| ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠲᠦᠭᠵᠢᠷᠡᠯ ᠤᠯᠠᠭᠠᠨ ᠬᠤᠭᠤᠯᠠᠢ ᠳᠤ ᠢᠳᠡᠰᠢ ᠪᠤᠶᠤ ᠪᠤᠰᠤᠳ ᠶᠠᠭᠤᠮᠠ ᠤᠷᠤᠵᠤ | ᠲᠦᠭᠵᠢᠵᠦ ᠪᠢᠲᠡᠭᠦᠷᠡᠭᠰᠡᠨ ᠢ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠲᠦᠭᠵᠢᠷᠡᠯ ᠭᠡᠳᠡᠭ᠃ | 【 ᠡᠪᠡᠳᠴᠢᠨ ᠤ ᠰᠢᠯᠲᠡᠭᠠᠨ 】 | ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠲᠦᠭᠵᠢᠷᠡᠯ ᠪᠤᠯ ᠭᠤᠤᠯᠳᠠᠭᠤ ᠢᠳᠡᠰᠢ ᠪᠤᠶᠤ ᠦᠭᠡᠷᠡ ᠪᠤᠰᠤᠳ ᠶᠠᠭᠤᠮᠠ ᠶᠢ | ᠪᠦᠬᠦᠯᠢ ᠬᠠᠭ᠋ᠤᠯᠢ ᠪᠠᠷ ᠨᠢ ᠵᠠᠯᠭᠢᠭᠰᠠᠨ ᠠᠴᠠ ᠪᠤᠯᠤᠭᠰᠠᠨ ᠶᠤᠮ᠃ ᠲᠤᠬᠠᠶᠢᠯᠠᠪᠠᠯ ᠲᠦᠮᠦᠰᠦ᠂ ᠬᠤ᠋ ᠯᠤᠤᠪᠠᠩ᠂ | ᠠᠮᠲᠠᠲᠤ ᠲᠦᠮᠦᠰᠦ ᠵᠡᠷᠭᠡ ᠲᠦᠮᠦᠰᠦᠯᠢᠭ ᠦᠨᠳᠦᠰᠦ ᠪᠤᠶᠤ ᠲᠦᠮᠦᠰᠦᠯᠢᠭ ᠡᠰᠢᠲᠦ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠶᠢ | ᠵᠢᠵᠢᠭᠯᠡᠨ ᠬᠡᠷᠴᠢᠬᠦ ᠦᠭᠡᠢ ᠪᠠᠷ ᠲᠡᠵᠢᠭᠡᠬᠦ ᠪᠠ ᠳ᠋ᠸᠦᠪᠢᠩ ᠢ ᠵᠦᠭᠡᠯᠡᠷᠡᠲᠡᠯᠡ ᠳᠡᠪᠲᠦᠭᠡᠬᠦ ᠦᠭᠡᠢ ᠪᠠᠷ ᠲᠡᠵᠢᠭᠡᠪᠡᠯ | ᠠᠮᠠᠷᠬᠠᠨ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠲᠦᠭᠵᠢᠷᠡᠯ ᠤᠯᠤᠨᠠ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠦᠯᠦᠰᠭᠦᠯᠡᠩ ᠦᠬᠡᠷ | ᠲᠡᠵᠢᠭᠡᠯ ᠪᠤᠷᠳᠤᠭᠠ ᠶᠢ ᠰᠠᠶᠢᠲᠤᠷ ᠵᠠᠵᠢᠯᠬᠤ ᠦᠭᠡᠢ ᠪᠠᠷ ᠪᠦᠬᠦᠯᠢ ᠬᠠᠭ᠋ᠤᠯᠢ ᠪᠠᠷ ᠵᠠᠯᠭᠢᠬᠤ ᠪᠤᠶᠤ ᠬᠠᠮᠢᠶᠠᠷᠤᠯᠲᠠ ᠨᠢ | ᠠᠨᠠᠢ ᠪᠠ ᠰᠢᠮᠡ ᠲᠡᠵᠢᠭᠡᠯ ᠨᠢ ᠬᠦᠷᠦᠯᠴᠡᠬᠦ ᠦᠭᠡᠢ ᠠᠴᠠ ᠪᠤᠯᠵᠤ ᠦᠬᠡᠷ ᠦᠪᠡᠷ ᠤᠨ ᠪᠡᠶᠡ ᠳᠡᠭᠡᠷᠡᠬᠢ ᠦᠰᠦ ᠪᠠᠨ | ᠳᠤᠯᠢᠶᠠᠬᠤ᠂ ᠡᠰᠡᠭᠦᠯᠡ ᠦᠭᠡᠷᠡ ᠪᠤᠰᠤᠳ ᠶᠠᠭᠤᠮᠠ ᠶᠢ ᠵᠠᠯᠭᠢᠨ ᠤᠷᠤᠭᠤᠯᠪᠠᠯ ᠭᠦᠵᠡᠭᠡᠨ ᠳᠤᠨᠢ ᠠᠮᠠᠷᠬᠠᠨ ᠨᠢᠭᠡ | ᠪᠦᠭᠡᠮ ᠪᠤᠯᠵᠤ ᠪᠦᠭᠡᠮᠨᠡᠷᠡᠨᠡ᠂ ᠲᠡᠭᠡᠭᠡᠳ ᠦᠬᠡᠷ ᠬᠡᠪᠢᠬᠦ ᠦᠶᠡ ᠳᠤ ᠤᠯᠠᠭᠠᠨ ᠬᠤᠭᠤᠯᠠᠢ ᠳᠤᠨᠢ ᠮᠠᠰᠢ ᠠᠮᠠᠷᠬᠠᠨ | ᠲᠡᠭᠡᠭᠯᠡᠭᠳᠡᠨ ᠲᠦᠭᠵᠢᠷᠡᠳᠡᠭ᠃ | 【 ᠭᠤᠤᠯ ᠪᠤᠯᠬᠤ ᠰᠢᠨᠵᠢ ᠲᠡᠮᠳᠡᠭ 】 | ᠦᠨᠢᠶᠡ ᠦᠷᠭᠦᠯᠵᠢ ᠢᠳᠡᠰᠢᠯᠠᠵᠦ ᠪᠠᠶᠢᠬᠤ ᠳᠤᠮᠳᠠ ᠪᠠᠨ ᠭᠡᠨᠡᠳᠲᠡ ᠡᠪᠡᠳᠴᠢᠯᠡᠨᠡ᠂ ᠲᠤᠬᠠᠶᠢᠯᠠᠪᠠᠯ ᠶᠠᠪᠤᠵᠤ | ᠭᠢᠰᠭᠢᠬᠦ ᠨᠢ ᠲᠤᠭᠲᠠᠪᠤᠷᠢ ᠦᠭᠡᠢ ᠪᠤᠯᠬᠤ᠂ ᠲᠤᠯᠤᠭᠠᠢ ᠬᠦᠵᠦᠭᠦᠦ ᠪᠠᠨ ᠰᠤᠨᠢᠶᠠᠬᠤ᠂ ᠲᠤᠯᠤᠭᠠᠢ ᠪᠠᠨ ᠰᠡᠭᠰᠦᠷᠬᠦ᠂ | ᠰᠢᠯᠦᠰᠦ ᠪᠠᠨ ᠭᠤᠭᠤᠵᠢᠭᠤᠯᠬᠤ᠂ ᠬᠤᠭᠤᠰᠤᠨ ᠢᠶᠠᠷ ᠵᠠᠵᠢᠯᠠᠬᠤ ᠵᠡᠷᠭᠡ ᠢᠯᠡᠷᠡᠯ ᠲᠠᠢ ᠶᠤᠮ᠃ ᠤᠯᠠᠭᠠᠨ | ᠬᠤᠭᠤᠯᠠᠢ ᠶᠢᠨ ᠲᠦᠭᠵᠢᠷᠡᠯ ᠢ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠳᠡᠭᠡᠷᠡ ᠬᠡᠰᠡᠭ ᠲᠠᠬᠢ ᠲᠦᠭᠵᠢᠷᠡᠯ ᠪᠠ ᠤᠯᠠᠭᠠᠨ | ᠬᠤᠭᠤᠯᠠᠢ ᠶᠢᠨ ᠳᠤᠤᠷᠠ ᠬᠡᠰᠡᠭ ᠲᠠᠬᠢ ᠲᠦᠭᠵᠢᠷᠡᠯ ᠭᠡᠵᠦ ᠬᠤᠶᠠᠷ ᠬᠤᠪᠢᠶᠠᠳᠠᠭ᠃ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ | ᠳᠠᠭᠡᠷᠡ ᠬᠡᠰᠡᠭ ᠨᠢ ᠲᠦᠭᠵᠢᠷᠡᠪᠡᠯ ᠦᠬᠡᠷ ᠢᠳᠡᠰᠢᠯᠡᠬᠦ ᠪᠠᠨ ᠵᠤᠭᠰᠤᠨᠠ᠂ ᠡᠨᠡ ᠦᠶᠡ ᠳᠤ ᠬᠦᠵᠦᠭᠦᠨ ᠤ ᠵᠡᠭᠦᠨ | ᠲᠠᠯᠠ ᠳᠤᠨᠢ ᠲᠦᠭᠵᠢᠷᠡᠭᠰᠡᠨ ᠶᠠᠭᠤᠮᠠ ᠨᠢ ᠤᠯᠵᠤ ᠬᠠᠷᠠᠭᠳᠠᠬᠤ ᠪᠤᠶᠤ ᠤᠯᠵᠤ ᠲᠡᠮᠲᠡᠷᠢᠭᠳᠡᠨᠡ᠃ ᠤᠯᠠᠭᠠᠨ | ᠬᠤᠭᠤᠯᠠᠢ ᠶᠢᠨ ᠳᠤᠤᠷᠠ ᠬᠡᠰᠡᠭ ᠨᠢ ᠲᠦᠭᠵᠢᠷᠡᠪᠡᠯ ᠲᠦᠭᠵᠢᠷᠡᠭᠰᠡᠨ ᠬᠡᠰᠡᠭ ᠤᠨ ᠳᠡᠭᠡᠷᠡ ᠨᠢ ᠰᠢᠯᠦᠰᠦ ᠳᠦᠭᠦᠷᠲᠡᠯᠡ | ᠬᠤᠷᠠᠵᠤ᠂ ᠤᠯᠠᠭᠠᠨ ᠬᠤᠭᠤᠯᠠᠢ ᠨᠢ ᠳᠠᠯᠠᠨ ᠶᠡᠬᠡᠳᠦᠭᠡᠳ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠬᠠᠶᠢᠭᠤᠯ ᠨᠢ ᠲᠦᠭᠵᠢᠷᠡᠭᠰᠡᠨ | ᠬᠡᠰᠡᠭ ᠲᠤ ᠰᠠᠭᠠᠲᠠᠭᠤᠯᠤᠭᠳᠠᠨᠠ᠂ ᠡᠭᠦᠨ ᠠᠴᠠ ᠭᠠᠳᠠᠨᠠ ᠭᠦᠵᠡᠭᠡ ᠳᠤᠨᠢ ᠪᠠᠰᠠ ᠬᠡᠢ ᠳᠦᠭᠦᠷᠦᠭᠰᠡᠨ ᠪᠠᠶᠢᠳᠠᠭ᠃ | 【 ᠡᠮᠨᠡᠨ ᠵᠠᠰᠠᠬᠤ ᠠᠷᠭᠠ 】 | ᠲᠦᠭᠵᠢᠷᠡᠭᠰᠡᠨ ᠶᠠᠭᠤᠮᠠ ᠶᠢ ᠨᠢ ᠳᠠᠷᠤᠢ ᠲᠦᠷᠭᠡᠨ ᠠᠪᠴᠤ ᠭᠠᠷᠭᠠᠬᠤ ᠬᠡᠷᠡᠭᠲᠡᠢ᠃ ᠬᠡᠷᠪᠡ ᠭᠦᠵᠡᠭᠡ ᠳᠤᠨᠢ | ᠬᠡᠢ ᠳᠦᠭᠦᠷᠦᠭᠰᠡᠨ ᠪᠤᠯ ᠭᠦᠵᠡᠭᠡ ᠶᠢ ᠨᠢ ᠵᠡᠭᠦᠯᠡᠬᠦ ᠵᠠᠰᠠᠯ ᠢᠶᠠᠷ ᠳᠠᠮᠵᠢᠨ ᠬᠡᠢ ᠶᠢ ᠨᠢ ᠠᠯᠭᠤᠷ ᠵᠶᠠᠷ ᠲᠠᠯᠪᠢᠨᠠ᠃ | ᠲᠦᠭᠵᠢᠷᠡᠭᠰᠡᠨ ᠶᠠᠭᠤᠮᠠ ᠨᠢ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠳᠡᠭᠡᠷᠡ ᠬᠡᠰᠡᠭ ᠲᠤ ᠪᠠᠶᠢᠪᠠᠯ ᠠᠮᠠᠨ ᠬᠦᠨᠳᠡᠢ ᠪᠠᠷ ᠨᠢ | ᠭᠠᠷᠭᠠᠨ ᠠᠪᠤᠨᠠ᠃ ᠡᠭᠦᠨ ᠳᠤ ᠦᠨᠢᠶᠡ ᠪᠠᠨ ᠰᠠᠶᠢᠲᠤᠷ ᠬᠦᠯᠢᠵᠦ ᠤᠶᠠᠭᠰᠠᠨ ᠤ ᠳᠠᠷᠠᠭᠠ ᠨᠢᠭᠡ ᠬᠦᠮᠦᠨ ᠨᠢ | ᠠᠮᠠ ᠶᠢ ᠨᠢ ᠠᠩᠭᠠᠶᠢᠯᠭᠠᠬᠤ ᠪᠠᠭᠠᠵᠢ ᠪᠠᠷ ᠠᠮᠠ ᠶᠢ ᠨᠢ ᠠᠩᠭᠠᠶᠢᠯᠭᠠᠭᠠᠳ ᠤᠷᠢᠳ ᠢᠶᠠᠷ ᠤᠯᠠᠭᠠᠨ ᠬᠤᠭᠤᠯᠠᠢ ᠳᠤᠨᠢ | 100～200 ᠮᠢᠯᠢᠯᠢᠲ᠋ᠧᠷ ᠤᠨ ᠤᠷᠭᠤᠮᠠᠯ ᠤᠨ ᠲᠤᠰᠤ ᠴᠢᠳᠬᠤᠨ ᠤᠷᠤᠭᠤᠯᠤᠨᠠ᠂ ᠲᠡᠭᠡᠭᠡᠳ ᠨᠦᠭᠦᠭᠡ ᠨᠢᠭᠡ | ᠬᠦᠮᠦᠨ ᠨᠢ ᠦᠨᠢᠶᠡ ᠶᠢᠨ ᠬᠤᠭᠤᠯᠠᠢ ᠳᠤ ᠲᠦᠭᠵᠢᠷᠡᠭᠰᠡᠨ ᠶᠠᠭᠤᠮᠠ ᠶᠢ ᠪᠠᠭᠠᠯᠵᠤᠤᠷ ᠦᠭᠡᠳᠡ ᠲᠦᠯᠬᠢᠨ | ᠤᠶᠢᠷᠠᠲᠤᠭᠤᠯᠤᠭᠠᠳ ᠭᠠᠷ ᠢᠶᠠᠷ ᠢᠶᠠᠨ ᠪᠤᠶᠤ ᠬᠠᠪᠴᠢᠭᠤᠷ ᠢᠶᠠᠷ ᠲᠠᠲᠠᠵᠤ ᠭᠠᠷᠭᠠᠪᠠᠯ ᠪᠤᠯᠴᠢᠬᠠᠨᠠ᠃ | ᠲᠦᠭᠵᠢᠷᠡᠭᠰᠡᠨ ᠶᠠᠭᠤᠮᠠ ᠨᠢ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢᠨ ᠳᠤᠤᠷᠠ ᠬᠡᠰᠡᠭ ᠲᠤ ᠪᠠᠶᠢᠪᠠᠯ᠂ ᠤᠷᠢᠳ ᠵᠶᠠᠷ | ᠪᠤᠯᠴᠢᠩ ᠳᠤᠨᠢ ᠺᠢᠯᠤᠭ᠍ᠷᠡᠮ ᠪᠦᠷᠢ ᠪᠡᠶᠡ ᠶᠢᠨ ᠬᠦᠨᠳᠦ ᠳᠤ 1 ᠮᠢᠯᠢᠭᠷᠡᠮ ᠤᠨ ᠡᠾᠯᠤᠷ ᠫᠷᠤᠮᠠᠽᠢᠨ ᠲᠠᠷᠢᠬᠤ ᠪᠤᠶᠤ | ᠠᠷᠠᠰᠤᠨ ᠳᠤᠤᠷᠠ ᠨᠢ 16～32 ᠮᠢᠯᠢᠭᠷᠡᠮ ᠤᠨ ᠬᠦᠬᠦᠷ ᠬᠦᠴᠢᠯ ᠤᠨ ᠠᠳ᠋ᠷᠤᠫᠢᠨ ᠲᠠᠷᠢᠬᠤ ᠶᠢᠨ ᠵᠡᠷᠭᠡ ᠪᠠᠷ | ᠤᠯᠠᠭᠠᠨ ᠬᠤᠭᠤᠯᠠᠢ ᠳᠤᠨᠢ 200～300 ᠮᠢᠯᠢᠯᠢᠳ᠋ᠷ ᠤᠨ ᠤᠷᠭᠤᠮᠠᠯ ᠤᠨ ᠲᠤᠰᠤ ᠴᠢᠳᠬᠤᠨᠠ᠂ ᠴᠢᠩᠬᠢᠭᠡᠳ | ᠬᠤᠲᠤᠭᠤᠲᠤᠨ ᠬᠠᠶᠢᠭᠤᠯ ᠢᠶᠠᠷ ᠲᠦᠭᠵᠢᠷᠡᠭᠰᠡᠨ ᠶᠠᠭᠤᠮᠠ ᠶᠢ ᠨᠢ ᠠᠯᠭᠤᠷ ᠢᠶᠠᠷ ᠭᠦᠵᠡᠭᠡᠨ ᠳᠤᠨᠢ ᠲᠦᠯᠬᠢᠨ | ᠤᠷᠤᠭᠤᠯᠤᠨᠠ᠃ ᠬᠡᠷᠪᠡ ᠳᠡᠭᠡᠷᠡᠬᠢ ᠵᠠᠰᠠᠯ ᠢᠶᠠᠷ ᠭᠠᠷᠭᠠᠨ ᠠᠪᠴᠤ ᠳᠡᠶᠢᠯᠬᠦ ᠦᠭᠡᠢ ᠪᠤᠯ ᠡᠷᠬᠡᠪᠰᠢ ᠮᠡᠰᠡ ᠵᠠᠰᠠᠯ | ᠬᠢᠬᠦ ᠬᠡᠷᠡᠭᠲᠡᠢ᠂ ᠡᠭᠦᠨ ᠳᠤ ᠳᠠᠷᠤᠢ ᠭᠦᠵᠦᠭᠦᠨ ᠤ ᠬᠡᠰᠡᠭ ᠲᠠᠬᠢ ᠤᠯᠠᠭᠠᠨ ᠬᠤᠭᠤᠯᠠᠢ ᠶᠢ ᠨᠢ ᠬᠠᠭᠠᠯᠤᠭᠠᠳ | ᠲᠦᠭᠵᠢᠷᠡᠭᠰᠡᠨ ᠶᠠᠭᠤᠮᠠ ᠶᠢ ᠨᠢ ᠭᠠᠷᠭᠠᠨ ᠠᠪᠤᠪᠠᠯ ᠪᠤᠯᠴᠢᠬᠠᠨᠠ᠃ | 【 ᠤᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠠᠷᠭᠠ 】 | ᠠᠷᠠᠴᠢᠯᠠᠨ ᠬᠠᠮᠢᠶᠠᠷᠤᠯᠲᠠ ᠪᠠᠨ ᠴᠢᠩᠭᠠᠳᠬᠠᠵᠤ᠂ ᠲᠦᠮᠦᠰᠦᠯᠢᠭ ᠦᠨᠳᠦᠰᠦ ᠪᠠ ᠲᠦᠮᠦᠰᠦᠯᠢᠭ ᠡᠰᠢᠲᠦ | ᠲᠡᠵᠢᠭᠡᠯ ᠢ ᠵᠢᠵᠢᠭᠯᠡᠨ ᠬᠡᠷᠴᠢᠭᠡᠳ ᠲᠡᠵᠢᠭᠡᠬᠦ ᠪᠤᠶᠤ ᠪᠤᠭᠤᠷᠰᠤᠭ ᠤᠨ ᠲᠦᠷᠦᠯ ᠤᠨ ᠲᠡᠵᠢᠭᠡᠯ ᠢ ᠵᠦᠭᠡᠯᠡᠷᠡᠲᠡᠯᠡ | ᠳᠡᠪᠲᠦᠭᠡᠵᠦ ᠨᠢᠴᠠᠯᠤᠭᠠᠳ ᠲᠡᠵᠢᠭᠡᠬᠦ ᠬᠡᠷᠡᠭᠲᠡᠢ᠃ ᠦᠬᠡᠷ ᠤᠳ ᠨᠢ ᠲᠡᠵᠢᠭᠡᠯ ᠠᠴᠠ ᠪᠤᠰᠤᠳ ᠶᠠᠭᠤᠮᠠ ᠢᠳᠡᠬᠦ ᠶᠢ | ᠰᠡᠷᠭᠡᠶᠢᠯᠡᠬᠦ ᠬᠡᠷᠡᠭᠲᠡᠢ᠃ ᠲᠡᠵᠢᠭᠡᠯ ᠪᠤᠷᠳᠤᠭᠠ ᠶᠢ ᠨᠢ ᠲᠤᠭᠲᠠᠭᠤᠨ ᠪᠠᠶᠢᠯᠭᠠᠵᠤ ᠬᠡᠨᠡᠳᠲᠡ ᠪᠠᠷ ᠬᠤᠪᠢᠷᠠᠭᠤᠯᠵᠤ | ᠪᠤᠯᠬᠤ ᠦᠭᠡᠢ᠂ ᠢᠳᠡᠪᠦᠷᠢᠲᠡᠢ ᠲᠡᠵᠢᠭᠡᠯ ᠨᠦᠬᠦᠪᠦᠷᠢᠯᠡᠵᠦ ᠦᠭᠬᠦ ᠳᠡᠭᠡᠨ ᠬᠡᠮᠵᠢᠶᠡ ᠶᠢ ᠨᠢ ᠠᠯᠭᠤᠷ ᠢᠶᠠᠷ ᠨᠡᠮᠡᠭᠳᠡᠭᠦᠯᠬᠦ | ᠬᠡᠷᠡᠭᠲᠡᠢ᠂ ᠢᠳᠡᠰᠢᠨ ᠳᠤ ᠰᠢᠨᠤᠬᠤ ᠶᠢ ᠨᠢ ᠰᠡᠷᠭᠡᠶᠢᠯᠡᠪᠡᠯ ᠵᠤᠬᠢᠨᠠ᠃ | ︵ᠢᠷᠡᠯᠲᠡ᠄ ᠴᠧᠨ ᠪᠠᠭᠠᠲᠤᠷ᠂ ᠢ᠊ · ᠰᠤᠶᠤᠯᠲᠤ ᠨᠠᠷ ᠤᠨ ᠨᠠᠶᠢᠷᠠᠭᠤᠯᠤᠭᠰᠠᠨ ︽ᠰᠦᠨ ᠤ ᠦᠨᠢᠶᠡᠨ ᠤ | ᠠᠷᠠᠴᠢᠯᠠᠭᠠ ᠲᠡᠵᠢᠭᠡᠯᠭᠡ ᠶᠢᠨ ᠠᠷᠭᠠ ᠮᠡᠷᠭᠡᠵᠢᠯ︾ ᠭᠡᠬᠦ ᠨᠤᠮ ᠠᠴᠠ ᠰᠤᠩᠭᠤᠨ ᠰᠡᠶᠢᠷᠡᠭᠦᠯᠪᠡ᠃︶ |