| ᠬᠡᠦᠬᠡᠨ ᠲᠠᠯᠠ ᠪᠠᠷᠠᠭᠠ ᠬᠤᠷᠢᠶᠠᠬᠤ ᠡᠳᠦᠷ ᠪᠣᠯᠬᠤ ᠳᠤ ᠬᠡᠦᠬᠡᠨ ᠢᠶᠠᠨ︽ᠡᠳᠡᠨ ᠤ ᠡᠶᠢᠮᠦ ᠶᠠᠭᠤᠮᠠ ᠬᠢᠭᠡᠳ ᠢᠷᠡ᠂ ᠲᠡᠳᠡᠨ ᠤ ᠳᠤ ᠲᠡᠶᠢᠮᠦ ᠶᠠᠭᠤᠮᠠ | ᠣᠶᠣᠭᠠᠳ ᠢᠷᠡ︾ ᠭᠡᠬᠦ ᠮᠡᠲᠦ ᠶᠢᠨ ᠰᠢᠯᠲᠠᠭ ᠢᠶᠠᠷ ᠲᠦᠷᠦᠯ ᠰᠠᠳᠤᠨ ᠤ ᠳᠤ ᠪᠠᠨ ᠵᠠᠶᠢᠯᠠᠭᠤᠯᠳᠠᠭ᠃ | ᠪᠠᠷᠠᠭᠠ ᠬᠤᠷᠢᠶᠠᠬᠤ ᠡᠳᠦᠷ ᠲᠤ ᠡᠬᠡ ᠨᠢ ᠬᠡᠦᠬᠡᠨ ᠳᠤ ᠪᠠᠨ ᠲᠥᠬᠦᠭᠡᠷᠦᠭᠰᠡᠨ ᠬᠠᠪᠴᠢᠭ ᠲᠠᠲᠠᠭᠤᠷ ᠢ ᠵᠡᠭᠦᠵᠦ ᠳᠡᠪᠡᠯ ᠡᠮᠦᠰᠴᠦ ᠠᠭᠤᠯᠠᠨ ᠳᠤ | ᠮᠥᠷᠭᠦᠳᠡᠭ᠃ ᠲᠤᠬᠠᠶᠢᠯᠠᠪᠠᠯ ᠭᠡᠷ ᠠᠴᠠ ᠪᠠᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠵᠦᠭ ᠲᠤ ᠬᠤᠯᠠᠬᠠᠨ ᠭᠠᠷᠤᠭᠠᠳ ᠬᠢᠯᠠᠭᠠᠨᠠ ᠪᠤᠶᠤ ᠳᠡᠷᠡᠰᠦᠨ ᠳᠡᠭᠡᠷᠡ ᠬᠠᠳᠠᠭ ᠲᠠᠯᠪᠢᠵᠤ᠂ | ᠬᠠᠷᠢ ᠳᠤ ᠮᠣᠷᠳᠠᠭᠤᠯᠬᠤ ᠬᠡᠦᠬᠡᠨ ᠤ ᠪᠠᠨ ᠬᠤᠪᠢ ᠵᠠᠶᠠᠭᠠ ᠶᠢ ᠳᠠᠭᠠᠳᠬᠠᠵᠤ ᠬᠡᠰᠢᠭ ᠪᠤᠶᠠᠨ ᠢ ᠨᠢ ᠵᠠᠯᠪᠢᠷᠢᠨ ᠮᠥᠷᠭᠦᠳᠡᠭ᠃ ᠪᠠᠷᠠᠭᠠ ᠬᠤᠷᠢᠶᠠᠬᠤ ᠡᠳᠦᠷ | ᠬᠡᠦᠬᠡᠨ ᠢᠶᠠᠨ ᠮᠣᠷᠳᠠᠭᠤᠯᠬᠤ ᠠᠶᠢᠯ ᠬᠤᠨᠢ ᠭᠠᠷᠭᠠᠵᠤ ᠰᠢᠭᠦᠰᠦ ᠪᠡᠯᠡᠳᠬᠡᠨ᠂ ᠪᠤᠷᠬᠠᠨ ᠳᠤ ᠪᠠᠨ ᠵᠤᠯᠠ ᠪᠠᠷᠢᠵᠤ ᠢᠳᠡᠭᠡ ᠲᠠᠯᠪᠢᠨ᠂ ᠱᠠᠭᠠᠨᠲᠤ᠂ ᠰᠡᠭᠦᠯ ᠤᠨ ᠦᠵᠦᠭᠦᠷ | ᠪᠠ ᠬᠠᠪᠢᠷᠭᠠ ᠵᠡᠷᠭᠡ ᠶᠢ ᠲᠠᠪᠠᠭ ᠲᠤ ᠬᠢᠭᠡᠳ ᠪᠤᠷᠬᠠᠨ ᠳᠤ ᠲᠠᠯᠪᠢᠵᠤ ᠬᠡᠦᠬᠡᠨ ᠤ ᠬᠤᠪᠢ ᠪᠣᠯᠭᠠᠨ ᠬᠠᠳᠠᠭᠠᠯᠠᠳᠠᠭ᠃ | ᠪᠠᠷᠠᠭᠠ ᠬᠤᠷᠢᠶᠠᠬᠤ ᠳᠤ ᠰᠠᠳᠤᠨ ᠲᠦᠷᠦᠯ ᠣᠶᠢᠷᠠ ᠬᠠᠪᠢ ᠶᠢᠨ ᠬᠢᠨᠢ ᠵᠠᠷ ᠬᠦᠯᠢᠶᠡᠭᠰᠡᠨ ᠣᠯᠠᠨ ᠠᠪᠠᠭᠠᠢ ᠨᠠᠷ ᠣᠴᠢᠵᠠᠭᠠᠨᠠ᠃ ᠲᠡᠳᠡᠨᠦᠰ ᠶᠠᠩᠵᠤ | ᠪᠦᠷᠢ ᠶᠢᠨ ᠬᠥᠪᠥᠩ ᠪᠤᠶᠤ ᠲᠣᠷᠭᠠᠨ ᠤᠲᠠᠰᠤ᠂ ᠲᠡᠮᠡᠭᠡᠨ ᠤ ᠨᠣᠣᠰᠣᠨ ᠤᠲᠠᠰᠤ ᠰᠢᠷᠪᠦᠰᠦ ᠰᠡᠮᠡᠳᠡᠰᠦ ᠵᠡᠷᠭᠡ ᠶᠢᠨ ᠵᠦᠢᠯᠡᠰ ᠢ ᠠᠪᠴᠢᠷᠠᠨᠠ᠃ ᠢᠩᠭᠢᠭᠡᠳ ᠮᠣᠷᠳᠠᠬᠤ | ᠬᠡᠦᠬᠡᠨ ᠤ ᠡᠮᠦᠰᠬᠡᠯ ᠵᠠᠰᠠᠯ ᠳᠤ ᠬᠢᠵᠦ ᠪᠠᠷᠠᠭᠠᠳᠤᠢ ᠦᠢᠯᠡ ᠣᠶᠣᠳᠠᠯ ᠪᠠᠶᠢᠪᠠᠯ ᠬᠠᠪᠰᠤᠷᠤᠨ ᠭᠦᠢᠴᠡᠳᠬᠡᠵᠦ ᠪᠦᠲᠦᠭᠡᠨ ᠥᠭᠭᠦᠨᠡ᠃ ᠬᠡᠦᠬᠡᠨ ᠤ ᠬᠦᠨᠵᠢᠯᠡ | ᠳᠡᠪᠢᠰᠬᠡᠷ ᠠᠴᠠ ᠨᠢ ᠠᠪᠤᠭᠠᠳ ᠳᠦᠷᠪᠡᠨ ᠤᠯᠠᠷᠢᠯ ᠳᠤ ᠰᠣᠯᠢᠵᠤ ᠡᠮᠦᠰᠬᠦ ᠶᠠᠩᠵᠤ ᠪᠦᠷᠢ ᠶᠢᠨ ᠳᠡᠪᠡᠯ ᠬᠤᠪᠴᠠᠰᠤ ᠨᠤᠭᠤᠳ ᠢ ᠵᠡᠷᠭᠡᠴᠡᠭᠦᠯᠦᠨ ᠳᠡᠯᠭᠡᠵᠦ᠂ | ᠰᠠᠯᠬᠢᠨ ᠳᠤ ᠰᠡᠷᠭᠦᠭᠡᠨ ᠣᠯᠠᠨ ᠳᠤ ᠦᠵᠡᠭᠦᠯᠦᠨᠡ᠃ | ᠪᠠᠷᠠᠭᠠ ᠬᠤᠷᠢᠶᠠᠬᠤ ᠳᠤ ᠪᠠᠨ ᠬᠦᠷᠭᠡᠨ ᠤ ᠭᠡᠷ ᠲᠤ ᠵᠣᠷᠢᠭᠤᠯᠤᠨ ᠲᠥᠬᠦᠭᠡᠷᠦᠭᠰᠡᠨ ᠬᠢᠯᠭᠠᠰᠤᠨ ᠪᠦᠰᠡᠯᠡᠭᠦᠷ ᠢᠶᠠᠨ ᠭᠡᠷ ᠤᠨ ᠰᠠᠭᠤᠷᠢ ᠶᠢᠨ ᠬᠡᠯᠪᠡᠷᠢᠲᠡᠢ | ᠲᠥᠭᠦᠷᠢᠭᠯᠡᠭᠦᠯᠦᠨ ᠲᠠᠯᠪᠢᠵᠤ᠂ ᠡᠮᠦᠨᠡ ᠵᠦᠭ ᠲᠤᠨᠢ ᠣᠨᠣᠭᠤ ᠭᠠᠷᠭᠠᠵᠤ᠂ ᠡᠭᠦᠳᠡ ᠶᠢ ᠣᠷᠣᠯᠠᠭᠤᠯᠤᠨᠠ᠃ ᠣᠯᠠᠨ ᠠᠪᠠᠭᠠᠢ ᠨᠠᠷ ᠣᠷᠣᠨ ᠭᠠᠷᠤᠨ ᠪᠠᠷᠠᠭᠠ | ᠬᠤᠷᠢᠶᠠᠨᠠ᠃ ᠬᠡᠦᠬᠡᠨ ᠤ ᠣᠷᠣ ᠶᠢ ᠬᠤᠶᠢᠮᠤᠷ ᠲᠤ ᠲᠠᠯᠪᠢᠵᠤ ᠲᠡᠭᠰᠢᠯᠡᠨ ᠵᠠᠰᠠᠨᠠ᠃ ᠳᠡᠭᠡᠷᠡ ᠨᠢ ᠰᠢᠷᠢᠳᠡᠭ ᠳᠡᠪᠢᠰᠬᠡᠷ ᠳᠡᠪᠢᠰᠴᠦ ᠨᠢᠭᠤᠷ ᠲᠠᠯᠠ ᠳᠤ ᠪᠠᠨ ᠮᠥᠩᠭᠦᠨ | ᠳᠠᠷᠤᠭᠤᠯᠭᠠ ᠲᠠᠢ ᠰᠢᠷᠢᠮᠡᠯ ᠢᠰᠡᠭᠡᠢ ᠳᠡᠷᠡ ᠲᠠᠯᠪᠢᠨᠠ᠃ ᠳᠡᠷᠡ ᠶᠢᠨ ᠬᠥᠨᠳᠡᠢ ᠳᠤ ᠠᠪᠳᠠᠷᠠ᠂ ᠵᠡᠭᠦᠨ ᠡᠮᠦᠨᠡ ᠨᠢ ᠥᠭᠡᠭ᠂ ᠬᠥᠨᠥᠭ ᠤᠨ ᠱᠠᠲᠤ᠂ ᠲᠣᠭᠤᠭᠠᠨ ᠤ | ᠱᠠᠲᠤ ᠵᠡᠷᠭᠡ ᠶᠢ ᠲᠤᠰ ᠲᠤᠰ ᠪᠠᠶᠢᠷᠢᠯᠠᠭᠤᠯᠵᠤ᠂ ᠣᠭᠤᠰᠣᠷ ᠢ ᠨᠢ ᠪᠦᠷᠢᠨ ᠪᠣᠯᠭᠠᠭᠰᠠᠨ ᠮᠣᠳᠣᠨ ᠲᠠᠭ᠂ ᠠᠶᠠᠭᠠᠨ ᠤ ᠭᠡᠷ ᠢ ᠳᠡᠭᠡᠷᠡ ᠨᠢ ᠲᠠᠯᠪᠢᠨᠠ᠃ | ᠳᠡᠷᠡ ᠶᠢᠨ ᠲᠦᠷᠦᠭᠦᠦ ᠵᠠᠯᠭᠠᠵᠤ ᠣᠶᠣᠭᠴᠢ ᠡᠷᠬᠡᠪᠰᠢ ᠡᠯᠢᠭᠡ ᠪᠦᠲᠦᠨ ᠦᠷᠡ ᠬᠡᠦᠬᠡᠳ ᠥᠨᠢᠷ ᠥᠳᠬᠡᠨ ᠡᠬᠡᠨᠡᠷ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠮᠣᠷᠳᠠᠬᠤ | ᠬᠡᠦᠬᠡᠨ ᠤ ᠭᠤᠲᠤᠯ ᠬᠤᠪᠴᠠᠰᠤ ᠪᠠ ᠠᠯᠢᠪᠠ ᠬᠡᠷᠡᠭᠰᠡᠯ ᠤᠨ ᠵᠦᠢᠯᠡᠰ ᠢ ᠣᠷᠣ ᠬᠠᠨᠵᠤᠨ ᠳᠤ ᠬᠤᠷᠢᠶᠠᠬᠤ ᠶᠢ ᠨᠢ ᠬᠤᠷᠢᠶᠠᠵᠤ᠂ ᠸᠠᠳᠠᠩ ᠳᠤ ᠪᠠᠭᠯᠠᠬᠤ ᠶᠢ ᠨᠢ | ᠪᠠᠭᠯᠠᠵᠤ᠂ ᠲᠤᠰ ᠲᠤᠰ ᠣᠷᠣᠨ ᠳᠤᠨᠢ ᠲᠠᠯᠪᠢᠨᠠ᠃ ᠮᠣᠷᠳᠠᠬᠤ ᠬᠡᠦᠬᠡᠨ ᠤ ᠢᠨᠵᠢ ᠵᠠᠰᠠᠯ ᠳᠤ ᠣᠴᠢᠬᠤ ᠶᠠᠭᠤᠮᠠ ᠨᠢ ᠳᠤᠲᠠᠬᠤ ᠵᠦᠢᠯ ᠦᠭᠡᠢ ᠲᠡᠭᠰᠢ ᠪᠦᠷᠢᠨ | ᠪᠠᠶᠢᠳᠠᠭ᠃ ᠢᠯᠠᠩᠭᠤᠶᠠ ᠳᠤᠲᠠᠭᠳᠠᠵᠤ ᠪᠣᠯᠳᠠᠭ ᠦᠭᠡᠢ ᠨᠢᠭᠡᠨ ᠵᠦᠢᠯ ᠤᠨ ᠡᠳ᠋ᠯᠡᠯ ᠨᠢ ᠴᠠᠢ ᠨᠦᠳᠦᠬᠦ ᠤᠭᠤᠷ ᠶᠤᠮ᠃ ᠡᠨᠡ ᠤᠭᠤᠷ ᠤᠨ ᠬᠠᠮᠲᠤ ᠪᠠᠰᠠ ᠨᠢᠭᠡ | ᠰᠦᠬᠡ ᠪᠠᠶᠢᠬᠤ ᠶᠣᠰᠣᠲᠠᠢ᠃ ᠡᠨᠡ ᠨᠢ︽ᠤᠭᠤᠷ ᠰᠦᠬᠡ ᠬᠠᠮᠲᠤ᠂ ᠤᠷᠤᠭ ᠰᠠᠳᠤᠨ ᠥᠨᠢᠳᠡ︾ ᠭᠡᠰᠡᠨ ᠪᠡᠯᠭᠡᠳᠡᠯ ᠪᠢᠯᠡ᠃ | ᠪᠠᠷᠠᠭᠠ ᠬᠤᠷᠢᠶᠠᠭᠰᠠᠨ ᠣᠯᠠᠨ ᠠᠪᠠᠭᠠᠢ ᠨᠠᠷ ᠲᠤ ᠴᠠᠢ ᠢᠳᠡᠭᠡ ᠪᠣᠯᠵᠠᠭᠠᠵᠤ᠂ ᠬᠤᠨᠢᠨ ᠤ ᠲᠣᠯᠣᠭᠠᠢ ᠶᠢ ᠠᠬᠠᠮᠠᠳ ᠡᠷᠡᠭᠲᠡᠢ ᠳᠤ᠂ ᠬᠤᠨᠢᠨ ᠤ | ᠤᠭᠤᠴᠠ ᠶᠢ ᠳᠡᠷᠡ ᠶᠢᠨ ᠬᠦᠵᠦᠭᠦᠦ ᠵᠠᠯᠭᠠᠭᠰᠠᠨ ᠠᠪᠠᠭᠠᠢ ᠳᠤ ᠲᠠᠯᠪᠢᠨᠠ᠂ ᠲᠡᠷᠡ ᠠᠪᠠᠭᠠᠢ ᠤᠭᠤᠴᠠᠨ ᠤ ᠭᠤᠣᠯ ᠢ ᠬᠡᠦᠬᠡᠨ ᠤ ᠡᠬᠡ ᠳᠤ ᠪᠠᠷᠢᠵᠤ᠂ ᠤᠭᠤᠴᠠᠨ ᠤ | ᠬᠠᠶᠢᠳᠠᠰᠤ ᠶᠢ ᠬᠡᠦᠬᠡᠳ ᠤᠳ ᠲᠤ ᠬᠤᠪᠢᠶᠠᠨ ᠥᠭᠭᠦᠨᠡ᠃ | ᠡᠬᠡ ᠨᠢ ᠬᠡᠦᠬᠡᠨ ᠤ ᠪᠠᠨ ᠵᠠᠰᠠᠯ ᠤᠨ ᠬᠦᠨᠵᠢᠯᠡ ᠶᠢ ᠦᠩᠭᠡᠨ ᠲᠠᠯᠠ ᠪᠠᠷ ᠬᠠᠨᠵᠤᠨ ᠤ ᠤᠷᠳᠤᠭᠤᠷᠬᠢ ᠰᠢᠷᠢᠳᠡᠭ ᠳᠡᠭᠡᠷᠡ ᠳᠡᠯᠭᠡᠭᠡᠳ ᠤᠲᠠᠰᠤᠨ ᠳᠤ | ᠬᠢᠯᠭᠡᠭᠰᠡᠨ ᠵᠤᠤᠳᠤᠩ ᠠᠭᠠᠷᠤᠤᠯ ᠢ ᠳᠡᠭᠡᠷᠡ ᠨᠢ ᠠᠰᠬᠠᠨᠠ᠃ ᠢᠩᠭᠢᠬᠦ ᠳᠤ ᠪᠠᠷᠠᠭᠠ ᠬᠤᠷᠢᠶᠠᠬᠤ ᠳᠤ ᠡᠬᠡ ᠪᠠᠨ ᠳᠠᠭᠠᠵᠤ ᠢᠷᠡᠭᠰᠡᠨ ᠣᠯᠠᠨ ᠬᠡᠦᠬᠡᠳ ᠤᠷᠤᠯᠳᠤᠨ | ᠢᠷᠡᠭᠡᠳ ᠬᠤᠪᠢᠶᠠᠯᠴᠠᠨ ᠠᠪᠬᠤ ᠶᠢ ᠵᠠᠷᠯᠠᠬᠤ ᠲᠠᠢ ᠵᠡᠷᠭᠡ ᠲᠡᠳᠡᠭᠡᠷ ᠬᠡᠦᠬᠡᠳ ᠤᠳ ᠭᠦᠶᠦᠯᠴᠡᠨ ᠢᠷᠡᠵᠦ ᠪᠤᠯᠢᠶᠠᠴᠠᠯᠳᠤᠨ ᠠᠪᠴᠤ ᠢᠳᠡᠵᠡᠭᠡᠨᠡ᠃ ᠡᠨᠡ ᠨᠢ ᠦᠷᠡ | ᠬᠡᠦᠬᠡᠳ ᠣᠯᠠᠨ ᠥᠨᠢᠷ ᠪᠠᠶᠠᠨ ᠲᠡᠭᠰᠢ ᠵᠢᠷᠭᠠᠬᠤ ᠶᠢ ᠵᠥᠩᠨᠡᠭᠰᠡᠨ ᠶᠠᠪᠤᠳᠠᠯ ᠠᠵᠢ᠃ | ᠪᠠᠷᠠᠭᠠ ᠬᠤᠷᠢᠶᠠᠭᠰᠠᠨ ᠤ ᠳᠠᠷᠠᠭᠠ ᠨᠢᠭᠡᠨ ᠪᠦᠰᠡᠭᠦᠢ ᠤᠷᠲᠤ ᠪᠤᠷᠭᠠᠰᠤᠨ ᠱᠣᠷᠣ ᠳᠤ ᠪᠥᠭᠡᠷᠡ᠂ ᠵᠢᠷᠦᠬᠡ᠂ ᠰᠡᠭᠦᠯ ᠵᠡᠷᠭᠡ ᠶᠢ ᠱᠣᠷᠣᠯᠠᠭᠠᠳ᠂ | ᠬᠤᠷᠢᠶᠠᠭᠰᠠᠨ ᠪᠠᠷᠠᠭᠠᠨ ᠤ ᠲᠠᠯᠠ ᠪᠦᠷᠢ ᠳᠤ ᠬᠥᠩᠭᠡᠨ ᠬᠦᠷᠭᠡᠵᠦ ᠢᠷᠦᠭᠡᠭᠡᠳ ᠴᠤᠭᠯᠠᠭᠰᠠᠨ ᠣᠯᠠᠨ ᠬᠡᠦᠬᠡᠳ ᠲᠤ ᠬᠤᠪᠢᠶᠠᠨ ᠥᠭᠴᠦ ᠢᠳᠡᠭᠦᠯᠦᠨᠡ᠃ | ᠨᠠᠶᠢᠷᠯᠠᠵᠤ ᠳᠠᠭᠤᠰᠤᠭᠠᠳ ᠶᠠᠭᠤᠮᠠ ᠬᠡᠦᠮᠡ ᠪᠠᠨ ᠲᠠᠲᠠᠵᠤ ᠪᠠᠷᠠᠭᠠ ᠬᠤᠷᠢᠶᠠᠬᠤ ᠶᠠᠪᠤᠳᠠᠯ ᠳᠠᠭᠤᠰᠳᠠᠭ᠃ | | | |