠠᠳ ᠬᠠᠶᠢᠴᠢᠯᠠᠳᠠᠭ᠃ ᠳᠠᠷᠠᠭᠠ ᠨᠢ ᠲᠣᠭᠤᠨᠣ ᠵᠢᠷᠤᠭᠰᠠᠨ | ᠭᠠᠵᠠᠷ ᠠᠴᠠ ᠪᠠᠨ ᠬᠡᠮᠵᠢᠶᠡ ᠠᠪᠴᠤ ᠡᠷᠦᠬᠡ ᠶᠢᠨ ᠢᠰᠡᠭᠡᠢ ᠪᠠᠨ ᠡᠰᠬᠡᠬᠦ ᠪᠥᠭᠡᠳ ᠬᠠᠨᠠᠨ ᠳᠤ ᠪᠠᠨ ᠲᠠᠭᠠᠷᠠᠭᠤᠯᠤᠨ ᠲᠤᠭᠤᠷᠭᠠ ᠪᠠᠨ ᠡᠰᠬᠡᠨᠡ᠃ ᠡᠨᠡ ᠮᠡᠲᠦ ᠪᠠᠷ | ᠭᠡᠷ ᠤᠨ ᠪᠦᠬᠦ ᠪᠦᠷᠢᠶᠡᠰᠦ ᠶᠢ ᠡᠰᠬᠡᠬᠦ ᠶᠢᠨ ᠬᠠᠮᠲᠤ ᠣᠶᠣᠳᠠᠭ ᠪᠠᠶᠢᠨᠠ᠃ ᠭᠡᠷ ᠤᠨ ᠪᠦᠷᠢᠶᠡᠰᠦ ᠪᠠᠨ ᠣᠶᠣᠵᠤ ᠳᠠᠭᠤᠰᠤᠭᠰᠠᠨ ᠤ ᠳᠠᠷᠠᠭᠠ ᠰᠢᠨᠡ ᠭᠡᠷ ᠢᠶᠠᠨ | ᠲᠣᠬᠢᠲᠠᠢ ᠰᠠᠶᠢᠬᠠᠨ ᠪᠣᠰᠬᠠᠵᠤ᠂ ᠰᠢᠨᠡ ᠪᠦᠷᠢᠶᠡᠰᠦ ᠪᠠᠷ ᠢᠶᠠᠨ ᠪᠦᠷᠢᠳᠡᠭ᠃ ᠢᠩᠭᠢᠵᠦ ᠪᠠᠷᠠᠮᠠᠭᠴᠠ ᠣᠯᠠᠨ ᠢᠶᠠᠷ ᠢᠶᠠᠨ ᠳᠣᠲᠣᠷᠠ ᠨᠢ ᠲᠠᠪᠠᠲᠠᠢ ᠰᠠᠶᠢᠬᠠᠨ ᠰᠠᠭᠤᠭᠠᠳ | ᠴᠠᠢ ᠢᠳᠡᠭᠡ ᠠᠷᠢᠬᠢ ᠰᠢᠭᠦᠰᠦ ᠪᠠᠵᠠᠭᠠᠨ ᠨᠠᠶᠢᠷᠯᠠᠳᠠᠭ᠃ ᠲᠡᠭᠡᠬᠦ ᠳᠤ ᠪᠠᠨ ᠨᠢᠭᠡ ᠮᠣᠳᠣ ᠱᠣᠷᠣᠯᠠᠵᠤ ᠲᠡᠭᠦᠨ ᠳᠡᠭᠡᠨ ᠬᠤᠨᠢᠨ ᠤ ᠤᠷᠤᠭ ᠰᠡᠭᠦᠯ᠂ ᠰᠦᠪᠡᠭᠡᠨ ᠤ | ᠬᠠᠪᠢᠷᠭᠠ᠂ ᠱᠠᠭᠠᠨᠲᠤ ᠵᠡᠷᠭᠡ ᠶᠢ ᠬᠠᠳᠬᠤᠭᠠᠳ ᠰᠢᠨᠡ ᠭᠡᠷ ᠤᠨ ᠠᠳᠡ ᠲᠡᠨᠳᠡ ᠨᠢ ᠬᠦᠷᠭᠡᠵᠦ ᠮᠢᠯᠢᠶᠠᠭᠠᠳ ᠪᠠᠷᠠᠭᠠᠳ ᠬᠤᠶᠢᠲᠤ ᠲᠠᠯᠠ ᠶᠢᠨ ᠬᠠᠨᠠ ᠶᠢᠨ | ᠨᠢᠳᠦᠨ ᠳᠤ ᠬᠠᠪᠴᠢᠭᠤᠯᠵᠤ ᠲᠠᠯᠪᠢᠨᠠ᠃ | ᠡᠪᠦᠭᠡᠳ ᠨᠠᠰᠤᠲᠠᠨ ᠪᠤᠶᠤ ᠢᠷᠦᠭᠡᠯᠴᠢ ᠰᠢᠨᠡ ᠭᠡᠷ ᠢ᠄ | ︽ᠲᠣᠭᠤᠨᠣᠨ ᠳᠤᠨᠢ ᠲᠣᠷᠳᠤᠭ ᠲᠣᠭᠲᠠᠭ | ᠲᠣᠭᠤᠭᠠᠨ ᠳᠤᠨᠢ ᠬᠤᠰᠤᠮ ᠲᠣᠭᠲᠠᠭ | ᠵᠢᠷᠠᠨ ᠳᠦᠷᠪᠡᠨ ᠤᠨᠢ ᠶᠢᠨ ᠰᠠᠭᠠᠯᠳᠤᠷᠭᠠ ᠨᠢ ᠤᠷᠲᠤ ᠪᠣᠯᠤᠭ | ᠵᠢᠷᠭᠠᠯᠠᠩᠲᠤ ᠬᠤᠶᠠᠷ ᠦᠷᠡ ᠶᠢᠨ ᠨᠠᠰᠤᠨ ᠪᠤᠶᠠᠨ ᠠᠷᠪᠢᠵᠢᠭ | ᠬᠠᠶᠠᠭᠠ ᠪᠠᠷ ᠬᠠᠷᠠ ᠮᠥᠷᠡᠨ ᠤᠷᠤᠰᠴᠤ | ᠬᠠᠮᠤᠭ ᠣᠯᠠᠨ ᠴᠡᠩᠭᠡᠵᠦ ᠶᠠᠪᠤᠬᠤ ᠪᠣᠯᠲᠤᠭᠠᠢ | ᠡᠪᠦᠷ ᠢᠶᠠᠷ ᠨᠢ ᠥᠷᠭᠡᠨ ᠮᠥᠷᠡᠨ ᠤᠷᠤᠰᠴᠤ | ᠦᠢ ᠲᠦᠮᠡᠨ ᠴᠡᠩᠭᠡᠵᠦ ᠶᠠᠪᠤᠬᠤ ᠪᠣᠯᠲᠤᠭᠠᠢ | ᠭᠠᠳᠠᠭᠤᠷ ᠨᠢ ᠭᠠᠩᠭᠠ ᠮᠥᠷᠡᠨ ᠤᠷᠤᠰᠴᠤ | ᠭᠠᠵᠠᠷ ᠳᠡᠭᠡᠭᠦᠷ ᠶᠠᠪᠤᠭᠠ ᠠᠮᠢᠲᠠᠨ ᠪᠦᠬᠦᠨ ᠠᠮᠤᠷᠵᠢᠲᠤᠭᠠᠢ︕︾ ᠭᠡᠵᠦ ᠢᠷᠦᠭᠡᠳᠡᠭ᠃ | ᠰᠢᠨᠡ ᠲᠥᠬᠦᠭᠡᠷᠦᠭᠰᠡᠨ ᠭᠡᠷ ᠲᠤ ᠬᠡᠶᠢᠮᠣᠷᠢ ᠳᠠᠷᠴᠤᠭ ᠬᠠᠳᠬᠤᠳᠠᠭ ᠦᠭᠡᠢ᠂ ᠪᠤᠷᠬᠠᠨ ᠵᠠᠯᠠᠳᠠᠭ ᠦᠭᠡᠢ᠃ ᠭᠡᠷ ᠤᠨ ᠪᠠᠷᠠᠭᠤᠨ ᠬᠠᠭᠠᠰ ᠲᠠᠯᠠ ᠶᠢ | ᠬᠠᠶᠠᠭᠠᠪᠴᠢ ᠲᠠᠢ᠂ ᠵᠡᠭᠦᠨ ᠬᠠᠭᠠᠰ ᠲᠠᠯᠠ ᠨᠢ ᠬᠠᠶᠠᠭᠠᠪᠴᠢ ᠦᠭᠡᠢ᠂ ᠪᠠᠰᠠ ᠳᠣᠣᠷᠠᠳᠤ ᠪᠦᠰᠡᠯᠡᠭᠦᠷ ᠦᠭᠡᠢ᠃ ᠪᠠᠷᠠᠭᠤᠨ ᠬᠠᠭᠠᠰ ᠲᠠᠯᠠ ᠨᠢ ᠰᠢᠷᠢᠳᠡᠭ ᠲᠠᠢ᠂ ᠵᠡᠭᠦᠨ | ᠬᠠᠭᠠᠰ ᠲᠠᠯᠠ ᠨᠢ ᠰᠢᠷᠢᠳᠡᠭ ᠦᠭᠡᠢ᠃ | ᠰᠢᠨᠡ ᠭᠡᠷ ᠤᠨ ᠵᠡᠭᠦᠨ ᠲᠠᠯᠠ ᠶᠢᠨ ᠬᠠᠶᠠᠭᠠᠪᠴᠢ᠂ ᠳᠣᠣᠷᠠᠳᠤ ᠪᠦᠰᠡᠯᠡᠭᠦᠷ᠂ ᠲᠤᠯᠭᠠ ᠶᠢᠨ ᠬᠤᠶᠢᠲᠤ ᠪᠠ ᠵᠡᠭᠦᠨ ᠲᠠᠯᠠ ᠶᠢᠨ ᠰᠢᠷᠢᠳᠡᠭ ᠲᠡᠷᠡᠴᠢᠯᠡᠨ | ᠣᠷᠣ ᠬᠠᠨᠵᠤ᠂ ᠠᠪᠳᠠᠷᠠ ᠥᠭᠡᠭ᠂ ᠬᠥᠨᠥᠭ ᠤᠨ ᠪᠠ ᠲᠣᠭᠤᠭᠠᠨ ᠱᠠᠲᠤ ᠮᠡᠲᠦ ᠶᠢᠨ ᠬᠡᠷᠡᠭᠰᠡᠯ ᠤᠳ ᠢ ᠬᠡᠦᠬᠡᠨ ᠲᠠᠯᠠ ᠠᠴᠠ ᠲᠥᠬᠦᠭᠡᠷᠴᠦ ᠬᠡᠦᠬᠡᠨ ᠢᠶᠠᠨ ᠬᠦᠷᠭᠡᠵᠦ | ᠣᠴᠢᠬᠤ ᠳᠤ ᠪᠠᠨ ᠠᠪᠴᠤ ᠣᠴᠢᠳᠠᠭ᠃ | | | |