| ᠬᠤᠶᠠᠷ ᠲᠠᠯᠠ ᠠᠴᠠ ᠬᠡᠯᠡᠯᠴᠡᠵᠦ ᠪᠡᠷᠢ ᠪᠠᠭᠤᠯᠭᠠᠬᠤ ᠪᠠ ᠬᠡᠦᠬᠡᠨ ᠢᠶᠠᠨ ᠥᠭᠬᠦ ᠥᠯᠵᠡᠢ ᠲᠠᠢ ᠡᠳᠦᠷ ᠰᠢᠨᠵᠢᠭᠦᠯᠵᠦ᠂ ᠲᠤᠰ ᠲᠤᠰ ᠤᠨ ᠲᠦᠷᠦᠯ | ᠰᠠᠳᠤᠨ᠂ ᠠᠶᠢᠯ ᠬᠥᠷᠰᠢ᠂ ᠲᠠᠨᠢᠯ ᠨᠠᠷ ᠲᠤ ᠪᠠᠨ ᠵᠠᠷ ᠲᠠᠷᠬᠠᠭᠠᠨᠠ᠃ | ᠬᠡᠦᠬᠡᠨ ᠮᠣᠷᠳᠠᠬᠤ ᠠᠴᠠ ᠡᠮᠦᠨᠡ ᠨᠢᠭᠡ ᠬᠤᠶᠠᠷ ᠡᠳᠦᠷ ᠲᠤ ᠮᠣᠷᠳᠠᠬᠤ ᠬᠡᠦᠬᠡᠨ ᠤ ᠡᠭᠡᠴᠢ ᠪᠤᠶᠤ ᠨᠢᠭᠡ ᠣᠪᠣᠭ ᠤᠨ ᠠᠶᠢᠯ ᠨᠢ︽ᠣᠶᠣᠳᠠᠯ | ᠣᠳᠣᠭᠤᠯᠤᠨᠠ︾ ᠭᠡᠬᠦ ᠨᠡᠷᠡ ᠪᠠᠷ ᠬᠡᠦᠬᠡᠨ ᠢ ᠭᠡᠷ ᠲᠤ ᠪᠠᠨ ᠠᠪᠠᠴᠢᠵᠤ ᠪᠤᠷᠤᠭᠤᠯᠠᠨᠠ᠃ ᠮᠣᠷᠳᠠᠬᠤ ᠬᠡᠦᠬᠡᠨ ᠡᠨᠡ ᠬᠦ ᠨᠢᠭᠤᠴᠠ ᠶᠢ ᠭᠠᠳᠠᠷᠯᠠᠬᠤ ᠪᠣᠯᠬᠤᠷ ᠵᠣᠷᠢᠭᠤᠳᠠ | ᠰᠢᠯᠲᠠᠭ ᠬᠡᠯᠡᠨ ᠶᠠᠪᠤᠬᠤ ᠦᠭᠡᠢ ᠭᠡᠵᠦ ᠵᠥᠷᠢᠳᠡᠭ ᠪᠣᠯᠪᠠᠴᠤ ᠬᠠᠰᠢ ᠯᠠ ᠶᠠᠪᠤᠳᠠᠭ ᠪᠢᠯᠡ᠃ ᠬᠡᠦᠬᠡᠨ ᠪᠤᠷᠤᠭᠤᠯᠠᠬᠤ ᠳᠤ ᠬᠡᠳᠦᠨ ᠬᠡᠦᠬᠡᠨ ᠢᠷᠡᠵᠦ ᠬᠠᠨᠢ ᠪᠣᠯᠣᠨ | ᠬᠠᠮᠲᠤ ᠶᠠᠪᠤᠯᠴᠠᠳᠠᠭ᠃ | ᠤᠷᠢᠳᠤ ᠠᠴᠠ ᠲᠣᠭᠲᠠᠭᠰᠠᠨ ᠶᠣᠰᠣᠭᠠᠷ ᠵᠣᠬᠢᠬᠤ ᠵᠢᠯ ᠲᠠᠢ ᠬᠥᠮᠥᠨ ᠥᠭᠡᠷᠡ ᠪᠠᠷ ᠬᠡᠯᠡᠪᠡᠯ︽ᠢᠪᠡᠭᠡᠯ ᠵᠢᠯᠲᠡᠨ︾ ᠲᠣᠭᠲᠠᠭᠰᠠᠨ ᠴᠠᠭ ᠲᠤ ᠬᠤᠶᠠᠷ | ᠤᠯᠠᠭᠠᠨ ᠪᠦᠴᠡ ᠲᠠᠢ᠂ ᠬᠠᠷᠠ ᠬᠤᠷᠠᠭᠠᠨ ᠤ ᠠᠷᠠᠰᠤᠨ ᠲᠣᠭᠤᠷᠠᠭ ᠮᠠᠯᠠᠭᠠᠢ ᠶᠢ ᠨᠢᠭᠤᠨ ᠣᠯᠵᠤ ᠠᠪᠴᠤ ᠢᠷᠡᠭᠡᠳ ᠬᠡᠦᠬᠡᠨ ᠳᠤ ᠡᠮᠦᠰᠬᠡᠬᠦ ᠶᠢᠨ ᠵᠡᠷᠭᠡ ᠬᠡᠳᠦᠨ | ᠬᠥᠮᠥᠨ ᠬᠠᠮᠵᠢᠯᠴᠠᠨ ᠬᠥᠬᠡ ᠪᠦᠰᠡ ᠪᠠᠷ ᠬᠢᠭᠰᠡᠨ ᠳᠡᠪᠡᠯ ᠤᠨ ᠵᠠᠬᠠ ᠶᠢ ᠲᠣᠭᠤᠷᠢᠭᠰᠠᠨ ᠤᠯᠠᠭᠠᠨ ᠳᠠᠯᠪᠠᠭᠠ ᠲᠠᠢ ᠤᠷᠲᠤ ᠪᠠᠨ ᠡᠩᠭᠡᠷ ᠲᠠᠢ ᠴᠠᠮᠴᠠ ᠶᠢ ᠬᠡᠦᠬᠡᠨ ᠤ | ᠳᠡᠪᠡᠯ ᠤᠨ ᠭᠠᠳᠠᠭᠤᠷ ᠬᠦᠴᠦ ᠪᠠᠷ ᠡᠮᠦᠰᠬᠡᠬᠦ ᠳᠤ︽ᠴᠤᠪᠠ ᠡᠮᠦᠰᠦᠭᠰᠡᠨ︾ ᠬᠡᠦᠬᠡᠨ ᠴᠢᠩᠭᠠ ᠪᠠᠷ ᠪᠠᠷᠬᠢᠷᠠᠨ ᠤᠬᠢᠯᠠᠨᠠ᠃ ᠢᠩᠭᠢᠬᠦ ᠳᠤ ᠬᠠᠮᠲᠤ ᠪᠠᠶᠢᠭᠰᠠᠨ | ᠬᠡᠦᠬᠡᠨᠴᠦᠳ ᠲᠡᠭᠦᠨ ᠢ ᠲᠠᠭᠠᠨ ᠤᠬᠢᠯᠠᠵᠠᠭᠠᠨᠠ᠃ᠲᠡᠷᠡ ᠦᠶᠡ ᠳᠤ ᠭᠡᠷ ᠤᠨ ᠡᠵᠡᠨ ᠪᠦᠰᠡᠭᠦᠢ ᠬᠡᠦᠬᠡᠨᠴᠦᠳ ᠢ ᠠᠷᠭᠠᠳᠠᠨ ᠪᠠᠶᠢᠵᠤ ᠠᠷᠠᠢ ᠭᠡᠵᠦ ᠤᠬᠢᠯᠠᠬᠤ ᠶᠢ ᠨᠢ | ᠵᠣᠭᠰᠣᠭᠠᠨᠠ᠃ | ᠲᠡᠷᠡ ᠭᠡᠷ ᠤᠨ ᠬᠢᠨ ᠬᠡᠦᠬᠡᠨᠴᠦᠳ ᠪᠠ ᠴᠤᠭᠯᠠᠷᠠᠭᠰᠠᠳ ᠲᠤ ᠰᠢᠨᠡ ᠴᠠᠢ ᠴᠢᠨᠠᠵᠤ᠂ ᠢᠳᠡᠭᠡ ᠲᠠᠪᠠᠭ ᠵᠠᠰᠠᠵᠤ ᠬᠡᠦᠬᠡᠨ ᠳᠤ ᠬᠠᠳᠠᠭ ᠲᠠᠢ ᠰᠦ ᠪᠠᠷᠢᠵᠤ᠂ | ᠪᠤᠰᠤᠳ ᠲᠤᠨᠢ ᠬᠠᠳᠠᠭ ᠲᠠᠢ ᠠᠷᠢᠬᠢ ᠪᠠᠷᠢᠨᠠ᠃ ᠳᠠᠷᠠᠭᠠ ᠰᠢᠭᠦᠰᠦ ᠲᠠᠯᠪᠢᠵᠤ᠂ ᠬᠤᠨᠢᠨ ᠤ ᠲᠣᠯᠣᠭᠠᠢ ᠶᠢ ᠬᠡᠦᠬᠡᠨ ᠬᠡᠰᠦᠭᠦᠯᠦᠭᠴᠢ ᠶᠢᠨ ᠲᠦᠷᠦᠭᠦᠦ ᠳᠤ᠂ | ᠤᠭᠤᠴᠠ ᠶᠢ ᠴᠤᠪᠠ ᠡᠮᠦᠰᠦᠭᠰᠡᠨ ᠬᠡᠦᠬᠡᠨ ᠳᠤ᠂ ᠪᠤᠰᠤᠳ ᠲᠤᠨᠢ ᠮᠢᠬᠠ ᠬᠤᠪᠢᠶᠠᠨ ᠲᠠᠯᠪᠢᠨᠠ᠃ ᠬᠡᠦᠬᠡᠨ ᠬᠡᠰᠦᠭᠦᠯᠦᠭᠴᠢ ᠲᠣᠯᠣᠭᠠᠢ ᠠᠴᠠ ᠣᠭᠲᠣᠯᠵᠤ ᠭᠠᠯ ᠳᠤ | ᠡᠷᠭᠦᠨ᠂ ᠥᠪᠡᠷ ᠢᠶᠠᠨ ᠠᠮᠠ ᠬᠦᠷᠦᠭᠡᠳ ᠲᠣᠯᠣᠭᠠᠢ ᠶᠢ ᠲᠡᠷᠡ ᠠᠶᠢᠯ ᠤᠨ ᠡᠵᠡᠨ ᠪᠤᠶᠤ ᠬᠦᠦ ᠳᠤᠨᠢ ᠥᠭᠭᠦᠨᠡ᠃ ᠴᠤᠪᠠ ᠲᠠᠢ ᠬᠡᠦᠬᠡᠨ ᠤ ᠤᠭᠤᠴᠠ ᠶᠢ ᠥᠭᠡᠷᠡ | ᠬᠥᠮᠥᠨ ᠬᠠᠶᠢᠵᠤ ᠥᠭᠬᠦ ᠳᠤ ᠴᠤᠪᠠ ᠲᠠᠢ ᠬᠡᠦᠬᠡᠨ ᠬᠠᠷᠠ ᠬᠤᠷᠠᠭᠠᠨ ᠮᠠᠯᠠᠭᠠᠢ ᠶᠢᠨ ᠡᠮᠦᠨᠡ ᠰᠠᠷᠠᠪᠴᠢ ᠶᠢ ᠳᠠᠷᠤᠭᠰᠠᠨ ᠬᠡᠪ ᠢᠶᠠᠷ ᠪᠣᠰᠴᠤ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ | ᠤᠭᠤᠴᠠᠨ ᠤ ᠭᠤᠣᠯ ᠤᠨ ᠳᠡᠭᠡᠳᠦ ᠦᠵᠦᠭᠦᠷ ᠢ ᠲᠤᠯᠭᠠᠨ ᠵᠦᠭ ᠬᠠᠨᠳᠤᠭᠤᠯᠤᠨ ᠪᠠᠷᠢᠵᠤ ᠲᠡᠷᠡ ᠠᠶᠢᠯ ᠤᠨ ᠡᠬᠡᠨᠡᠷ ᠲᠤ ᠥᠭᠭᠦᠨᠡ᠃ ᠢᠩᠭᠢᠭᠡᠳ ᠪᠦᠭᠦᠳᠡᠭᠡᠷ | ᠰᠢᠭᠦᠰᠦ ᠪᠠᠷᠢᠵᠠᠭᠠᠨ ᠬᠡᠦᠬᠡᠨᠴᠦᠳ ᠠᠶᠠ ᠪᠠᠷᠢᠨᠠ᠃ ᠬᠡᠷᠪᠡ ᠲᠡᠷᠡ ᠭᠡᠷ ᠲᠤ ᠬᠤᠨᠣᠪᠠᠯ ᠣᠶᠢᠷᠠ ᠬᠠᠪᠢ ᠶᠢᠨ ᠬᠥᠮᠥᠰ ᠴᠤᠭᠯᠠᠷᠠᠨ ᠦᠳᠡᠰᠢ ᠣᠷᠣᠢ ᠪᠣᠯᠲᠠᠯᠠ | ᠳᠠᠭᠤᠯᠠᠯᠴᠠᠬᠤ ᠪᠤᠶᠤ ᠭᠠᠳᠠᠨᠠ ᠭᠠᠷᠴᠤ ᠨᠠᠭᠠᠳᠴᠠᠭᠠᠨᠠ᠃ ᠬᠡᠷᠪᠡ ᠬᠤᠨᠣᠬᠤ ᠦᠭᠡᠢ ᠪᠣᠯ ᠴᠤᠪᠠ ᠲᠠᠢ ᠬᠡᠦᠬᠡᠨ ᠮᠣᠷᠳᠠᠬᠤ ᠦᠶᠡ ᠳᠤ ᠲᠡᠷᠡ ᠠᠶᠢᠯ ᠬᠡᠦᠬᠡᠨ ᠳᠤ | ᠬᠤᠷᠭᠤᠢ ᠲᠣᠷᠭᠠ ᠪᠤᠶᠤ ᠬᠠᠶᠢᠷᠴᠠᠭ ᠪᠣᠣᠪᠤ ᠵᠡᠷᠭᠡ ᠪᠡᠯᠡᠭ ᠥᠭᠭᠦᠨᠡ᠃ ᠬᠡᠦᠬᠡᠨ ᠬᠡᠰᠦᠭᠦᠯᠬᠦ ᠳᠤ ᠪᠠᠰᠠ ᠬᠡᠳᠦᠨ ᠡᠷᠡᠭᠲᠡᠶᠢᠴᠦᠳ ᠶᠠᠪᠤᠯᠴᠠᠳᠠᠭ᠃ ᠲᠡᠳᠡᠨ ᠤ ᠨᠢᠭᠡ | ᠨᠢ ᠲᠦᠷᠦᠭᠦᠦ ᠪᠣᠯᠵᠤ ᠬᠡᠵᠢᠶᠡ ᠬᠠᠮᠢᠭᠠ ᠬᠦᠷᠴᠦ ᠬᠡᠦᠬᠡᠨ ᠨᠠᠭᠠᠳᠤᠭᠤᠯᠬᠤ ᠵᠠᠷ ᠲᠠᠯᠪᠢᠳᠠᠭ᠃ | ᠴᠤᠪᠠ ᠲᠠᠢ ᠬᠡᠦᠬᠡᠨ ᠠᠩᠬᠠᠨ ᠤ ᠠᠶᠢᠯ ᠠᠴᠠ ᠮᠣᠷᠳᠠᠭᠠᠳ ᠥᠪᠡᠷ ᠤᠨ ᠭᠡᠷ ᠲᠤ ᠪᠠᠨ ᠬᠠᠷᠢᠲᠠᠯᠠ ᠲᠦᠷᠦᠯ ᠰᠠᠳᠤᠨ ᠪᠤᠶᠤ ᠲᠠᠨᠢᠯ ᠳᠠᠰᠤᠯ ᠨᠠᠶᠢᠵᠠ | ᠨᠤᠭᠤᠳ ᠢᠶᠠᠷ ᠠᠶᠢᠯᠴᠢᠯᠠᠨ ᠶᠠᠪᠤᠬᠤ ᠶᠢ︽ᠬᠡᠦᠬᠡᠨ ᠬᠡᠰᠦᠭᠦᠯᠬᠦ︾ ᠭᠡᠳᠡᠭ᠃ ᠬᠡᠦᠬᠡᠨ ᠬᠡᠰᠦᠭᠦᠯᠦᠭᠴᠢ ᠨᠢ ᠣᠷᠣᠬᠤ ᠶᠣᠰᠣᠲᠠᠢ ᠠᠶᠢᠯ ᠪᠦᠬᠦᠨ ᠢᠶᠠᠷ ᠣᠷᠤᠭᠤᠯᠬᠤ ᠶᠢ | ᠬᠠᠷᠢᠭᠤᠴᠠᠨᠠ᠃ ᠡᠭᠦᠨ ᠳᠤ ᠴᠡᠭᠡᠷᠯᠡᠬᠦ ᠵᠦᠢᠯ ᠪᠣᠯ ᠵᠠᠷ ᠦᠭᠡᠢ ᠠᠶᠢᠯ ᠳᠤ ᠣᠷᠣᠬᠤ ᠦᠭᠡᠢ᠃ ᠬᠦᠷᠭᠡᠨ ᠤ ᠣᠶᠢᠷᠠ ᠲᠦᠷᠦᠯ ᠪᠤᠶᠤ ᠲᠡᠳᠡᠨ ᠤ ᠨᠢᠭᠡ ᠣᠪᠣᠭ ᠤᠨ | ᠠᠶᠢᠯ ᠳᠤ ᠣᠷᠣᠬᠤ ᠦᠭᠡᠢ᠃ ᠬᠡᠦᠬᠡᠨ ᠬᠡᠰᠦᠭᠦᠯᠬᠦ ᠳᠤ ᠬᠠᠨᠢ ᠪᠣᠯᠵᠤ ᠶᠠᠪᠤᠭᠠ ᠬᠡᠦᠬᠡᠨᠴᠦᠳ ᠤᠨ ᠳᠣᠲᠣᠷᠠ ᠬᠠᠳᠠᠮ ᠲᠠᠢ ᠬᠡᠦᠬᠡᠨ ᠪᠠᠶᠢᠪᠠᠯ ᠬᠠᠳᠠᠮ ᠤᠨ ᠳᠤ ᠨᠢ | ᠣᠷᠤᠭᠤᠯᠬᠤ ᠦᠭᠡᠢ᠃ ᠠᠳᠠᠯᠢ ᠬᠤᠭᠤᠴᠠᠭᠠᠨ ᠳᠤ ᠬᠤᠶᠠᠷ ᠬᠡᠦᠬᠡᠨ ᠢ ᠬᠡᠰᠦᠭᠦᠯᠵᠦ ᠶᠠᠪᠤᠪᠠᠯ ᠲᠡᠷᠡ ᠬᠤᠶᠠᠷ ᠬᠡᠰᠦᠭᠦᠯᠵᠦ ᠶᠠᠪᠤᠭᠠ ᠬᠡᠦᠬᠡᠨ ᠢ ᠬᠤᠭᠤᠷᠣᠨᠳᠤ ᠨᠢ | ᠠᠭᠤᠯᠵᠠᠭᠤᠯᠬᠤ ᠦᠭᠡᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ | ᠨᠠᠭᠠᠳᠤᠭᠤᠯᠤᠭᠰᠠᠨ ᠠᠶᠢᠯ ᠠᠴᠠ ᠮᠣᠷᠳᠠᠭᠠᠳ ᠴᠤᠪᠠ ᠲᠠᠢ ᠬᠡᠦᠬᠡᠨ ᠬᠡᠰᠦᠬᠦ ᠳᠤ ᠪᠠᠨ ᠬᠠᠷᠠ ᠬᠤᠷᠠᠭᠠᠨ ᠮᠠᠯᠠᠭᠠᠢ ᠶᠢᠨ ᠢᠶᠠᠨ ᠰᠠᠷᠠᠪᠴᠢ ᠶᠢ ᠬᠡᠵᠢᠶᠡᠳᠡ | ᠳᠣᠷᠣᠭᠰᠢ ᠳᠠᠷᠤᠵᠤ ᠶᠠᠪᠤᠳᠠᠭ᠃ ᠠᠶᠢᠯ ᠳᠤ ᠣᠷᠣᠬᠤ ᠪᠤᠶᠤ ᠮᠣᠷᠳᠠᠬᠤ ᠪᠦᠷᠢ ᠴᠤᠪᠠ ᠲᠠᠢ ᠬᠡᠦᠬᠡᠨ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠨᠢᠭᠤᠷ ᠢᠶᠠᠨ ᠪᠦᠲᠡᠭᠡᠵᠦ ᠤᠭᠢᠯᠠᠨ | ᠶᠠᠪᠤᠨᠠ᠃ ᠣᠷᠤᠭᠤᠯᠬᠤ ᠠᠶᠢᠯ ᠤᠨ ᠪᠦᠰᠡᠭᠦᠶᠢᠴᠦᠳ ᠤᠭᠲᠤᠨ ᠣᠴᠢᠵᠤ ᠠᠷᠭᠠᠳᠠᠨ ᠲᠠᠶᠢᠳᠬᠤᠷᠠᠭᠤᠯᠤᠨᠠ᠃ ᠭᠡᠷ ᠲᠤ ᠪᠠᠨ ᠣᠷᠣᠭᠤᠯᠤᠮᠠᠭᠴᠠ ᠴᠥᠮ ᠨᠢᠭᠡᠨ | ᠠᠳᠠᠯᠢ ᠴᠠᠢ ᠢᠳᠡᠭᠡ ᠲᠠᠯᠪᠢᠨ᠂ ᠰᠦ ᠪᠠᠷᠢᠵᠤ᠂ ᠨᠢᠭᠡᠨ ᠵᠢᠷᠤᠮ ᠢᠶᠠᠷ ᠵᠣᠴᠢᠯᠠᠨ ᠳᠠᠶᠢᠯᠠᠵᠤ ᠨᠠᠭᠠᠳᠤᠭᠤᠯᠤᠨᠠ᠃ | ᠴᠤᠪᠠ ᠲᠠᠢ ᠬᠡᠦᠬᠡᠨ ᠬᠡᠰᠦᠵᠦ ᠪᠠᠷᠠᠭᠠᠳ ᠭᠡᠷ ᠲᠤ ᠪᠠᠨ ᠪᠤᠴᠠᠵᠤ ᠢᠷᠡᠬᠦ ᠳᠤ ᠪᠠᠨ ᠭᠡᠷ ᠣᠶᠢᠷᠠᠳᠬᠤ ᠲᠤᠲᠤᠮ ᠤᠯᠠᠮ ᠶᠡᠭᠡ ᠤᠬᠢᠯᠠᠨᠠ᠂ ᠬᠠᠨᠢ ᠪᠣᠯᠵᠤ | ᠶᠠᠪᠤᠭᠠ ᠬᠡᠦᠬᠡᠨᠴᠦᠳ ᠴᠦ ᠪᠠᠰᠠ ᠲᠡᠰᠴᠦ ᠴᠢᠳᠠᠬᠤ ᠦᠭᠡᠢ ᠤᠬᠢᠯᠠᠵᠠᠭᠠᠨᠠ᠃ ᠡᠨᠡ ᠦᠶᠡ ᠳᠤ ᠴᠤᠪᠠ ᠲᠠᠢ ᠬᠡᠦᠬᠡᠨ ᠤ ᠮᠣᠷᠢᠨ ᠠᠴᠠ ᠤᠨᠠᠬᠤ ᠶᠢ ᠪᠣᠯᠭᠤᠮᠵᠢᠯᠠᠵᠤ | ᠥᠭᠡᠷᠡ ᠬᠥᠮᠥᠨ ᠮᠣᠷᠢᠨ ᠳᠤᠨᠢ ᠰᠤᠨᠳᠠᠯᠠᠵᠤ ᠲᠦᠰᠢᠨ ᠶᠠᠪᠤᠨᠠ᠃ | ᠬᠡᠦᠬᠡᠨ ᠭᠡᠷ ᠲᠤ ᠪᠠᠨ ᠬᠦᠷᠬᠦ ᠦᠶᠡ ᠳᠤ ᠡᠭᠡᠴᠢ ᠪᠣᠯᠣᠨ ᠪᠡᠷᠭᠡᠨ ᠨᠢ ᠤᠭᠲᠤᠨ ᠢᠷᠡᠵᠦ ᠤᠬᠢᠯᠠᠬᠤ ᠨᠢ ᠤᠬᠢᠯᠠᠵᠤ᠂ ᠠᠷᠭᠠᠳᠠᠬᠤ ᠨᠢ ᠠᠷᠭᠠᠳᠠᠵᠤ | ᠪᠠᠶᠢᠳᠠᠭ᠃ ᠬᠡᠳᠦᠨ ᠠᠶᠢᠯ ᠬᠠᠮᠲᠤ ᠪᠠᠶᠢᠪᠠᠯ ᠬᠡᠦᠬᠡᠨ ᠤᠷᠢᠳ ᠢᠶᠠᠷ ᠬᠥᠷᠰᠢ ᠠᠶᠢᠯ ᠢᠶᠠᠷ ᠣᠷᠣᠵᠤ ᠬᠠᠮᠤᠭ ᠤᠨ ᠰᠡᠭᠦᠯ ᠳᠤ ᠭᠡᠷ ᠲᠤ ᠪᠠᠨ ᠣᠷᠣᠳᠠᠭ᠃ ᠭᠡᠷ ᠲᠤ ᠪᠠᠨ | ᠣᠷᠣᠬᠤ ᠦᠶᠡ ᠳᠤ ᠡᠴᠢᠭᠡ ᠡᠬᠡ ᠨᠢ ᠦᠨᠦᠰᠬᠦ ᠳᠤ ᠬᠡᠦᠬᠡᠨ ᠤᠯᠠᠮ ᠶᠡᠭᠡ ᠤᠬᠢᠯᠠᠳᠠᠭ ᠪᠣᠯᠬᠤᠷ ᠠᠷᠭᠠᠳᠠᠨ ᠲᠠᠶᠢᠳᠬᠠᠷᠤᠭᠤᠯᠵᠤ᠂ ᠡᠩᠬᠦᠷᠡᠶᠢᠯᠡᠨ ᠬᠠᠶᠢᠷᠠᠯᠠᠵᠤ | ᠳᠣᠲᠣᠭᠰᠢ ᠣᠷᠣᠭᠤᠯᠳᠠᠭ᠃ | | | |